(V-Class) قيود جديدة على تذاكر الأسعار المخفضة في الخطوط السعودية

أبوراشد · 25 / 11 / 2009, 04 : 08 PM

السلام عليكم ورحمة الله وبركاته

مساكم الله بالخير
دخلت على موقع الخطوط السعودية فلقيت حاطين خبر تنبيهي عن تذاكر ال ( v ) المخفضة

للأهمية: لا يمكن إلغاء أو تعديل

أو استرجاع أي تذكرة تم

اصدارها على الدرجة (V)

ويجب السفر على الرحلات التي

تم الحجز عليها.

أبوعبدالعزيز · 25 / 11 / 2009, 09 : 08 PM

افا وش هالقيد اللي ماله داعي . الا يكدرون على عملائهم

د.مسافر · 08 / 12 / 2009, 31 : 05 PM

اي نعم اخوي الخبر صحيح انا اتصلت على الحجز المركزي علشان احجز وقالي نفس الشروط وقلت له مافيه من هنه و لاهنه ابيع التذاكر ولا اي شي قالي مافيه مجال الحين الاداره العامه متشددين في هالموضوع جدا الله يكون في العون انا و الله محتار باقي على سفري 7 شهور و ودي احجز من الآن علشان التخفيض بس الواحد مايضمن عمره وظروفه

تحياتي للجميع

أبوعبدالعزيز · 08 / 12 / 2009, 17 : 07 PM

تساؤل

كم الفرق بينها وبين الدرجة اللي اعلى منها اتوقع تكون خيار افضل بدل التورط بالــv class

اليتيمه · 25 / 02 / 2010, 06 : 05 PM

احجز بس لاتقص التذاكر الا قبل شهر من موعد السفركذا تضمن انك رتبت امورك

ناصر كويتي · 25 / 02 / 2010, 39 : 09 PM

جزاك الله خير بو راشد التذاكر المخفضه هذا قانونها ويجب عليك الدفع مقدما وتروح عليك اذا غيرت

هذي العاده طال عمرك ومن هذا المنطلق اصبحت مخفضه

أبوعبدالعزيز · 25 / 02 / 2010, 12 : 10 PM

اقتباس:

المشاركة الأصلية كتبت بواسطة اليتيمه عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

احجز بس لاتقص التذاكر الا قبل شهر من موعد السفركذا تضمن انك رتبت امورك

رأي حلو

عبدالعزيز عمر · 09 / 03 / 2010, 01 : 12 PM

الشكوى لله يابوراشد

ابو العصافير · 10 / 03 / 2010, 15 : 09 AM

سفرتي الأخيرة كانت على هذه الفئة
وبالفعل كانت مغامرة مني أن اشتريتها , لأن الفرق كان 750ريال بينها وبين الفئة اللي أعلى منها ( q class)
لدرجة ان مكتب الخطوط ختم على التذكرة بالختم الأحمر عبارة (لاتستبدل ولا تسترجع ولا تتغير)
ولكن الله سلم رحت ورجعت في نفس الموعد
تحيتي

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق