فنادق فنـــدق هوليدي إن البرشــا بالقرب من مول الامارات - شبكة ومنتديات زاد المسافر
     
شركة اهلا تور للسياحة والسفر  الراعي الرسمي لبوابة دولة الامارات  فيزا اكسبرس لخدمات استخراج الفيزا  شركة ساوث مهرة للسفر والسياحة  شركة المحيط ماليزيا  شركة ساميلي للسياحة

  

إضافة رد
 
17 / 04 / 2011, 51 : 07 PM
  رقم المشاركة : 1



الملف الشخصي
تاريخ التسجيل : 27 / 07 / 2009
رقم العضوية : 9969
الإقامة : الكويت
المشاركات : 312
التقارير : 1
الجنس : أنثى
الحالة : زهور الربيع غير متواجد حالياً

فنـــدق هوليدي إن البرشــا بالقرب من مول الامارات

السلام عليكم ورحمة الله وبركاته

سافرت الى حبيبتي اللي ما استغنى عنها دبي ...
وكل مره اسكن في فندق
هالمره اخترت منطقة البرشا
وسكنت في فندق هوليدي ان البرشا ...
من تاريخ 10 الى 15 ...ابريل 2011

بقولكم عن انطباعي عن الفندق وكل شي حواليه وان شاء الله اقدر اقدم شي بسيط عن هالفندق


اول شي الموقع

الفندق قريب جدا من مول الامارات
يعني تروحون له مشي من جدام الفندق 5 دقايق او تلفون من ورا الفندق وتمشون ليه مول الامارات هم يوديكم ما ياخذ خمس دقايق مشي والطريق امن والناس وايد تمشي له خاصه اللي ساكنين في الفنادق والشقق الفندقيه القريبه من الهوليدي ان
على فكره التاكسي ما يرضي يتنرفز واثنين منهم قاموا يتحلطمون اذا بتروحون حق المول يقول ( هازا مول واجد قريب ليش يبي تكسي ) لانهم يبون مشاوير طويله عشان التحويشه اكثر

المهم .....



بجانب فندق هوليدي ان البرشا .. الكثير من الشقق الفندقيه والفنادق ومنطقه فيها خدامات وايد
مثل البقالات والسوبرماركت يمكن 3 سوبر ماركت ومطاعم وحتى صالون حلاقه للرجال وصالونات نسائيه

فيه خلف فندق الهوليدي ان البرشا .. صالون لعمل المساج والابر الصينيه معلق امام المحل كرات حمرا انا على بالي مطعم صيني وانا رايحه المول مشي من خلف الفندق شفته ان صالون مساج وعلاج بالابر الصينيه

فيه مطعمين حلويات البابا .. وفراس وهذول المطعمين حلويات شرقيه عندهم خوش كنافه جربوا النااااعمه تهبل عند فراس

وفيه مطعم اسمه الشاليه خلف الفندق اكله هندي عربي صيني يعني متنوع اكله حلو .. وقعدته على الشارع والقعده نظيفه وزينه 3 دقايق مشي قريب من الفندق واااايد
ويمهم مطعم بيتزا
التمشيه حوالي الفندق حلوه بالليل

بجانب الفندق محطة مترو مول الامارات .. ومحطة شرف دي جي ...
والمترو سهل استخدامه وارخص من التكسي خاصه اذا رايحيين( ديره ستي سنتر ) لان شويه بعيد عن البرشا اخذوا البطاقه الذهبيه افضل من العاديه والمترو وناااااااسه ومريح وشغل منظم

سألت راعي التكسي عن اسم شرف دي جي وهو اسم محطة المترو القريبه من المول يقول هذا اسم محل الكترونيات كبير مقابل المحطه على الطريق الثاني ولذلك سمو اسم المحطه شرف دي جي على اسم المعرض المشهور هذا في دبي


الفندق المطاعم اللي فيه


مطعم ايطالي
مطعم هندي
مطعم لبناني اسمه سراب
وفيه كافيه ايس كريم او فروزن يوقرت على ما اعتقد مع سندويشات خفايف
وفيه كافيهات عدد 2

لا يسمح الفندق بدخول المطاعم من الخارج يعني تتصلون على كنتاكي مثلا ما يخلونه يدخل ممنوع

تقدرون تطلبون من الفندق نفسه فيه اكل في الغرف يوصلون لكم

السطح فيه كافيه يهبل تنزلون درجين عن المسبح ويقدم شيشه ويطل على برج العرب اللي يسكن هالفندق لا ينسي يمر الدور الاخير ويشوف القعده على السطح روووعه بس انا ما قعدت ما احب ريحة الشيشه

البوفيه في الدور الاول بوفيه الريوق


الفندق الخدمات
الاشياء الزينه

الشيك ان والشيك اوت سريع جداااااااااااااااااااااااااا

خدمة التوصيل الى المطار .. وتاكسي لكزس متوفر اذا ما تبون الاصفر العادي

الموظفين حبوبين اغلبهم هنود وافارقه

تنظيف الغرف مرتين في اليوم بدون لا تطلبون هم ينظفون لكم الغرف مرتين

طاولة الكي مع الاوتي تطلبونها ويجيبونها لكم الغرفه

ما فيه مشروبات كحوليه في الغرف

التكييف بارد رووعه

جريده كل يوم ..


