شبكة ومنتديات زاد المسافر (https://www.travelzad.com/vb/index.php)
-   بوابة الإستفسارات عن فرنسا (https://www.travelzad.com/vb/f114.html)
-   -   [ بـرنـامـج سياحي ] جدول إلى باريس 5 ايام (https://www.travelzad.com/vb/t116956.html)

abo ahmed888 02 / 09 / 2014 36 : 01 PM

جدول إلى باريس 5 ايام
 
السلام عليكم ورحمة الله وبركاته

أعزائي أعضاء المنتدى


يشرفني أكون عضو في المنتدى الرائع




انا مسافر باريس الشهر هذا بإذن الله لمدة 5 ايام شخصين




وهذي الأماكن الي أفكر أزورها أتمنى من أصحاب الخبره مساعدتي في ترتيب جدول لخمسة أيام حسب الأماكن القريبة من بعضها ولكم جزيل الشكر والتقدير
ولا مانع من إضافة أو حذف أماكن


شارع الشانزليزية
ساحة الكونكورد
قوس النصر
برج إيفل
نهر السين
ديزني لاند
الاوت لت
هضبة مونمارت
الحي اللاتيني
قصر فرساي
متحف اللوفر
المسله المصرية
الاوبرا
مجمع غاليري لافايت
متحف الشمع


ولا مانع من اختيار فندق أو فندقين قريب للأماكن السياحية


شكرا

so0oso0o_8 02 / 09 / 2014 01 : 10 PM

رد: جدول إلى باريس 5 ايام
 
السلام عليكم
بالنسبة للفنادق فأنا أشوف انك تختار فندق واحد و ما تتعب نفسك بالتغيير كل شوي
إذا ميزانيتكم زينه و عرسان فيه الفور سيزون أو ماريوت قريبه من الشانز أو الشانغريلا قريب لأيفل و الشانز كمان
اليوم الأول يوم الوصول
أكيد تعبانين بعد السفر و واصلين الفندق ع الظهر و أغلب فنادقهم الساعه 2 تدخل و إذا شقه الساعه 4
ريحوا شوي و روحوا لإيفل تمشوا عنده و ع المنطقه اللي حواليه و على أخر العصريه قبل الغروب خذوا من الفندق كروت لرحلة نهر السين طبعا الرحلات تنطلق من جنب برج ايفل و روحوا على اخر رحله اللي بتكون قبل المغرب و يجي وقت الغروب و انتو في القارب مررره الوقت حلو
بعدها قضوا وقتكم تمشي و أشوف انكم تسكنون قريب من الشانز عشان المنطقه مرره حيويه

ثاني يوم زوروا متحف الشمع مره حلو و عجبني العرض اللي نشوفه قبل ما ندخل جوا
بتطلعون و اليوم طوييل في باريس روحوا للكنكورد طبعا كلها جنب بعض تمشيها مشي و مناطق تتمشى فيها و لا يفوتكم الكريب حقهم لذييذ يعني بالترتيب (قوس النصر و تمشي على شارع الشانز و بعدها تلاقي المسله المصريه و تكمل مشي تدخل الكونكورد و كمل مشي و تلاقي اللوفر يعني في نفس الخط المستقيم )
ثالث يوم دزني لاند رحوا من بدري نصييييحه و كمان نصيحه ثانيه راح تلاقوا قدام كل لعبه زي المكان للتذاكر هذي اذا تبي تدخل بدون ما توقف في الطابور و يروح وقتك إدفع و إدعس :0005: بعدها روحوا للأوت لت لأنه مره قريب منها

رابع يوم بالصباح فرساي و بالعصر هضبة مونمارت و يمدي بالليل تروحون الحي اللاتيني
خامس يوم في الصباح روحو اللوفر و في العصر روحوا للقاليري لافييت كل الماركات فيه الغاليه و الرخيصه

لا تروحوا دزني لاند يوم سبت او احد لأنه اجازه و زحمه
و رحله سعيده ان شاء الله

abo ahmed888 03 / 09 / 2014 58 : 09 AM

رد: جدول إلى باريس 5 ايام
 
اشكرك اخت سوسو على الجدول مرتب وجميل جدا صراحه
يعطيك الف عافية



استفسار بسيط هل اروح اول شي الاوت لت بعدين ديزني لاند
لأن محطه الاوت لت قبل ديزني لاند ايش رايك


هل أسكن في الشانز أو برج إيفل أفضل

so0oso0o_8 07 / 09 / 2014 55 : 07 AM

رد: جدول إلى باريس 5 ايام
 
منطقة الشانز حيوية اكثر لكن أغلى في السعر

الأوت لت القريب من دزني ما جربت أروح
حلو تروحون له بدري لكن اخاف تبتلشون في الاغراض اللي شريتوها وين تودونها
واخاف تروح له متأخر تلاقونه مقفل لأن محلاتهم تقفل بدري
لو تروحون لدنزي من الصباح الين ٢ و تطلعون للأوت لت حلو الوقت و مناسب


الساعة الآن 29 : 09 PM.