السلام عليكم ورحمة الله وبركاته
هل يوجد موضوع بخصوص الفيزا البريطانية
ممكن الرابط لاني بحثت بشكل سريع ما وجدت

وإذا لم يوجد ممكن تعطونا فكرة عن الاجراءات والرسوم والمدة

شكرا لكم

هان كل المتطلبات كتبها الاخ المايسترو عضو قروب ابو نواف جزاه الله خير




كيفية استخراج الفيزة البريطانية ... عن طريق الإنترنت ....
معروف أن الفيزه البريطانية من أسهل الفيز الأوربية عشان تستخرجها ...
وخاصة بعـد ما حدثو نظام كيفية الأستخراج ...
اليوم أن شاء الله راح نتطرق بالشرح الوافي والكافي ... عن طريق استخراج الفيزه ...
وبعـون الله بعـد ما تشوف الشرح .. ما راح تحتاج أحد يستخرجها لك ...
وطفري يالمكاتب السياحيه ...

راح يكون الشرح عن طريق الصور ... والصور كثيره .. يعني عندك شي ... افتح الموضوع ورح خلصه وتعال ...

أول شي .. الآن انت تبي تطلع لك فيزة بريطانية ... خلوني اختصر عليك الخطوات ...

1 - تجهز كل أوراقـك ...
2 - تعبي نموذج طلب الفيزة عن طريق الإنترنت ...
3 - تاخذ موعد للذهاب لمقر السفاره وتقديم طلبك .. وبرضو هذا عن طريق الإنترنت ...
4 - بس ...
راح اشرح رقم 1 .. و 2 ... و 3 ... بس

نبدا مع بعض ؟ ...!!!
هياااااااااااااااااااا بنا ...

متطلبات الفيزه

1- تعريف من العمل باللغة الانجليزية .. ( يكون فيه اسمك .. ومسمى وظيفتك .. وراتبك ... )
2 - كشف حساب من البنك باللغة الانجليزية لاتقل عن ثلاث شهور .. ( اذا تقدر تشوف حسابك عن طريق الانترنت .. ممكن تطبعه وتعطيه البنك بس يختمه )
3 - صورتين وتكون الخلفيه بيضاء .. شوف معاي الصور الغير صحيحه .. والصوره الصحيحه ...

والصحيح

4 - تصوير للجواز القديم عشان يعرفون انك سافرت اوروبا قبل كذا او لا ...
5 - تذكرة السفر .. أو صوره منها ..
6 - حجز الفندق ...

هذا اللي اذكره الآن .. ان شاء الله ما نسيت شي ...
كيفية تعبئة النموذج
اول شي ... تدخل موقع التقديم ...


واتبع التالي : .....





















































طيب الأن قدمت على الفيزا .. وصارت بين يدينك بعـد ما طبعـتها ...
ايش المرحـلة التاليه ؟ ...
هي أخذ موعد .. عشان تودي كل أوراقك كاااااااملة لمقر استخراج الفيزه ...
طريقة أخذ الموعد
اول شي ... تدخل هالموقع ...
عن طريق هالموقع ... راح تحجز لك موعد .. عشان أول ما تروح هناك .. يخلصون كل أمورك بسرررعه ..

بيطلع قدامك الموقع ... مثل كيذا ....

















حلووووووووو حلو
الآن أنت خلصت تقريبا ... في الأول عبيت الفيزه عن طريق الأنترنت ....
وفي الخطوه الثانيه أخذت موعد ... عشان تاخذ كل أوراقك .. وتروح لهم ...

ملاحظات عامه
روح هنا

تلاقي القائمة اللي على اليسار ... Applying for a Visa ... اضغط عليها ..
راح يطلع قدامك ....

تلاحظ الفروع اللي ممكن تقدم فيها أوراقك ...
الرياض ... جده ... الدمام ...
وقدام كل مدينة .... الايميل والتلفون ... لو حابب تستفسر عن شغله معينه ...

تنزل شوي تحت .. تشوف ..


هنا الأوقات اللي يكون فيها مقر استخراج الفيزه مغـلق ...

طيب الآن تبي تعرف وين تودي أوراقك ؟ ...
اللي اقصده الوصف ...

أماكن تقديم الأوراق
اذا كنت من الرياض ... شوف ...


اذا كنت من جـده ...


اذا كنت من الشرقيهـ ...


الحين خلاص .. ما عليك ألا انك تروح وتقدم كل أوراقك ....
اذا كل أوراقك كامله وسليمه .. يطلبون منك عمل بصمه لأصابعـك ...
يعـني ( يلزم ذهاب كل اللي مسجل اسمهم في طلب الفيزا )
فيه مسار للـ V I P ... تدفع مبلغ معـين ... ويخلصون أمورك بسرعه ... يعـني وأنت واقف ...

الشرح ليس حصري ....
تبي تنقله لأي مكان .. بالعكس .. هذا يسعدني ... أنقله عادي .. عشان أكثر شريحه ممكن تستفيد منه ..

بس رجاء ... لا تغـير في الصور ... خليها مثل ما هي ...
والشي الآخر والأهم ...
لا تنساني من صالح دعواتكـ ...

شكرا جارمن
أبيخ شيء في هذه التأشيرات
اشتراطهم التذكرة والفندق قبلا
يعني لو بعد ما حجزت واشتريت قالوا لا ..
مين يعوضني الخسائر ؟
بارك الله فيك جارمن

بامكانك حجز الفندق عن طريق المواقع الموثوقة مثل بوكينق والانتباه الى امكانية الغاء الحجز

وبعد استخراج الفيزة الغاء الحجز .

اما التذكرة فما فيه حل الا قطع تذكرة وبعدها الغائها والسؤال قبل قطعها كم ستكون قيمة الحسم

بعض التذاكر 150 ريال وبعضها يصل الى 250 .

ورحلة موفقة ان شاء الله

السلام عليكم و رحمة الله و بركاته
أود شكر أخي العزيز أبو عبد العزيز على هذا المجهود ،
كما أرجو منه الرد على سؤالي :
هل تختلف متطلبات الفيزا لمن كان عمره دون 18 سنة عن غيرهم ، وما هي الأوراق الإضافية التي عليه إحضارها ؟؟ أهو خطاب بموافقة الوالدين مثلاً ,, و ما صيغة هذا الخطاب ...
و شكراً جزيلاً

اتمنى الاعضاء يفيدونك ما عندي خبرة بالموضوع ...

استفدت من الموضوع كثير
شكرااااااااا

ممكن اعرف كم المبلغ الي يندفع بليز