عرض مشاركة واحدة
20 / 09 / 2015, 49 : 08 PM
رقم المشاركة :  183 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 15
الجنس : أنثى
الحالة : هداوه غير متواجد حالياً
وسام خبير سياحي

رد: رحلتي لكوريا الجنوبيه سنــــ2013 ـــة (( سيئول ))

اقتباس: المشاركة الأصلية كتبت بواسطة Canada
جزاك الله خير ، وبارك الله فيك على الإفادة.
شكرا أخويي



اقتباس: المشاركة الأصلية كتبت بواسطة نوني55
ياحلاتك و حلى كلامك






اقتباس: المشاركة الأصلية كتبت بواسطة m2b999
شكرا لك أختي هداوه على التقرير المتكامل والوافي...
اقتباس: المشاركة الأصلية كتبت بواسطة m2b999


وإن شاء الله بيفيدني في تخطيط الرحلة مع زوجتي خلال شهر جولاي،اغسطس إن شاء الله...




ان شاءالله يكون فادك


والسموحه اني أرد عليكم متأخر


اتمنى سرتوا رحلتكم وتوفقتوا فيها





اقتباس: المشاركة الأصلية كتبت بواسطة مسافر عالمي
يعطيك العافية يا أم عبادي


الله يعافيك أخوي




اقتباس: المشاركة الأصلية كتبت بواسطة @ابوخالد@
الأخت الكريمه
اقتباس: المشاركة الأصلية كتبت بواسطة @ابوخالد@
اولاً احب ان اقدم لكي الشكر والعرفان فقد استفت من رحلتك لمافيها من معلومات
فجزاك الله خيرا
واختلف معك في امرين
الأول المترو قلتي ان فيه ريحه بالعكس مافي ريحه ولا شئ وممتاز جدا ويوفر لكي تقريبا 90 % من قيمه المشوار
ثانيا
قلتي ان الشعب ودود بدرجه معينه ماهو ودود بالحيل وانا اقول لم ارى ولم اشاهت شعب اطيب من الشعب الكوري قمه في الأحترام قمه في الأدب

على العموم اقدم لكي كل الأحترام والتقدير فرحلتك استفت منها كثير



العفو اخويي بوخالد


في البدايه احب أقول انه أي بلد ي العالم في حد بتعجبه وحد مابتعجبه


بالنسبه لي انا نقلت الصوره كما عشتها بسلبياتها وايجابياتها عشان انقللكم الفايده فقط


مب عشان أفرض ذوقي عليكم


الحين بتكلم ع الاختلاف اللي بيننا يابوخالد


بالنسبه للقطار لما قلت فيه ريحه خايسه


اول شي ماكان رأيي بروحي بس أو ملاحظتي انما زوجي وعيالي وحتى عبادي لاعت جبدنا من ريحتهم


يمكن اللي نحن شميناه مقرف او مؤذي يكون عند غيرنا عادي ومافي أي ريحه خايسه


والدليل انه القطار مليان من الكوريين وماحسوا بريحه كريهه شراتنا


يعني ممكن مانختلف انا وانته ع هالموضوع وانما نختلف في خشومنا ههههههههههههه


يعني انته كانت الامور طيبه عندك مب شراتنا هههه


بالنسبه للتوفير أكيد أوفر من التكسي انا متفقه معاك


ثانيا ...


لما قلت انه شعب مب ودود وايد ماعطيت هالرأي من موقف واحد


انما من مواقف ووضحت هالشي في تقريري


والحمدالله انك ماصادفت ناس من هالنوعيه


ع العموم الحمدالله انك استفدت من تقريري وهذا هو المهم عندي


وشكرا ع مشاركتك واعطانا رأيك من خلال تجربتك





اقتباس: المشاركة الأصلية كتبت بواسطة ام روضه
هلا اختي هداوه
قريت تقريرج كامل صراحه تفاجات
انا زرت كوريا مرتين ومن احسن الدول الي زرتها
في وايد اماكن تستحق الزياره وماسترتيلها
والشعب وايد وايد طيب وساعدنا وايد
كان حضج ف هالرحله مب موفق عشان جيه خذتي انطباع عن المكان والشعب..
اقتباس: المشاركة الأصلية كتبت بواسطة ام روضه


ان شاءالله يكون حضج المره اليايه احسن وتستكشفين كوريا بمنظور اخر





حيا الله أم روضه


بخبرج عن موقف صار بيني وبين وحده من معارفي


انا أحلى بلد عندي واللي ما أمل منها هي سويسرا والكل يعرف عشقي لسويسرا


ويمكن زرتها 10 مرات أو أكثر


من كثر ما أمدحها واتغنى في جمالها زارتها هي وعيالها


ولكن رجعت من هناك تسب في سويسرا


سويسرا بلد الجمال قالت عنها ابدا ماحبتها وسبتها سب


قلتلها غريبه الا سويسرا حد يقول عنها مب حلوه ، لكن فعلا الناس يختلفون في الاذواق


حتى انا قلتلها يمكن عشان الجو كان حار في وقت زيارتكم هو اللي خلاج تكرهينها أو ماتشوفين جمالها


اللي ابا أوضحه من هالمثال


انه الناس تختلف في ذوقها


وانا فعلا ما ارتحت لكوريا وماحبيتها وذكرت الاسباب


وشفت الكثير من السلبيات اللي ممكن غيري مايشوفها أو يعتبرها عاديه


ممعناته انه البلد مب حلوه أو مافيها شي من الجمال انما ماناسبت ذوقي


ورغم هذا انا مدحت بعض الاشياء اللي زرتها وحبيتها بس ابدا ماعندي نيه اني أكررها


واليابان في نظري أجمل عنها بواااايد واتمنى أعيد زيارتها مرات ومرات