حياك الله في زاد المسافر

اسمع عن مطاعم عمو حمزة بس ما قد جربتها لكن سبق وان جربت مطعم دارين على طريق الملك عبدالله

قبل هرفي وهو فرع لمطعم دارين بالدمام . وتقييمي له جيد

هلا أخوي

أنا أفضل دارين إلي على طريق الملك عبدالله

وإن شاء الله الإخوان ما يقصرون

مافي غير اسماك النافوره ولها كذا فرع بس اكلهم رائع ويسوى كل هلله

مالي خبره بالبحري

لكن اسماك النافوره ممتاز

واتذكر فيه بوفيه غداء وعشاء في الويك اند


ودارين كثير يمدحونه

عمو حمزه ما عجبني

لا ازيد على ماذكره الاخوان الاعزاء
وللاسف لايوجد اي بوفيه بالرياض من ضمنه القشريات كالاستاكوزا - اللوبسترLobster او جراد البحر ام الربيانCrayfish

لكن ان كنت تبحث عن القشريات : اللوبستر - الاستاكوزا (ام الربيان او جراد البحر) فعندك دارين على طريق الملك عبدالله تقاطع شارع الامير احمد بن عبدالعزيز
وعندك الربيان الذهبي بين شارع العليا وطريق الملك فهد
وعندك مطعم لي ليمبو تقاطع التحلية مع الضباب مااعجبني طريقة طبخه وناشف شوي

كذلك النافورة للاسماك اللي بطريق الملك عبدالعزيز لديهم بالكيلو لكن مااعجبني طريقة طبخه اكثره فطر وناشف شوي كذلك

افضل طريقة للوبستر او الاستاكوزا طريقة ( الثيرميدور) وهي استاكوزا بالصلصة البيضاء مع الجبن الذائب


وابرع من يسويه مطعم كان موجود بالرياض من 5 سنوات اسمه الدلفين مقابل مطاعم البحصلي على طريق الملك عبدالله لكنه قفل وصار محله شركة تبع الراجحي
وعندك مطعم البانوش في الخبر ومطعم دارين في الرياض والخبر ، واللوبستر ثيرميدور تاكل اصابعك وراه
اضغط الرابط ادناه (تنبيه : لمن لايحب هذه الاكلة البحرية ارجو ان يتجاوز الرابط التالي)

http://lh5.ggpht.com/_gX75DFDH4wg/R7...8/DSC04483.JPG

بالتوفيق اخوي

تعقيب على كلام الأخوان دارين حلو و تلاقي فيه كل اللي تبيه و اسعاره متوسطه

عمو حمزه تعبان ما عدى فرعهم اللي على طريق الملك عبدالعزيز بحي السليمانية او الورود ما أذكر بالضبط و اذا تبي الرايق لا تتعدى مطعم النافورة لكن غالي ،،، و غالي حيل

و لا تنسانا من التقرير اذا رحت لها

معلومات رائعه
يعطيكم العافيه