تقرير مصور لرحلتي الى بلغاريا ، مدينه فارنا - شبكة ومنتديات زاد المسافر
     
شركة اهلا تور للسياحة والسفر  الراعي الرسمي لبوابة دولة الامارات
فيزا اكسبرس لخدمات استخراج الفيزا  شركة ساوث مهرة للسفر والسياحة
شركة المحيط ماليزيا  شركة فالكون للسياحة

  

إضافة رد
 
29 / 05 / 2012, 21 : 01 PM
  رقم المشاركة : 1



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

كوول تقرير مصور لرحلتي الى بلغاريا ، مدينه فارنا

السلاااااااااام عليييييهوووووووووووووووووووووم
::
بالبدايه راح اتكلم عن التخطيط للرحله ، و الحجوزات و الفنادق ، بعدها الصور المناطق و الرحلات بفارنا
::
طبعا حبيت احط لكم صور و معلومات عن بلغاريا و خصوصا مدينه فارنا اللي رحتلها بصيف سنه ٢٠١١ ، طبعا كنا شخصين ، انه صاحبي ، طبعا بالبدايه كنا محتارين وين نروح ، كل يوم نقول ديره ، لمن اخر شي ولد خالتي نصحني بفارنا ، و قالي انها منطقه سياحيه و على البحر و اكيد راح تعجبك ، طبعا كالعاده دشيت النت و شفت و سالت و دشيت منتديات و شفت تقارير الاعضاء ، يازتلي الديره بصراحه ، قلت حق صاحبي عنها ، قالي يالله ، شورك و هدايه الله .
طبعا في شركه سفريات بالكويت معروفه بتنظيم رحلاتها حق بلغاريا ، اسمها (سفريات الدبوس) ، و اعم مختصين بالسفر حق بلغاريا ، رحت على يوم عشان اسال عن الطيران و السكن ، قبل لا ادش المحل و قريت حاطين اعلان ( سافر الى فارنا لمده اسبوع ب ـ ٢٧٥ ـ دينار) ، انه قلت حلو ، سعرهم حلو و رخيص ، المهم دشيت المحل ولا في اثنين ، واحد مصري اسمه احمد و واحد بلغاري (مادري شسمه) ، المهم سالته عن الفندق ، قال اذا تبي تروح نفس الباكيج اللي بالاعلان ، السكن بفندق ٣ نجوم ، شفت الفندق بصراحه ما يازلي ، قلتله شنو في خيارات ثانيه ، قال احنا نتعامل مع ٣ فنادق ، واحد ٣ نجوم و واحد ٤ نجوم و واحد ٥ نجوم .
و هذي اسعار كل فندق مه تذكره الطيران لمده اسبوع :
التذكره + فندق ٣ نجوم = ٢٧٥ دينار
التذكره + فندق ٤ نجوم = ٣٨٠ دينار
التذكره + فندق ٥ نجوم = ٤٥٠ دينار
::
طبعا بعد ما شفت الفنادق و اماكنهم و مميزاتهم ، حجزت انه و صاحبي فندق ٥ نجوم اسمه (ادميرال) ، لان كان عالبحر على طول و بنص مدينه فارنا ، المهم خذا اسامينا و قال يبي صوره الجواز عشان يطلع الفيزا و مبلغ ٣٠ دينار سعر استخراج الفيزا ، و اجراءات الفيزا ما تطول ، ٣ ايام و طلعت الفيزا طبعا ، تذكره السفر كانت على الطيران البلغاري .
حاولنا نخلي سفرتنا ٤ ايام بفارنا و ٣ ايان بصني بيتش ، بس ما صار ، لان اقل شي اسبوع عشان يتاكد حجز الفندق :4: ، قلنا مو مشكله لان فارنا ما تبعد عن صني بيتش الا ساعه و نص بالسياره ، فكل يوم نقدر نروحلها ، المهم حجزنا التذكره و كانت الروحله تاريخ ١٥-٧-٢٠١١ و العوده تاريخ ٢١-٧-٢٠١١ .
و حق اللي يبي يسال او يحجز ، هذا رقم المكتب :
٢٢٤١٦٤٦٧ ، ٢٢٤١٦٤٧٤ ، ٢٢٤٥٧٦٠٦
بريدهم الالكتروني :
kmmh@hoymail.com
::
و كان هذا القسم الاول من التقرير ، و انتظرومي بباجي التقرير و انشالله تستمتعون و تستفيدون
و دمتم بود


29 / 05 / 2012, 51 : 01 PM
  رقم المشاركة : 2



الملف الشخصي
تاريخ التسجيل : 24 / 06 / 2007
رقم العضوية : 44
الإقامة : زاد المسافر
المشاركات : 56,693
التقارير : 6
الجنس : ذكر
الحالة : أبوعبدالعزيز غير متواجد حالياً

رد: تقرير مصور لرحلتي الى بلغاريا ، مدينه فارنا

الله يعطيك العافية ونترقب الصور والمعلومات

31 / 05 / 2012, 45 : 05 PM
  رقم المشاركة : 3



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

رد: تقرير مصور لرحلتي الى بلغاريا ، مدينه فارنا

اقتباس: المشاركة الأصلية كتبت بواسطة أبوعبدالعزيز مشاهدة المشاركة
الله يعطيك العافية ونترقب الصور والمعلومات
السلام عليكم
يعطيك العافيه على المتابعه
و انشالله التقرير يعجبك

31 / 05 / 2012, 38 : 06 PM
  رقم المشاركة : 4



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

رد: تقرير مصور لرحلتي الى بلغاريا ، مدينه فارنا

السلاااااااااام علييييهووووووووووووووووووووم
::
يعطيكم العافيه على المتابعه
::
ندش على طول بالموضوع ، عشان لا اطول عليكم
::
يا يوم السفره ، كانت الرحله الساعه ١٢،٥ الفجر بتوقيت الكويت على الخطوط البلغاريه ، طبعا نصيحه ، اذا احد بيروح على نفس الرحله و نفس المكتب ، يروح مبجر المطار لان راح يكون زححححمه :4: ، المهم بعد ما خلصنا اجراءات المطار و حطينا جناطنا و اخذنا البوردينق ، قعدنا شوي علي ما ايي وقت الطياره ، الحمدلله الطياره ما تآخرت ، الساعه ١٢،٥ بالوقت طرنا ، مده الرحله كانت ٣ ساعات و نص لي مطار فارنا ، وصلنا المطار اللي كان بسيط و صغير ، و اجراءات المطار ما طولت ، كل شي بسرعه صار ، و بعد ما اخذنا جناطنا و طلعنا من البوابه كان في ٣ اشخاص تابعين المكتب ناطرينا يرحبون فينا ، نطرنا شوي على ما كلنا نتجمع لان كان في باص راح يوصلنا لي الفندق ، و وقت الوصول كان الفجر بتوقيت فارنا ، يعني اول ما طلعنا من المطار الدنيا ظلمه ، بس و احنا رايحين الفندق طلعت الشمس ، المهم الطريج من المطار لي الفندق تقريبا ٤٠ دقيقه ، و ما راح تمل من الطريج ، لان كل جبال و مناظر طبيعيه حلوه ، طبعا كل الفنادق اللي يقدمها (شركه الدبوس) تكون بمنتجع
(golden sands) (الرمال الذهبيه) و هذا طبعا منتجع كبييييير في اكثر من ٣٠ فندق و اغلبهم على البحر ، و هالمنتجع ما يفتح الا ٣ اشهر بالسنه ، و باجي السنه يكون مصكر و مافي احد فيه لان كل ثلوج مغطيه المكان ، و مثل ما انتو عارفين بلغاريا دوله مافيا :4: ، فكنا خايفين من هالشي ، بس لا تخافون ، المنتجع فيه حمايه كبيره و مو اي احد يدشه ، و كل مكان راح تلاقي شرطه ، يعني الوضع امااااان ، و الشعب البلغاري ياخذ و يعطي وياك ، يعني مو ناشفين ، بس مشكلتهم ما يعرفون انجليزي الا نادرا :114: ، المهم ادري طولت شوي ، بس حبيت اطمنكم على الامن هناك ، طبعا وصلنا الفندق و مندوبين المكتب السياحي ويانا و اهم سوولنا جيك ان و عطونا مفتاح غرفتنا ، موقع الفندق حييييل حلو ، بمركز المنتجع و كل شي حوالينك و هذي صوره للفندق