الاشياء اللي ما عجبتني في الفندق

الثلاجه خربانه :105:

ما فيه خدمة انترنت في الغرف

الجيم مختلط نسائي رجالي

البورتريه عمال النظافه في الفندق يطقون الباب وايد يعني علقوا ممنوع الازعاج بره يا اما مضيعين الغرف يا اما يبون ينظفون ولا يسألونكم تبون شي !!!

الماي ضعيف .. ماي الشاور والمغسله تصريف الماء ضعيف

فيه محطات في التلفزيون ما تشتغل رقم انها موجوده في الكارت مال التلفزيون تصورا حتى قناة سما دبي ما تشتغل

ما ادري هل هذه بالغرفه اللي انا سكنت فيها لاني سكنت في غرفه بو سريرين منفردين
الغرفه نوعا ما صغيره



,,,,

عموما هذا فندق الهوليدي ان البرشا



في دبي الحلوه والرائعه والمميزه

الجو كان روعه وفيه مطر وغيم والشمس مو قويه والرطوبه ما فيه مثل كل مره ما عدا يوم الاحد بالليل هب علينا شويه غبااار بس الصبح سبحان الله طق مطر وطاح كله

كنت ابي اصور بس كانوا الناس وايد خاصه السعوديين في هالفتره في دبي بكثره مو طبيعيه مادري عندهم اجازه ؟؟؟


المهم راح اتعلم شوي شوي اسوي لكم تقارير مصوره بدل الكتابيه بالمره اليايه
لان لي زياره ثانيه لحبيبتي دبي .......


صورة للفندق من تصوير رحال اماراتى
مشرف البوابة







موقع ورابط الفندق لمعرفة الاسعار
http://www.hialbarshadubai.com/
هذى الصور من موقع الفندق للايضاح فقط

الاستقبال



اللوبي



انواع الغرف











ومع السلااااااااامه
باااااااااااااااااي

17 / 04 / 2011, 47 : 08 PM
  رقم المشاركة : 2



الملف الشخصي
تاريخ التسجيل : 24 / 06 / 2007
رقم العضوية : 30
الإقامة : طيبة الطيبة
المشاركات : 17,619
التقارير : 44
الجنس : ذكر
الحالة : Abu sultan متواجد حالياً

رد: فنـــدق هوليدي إن البرشــــا

معلومات كافية وشافية عن الفندق وإيجابياته وسلبياته
وإن شاء الله المرة القادمة نبي تقارير مصورة
يحفظك الرحمن ..

اجعل قلبك أبيض تعِش أسعد الناس
17 / 04 / 2011, 33 : 09 PM
  رقم المشاركة : 3



الملف الشخصي
تاريخ التسجيل : 06 / 12 / 2009
رقم العضوية : 11072
الإقامة : دبــــي
المشاركات : 7,367
التقارير : 5
الجنس : ذكر
الحالة : * ابوعمر * غير متواجد حالياً

رد: فنـــدق هوليدي إن البرشــــا

الاخت الكريمة زهور
بارك الله فيج والحمد لله على السلامة
واسمحى لي انا ظفت بعض الصور على التقرير
بنا على طلب الاخ بوسلطان
وحتى توضح الصور للمشاهد
ارجو السموحة
تقبلي تحياتى

17 / 04 / 2011, 45 : 09 PM
  رقم المشاركة : 4



الملف الشخصي
تاريخ التسجيل : 02 / 05 / 2010
رقم العضوية : 13346
الإقامة : قطر
المشاركات : 449
الحالة : غرامي سفر غير متواجد حالياً

رد: فنـــدق هوليدي إن البرشــا بالقرب من مول الامارات

كفييتي ووفيتي اختي

والحمدلله على السلامه

17 / 04 / 2011, 00 : 11 PM
  رقم المشاركة : 5



الملف الشخصي
تاريخ التسجيل : 23 / 06 / 2007
رقم العضوية : 13
الإقامة : زاد المسافر
المشاركات : 9,446
التقارير : 7
الجنس : ذكر
الحالة : KABAYAN غير متواجد حالياً

رد: فنـــدق هوليدي إن البرشــا بالقرب من مول الامارات

ربي يوفقك اختي على هالشرح الوافي و عرض تجربتك


واشكر اخي رحال على الاضافة

17 / 04 / 2011, 32 : 11 PM
  رقم المشاركة : 6



الملف الشخصي
تاريخ التسجيل : 24 / 06 / 2007
رقم العضوية : 44
الإقامة : زاد المسافر
المشاركات : 56,677
التقارير : 6
الجنس : ذكر
الحالة : أبوعبدالعزيز غير متواجد حالياً

