عرض مشاركة واحدة
20 / 04 / 2015, 06 : 08 AM
رقم المشاركة :  2 
درجة الأفق



الملف الشخصي
تاريخ التسجيل : 01 / 01 / 2015
رقم العضوية : 89038
الإقامة : KSA
المشاركات : 392
الجنس : ذكر
الحالة : SGR غير متواجد حالياً
رد: ياليت من له دراية يساعدني ، ويجزاكم عني كل خير

اخوي مافيه شي اسمه خطأ في بوكنق
اجرائاته واضحه اسهل من التسجيل في المنتدى
تسجل فيه وتعبي بياناتك ثم تتجه للفندق المراد حجز وتحجز وخلاص يوصلك تأكيد الحجز والفاوتشر على ايميلك
وتقدر تستعين ب اصدقاء لك يساعدونك اذا اجهل عليك شي


وتاك اخوي الفرنسيه متساهلين
ونصيحه ابعد عن نصب المكاتب
ياخذ منك على الجواز 800 ريال وفي النهايه انت الي بتسوي كل شي
وهو بس يعبي النموذج الورقي لك !!!!!!!!

وتأكد 80% من الأعضاء مايروحون للمكاتب
لأنهم اساس النصب والزحمه في المركز الموحد للتأشيرات
وهنا في البوابه كثير طرحو تجاربهم مع الفيزا الفرنسيه
اقراها واستفد وبتعرف كيف انها بسيييطه جدا


الاجرائات كالتالي :

أولا / تخش على موقع الفيزا الفرنسيه
http://fr.vfsglobal.sa.com/scheduleanappointment.html

وتختار
Schedule Appointment ( حجز موعد )
ثم تفتح لك صفحه ثانيه هنا
تحدد العدد + مكان التقديم ( في حالتك جده ) + نوع الفيزا ( short stay )
وتعبي البيانات المطلوبه منك ( الاسم + رقم الجواز + رقم الجوال + الخ .. )
ثم تحدد اليوم والتاريخ الي تبي تروح فيه للمركز
ثم خلاص تكون كذا حجزت موعد للفرنسيه
بيطلعلك الموعد تطبعه او تصوره ثم تروح حسب موعدك الي اخترته في المكتب الموحد ب جده



نجي الحين للمستندات المطلوب تجيبها معك وهي كالتالي :
( طبعا كلها لازم تكون بالأنجليزي )

-حجز الطيران
- حجز السكن
- الأبلكيشن الخاص بالفرنسيه تعبيه ( لكل مسافر نموذج لحاله )
- كشف حساب لأخر 6 شهور ( مختم من البنك )
- تعريف بالراتب ( مختم )
- عدد 2 صور شخصيه لكل مسافر 3.5 × 4.5
- تأمين طبي شنغن يغطي مده السفر ( طلعه من التعاونيه )
- اصل الجواز + صوره من أول 3 صفحات


وخلاص تروح للمكتب الموحد وتاخذ رقم من الكاونتر وتنتظر دورك الين يجي
ثم بياخذ الموظف الأوراق منك ثم تبصمون
ويعطيك زي الأيصال تحتفط فيه عشان تستلم الفيزا
وخلال 10 ايام توصلك رساله ع الجوال عشان تستلم الفيزا


ماذكرته لك فووق هو الي راح تسويه
سواء كنت ناوي تقدم بنفسك او عن طريق المكتب
المكتب الي راح يسويه لك شيئين فقط ( يحجز لك موعد من النت + يعبي نماذج )
وهالشغلتين ماتاخذ الا دقايق فقط
والاشياء الباقيه انت الي بتروح تجيبها وتسويها
وفي المكتب الموحد بيكون موجود معك زي ظلك فقط ماراح يسوي شي
يعني راح تنتظر رقمك ثم تبصم
وجوده بيكون لقافه لا اكثررر
يعني هو مرتاح وياخذ مبلغ مرتفع فوق كذا !!!!!!!






انا وضحت لك والقرار بيدك