::
و هذي صوره من زاويه ثانيه

::
و هني نشوف الفندق من على البحر


::
طبعا هذا الشاطيء مال الفندق ، كل تلقا ناس يبيعون فواكه و عصاير ، و ناس يعرضون عليكم بعض المنتجات الرخيصه ، اقلام و كتب و مجلات و سوارات ، و كل جم متر تلقا محلات مساج
المهم صعدنا الغرفه ، و شفناها ، و كانت اطلالتها عالبحر ، و هذا منظر الغرفه

::
بعد ما حطينا اغراضنا و جناطنا و لويتنا ، قلنا خل نروح ننزل البحر ، نشوفه و نتفحص المنطقه حوالينا و نشتري شويه اغراض ، ماي ، حلاو ، بفك ، بسكوت
هذي صوره للبحر و زحمته

::
طبعا بعد ما ردينا الفندق ، قلنا خل نفتر بالفندق نشوف شنو فيه و شنو ما فيه و و كنا ناطرين الساعه ١٠ الصبح تصير عشان المندوب مال المكتب يايلنا و بيعطينا جدول رحلات و اسعار و افضل اماكن الصرف ، المهم ، قلنا خل نفتر بالفندق على ما يوصل المندوب
و طبعا شفنا طاولات بريالدو و في ٣ كوفي شوبات بالفندق و حمام سباحه كبير
هني بو صلوح طايحله بريالدو بالفندق

::
و قلت دام ما وصل المندوب، خل اطلع اصور المنطقه حوالين الفندق ، طلعت وياي هالصوره

::
المهم وصل المندوب
و قالنا بخصوص الصرف و حطو باااالكم تصرفون بالمحلات الصرافه الصغيره بالشوراع (كل ما تمشي راح تلقا كشك صرافه ، وااايد في) يقول ان هذيل في منهم نصابين ، يعطونك الفلوس و يحطولك جم ورقه فلوس مزوره بينهم ، قال روحو اي بنك او بالفندق ، صج شوي اغلا ، بس اامن لكم ، و صج الفرق مو واير كبير (فندق ادميرال في بنك و في صرافه بالفندق)
و بعدها قام يقولنا شنو في رحلات نقدر نروحلها بفارنا و راح اذكرلكم الرحلات و شويه معلومات عنها و الاسعار
ـ رحله الريف البغاري الفلكلوري ، يوم كامل ، سعر الرحله ٣٥ يورو (رحله لتعرف عادات و تقاليد بلغاريا و حياه اهل القرى البلغاريه ، و تذوق و تشتري العسل البلغاري الشهير و تروح نهر كامشيا و تركب القارب بالنهر)
ـ رحله جزيره نيسيبر الاثريه ، يوم كامل ، سعر الرحله ٣٥ يورو (رؤيه المناطق الخلابه بالجزيره ، ، زياره المناطق الاثريه فيها ، و شراء الهدايا التذكاريه ، و القيام بنزهه باليخت حول الجزيره)
ـ رحله حفله عشاء وسط الغابه ، نصف يوم ، سعر الرحله ٣٠ يورو ( الذهاب للغابه و رؤيه عروض رقص الباليه ، رقص فلكلوري، رقص على الجمر ، و تناول عشان مميز وسط الغابه)
ـ رحله السفاري ، نصف يوم ، سعر الرحله ٣٥ يورو (ركوب الجيب الروسي المكشوف ، و القيام برحله وسط الغابه ، ثم تناول الغداء باحدى القرى بجانب الغابه)
طبعا شويه رحلات اللي اكر معلومات عنها ، و في رحلات وااايد مثل الغوص و رحله حداق و الشوي على اليخت وووو الخ .
::
المهم بعد ما عطانا احمد (اسم المندوب) كل المعلومات اللي نحتاجها ، و توكل على الله ، قلنا يالله ، قل نروح البحر نتسبح و نتشمس ، رحلنا الغرفه لبسنا لبس السباحه و نزلنا البحر
و هني الصوره عالبحر قبل لا نتسبح ، الناظره كنت تووني شاريها من وحده تبيع نظارات عالبحر ، لان نسيت نظارتي بالفندق

::
و بعد ما خلصنا سباحه قلنا يالله ، دور حمام السباحه ، و قبل لا نروح حمام السباحه ، رحنا شرينا مظارب (يعني لاعبين) حق حمام السباحه
::

::
و بجذي نكون خلصنا شغل اليوم الاول بفارنا ، نلقاكم بالقسم الثاني من التقرير ، و شنو في شغلات ثانيه تسوونها و وين تروحون و وين تردون
و دمتم بود

01 / 06 / 2012, 03 : 07 PM
  رقم المشاركة : 5
مشرف زاد المسافر الى أستراليا ونيوزلاندا



الملف الشخصي
تاريخ التسجيل : 06 / 04 / 2008
رقم العضوية : 1318
الإقامة : جـ أم الشدةـدة
المشاركات : 6,662
التقارير : 13
الجنس : ذكر
الحالة : BUSHARAF غير متواجد حالياً

رد: تقرير مصور لرحلتي الى بلغاريا ، مدينه فارنا

وجهة سياحية جديدة نتعرف عليها من خلال تقريرك ،،، ننتظر الرحلات التي قمتم بها لأن البحر وحده لا يكفي لجذب السياح.

تابع

24 / 06 / 2012, 39 : 03 AM
  رقم المشاركة : 6



الملف الشخصي
تاريخ التسجيل : 20 / 09 / 2008
رقم العضوية : 3901
الإقامة : السعودية
المشاركات : 21
الحالة : اماني1 غير متواجد حالياً

رد: تقرير مصور لرحلتي الى بلغاريا ، مدينه فارنا

وين رحت متشوقين لباقي تقريرك الممتع لهالديرة الجديدة

24 / 06 / 2012, 50 : 05 AM
  رقم المشاركة : 7



الملف الشخصي
تاريخ التسجيل : 16 / 03 / 2012
رقم العضوية : 36503
الإقامة : Riyadh
المشاركات : 128
الجنس : أنثى
الحالة : بنت كلآس ' غير متواجد حالياً

رد: تقرير مصور لرحلتي الى بلغاريا ، مدينه فارنا

تقرير يشد.. بانتظظارك

24 / 06 / 2012, 26 : 08 AM
  رقم المشاركة : 8



الملف الشخصي
تاريخ التسجيل : 24 / 06 / 2007
رقم العضوية : 30
الإقامة : طيبة الطيبة
المشاركات : 17,744
التقارير : 47
الجنس : ذكر
الحالة : Abu sultan متواجد حالياً

رد: تقرير مصور لرحلتي الى بلغاريا ، مدينه فارنا

جميل وضعك للأسعار لكي تتم المقارنة .. بلغاريا تقاريرها قليلة ومحدودة في المنتديات وتقريرك يمثل إضافة لهذه الدولة ومتابعين معاك للنهاية..

اقتباس:
طبعا في شركه سفريات بالكويت معروفه بتنظيم رحلاتها حق بلغاريا ، اسمها (سفريات الدبوس) ،
هل هم نفس وكلاء سيارات مرسديس بالكويت؟ .. لأن عندنا وكيل في السعودية أخذ وكالة سيارات (سانغ يونغ) الكورية إسمه الدبوس ..

اجعل قلبك أبيض تعِش أسعد الناس
25 / 06 / 2012, 54 : 12 AM
  رقم المشاركة : 9



الملف الشخصي
تاريخ التسجيل : 13 / 06 / 2012
رقم العضوية : 40065
الإقامة : ??????
المشاركات : 3
الجنس : أنثى
الحالة : aswaqy غير متواجد حالياً

رد: تقرير مصور لرحلتي الى بلغاريا ، مدينه فارنا

وجهة سياحية جديدة نتعرف عليها من خلال تقريرك ،،، ننتظر الرحلات التي قمتم بها لأن البحر وحده لا يكفي لجذب السياح.
تابع

نشر 100 اعلان في 100 منتدى بـ 500 ريال ||نشر 50 اعلان في 50 منتدى 400 ريال ||25 اعلان في 25 منتدى 250 ريال //واتس اب 0505678580 تويتر @tw2u
15 / 07 / 2012, 41 : 04 PM
  رقم المشاركة : 10



الملف الشخصي
تاريخ التسجيل : 10 / 08 / 2011
رقم العضوية : 30183
الإقامة : السعودية
المشاركات : 2,394
الجنس : ذكر
الحالة : ممتاز غير متواجد حالياً

رد: تقرير مصور لرحلتي الى بلغاريا ، مدينه فارنا

مشكووووووووووووور

إضافة رد

الكلمات الدليلية
صور ، فارنا ، بلغاريا

أدوات الموضوع


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .