عرض مشاركة واحدة
30 / 09 / 2014, 14 : 07 PM
رقم المشاركة :  2 
خبير سويسرا



الملف الشخصي
تاريخ التسجيل : 28 / 06 / 2010
رقم العضوية : 15980
الإقامة : الامارات
المشاركات : 2,065
التقارير : 13
الجنس : ذكر
الحالة : مقدام غير متواجد حالياً
وسام خبير سياحي

رد: اسبوع في اقليم فاليز (زيرمات-كرانس مونتانا-شاموني-سيون )

اليوم الثاني وهو يوم الاحد
واللي كان جدولنا فيه خوانق وشلالات دورناند وشلال فسباش وحديقة المتاهات
كان له تقرير خاص تلقون تفاصيله على هذا الرابط
خوانق وشلالات دورناند بالاضافة الى شلال بسفاش

----------------------------------------

اليوم الثالث وكان يوم الاثنين ,,

الفترة الصباحية كانت للراحة في البداية رحت لسوبر ماركت ميجروس اخذنا بعض المسلزمات للطبخ منه
وكنت ادور سمك وما حصلت وقالوا لي بتلقى السمك في سيون او مارتيني
وكانت مارتيني اقرب ورحت لمركز تسوق صغير وكان يبعد عننا حوالي 12 دقيقة
.:: QUARTZ CENTER :: MARTIGNY ::.
n 46° 06.731 e 007° 04.634

وهذي صورة وحده اخذتها لمركز التسوق من الخارج


واخذنا منه سمك من مجروس ورز واخذنا خبز عربي من Denner
ومركز التسوق حلو وصغير وفيه بعض المحلات مثل اتش اند ام

بعدها رجعنا لشقة لطبخ مكبوس السمك ,, قلت الحين الطبخ يباله تقريبا ساعتين
وانا ما احب القعدة ,, طلعنا انا واحمد ولدي وقلت له اشوف مثل الجسر المعلق من بعيد
خلنا نشوف كيف نوصل له ,,, المهم رحنا بالطريق اللي يودي للجبل وقرية Ovronnaz وقلت اذا ماحصلنا له طريق بنروح للقرية نشوف شو فيها
فتحت خارطة الايفون وحددت اقرب مكان للوصول للجسر ووصلنا بين بيوت والطريق من بعد البيوت غير معبد
ووقفنا السيارة ومشينا لمكان الجسر حوالي 10 دقايق ووصلنا للجسر
والطريق كان مستوي ومافيه طلوع ونزول

احداثية المكان اللي وقفنا فيه N 46° 11.355 E 007° 11.228
وللعلم مافيه مواقف مخصصة للوقوف ووقفنا عدال البيوت والحمدلله ماحد قال لنا شي

صور من فوق وتشوفون قريتنا تحت على اليسار في الصورة الاولى


صور من الطريق الى الجسر ونحن نمشي


صورة للجسر اول ما وصلنا


وهذي لوحة على يمين الجسر وفيها معلومات عنه


الجسر اسمه la Passerelle à Farinet والاطلاله منه حلوة وعدال الجسر كانوا بعض المغامرين يتسلقون الصخور بالحبال

وهذي بعض الصور للجسر وحوله



صورة لصديقي ورفيق دربي في المهمات الصعبة ولدي احمد
واقف عند بداية الجسر




ونحن واقفين على الجسر شفت شلال تحت ويا حبي للشلالات
وينك يا اقرب طريق

صور للشلال من فوق الجسر





صور من طريق الرجوع للسيارة



خلصنا جولتنا من الجسر ورجعنا للسيارة وحددت اقرب مكان للشلال ممكن السيارة توصل له
وطريق الذهاب للشلال كان يرجعنا لقريتنا وبعدين ناخذ يمين تقريبا مسافة كيلو ونص
وبعدها يمين والطريق رملي او غير معبد الى ماوصلنا قريب المكان الشلال
ووقفنا السيارة عند هذي الاحداثيات
N 46° 10.895 E 007° 11.404

وكملنا بعدها مشي تقريبا 200 متر ووصلنا لمكان مثل الخانق والكهوف والماي ينزل من الكهوف
ومافيه طريق للشلال اللي شفناه والكهف كان مظلم وينزل منه الماي
وهذي بعض الصور



وفي هذي الصورة تشوفون وين واقفة سياراتنا
وسط الصورة على اليمين



صورة من طريق رجوعنا للشقة والسحاب بدأ يغطي مكان الجسر المعلق


وهذي خريطة لخط سيرنا للفتره الصباحية للجسر ومكان الشلال


بعدها رجعنا للشقة للغداء


يتبع >>>> جولة الفترة المسائية