عرض مشاركة واحدة
02 / 10 / 2014, 08 : 02 PM
رقم المشاركة :  4 
خبير سويسرا



الملف الشخصي
تاريخ التسجيل : 28 / 06 / 2010
رقم العضوية : 15980
الإقامة : الامارات
المشاركات : 2,065
التقارير : 13
الجنس : ذكر
الحالة : مقدام غير متواجد حالياً
وسام خبير سياحي

رد: اسبوع في اقليم فاليز (زيرمات-كرانس مونتانا-شاموني-سيون )

اليوم الرابع ... الثلاثاء

رحلتنا في هذا اليوم كانت الى زيرمات واللي تبعد عننا حوالي ساعه و 20 دقيقة
وهذا خط سيرنا


ووقفنا في مواقف محطة القطار في تاش
واحداثياته n 46 04.051 e 007 46.539

نزلنا للمحطة اخذنا تذاكر للقطار للصعود الى زيرمات
وكان سعر التذاكر 16 فرنك للكبار والصغار 8 فرنك
ومع خصم فاميلي سويس هاف فير 8 فرنك للكبار والصغار مجانا
ومدة الرحلة 12 دقيقة ,, والقطارات تطلع من تاش الى زيرمات كل 20 دقيقة

وهذي بعض الصور من محطة تاش
شباك التذاكر



من داخل المحطة


سوبر ماركت في المحطة


وهذي صور من القطار


ومكان وضع الشنط في القطار


وهذي صور اول ما وصلنا لزيرمات وتشوفون فيها وسيلة المواصلات في زيرمات
عربات صغيرة تعمل بالكهرباء وعربات الخيول وتلقونها واقفة مقابل المحطة




اهم شارع في زيرمات هو شارع بانهوف ستراسا Banhofstrassae
وبتلقون فيه المحلات والكوفيات والمطاعم تمشينا في هذا الشارع

وهذي بعض الصور من زيرمات


مطعم مولينو اللي تغدينا فيه



وبعد الغدا اتفقنا ان ام احمد وبناتها يتمشون ويستوقون في وسط زيرمات
ويروحون منطقة العاب الصغار
واطلع مع احمد بالتلفريك لقمة Klein Matterhorn واللي ترتفع حوالي 3880 متر عن سطح الارض

مشينا في الى نهاية شارع البانهوف ستراسا وبعدها واصلنا طريقنا الى محطة Zermatt ZBAG-lz
واللي منها تطلع للقمة ولكن للاسف كان الوقت متأخر وقالوا لنا ما تقدرون تطلعون للقمة لان الوقت متأخر وممكن تطلعون الى قمة Schwarzsee واللي ترتفع 2580 تقريبا
قلنا يالله بنطلع لقمة شوارزسي

مدة الرحلة 14 دقيقة ذهاب ومثلهم اياب وسعر التذكرة 48 فرنك للكبار والصغار 24 فرنك
وبوجود بطاقة فاميلي سويس هاف فير باس كان سعرها 24 فرنك لي ولاحمد مجانا

صور ونحن نمشي للمحطة والاولى صورة لقمة ماتراهون والسحاب يغطيه



بعض الصور من التلفريك


زيرمات من فوق ونحن في التلفريك



صور من قمة Schwarzsee


قمة ماترهون وهي على الحدود بين سويسرا وايطاليا
وتحت تشوفون بحيرة شوارزسي



مطعم وكوفي في القمة


وفي طريقنا للبحيرة


بحيرة Schwarzsee الصغيرة


وبعدها نزلنا الى زيرمات ولاحظت هذي اللوحة وهي لركوب طيارة الهيلوكبتر
لاخذ جولة على الجبال


رجعنا لزيرمات وقلنا بناخذ جولة بالعربات الكهربائية لمدة نص ساعه وما اذكر بكم كان السعر
والجولة كانت عادية ومعظم الاماكن مرينا عليها مشي وزيرمات صغيرة وتقدرون تلفونها كلها مشي

وهذي بعض الصور



بعدها رجعنا لمحطة القطار للرجوع الى قريتنا
وبدت الامطار تنزل علينا




وللعلم في زيرمات قطار ياخذكم برحلة بانورامية الى قمة Gornergrat واللي ترتفع حوالي 3089 متر
ويمر بكم على شلال Findelbachfal
مدة الرحلة نص ساعه ذهاب ومثلهم اياب

وهذي خريطة لزيرمات وبعض اهم الاماكن



وانتهت رحلتنا لهذا اليوم


>>>>> يتبع