رد: فنـــدق هوليدي إن البرشــا بالقرب من مول الامارات

الله يعطيك الف عافية على وضع تجربتك مع الفندق واشوف ان سلبياته أكثر من ايجابياته خصوصا منع الاكل مالهم

حق فيها كل شي نتنازل عنه الا الاكل :3:

18 / 04 / 2011, 17 : 12 AM
  رقم المشاركة : 7



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 47,310
التقارير : 6
الجنس : ذكر
الحالة : ناصر كويتي غير متواجد حالياً

رد: فنـــدق هوليدي إن البرشــا بالقرب من مول الامارات

الحمدلله على السلامه اختي

فندق جميل والمنطقه اللي فيهارائعه وهاديه جدا

لو خبرتيني تبين تروحين ارشح لج شقق الخوري وهي تقريبا مقابل الهوليدي ان وشقق رائعه وعائليه واهم شي تدخل لكم الاكل


مره ثانيه نبيج تصورين لنا غرفتكم

الله يجزاج الخير ويبارك فيج

المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
18 / 04 / 2011, 18 : 10 AM
  رقم المشاركة : 8



الملف الشخصي
تاريخ التسجيل : 27 / 07 / 2009
رقم العضوية : 9969
الإقامة : الكويت
المشاركات : 312
التقارير : 1
الجنس : أنثى
الحالة : زهور الربيع غير متواجد حالياً

رد: فنـــدق هوليدي إن البرشــــا

اقتباس: المشاركة الأصلية كتبت بواسطة abu sultan مشاهدة المشاركة
معلومات كافية وشافية عن الفندق وإيجابياته وسلبياته
وإن شاء الله المرة القادمة نبي تقارير مصورة
يحفظك الرحمن ..

يا هلاااا بوسلطان

ان شاء الله المره اليايه بصور بس مشكلتي في الكاميرا مالتي مو شي بس المره اليايه اوعدكم اكيد بصور

وراح ابتدي بعمل تقارير من داخل الكويت كا تجربه .... وثانيا تصوير بره الكويت

18 / 04 / 2011, 22 : 10 AM
  رقم المشاركة : 9



الملف الشخصي
تاريخ التسجيل : 27 / 07 / 2009
رقم العضوية : 9969
الإقامة : الكويت
المشاركات : 312
التقارير : 1
الجنس : أنثى
الحالة : زهور الربيع غير متواجد حالياً

رد: فنـــدق هوليدي إن البرشــــا

اقتباس: المشاركة الأصلية كتبت بواسطة رحال اماراتى مشاهدة المشاركة
الاخت الكريمة زهور
بارك الله فيج والحمد لله على السلامة
واسمحى لي انا ظفت بعض الصور على التقرير
بنا على طلب الاخ بوسلطان
وحتى توضح الصور للمشاهد
ارجو السموحة
تقبلي تحياتى

هااااااي رحال والله ما قصرت بالعكس صار الموضوع احلى

ومجهود تشكر عليه

صح الصور ابلغ من الكلام لانه توضح كل شي ...

وشاكره لك المعلومات اللي عطيتني اياها قبل لا اسافر والله يهنيكم في بلدكم الامارات

وان شاء الله للافضل والاحسن دائما ...

تحياتي لك

18 / 04 / 2011, 23 : 10 AM
  رقم المشاركة : 10



الملف الشخصي
تاريخ التسجيل : 27 / 07 / 2009
رقم العضوية : 9969
الإقامة : الكويت
المشاركات : 312
التقارير : 1
الجنس : أنثى
الحالة : زهور الربيع غير متواجد حالياً

رد: فنـــدق هوليدي إن البرشــا بالقرب من مول الامارات

اقتباس: المشاركة الأصلية كتبت بواسطة غرامي سفر مشاهدة المشاركة
كفييتي ووفيتي اختي



والحمدلله على السلامه


الله يسلمك يا غرامي ...

مشكور على مرورك .. تشرفنا بردك الكريم

إضافة رد

أدوات الموضوع

المواضيع المتشابهه
الموضوع كاتب الموضوع المنتدى الردود آخر مشاركة
شكرا لكم ياشعب الامارات وياحكومة الامارات أبن السعودية واحـــــــة الــــزاد الـــعــــامة 4 28 / 09 / 2014 13 : 10 PM
[فنادق] أفضل فنـــدق في شنغهاي مطر المنصوري بوابة الاستفسارات عن الصين 0 05 / 11 / 2013 57 : 06 AM
[ شـقـق ] عرض مميز لفندق غلوريا للشقق الفندقية بالقرب من مول الامارات عرب لينك - دبي احجز لدولة الإمارات مع شركة عرب لينك ( مُعلن استثماري ) 6 19 / 06 / 2012 21 : 02 PM
هوليدي ان lion2000 بوابة السـكن في شانق ماي 1 29 / 04 / 2012 47 : 09 AM
[ استفسار ] فندق هوليدي ان البرشا ومول الامارات سؤااااااااال بليز زهور الربيع بــوابـة الاسـتفـسـارات الـعـامـة عـن دولــة الامـارات 2 20 / 03 / 2011 13 : 08 PM


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .