شبكة ومنتديات زاد المسافر (https://www.travelzad.com/vb/index.php)
-   زاد المسافر لرحلات الجُــزر (https://www.travelzad.com/vb/f129.html)
-   -   ايامي الحلوه في جزيرة كوسوماي Koh Samui الرائعه (https://www.travelzad.com/vb/t123895.html)

هداوه 08 / 03 / 2015 45 : 03 PM

ايامي الحلوه في جزيرة كوسوماي Koh Samui الرائعه
 
:img_641:


يسعدني صباحكم ومساكم

اليوم حبيت أتشارك وياكم بتفاصيل رحلتي الجميله لجزيرة كوسوماي في تايلند

واللي كانت بتاريخ

21 / 12 / 2014

الى

24 / 12 / 2014

مدة 3 ليالي

وسافرنا من مطار بانكوك ع طيران اير بانكوك

وكان حجزنا عن طريق النت ولكن للاسف نسيت كم سعر التذكره ، ولكن

ممكن تعرفون الاسعار عن طريق موقعهم

http://www.bangkokair.com/eng/pages/home



وبالنسبه للسكن

في البدايه حجزت السكن عن طريق بوكينج وحجزت في فندق بانيان تري كوسوماي

فيلا من غرفتين نوم وحمام سباحه خاص مدة 3 ليالي طلع علينا بـ 13 الف درهم

موقعهم ع النت

http://www.banyantree.com/ja/ap-thailand-koh-samui


وقبل سفرنا بفتره لما حسبت السكن والطيران والاكل والسياحه في هاي المده

شفت انه المبلغ بيطلع وايد كبير فوق الـ 20 الف

وشفته مايسوى وكنت بكنسل رحلة الجزيره وبكتفي برحلتنا للعاصمه بانكوك

أساسا نحن سافرنا لبانكوك تاريخ 19 / 12 وعقب سافرنا

الجزيره وبعدها رجعنا لبانكوك وكملنا رحلتنا لين 2/ 1 / 2015

المهم كلمت بوعيسى والعيال واتفقنا نلغي رحلة الجزيره ودخلت بوكينج وكنسلت حجزنا

وعقب قلت في خاطري شوفي خيارات ثانيه يمكن تحصلين شي مناسب

المشكله ماكانت في السكن لأنه السكن متوفر وكثير وفيه كل المستويات ، المشكله كانت فيني :21:

مب أي سكن يدخل راسي وهاي جزيره وانا خاطري بفيلا وفيها حمام سباحه خاص

وأنا أدور وأبحث فجأه

حصلت اللي أدور عليه

حصلت منتجع 5 نجوم والفلل عندهم عباره عن فيلا فيها غرفة

نوم وحده وحمام كبيره وحديقة وحوض سباحه خاص

والمفاجأه الأكبر انه هاي الفيلا قيمتها ف اليوم 500 درهم بدون استرجاع

ع طول حجزت فيلتين عدال بعض

وحده لي مع بوعيسى ، والثانيه للعيال البنتين مع عبادي

وطلع الاجمالي 3000 درهم مع الافطار :0005:

ع طول حجزتها وغامرت وتوكلت ع الله وحجزتها بدون استرجاع


اسم الفندق

أكس 2 ساموي





موقعهم في بوكينج

X2 Samui


موقعهم ع النت

http://x2resorts.com/resorts/samui/


طبعا الصور والتفاصيل عقب ان شاءالله :191:


بالنسبه للمعلومات عن الجزيره


قبل سفري بحثت عن معلومات عنها ومالقيت الكثير

وبعطيكم اللي جمعته من تقارير الاعضاء جزاهم الله خيرها عنا

واذكر ابواليازيه من اللي خذيت عنه معلومات جزاه الله خير


جزيرة كوسوماي

ماذا تفعل في كوسوماي:

عرض القرود


رحلة السفاري على الفيله او بالسيارات او بالدراجات ذات الاربع عجلات

تعليم الطيخ التايلندي

الشلالات: شلال Na Muang وشلال Hin Lad

مطعم يقع جبل

التنقلات والمواصلات:

التكاسي (ولكن لايوجد بها ميتر وتبدأ المشاوير ب 100 بات وانت زايد)


فندق الرينسانس

هي أحد العلامات التجارية التابعة لشركة ماريوت العالمية

قرب الفندق من منطقة التسوق في شاطئ "شوينغ


وبعض المعلومات خذيناها من ولد أخويي
ومن الفندق اللي سكنا فيه




تابعوني في

تفاصيل رحلتنا لجزيرة كوسوماي

:img_962:





مسافرة حول العالم 08 / 03 / 2015 24 : 10 PM

رد: ايامي الحلوه في جزيرة كوسوماي Koh Samui الرائعه
 
في الانتظار هداوة

هداوه 08 / 03 / 2015 10 : 11 PM

رد: ايامي الحلوه في جزيرة كوسوماي Koh Samui الرائعه
 
اقتباس:

المشاركة الأصلية كتبت بواسطة مسافرة حول العالم (المشاركة 986902)
في الانتظار هداوة

فديتج انتي الوحيده اللي شاركتي وجبرتي بخاطري مع انه 100 شخص شاف التقرير
ما أدري ليش هالبخل في التفاعل والمشاركه مع العضو :icon1366:
يلا نبا تشجيع
:IC14::IC14::IC14:

الامــــاراتي 09 / 03 / 2015 53 : 04 AM

رد: ايامي الحلوه في جزيرة كوسوماي Koh Samui الرائعه
 
مرحبا أختي هداوه وأكيد راح يكون تقرير من العيار الثقيل كلنا متابعين معاج .:0069:

دهميد 09 / 03 / 2015 52 : 05 AM

رد: ايامي الحلوه في جزيرة كوسوماي Koh Samui الرائعه
 
متابعين معك خبيرتنا هداوة هذا التميز

ناصر كويتي 09 / 03 / 2015 32 : 09 AM

رد: ايامي الحلوه في جزيرة كوسوماي Koh Samui الرائعه
 
هلا ام عيسى الحمدلله على سلامتج وتقرير تايلندي مبين شكله جميل خصوصا انه في كاسومواي الجميله

اهم شي عندي تعلمتي الطبخ التايلندي

بالنسبه لعدد اللي يشوفون التقرير مو شرط يكونون مسجلين بالمنتدى يعني بس يشوفون بدون رد

ولا تخافين انتي تقاريرج دايما تكون فايف ستار

هداوه 09 / 03 / 2015 24 : 11 PM

رد: ايامي الحلوه في جزيرة كوسوماي Koh Samui الرائعه
 
اقتباس:

المشاركة الأصلية كتبت بواسطة الامــــاراتي (المشاركة 987000)
مرحبا أختي هداوه وأكيد راح يكون تقرير من العيار الثقيل كلنا متابعين معاج .:0069:





اقتباس:

المشاركة الأصلية كتبت بواسطة دهميد (المشاركة 987003)
متابعين معك خبيرتنا هداوة هذا التميز


ياهلا والله


ياهلا باللي نورني


هيه الحين فرحتوني :0005:




اقتباس:

المشاركة الأصلية كتبت بواسطة ناصر كويتي (المشاركة 987055)
هلا ام عيسى الحمدلله على سلامتج وتقرير تايلندي مبين شكله جميل خصوصا انه في كاسومواي الجميله

اقتباس:

المشاركة الأصلية كتبت بواسطة ناصر كويتي (المشاركة 987055)


اهم شي عندي تعلمتي الطبخ التايلندي


بالنسبه لعدد اللي يشوفون التقرير مو شرط يكونون مسجلين بالمنتدى يعني بس يشوفون بدون رد


ولا تخافين انتي تقاريرج دايما تكون فايف ستار




ياهلا ومرحبا فيك أخويه ناصر


والله يسلمك يارب


أنا مابا أتعلم الطبخ أنا آكل المطبوخ هههههههههههههههههههههه


وكلت وماقصرت لين لاعت جبدي


بالنسبه للمشاركات


حتى لو تقريري 5 نجوم اذا محد يشارك ويتفاعل فيه تحس كأنه بروحك


وما أحس بالتقرير جان بو 5 أو بونجمه


أحب المشاركات والتفاعل وهالشي يعطيني حماس ويرفع معنوياتي


وأضيج يوم أكتب وماأشوف حد


شرات تقرير جنوب فرنسا التفاعل شحيح وبعض الاوقات يكون معدوم


حتى ساعات كنت أتأخر متعمده في تنزيل جزء يديد أبا أشوف حد يرد ويقوللي وين التكمله


وبعد محد يسأل وعقب أضطر أكمل لأني بديت فيه


صحيح نحن نكتب لفايدة الناس ولوجه الله بس بعد تحب تحس بالناس حواليك ومعاك


ع العموم أشكرك أخويه ناصر انك حاولت تطيب خاطري وجزاك الله خير





هداوه 09 / 03 / 2015 27 : 11 PM

رد: ايامي الحلوه في جزيرة كوسوماي Koh Samui الرائعه
 
موضوع حيرني وابا رآيكم


الحين اسم الجزيره Koh Samuai اذا بكتبها بالعربي هل الكلمه الصحيحه هي :


كوسوماي


أو كوساموي


أو كوسومواي

هداوه 10 / 03 / 2015 33 : 12 AM

رد: ايامي الحلوه في جزيرة كوسوماي Koh Samui الرائعه
 
يوم الذهاب للجزيره
:img_958:



قصتنا قبل رحلتنا للجزيره

تعرفون هداوه لازم عندها قصص وحكايات ومغامرات ومواقف ومقالب

ولا مابكون أنا :):


يوم وصولنا لبانكوك

الله يسلمكم نحن سافرنا بانكوك يوم 19 ووصلنا بانكوك بالليل متأخر

أول مره أحجز توقيت خايس جيه وكانت لها اسبابها

المهم لين وصلنا الفندق وحطينا راسنا بنرقد يمكن صارت الساعه 3


اليوم الثاني

ثاني يوم الصبح من نشينا من النوم ع طول سرنا المستشفى

كانت عندنا فحوصات وفي المستشفى تريقنا وماخلصنا الا العصر

وكنا وايد منهكين وتعبانين

وعقب ماخلصنا سرنا سنتر سيام براغون عشان نآكل لين الحين

ماتغدينا وتقريبا الوقت كان المغرب

تغدينا وتمشينا شوي وعقب رجعنا الفندق


تصريف الفلوس وتأجير السياره

خليت العيال في الفندق يرتبون حالهم وانا وبوعيسى

ع طول سرنا شارع العرب عشان نصرف فلوس

وبغينا نأجر سياره توصلنا الفجر للمطار عشان رحلتنا للجزيره

وحصلنا سياره فان كبيره وجديده واتفقنا مع صاحبها انه ايينا الفندق ع الساعه 5 الفجر

وعطيناه أرقامنا وعطانا أرقامه والحلو انه طلع أخوه يشتغل في الجزيره سواق

وعطانا رقمه عشان نتواصل وياه هناك

وعقب رجعنا الفندق


مرض بوعيسى المفاجئ

قبل لانوصل الفندق كنت أحس بوعيسى تعبان ويقوللي أنا حاس بالتعب

ومن وصلنا الفندق ونحن نمشي في الممر باتجاه غرفتنا تقريبا

كنا عدال الغرفه الا بوعيسى يرجع كل اللي في معدته

ركضنا أنا والعيال نفازعه وكان الوقت متأخر

وبعد ما أرتاح شويه الا يرجع مره ثانيه وعقب ثالثه

خفت عليه وع طول اتصلت في الفندق وطلبت ايييني طبيب

وقمت عطيت بوعيسى خلطه من زنجبيل بودر مع ماي وبعد ماشربه بشوي بعد رجع للمره الرابعه

في العاده الزنجبيل ممكن يمسك الزواع ولكن معاه مالحق يسوي مفعوله ع طوله رجعه

خليت العيال يرقدون والحمدالله كنا مآخذين غرفتين بينهم باب

ووصل الطبيب وعطى بوعيسى ابره توقف الترجيع وعطاه ادويه

وبعدها قدر يرقد شويه

وظليت أنا أردد الاغراض لين الساعه 3

ويمكن غفلت نص ساعه ورجعت قمت أتجهز وأصحي العيال

وخليته هو نايم لين آخر الوقت عشان يرتاح


مقلب ماتوقعناه

استوت 5 ونص والسايق ما أتصل

نتصل عليه ومايرد

في الأخير قررنا ننزل ونسوي شيك أوت ونترك بعض من

شنطنا في الامانات

وطول هالوقت ونحن نتصل ومحد يرد

حسبي الله عليه مثل ماسوى فينا هالمقلب

وعقب الحمدالله الموظف دبرلنا سياره

وكانت الساعه 6 ونحن أعتقد طيارتنا كانت ع الساعه 8 ونص او 9

كان الوقت قصير بس الحمدالله لحقنا وطرنا الى جزيرة كوساموي ولكن

تخيلوا التعب والارهاق اللي عشناه واللي أنا عشته في هاليومين

خصوصا قبل سفرنا من الامارات أصلا انا كنت ناشه بدري وأعابل كل شي قبل السفر

صدق تعبت وهلكت وكنت أحاول أتماسك واكون قويه عشانهم

والحمدالله عدت ع خير


https://www.travelzad.com/photo/files/219640.jpg






https://www.travelzad.com/photo/files/219641.jpg


والحمدالله طرنا بدون أي مشاكل ولاتعقيدات في المطار



https://www.travelzad.com/photo/files/219642.jpg




انتظروني في تفاصيل وصولنا

وأحداث هاليوم
:img_958:




هداوه 11 / 03 / 2015 21 : 01 AM

رد: ايامي الحلوه في جزيرة كوسوماي Koh Samui الرائعه
 
يوم وصولنا للجزيره
:img_962:


https://www.travelzad.com/photo/files/219643.jpg


وصلنا مطار كوساموي


https://www.travelzad.com/photo/files/219644.jpg






https://www.travelzad.com/photo/files/219645.jpg






https://www.travelzad.com/photo/files/219646.jpg


وركبونا في الباصات المكشوفه


https://www.travelzad.com/photo/files/219647.jpg


الاجاراءات كانت سريعه ومطارهم أو صالة القادمون كانت صغيره

ما اتذكر كم كانت رحلتنا بالضبط يمكن ساعه أو ساعه ونص

وبعد ما استلمنا الشنط شفنا كاونتر وعن طريقه نأجر مواصلات للسكن


https://www.travelzad.com/photo/files/219648.jpg


أجرنا سياره خاصه تودينا المنتجع وما أتذكر كم كلفتنا السياره

وصلنا المنتجع والمسافه كانت تقريبا 40 دقيقه


يتبع ...
:img_962:



ناصر كويتي 11 / 03 / 2015 49 : 09 AM

رد: ايامي الحلوه في جزيرة كوسوماي Koh Samui الرائعه
 
سلامته بو عيبسى يمكن متغير عليه الجو وهذا تحصل عاده

وعلشان تتفادونها مره ثانيه عليكم باكل بصل البلد اول شي سبحان الله البصل يعمل معادله للجسم ويخليه يتكيف مع الجو بدون تعقيد
واعتقد التعب والارهاق والسهر هم السبب الاول

الحمدلله على كل حال

لكن تصرفكم ممتاز وبسرعه وهذي من اساسيات السفر

لكن اخذي نصيحتي خصوصا في البصل

سلوم 11 / 03 / 2015 39 : 01 PM

رد: ايامي الحلوه في جزيرة كوسوماي Koh Samui الرائعه
 
مايشوف شر ابوعيسى ...


تقرير جميل كعادة تقاريرك أختي هداوه ...:0069:


متابع لك في بقية أجزاء هذا التقرير ..

هداوه 11 / 03 / 2015 49 : 03 PM

رد: ايامي الحلوه في جزيرة كوسوماي Koh Samui الرائعه
 
اقتباس:

المشاركة الأصلية كتبت بواسطة ناصر كويتي (المشاركة 987925)
سلامته بو عيبسى يمكن متغير عليه الجو وهذا تحصل عاده

اقتباس:

المشاركة الأصلية كتبت بواسطة ناصر كويتي (المشاركة 987925)


وعلشان تتفادونها مره ثانيه عليكم باكل بصل البلد اول شي سبحان الله البصل يعمل معادله للجسم ويخليه يتكيف مع الجو بدون تعقيد
واعتقد التعب والارهاق والسهر هم السبب الاول


الحمدلله على كل حال


لكن تصرفكم ممتاز وبسرعه وهذي من اساسيات السفر


لكن اخذي نصيحتي خصوصا في البصل


الله يسلمك يارب

وفعلا يمكن من التعب والارهاق وتغير الجو

بس سالفة البصل هاي يديده عليه أول مره أسمع عنها بس مايمنع بنجربها ان شاءالله


اقتباس:

المشاركة الأصلية كتبت بواسطة سلوم (المشاركة 987999)
مايشوف شر ابوعيسى ...


تقرير جميل كعادة تقاريرك أختي هداوه ...:0069:


متابع لك في بقية أجزاء هذا التقرير ..


ياهلا فيك أخويي سلوم

والشر يعداك

أشكرك والله بس أهم شي لاتقطعنا :0069:

هداوه 11 / 03 / 2015 49 : 05 PM

رد: ايامي الحلوه في جزيرة كوسوماي Koh Samui الرائعه
 
وصولنا المنتجع
:img_962:


وصلنا المنتجع وكنا تعبانين ومنهكين

سوينا الشك ان وعطونا الفلل وكانوا عدال بعض

انبهرنا بالفلل وعجبونا بس كنا تعبانين ومانبا الا نرقد

والجو كان يخبل غيم ومطر

https://www.youtube.com/watch?v=gDT3...ature=youtu.be


طلبنا غدا من مطعم المنتجع


https://www.travelzad.com/photo/files/219649.jpg




https://www.travelzad.com/photo/files/219650.jpg



وكنا طالبين بعد باستا بس نسيت أصورها



https://www.travelzad.com/photo/files/219651.jpg


حد تغدى وحد ماقدر يقاوم النوم

وعقب رقدنا كلنا لين العصر

أول مانشينا قررنا انه نتسبح في الحوض :115:

وجهزنا عمارنا وحتى بوعيسى الحمدالله استوى بخير وطفينا كلنا في الحوض


https://www.travelzad.com/photo/files/219652.jpg



وكان الوقت قبل المغرب ، وكان كل شي جميل

وبعد ماتسبحنا بشوي دخل علينا المغرب وبدأت تظلم وبدت تطلع


:mh12::mh12:


:mh12:



الطياييييير




https://www.travelzad.com/photo/files/219653.jpg


:(::(::(:


نحن في الحوض وهم ع الليدار يطلعون من مخابئهم

وبدت الحشرات تطير مني ومناك

هاي هي الجزر الاسيويه للاسف :(:

من شفنا جيه كلنا لصقنا في بوعيسى ونحن نصرخ وعقب طلعنا كلنا من الحوض

ياروح مابعدك روح :):

وقررنا مانتسبح الا في النهار ، لكن

هل تسبحنا عقب ولا لأ ؟

بتعرفون هالشي من تفاصيل رحلتنا :191:

شوفوا الحين صور منتجعنا وعقب بنكمل سوالفنا :21:

هذا مخطط منتجعنا


https://www.travelzad.com/photo/files/219654.jpg




المنتجع عباره عن 27 فيلا


متوزعين في صفين مجابلين بعض


https://www.travelzad.com/photo/files/219655.jpg





https://www.travelzad.com/photo/files/219656.jpg





https://www.travelzad.com/photo/files/219657.jpg




https://www.travelzad.com/photo/files/219658.jpg



تقريبا كلهم قوم بوغرفة نوم وحده مع حمامها وحوض السباحه

اما الفيلا رقم 6 وهي أكبر بس ما أدري كم غرفه

والفيلا رقم 4 فهي لأصحاب المنتجع مثل ماخبرنا الموظف

ووقتها كانوا يسون صيانه لفيلتهم وماكانوا موجودين جان سلمنا عليهم وعطيتهم ملاحظاتي

المنتجع مب كبير وماكان فيه ناس وايد وهالشي أنا ما أحبه

أحب وجود الناس حواليه ما أحب الهدوء الكبير بهالشكل

لكن كمنتجع وايد حلو وله سلبيات بخبركم عنها ان شاءالله

لو كنا سايرين قروب مع كم عائله من أهلنا وسكنا هالمنتجع

أتصور وايد بنستمتع وبنسوي جو فيه :clap:

ومب بعيده فليل نيلس ندق ونغني ونسوي سهرات

وعقب يحطون الخليجين في القايمه السوداء بسببنا :):


هذا باركن السيارات ومدخل الفندق


https://www.travelzad.com/photo/files/219659.jpg



وع طول من دخلنا في ويهنا الرسبشن

وهو مفتوح في الهواء الطلق وبدون أي حواجز

وحصلت بس صوره وحده للرسبشن


https://www.travelzad.com/photo/files/219660.jpg






https://www.travelzad.com/photo/files/219661.jpg


المنتجع فيه حوض سباحه عام

في نهاية هذا الممر ايينا الحوض والمطعم ونطلع ع البحر


https://www.travelzad.com/photo/files/219662.jpg





https://www.travelzad.com/photo/files/219663.jpg


المسبح العام العائلي



https://www.travelzad.com/photo/files/219664.jpg





https://www.travelzad.com/photo/files/219665.jpg






https://www.travelzad.com/photo/files/219666.jpg






https://www.travelzad.com/photo/files/219667.jpg








https://www.travelzad.com/photo/files/219668.jpg




وفيه مطعم يقدم بوفيه افطار

وما أدري اذا يقدم وجبات ثانيه

بس أعتقد ممكن أي وقت تيلسون فيه وتشربون اي مشروبات تبونها وبفلوس طبعا


مدخل المطعم


https://www.travelzad.com/photo/files/219669.jpg





https://www.travelzad.com/photo/files/219670.jpg







https://www.travelzad.com/photo/files/219671.jpg





https://www.travelzad.com/photo/files/219672.jpg



وفيه حديقة مطله ع البحر وع المسبح


https://www.travelzad.com/photo/files/219673.jpg





https://www.travelzad.com/photo/files/219674.jpg



في محل صغير يبيع بعض ادوات السباحه والتسليه

وفيه شاطئ خاص ويلسات ع البحر



https://www.travelzad.com/photo/files/219675.jpg





https://www.travelzad.com/photo/files/219676.jpg





https://www.travelzad.com/photo/files/219677.jpg


وبس هذا كل اللي فيه

قلتلكم ترا هو صغيرون وحليوي

الحين بندخلكم فيلتنا


https://www.travelzad.com/photo/files/219678.jpg






https://www.travelzad.com/photo/files/219679.jpg







https://www.travelzad.com/photo/files/219680.jpg






https://www.travelzad.com/photo/files/219681.jpg






https://www.travelzad.com/photo/files/219682.jpg






https://www.travelzad.com/photo/files/219682.jpg



يالقهر ماأدري وين اختفت صور الغرفه والحمام
أنا متأكده اني صورتهم :(:

طلعتكم صوره من النت


وممكن تشوفون أكثر من موقعهم


https://www.travelzad.com/photo/files/219684.jpg




تابعوني في ..

تفاصيل هذا اليوم
:img_962:




أبن السعودية 11 / 03 / 2015 41 : 09 PM

رد: ايامي الحلوه في جزيرة كوسوماي Koh Samui الرائعه
 
مايشوف شر أبو عيسى
وياسلام عليك وعلى تقاريرك الحصرية والمفيدة والراقية
ياأختي المحترمة أم عيسى وأختياراتك دائما ممتازة واصلي
فالكل مستمتع ومتابع
تحياتي وتقديري وأحترامي لك ..

أبوعبدالعزيز 11 / 03 / 2015 57 : 09 PM

رد: ايامي الحلوه في جزيرة كوسوماي Koh Samui الرائعه
 
ماشاء الله لاقوةالا بالله
أينما تحل هداوة نرى الابداع ويتميز المكان بدون أي مبالغات
اعتذار عن التأخر بالحضر وتسجيل مقعد واستمتاع بالابداع وسلامة بوعيسى الله يخليه لكم

هداوه 12 / 03 / 2015 32 : 08 PM

رد: ايامي الحلوه في جزيرة كوسوماي Koh Samui الرائعه
 
اقتباس:

المشاركة الأصلية كتبت بواسطة أبن السعودية (المشاركة 988111)
مايشوف شر أبو عيسى
وياسلام عليك وعلى تقاريرك الحصرية والمفيدة والراقية
ياأختي المحترمة أم عيسى وأختياراتك دائما ممتازة واصلي
فالكل مستمتع ومتابع
تحياتي وتقديري وأحترامي لك ..



الشر يعداك أخويي


وياهلا ومرحبا فيك


شكرا


وانا سعيده بوجودك من زمان ماطليت علينا



اقتباس:

المشاركة الأصلية كتبت بواسطة أبوعبدالعزيز (المشاركة 988118)
ماشاء الله لاقوةالا بالله
أينما تحل هداوة نرى الابداع ويتميز المكان بدون أي مبالغات
اعتذار عن التأخر بالحضر وتسجيل مقعد واستمتاع بالابداع وسلامة بوعيسى الله يخليه لكم


وأخيرا نورتني :0005:

مسامحتنك دام انك الحين موجود بس خليك متابعني

والله يسلمكم من كل شر


هداوه 12 / 03 / 2015 58 : 09 PM

رد: ايامي الحلوه في جزيرة كوسوماي Koh Samui الرائعه
 
العشاء في المطعم اللبناني
:img_764:

أول ماوصلنا لما سوينا شيك ان كان في الرسبشن موظف أجنبي

وكان هو مدير المنتجع يمكن كان استرالي ممتذكره عدل

المهم هالمدير كان وايد طيب ومتعاون وتم وايد يسولف ويانا

والبنات تموا يسألونه عن الالعاب البحريه والانشطه الموجوده في الجزيره

وبعد سألناه عن مطاعم تقدم أكل حلال وخبرنا عن مطعم لبناني

وعموما في الجزيره ماشي وايد مطاعم تقدم أكل حلال


نرجع لتفاصيل هذا اليوم الطويل

بعد ماطلعنا من الحوض مصروعين من الزواحف والحشرات

تسبحنا ولبسنا وقررنا نطلع ندور مطعم نتعشى فيه


واول ماوصلنا الرسبشن الا نشوف الطياطيير مصطفه ع ليدرا ( جدار ) الرسبشن من كل صوب:mh12:

حشا انصرعنا منهم وحسيت عبادي بدأ يخاف

وحليله زيغناه ههههههههههههه

المهم سألناهم كيف نقدر نسير المطعم

قالوا هم عندهم خدمة تأجير السياره والساعه بـ 400 بات تقريبا بـ 50 درهم

بس ناسيه هالمبلغ حق كم ساعه احتمال ساعه أو 4 ساعات

أوووف ليش ناسيه هالمعلومات

والقهر لما أسأل البنات أو بوعيسى عن أي معلومه كلهم يقولون

مانذكر :5:


الحمدالله كانت السياره متوفره

وأفضل تحجزون السياره قبلها بفتره عشان تضمنون انها موجوده

طلبنا من الموظفه تسال المدير عن العنوان وتعطي السائق بس للاسف ماحصلناه

فاعتمدنا ع نفسنا :0005:

شغلنا جوجل ماب وحطينا اسم المطعم وطلعلنا مكانه وتمينا نحن ندلي الدريول

تخيلوا فليل والاضاءه قليله والدرب طويل خذينا أكثر من نص ساعه


ورغم هذا كنا نوجه السايق ونقوله وين يمشي ووين يلف لين


وصلنا للمطعم بدون مانخربط ماشاءالله علينا


حتى هو استغرب هههههههه:):

أول ماوصلنا كان المطعم فاضي وهالشي ما أحبه :7:

أستقبلونا الموظفين اللبنانيين بحفاوه وسالناهم وأكدوا انه أكلهم حلال ( في ذمتهم )

يلسنا وتعشينا وكان مستوى أكلهم جيد

بس عبادي هو اللي أكثر حب أكلهم بس عشان قالوا انه حلال

الولد من وصل بانكوك وهو متعقد من هالموضوع وكله قرفان منهم ومن أكلهم ، حتى قالنا :

مره ثانيه أنا مابسافر وياكم اي بلد أسيوي بس اوروبا

والسبب انه متعقد من أيام كوريا لما تلعوزنا ونحن ندور اكل مناسب

ومن الروائح الخايسه اللي كنا نشمها في كوريا

فخلاص ربط في مخه انه تايلند مثل كوريا


الحين بتركم تشوفون عشانا في المطعم اللبناني

ع فكره المطعم له فروع في العاصمه بانكوك


https://www.travelzad.com/photo/files/219685.jpg





https://www.travelzad.com/photo/files/219686.jpg






https://www.travelzad.com/photo/files/219687.jpg






https://www.travelzad.com/photo/files/219688.jpg



ماصورت وايد المطعم كنا يوعانين

المطعم له يلسات مطله ع البحر ويلسات داخليه

في البدايه يلسنا صوب البحر بس كان هوا وشويه برد فخفت نمرض فقمنا ودخلنا داخل


في فترة سفرنا كان الجو معتدل ولكن تكثرفيه الامطار والرياح



https://www.travelzad.com/photo/files/219689.jpg



هاي طلباتنا


https://www.travelzad.com/photo/files/219690.jpg






https://www.travelzad.com/photo/files/219691.jpg





https://www.travelzad.com/photo/files/219692.jpg






https://www.travelzad.com/photo/files/219693.jpg






https://www.travelzad.com/photo/files/219694.jpg






https://www.travelzad.com/photo/files/219695.jpg






https://www.travelzad.com/photo/files/219696.jpg






https://www.travelzad.com/photo/files/219697.jpg



بعد ماتعشينا رجعنا مع السائق اللي خليناه يتريانا

خفنا مانحصل سياره تكسي

وبعد وحليله اشتريناله عشا ويانا

وفي ردتنا مرينا اشترينا خبز سلايس للريوق في حالة لو ماقمنا حق ريوق الفندق

وانا شاله ويايي أجبان وعسل وجام لزوم الافطار

ولما وصلنا المنتجع حسيت عبادي خايف من الطياطير لأنه فعلا عددهم كبير

خفت انه يلعوزني فليل ومايرقد بسبب هالموضوع

ويتني فكره اني أحول خوفه لشي ثاني

وقلتلهم

شو رآيكم نعدهم كل يوم
ويلسنا نعدهم ونضحك وطلعوا 17 واحد:mh12:

وعبادي نسى خوفه واندمج وعاش الدور وكل يوم يعدهم

بس هذا مامنع انه أول ليله عاشها بصعوبه ولعوز خواته ومارقد بسرعه

انا بعيده الحمدالله خواته كلوها ههههههه:):




تابعوني في أحداث اليوم الثاني

والمغامرات اللي عشناها في الجزيره
:img_764:





الشاهين المسافر 13 / 03 / 2015 21 : 07 PM

رد: ايامي الحلوه في جزيرة كوسوماي Koh Samui الرائعه
 
ياسلام تقرير رائع من أختنا هداوه تابعي ونحن مستمتعين بالتفاصيل والنكهه التي تتميز بها تقاريرك

ناصر كويتي 14 / 03 / 2015 26 : 01 PM

رد: ايامي الحلوه في جزيرة كوسوماي Koh Samui الرائعه
 
منتجع رائع وجميل وانا عكسج احب الهدوء


وفعلا تايلند تكثر فيها الزواحف والحشرات والغريب بالامر انهم يعبدون بعض الزواحف بعد


متابعين

أبن السعودية 14 / 03 / 2015 27 : 03 PM

رد: ايامي الحلوه في جزيرة كوسوماي Koh Samui الرائعه
 
حلقة رائعة كروعتك ياأختي المحترمة أم عيسى
والله يجزاك كل خير ويرحم والديك يالغالية
تحياتي وتقديري وأحترامي لك ..

بن بطوطة 14 / 03 / 2015 03 : 09 PM

رد: ايامي الحلوه في جزيرة كوسوماي Koh Samui الرائعه
 
روعة ومتعة ان تقرأ تقرير وكأنك تعيشه تماما ...
بارك الله فيك اختنا هداوة على ابداعك فى السرد والتصوير وماقصرتى بهذه التغطية الجميلة ويعطيك العافية ....

هداوه 15 / 03 / 2015 37 : 09 PM

رد: ايامي الحلوه في جزيرة كوسوماي Koh Samui الرائعه
 
اقتباس:

المشاركة الأصلية كتبت بواسطة الشاهين المسافر (المشاركة 988711)
ياسلام تقرير رائع من أختنا هداوه تابعي ونحن مستمتعين بالتفاصيل والنكهه التي تتميز بها تقاريرك



ياهلا وسهلا فيك أخويي الشاهين


وانا تسعدني متابعتكم



اقتباس:

المشاركة الأصلية كتبت بواسطة ناصر كويتي (المشاركة 988910)
منتجع رائع وجميل وانا عكسج احب الهدوء

اقتباس:

المشاركة الأصلية كتبت بواسطة ناصر كويتي (المشاركة 988910)



وفعلا تايلند تكثر فيها الزواحف والحشرات والغريب بالامر انهم يعبدون بعض الزواحف بعد



متابعين




ابا بعد احب الهدوء بس هالمنتجع كان شبه خالي


يمكن مره شفت أسيويات وباقي الاوقات محد في المنتجع غيرنا وياموظفين الفندق


بعد لو من 27 فيلا 7 ساكنينهم بشر بتحس انه المكان ونيس



اقتباس:

المشاركة الأصلية كتبت بواسطة أبن السعودية (المشاركة 988948)
حلقة رائعة كروعتك ياأختي المحترمة أم عيسى
والله يجزاك كل خير ويرحم والديك يالغالية
تحياتي وتقديري وأحترامي لك ..


آمين الله يرحمهم ويغفرلهم ويجمعنا وياهم في الفردوس الأعلى


واحترامي لك أخويي ابن السعوديه



اقتباس:

المشاركة الأصلية كتبت بواسطة بن بطوطة (المشاركة 989051)
روعة ومتعة ان تقرأ تقرير وكأنك تعيشه تماما ...
بارك الله فيك اختنا هداوة على ابداعك فى السرد والتصوير وماقصرتى بهذه التغطية الجميلة ويعطيك العافية ....



العفو أخويه


ربي يعافيك ويسلمك


وسعيده بتواجدكم في تقريري ومشاركاتكم وان شاءالله القادم أحلى



هداوه 16 / 03 / 2015 43 : 12 AM

رد: ايامي الحلوه في جزيرة كوسوماي Koh Samui الرائعه
 
اليوم الثاني في جزيرة كوساموي
:img_764:


نشينا انا وبوعيسى من النوم بدري وخلينا العيال راقدين ياخذون كفايتهم من النوم

ونحن تمشينا لين مطعم المنتجع وشالين الجبن ويانا :115:

اليلسه حلوه

الريوق لابأس فيه مب هذاك الزود

لاتنسون انه المنتجع مافي حد الا نحن

ويمكن عايله أجنبيه ريال ويا زوجته

واظن روحوا عقب لأنه ماشفناهم

وثاني يوم شفنا الاسيويات وعقب بعد ماشفناهم

توا بوعيسى يقوللي انه منتجعنا كان فل ، هم قالوله جيه

بس انا متأكده انه جذابين

عنبوه فل وماشفنا حد طلع من فيلته

فل والمطعم فاضي والرسبشن فاضي والمسبح فاضي والشاطئ فاضي

كيف فل بالله عليكم


هاي صور ريوقنا

https://www.travelzad.com/photo/files/219698.jpg


اخترنا طاولتنا تطل ع البحر

https://www.travelzad.com/photo/files/219699.jpg





https://www.travelzad.com/photo/files/219700.jpg


وفه يلسات من صوب الحديقه

https://www.travelzad.com/photo/files/219701.jpg





https://www.travelzad.com/photo/files/219702.jpg


ما أدري ليش ماصورت صور أكثر لليلسات

مع انه المكان كبير

https://www.travelzad.com/photo/files/219703.jpg





https://www.travelzad.com/photo/files/219704.jpg





https://www.travelzad.com/photo/files/219705.jpg





https://www.travelzad.com/photo/files/219706.jpg





https://www.travelzad.com/photo/files/219707.jpg





https://www.travelzad.com/photo/files/219708.jpg


وطلبنا بيض وسوولنا ياه

https://www.travelzad.com/photo/files/219709.jpg


وهذا الشيخ اللي مرتز ويانا في كل سفراتنا

https://www.travelzad.com/photo/files/219710.jpg


وعقب ماخلصنا ريوقنا تمشينا ع البحر

وعقب رجعنا عند العيال وريقناهم وتجهزنا واستعدينا

لأول انطلاقه حقيقه في الجزيره واللي عشنا فيها وايد مغامرات


:0005:

قبل لآ أنتقل لأحداث هذا اليوم خلوني أخبركم بسلبيات المنتجع

ورغم انها ماتعتبر سلبيات كبيره

أكبر سلبيه في نظري

كانت الوانالمنتجع

وأقصد المطعم اليلسات ديكورات الفلل

تشوفون الغالب اللون الابيض والاسود والرمادي

وخصوصا المطعم كئيب رغم انه يلسته وموقعه ممتاز

من وجهة نظري المنتجع محتاج لألوان فريحيه

كوشنات فيها زخارف وورود

المنتجع محتاج من يرويه بالالوان ويضيف بهجه وسعاده

لم شفت الصور من موقعهم شفت انه فيه مخدات برتقاليه محطوطه ع الارض

مجابله الشاطئ بس لما كنا هناك ماشفتها

ولما كلمت المدير في هاي النقطه

خذا نفس عميق ورد وهو متطفر

الظاهر بعد هو يعاني من هاي النقطه ، وقال

انه أصحاب المنتجع وهم استراليين يحبون هاي الالوان ومايحبون الوان ثانيه

قلتله اللي يحبونه يسووونه في بيتهم ع ذوقهم ، ولكن حق البزنسس لازم يشوفون أذواق الزبائن

السلبيه الثانيه

المنظر الخلفي من الفيلا ممعتنين فيه

مثلا غرفتنا جدارها الامامي والخلفي كله زجاج

والحمام عزكم الله الجزء الخلفي منه زجاج ويطل ع الجهه الخلفيه

وهالمكان ميت وفيه بقايا أوساخ ومن رأيي

انه يسوون حديقه جميله من الورود والاشجار

وتكون نظيفه ومرتبه وتعطي منظر جمالي للخلفيه المطله ع الغرفه والحمام

السلبيه الثالثه

الريوق كان مقبول ولازم يهتمون فيه

مب شرط الكميه انما في الاختيارات والتنسيق

لأنه اذا الزبون عجبه المكان من كل النواحي فهو بيجذب زبائن غير

السلبيه الرابعه

موقع المنتجع كان شوي بعيد عن الحياه ومركز المدينه

في الأخير

رغم السلبيات اللي قلتلكم ياها الا انه مايمنع انه المنتجع حلو وسعره حلو

ويستاهل التجربه :0069:



تابعوني في مغامراتنا في هاليوم

:img_764:




هداوه 18 / 03 / 2015 16 : 07 PM

رد: ايامي الحلوه في جزيرة كوسوماي Koh Samui الرائعه
 
يوم المغامرات
:img_958:


قبل مانبدأ برحلة اليوم خلوني أخبركم عن موقع فندقنا


هاي خريطة الجزيره


https://www.travelzad.com/photo/files/219711.jpg




لها عدة شواطئ بس أشهرها شاطئ ليماي وهو اللي تتركز فيه الكثير من الفنادق


وسنتر ليماي هو الحيوي واللي فيه تكثر المطاعم والاسواق


تشوفون السهم هنيه موقع فندقنا


عاد لاتضحكون عليه أنا مال أول وبدائيه أصورلكم من فوني وأحددلكم بقلمي :21:


https://www.travelzad.com/photo/files/219712.jpg




الدائره الثانيه اللي عقب فندقنا هنيه موقع فندق بنيان تري اللي كنا بنسكن فيه


https://www.travelzad.com/photo/files/219713.jpg




والدائره اللي فوق هذا فندق W


https://www.travelzad.com/photo/files/219714.jpg




مثل ماتلاحظون انه نحن شويه بعيد يعني المطار كان يبعد ساعه أو ساعه الاربع


بس تدرون ماكنا نحس بالبعد


ولما نتمشى بالسياره نيلس نتفرج ع الجزيره




رحلة اليوم


لما سرنا عند الرسبشن سالناهم عن مكان مناسب نزوره


والاماكن كثيره


https://www.travelzad.com/photo/files/219715.jpg




وبعد مناقشات طلبنا منهم نزور شلالات وتكون قريبه منا


شوفوا موقعها من الخريطه




https://www.travelzad.com/photo/files/219712.jpg




أجرنا السياره لمدة كم ساعه بمبلغ معين


نسيت كم ؟


وقلنا بنزور الشلال وعقب بنزور مكان فيه صخره معينه ع البحر


والمنظر من هناك حلو للتصوير حسب كلامهم


وبنسير كم مكان ، ولكن اللي صار تفاجأنا فيه


لما وصلنا مكان الشلال اكتشفنا انه المكان سياحي ويشمل عدة أنشطه


https://www.travelzad.com/photo/files/219717.jpg


الشلالات


عروض للقرود


عروض للطيور


ركوب الدراجات


https://www.travelzad.com/photo/files/219718.jpg


ركوب الفيله


https://www.travelzad.com/photo/files/219719.jpg






وفيه كوفي شوب


والصراحه ما أدري اذا فيه أشياء ثانيه ماانتبهت عليها


https://www.travelzad.com/photo/files/219720.jpg




انبهرنا بالمكان ويلسنا فيها تقريبا 4 ساعات


اللي يبا يسير مثل هاي الرحله لابد يراعي هالنقاط :


1- تسيرون بدري


2- لبس ملابس قطنيه خفيفه


3- جواتي أو نعله مريحه


4- اليهال لبسوهم كابات تحميهم من الشمس


5- ماتحتاجون ماي وعصاير هناك موجود


6- ممكن مظله ممكن تمطر فجأه


7- لبس السباحه وفوط ولوازمه للشباب واليهال للي يبا يتسبح عند الشلال


نتابع رحلتنا


أول مانزلنا سرنا الكاونتر وحجزنا تذاكر


للشلال


وركوب الفيله حق العيال بس أنا وبوعيسى مابغينا


وحجزنا حق ركوب الدراجات انا والعيال بس




https://www.travelzad.com/photo/files/219721.jpg












https://www.travelzad.com/photo/files/219722.jpg












https://www.travelzad.com/photo/files/219723.jpg














https://www.travelzad.com/photo/files/219724.jpg














https://www.travelzad.com/photo/files/219723.jpg












https://www.travelzad.com/photo/files/219726.jpg




المكان حلو ومرتب


https://www.travelzad.com/photo/files/219727.jpg








https://www.travelzad.com/photo/files/219728.jpg












https://www.travelzad.com/photo/files/219729.jpg




عشان نشوف الشلال لازم نركب سياره جيب ونربط الاحزمه وفيه كرسيين فوق السياره الجيب اللي يبا ايلس فوق


البنات صعدوا فوق عشان يصورون وانا وبوعيسى وعبادي ركبنا ورا في الجيب مع الاجانب


وتحركت السياره اللي تصعدنا ع جبل وتمشي في ممرات وعره


تخبطنا عدل والبنات فوق أسمع صريخهن ، الصراحه خفت وحده منهن تطيح


وعقب مسافه وقفت السياره ونزلونا


وبدينا نمشي ع جسور متهالكه وحبال لين نوصل الشلال


وهنيه عندي ملاحظه


صحيح المكان مب خطر وايد بس المفروض هالجسور يضبطونها ويخلونها أكثر أمان


لو لاسمح الله حد طاح ممكن يتعور لأنه تحت كله حصا


https://www.travelzad.com/photo/files/219730.jpg










https://www.travelzad.com/photo/files/219731.jpg




طبعا أنا اوقف وانا ع الجسر واصور الشلال




https://www.travelzad.com/photo/files/219732.jpg










https://www.travelzad.com/photo/files/219733.jpg










https://www.travelzad.com/photo/files/219734.jpg










https://www.travelzad.com/photo/files/219735.jpg




وبعد ماعبرنا الجسور وصلنا لمنطقه وجابلنا هالشلال اللي صورته لكم ، ولكن هاي كانت المرحله الأولى


https://www.travelzad.com/photo/files/219736.jpg


المرحله الثانيه نصعد الجبل وبعض الصعدات فيها درج وبعضها منحدر نمشي عليه


قال بوعيسى لين هنيه وبس ومافي داعي نسير المرحله الثانيه:16:


انا والبنات احتجينا وقلناله نبا نشوف الشلال العود :(:


قال المكان خطر ويزحلق :5:


قلناله مثل ما الاجانب يركبون نحن بعد


تحت اصرارنا ماقدر المسكين يعترض :):


وبدينا المرحله الثانيه


ونفس الملاحظه واللي فعلا مستغربه منها


ليش مايعدلون هالمكان ويحافظون ع سلامة الناس


مستحيل في اوروبا تلقون أماكن سياحيه مثل جيه وممهتمين فيها


توكلنا ع الله


بوعيسى ماسك عبادي وأنا والبنات كل وحده شاله عمرها


وبدينا مرحله صعبه من التسلق


https://www.travelzad.com/photo/files/219737.jpg








https://www.travelzad.com/photo/files/219738.jpg




نمشي ونشوف الماي اللي نازل من الشلال


https://www.travelzad.com/photo/files/219739.jpg




الصراحه المكان وعر وصعب ويزحلق ولازم تتحذرون وايد


وتكون نعلتكم مناسبه والافضل تكون جوتي




https://www.travelzad.com/photo/files/219740.jpg




وصلنا بعد جهد كبير


وصلنا وعرقنا وايد من الحر والمجهود


وكنا وايد عطشانين ، بس الحمدالله شفنا هاي في ويهنا


https://www.travelzad.com/photo/files/219741.jpg




ع طول تناولنا شي بارد نشربه وكان فيه طاولات وكراسي


يعني هي استراحه وعداله الشلال العود


والناس عدال الشلال ، منهم يتسبح ومنهم يتصور ومنهم يالس يتفرج


ووايد يهال وعوائل


عاد انا وبناتي سرنا عدال الشلال وهناك كلها أحجار كبيره لازم تحاسبون وانتوا تمشون


بوعيسى وياعبادي يلسوا عند الاستراحه وهالثنين دوم متعاونين علينا


وطبعا بوعيسى مب عايبنه انه يينا هنيه :16:


الصراحه أنا ما الومه لأنه كان وايد خايف علينا




https://www.travelzad.com/photo/files/219742.jpg




المكان حل وأحلى من الشلال الصغير


لكن للاسف هاي الصوره الوحيده حصلتها والباقي فيها صورنا الشخصيه


وانا بعد انشغلت بموضوع ثاني


الله يسلمكم لفت نظري واحد هندي يصور زوجته بكاميرا احترافيه


وهي تسوي حركات وهو يصورها وياخذلها اللقطات


وانا فاجه حلجي أتفرج :):


لين يانا النداء من بوعيسى :mh12:


يالا بنروح من هالمكان


رجعنا عنده وجان نقوله ، يقولون فيه بعد مرحله ثالثه وشلال ثاني فوق وطيور


مافي داعي أقولكم الجواب :):


رجعنا نجر أذيال الخيبه انه ماصعدنا المرحله الثالثه هههههههههههههههه


وطبعنا رجعنا من نفس الاماكن ونفس الجسور والمنحدرات وكله وفي الأخير ركبنا السياره الجيب


وهاي المره البنات ركبوا ويانا لأنه فيه أجانب خذوا مكانهم اللي فوق


وعقب مانزلنا سرنا النشاط الثاني


:1:




شكبم 18 / 03 / 2015 57 : 10 PM

رد: ايامي الحلوه في جزيرة كوسوماي Koh Samui الرائعه
 
ماشاء الله عيني عليكي بارده
ماافكر اني ااركب جيب وامشي في الغابه :004: طيب لو طلع لي نمر وش اسوي خوافه انا:tears:
واصلي متابعه رحلتك:0005:

هداوه 20 / 03 / 2015 24 : 01 AM

رد: ايامي الحلوه في جزيرة كوسوماي Koh Samui الرائعه
 
اقتباس:

المشاركة الأصلية كتبت بواسطة شكبم (المشاركة 990750)
ماشاء الله عيني عليكي بارده

اقتباس:

المشاركة الأصلية كتبت بواسطة شكبم (المشاركة 990750)
ماافكر اني ااركب جيب وامشي في الغابه :004: طيب لو طلع لي نمر وش اسوي خوافه انا:tears:
واصلي متابعه رحلتك:0005:






هههههههههههههههههههههههههههههه ه


مامشينا في الغابه


انما مشينا فوق صعده ع الجبل

هداوه 20 / 03 / 2015 37 : 01 AM

رد: ايامي الحلوه في جزيرة كوسوماي Koh Samui الرائعه
 
نتابع معاكم مغامراتنا
:img_962:


عقب ماخلصنا جولتنا عند الشلال يادور ركوب الفيله


وهالنشاط بس حق اليهال أنا وبوعيسى مابغينا ، سبق ركبنا الفيل ومالنا خاطر


اركبوا عيالي وراحوا في جوله مع الفيل وأنا وبوعيسى يلسنا في كوفي شوب نشربنا شي ومجابلين منصة ركوب الفيله


ونتريا العيال يوصلون عشان نصورهم










https://www.travelzad.com/photo/files/219743.jpg












https://www.travelzad.com/photo/files/219744.jpg












https://www.travelzad.com/photo/files/219745.jpg










https://www.travelzad.com/photo/files/219746.jpg












https://www.travelzad.com/photo/files/219747.jpg














https://www.travelzad.com/photo/files/219748.jpg














https://www.travelzad.com/photo/files/219749.jpg








تابعوني ...




هداوه 23 / 03 / 2015 33 : 09 PM

رد: ايامي الحلوه في جزيرة كوسوماي Koh Samui الرائعه
 
نتابع فعاليات هذا اليوم
:img_962:


بعد ماخلصوا العيال ركوب الفيله سرنا عند النشاط الأحلى وهو ركوب الدراجات




https://www.travelzad.com/photo/files/219718.jpg




عاد أنا تحمست أركب الدراجه وبيني وبينكم كنت خايفه لأني من زمان ماركبت


لبسونا خوذه وكل واحد من عيالي ركب دراجته


وكان معانا أجانب وكنا مجموعه وطلعوا معانا اثنين من المرشدين


واحد جدامنا بدراجته والثاني ورانا


في البدايه استغربت ليش نحن قروب وليش هم معانا ، ولكن


بعد ما انطلقنا معاهم قلت الحمدالله انهم معانا


يمشونا وسط الزراعه في ممرات خاصه ووعره بالاضافه انه فيه صعدات ونزلات ومنحيات


وساعات نمشي ع الماي وع حصى وع طريق مرصوف وع رمله


https://www.travelzad.com/photo/files/219751.jpg


والأخطر انه نمشي والفيله تمشي عدالنا :mh12:


ونحن منطلقين فجأه دعمني عبادي:(:


ودخل جزء من دراجته في دراجتي


والحمدالله الله سلمنا نحن الاثنين


وتمينا فتره واقفين لين ماقدروا يفكون الدراجتين والاجانب متضايقين لأنه معطلينهم


وبعد مافكها الريال قال لعبادي انه يركب معاه


طبعا عبادي احتج يبا بروحه


وانا قلت الحمدالله انه الريال عصب وخذاه معاه في دراجته


أرتحت وبعدها انطلقنا عدل




https://www.travelzad.com/photo/files/219752.jpg








https://www.travelzad.com/photo/files/219753.jpg




وانا أسوق وأنبه البنات


تصدقون طلعت انا أسوق أحسن عن بناتي وشفت اني وايد أعرف أتحكم فيها


يمكن عشان أنا أسوق سياره وعندي خبره


وماتتخيلون كيف انبسطت وااااايد استانست ماتوقعت اني بعيش هاي المشاعر


حسيت اني رجعت صغيره


فله والله لايفوتكم :0005:




:img_962:


بعد ماخلصنا ركوب الدراجات


خلص الوقت ولازم نطلع لأنه مافيه شي نسويه


عروض القرود والثعابين فاتنا مالحقنا عليهم


كان السائق يتريانا طلبنا منه يودينا نتعشى في مطعم من اختيار البنات


تابعوني ..




هداوه 23 / 03 / 2015 52 : 11 PM

رد: ايامي الحلوه في جزيرة كوسوماي Koh Samui الرائعه
 
نتابع معاكم
:img_962:



بعد ماخلصنا مغامراتنا سرنا مطعم ايطالي

ونحن في الطريج وقفنا عند مكان ويلسنا نصور بس مااعرف وين هالمكان


https://www.travelzad.com/photo/files/219754.jpg






https://www.travelzad.com/photo/files/219755.jpg






https://www.travelzad.com/photo/files/219756.jpg





https://www.travelzad.com/photo/files/494216.jpg






https://www.travelzad.com/photo/files/219757.jpg





https://www.travelzad.com/photo/files/219758.jpg






https://www.travelzad.com/photo/files/219759.jpg


وعقب ماصورنا ، سرنا صوب مطعمنا واسمه


https://www.travelzad.com/photo/files/219760.jpg






https://www.travelzad.com/photo/files/219761.jpg


وهذا موقعهم ع النت

http://www.drfrogssamui.com/


انطباعي

مطعم راقي وجميل والمنظر اللي يطل عليه غايه في الروعه وانصح فيه


https://www.travelzad.com/photo/files/219762.jpg


دخلنا المطعم وكان فاضي لأنه نحن سايرين بدري

لاهو وقت غدا ولاوقت عشاء

ووجبتنا هاي هي الغداء والعشاء


https://www.travelzad.com/photo/files/219763.jpg


المطعم كبير


https://www.travelzad.com/photo/files/219764.jpg





https://www.travelzad.com/photo/files/219765.jpg





https://www.travelzad.com/photo/files/219766.jpg


هاي طاولتنا


https://www.travelzad.com/photo/files/219767.jpg






https://www.travelzad.com/photo/files/219768.jpg






https://www.travelzad.com/photo/files/219769.jpg






https://www.travelzad.com/photo/files/219770.jpg






https://www.travelzad.com/photo/files/219771.jpg






https://www.travelzad.com/photo/files/219772.jpg






https://www.travelzad.com/photo/files/219773.jpg






https://www.travelzad.com/photo/files/219774.jpg



المطل الجميل


https://www.travelzad.com/photo/files/219775.jpg


كان الجو كله هواء ورياح

وعموما هاي الفتره تكثر الرياح والامطار في الجزيره

هذا الممر يودينا للحمام عزكم الله

وانا أمشي هنيه جان اشوف الشيخ طيطار يترياني :mh12:


https://www.travelzad.com/photo/files/219776.jpg





https://www.travelzad.com/photo/files/219777.jpg


وانا سايره الحمام شفت العاملات وهم يشتغلون


https://www.travelzad.com/photo/files/219778.jpg


بس مافي داعي تشوفون كراكيبهم :16:


https://www.travelzad.com/photo/files/219779.jpg



طلباتنا

الصراحه صورت في البدايه ومن اليوع نسيت أصور باقي أطباقي


أذكر كنا طالبين باستا وبيتزا ونسيت شوبعد

https://www.travelzad.com/photo/files/219780.jpg





https://www.travelzad.com/photo/files/219781.jpg





https://www.travelzad.com/photo/files/219782.jpg






https://www.travelzad.com/photo/files/219783.jpg


طبعا غربت الشمس وليلت


https://www.travelzad.com/photo/files/219784.jpg


وعقب مماخلصنا طلبونا تكسي وردينا منتجعنا





تابعوني في

اليوم الثاني وكيف قضيناه


:img_962:






هداوه 26 / 03 / 2015 16 : 12 AM

رد: ايامي الحلوه في جزيرة كوسوماي Koh Samui الرائعه
 
نتابع معاكم اليوم الثالث من رحلتنا الجميله في
جزيرة كوساموي
:img_962:


اليوم الاول كان يوم الوصول


اليوم الثاني يوم رحلة الشلال ومغامراتنا


اما هاليوم فهو يوم حافل


واستعدوا بطلعكم من الصبح لين فليل متأخر


أول طلعه كانت لزيارة فندق بنيان تري


قلنا مايستوي لازم نزور فندقنا اللي كنسلناه


وفكرنا نتريق فيه دام انه ريوق فندقنا مب هاك الزود


وأجرنا السياره وسرنا الفندق


الدائره هو فندق بنيان تري


وفندقنا تحت اللي عليه سهم


https://www.travelzad.com/photo/files/219785.jpg




قبل مانسير طلبنا من فندقنا يحجزون لنا الريوق في بانيان تري


واول ماوصلنا الرسبشن سألناهم عن مكان المطعم




https://www.travelzad.com/photo/files/219786.jpg




المطعم كان وايد زحمه




https://www.travelzad.com/photo/files/219787.jpg




ماقدرت أصور وايد اليلسات بسبب الزحمه والمطعم كبير وفيه يلسات داخليه وخارجيه


بس من كثر الهواء محد يلس برع


شوفوا الستائر كيف تطير من شدة الرياح


https://www.travelzad.com/photo/files/219788.jpg








https://www.travelzad.com/photo/files/219789.jpg








https://www.travelzad.com/photo/files/219790.jpg








https://www.travelzad.com/photo/files/219791.jpg








https://www.travelzad.com/photo/files/219792.jpg








https://www.travelzad.com/photo/files/219793.jpg




وهاي الحرمه تشتغل أشغال يدويه للبيع




https://www.travelzad.com/photo/files/219794.jpg




بالنسبه للبوفيه ما اتذكر كم سعر الشخص بس دفعنا الاجمالي تقريبا 500 درهم


والصراحه ماعجبنا وايد البوفيه


https://www.travelzad.com/photo/files/219795.jpg








https://www.travelzad.com/photo/files/219796.jpg








https://www.travelzad.com/photo/files/219797.jpg








https://www.travelzad.com/photo/files/219798.jpg








https://www.travelzad.com/photo/files/219799.jpg








https://www.travelzad.com/photo/files/219800.jpg








https://www.travelzad.com/photo/files/219801.jpg








https://www.travelzad.com/photo/files/219802.jpg








https://www.travelzad.com/photo/files/219803.jpg








https://www.travelzad.com/photo/files/219804.jpg








https://www.travelzad.com/photo/files/219805.jpg








https://www.travelzad.com/photo/files/219806.jpg




عقب ماخلصنا ريوقنا قمنا تجولنا شوي في اللوبي


وحصلنا يلسه رايقه حتى بوعيسى يلس ومارضى يتحرك


الصراحه ما الومه


https://www.travelzad.com/photo/files/219807.jpg








https://www.travelzad.com/photo/files/219808.jpg








https://www.travelzad.com/photo/files/219809.jpg




لقطه عامه لغرف بانيان تري وفللهم
https://www.travelzad.com/photo/files/219810.jpg




كلمناهم انه يراوونا غرفهم ولكن قالت فل


بس سمحولنا نركب البجي ونتفرج ع المنتجع


بس بوعيسى مارضى يتحرك من مكانه وعبادي تم وياه وانا والبنات خذينا جوله


https://www.travelzad.com/photo/files/219811.jpg








https://www.travelzad.com/photo/files/219812.jpg








https://www.travelzad.com/photo/files/219813.jpg




حمام السباحه


https://www.travelzad.com/photo/files/219814.jpg




شوفوا الرياح كيف شديده


https://www.travelzad.com/photo/files/219815.jpg








https://www.travelzad.com/photo/files/219816.jpg








https://www.travelzad.com/photo/files/219817.jpg




يلسات ع البحر واعتقد مطعم بس من الرياح مول محد يالس برع


https://www.travelzad.com/photo/files/219818.jpg








https://www.travelzad.com/photo/files/219819.jpg




تخيلوا حالتنا في هالهواء


أحس كنا بنطير


https://www.travelzad.com/photo/files/219820.jpg








https://www.travelzad.com/photo/files/219821.jpg








https://www.travelzad.com/photo/files/219822.jpg








https://www.travelzad.com/photo/files/219823.jpg








https://www.travelzad.com/photo/files/219824.jpg




لقطه من بعيد
https://www.travelzad.com/photo/files/219825.jpg




لقطات من فوق ع المنتجع




https://www.travelzad.com/photo/files/219826.jpg








https://www.travelzad.com/photo/files/219827.jpg








https://www.travelzad.com/photo/files/219828.jpg




انطباعي عن الفندق


جدا راقي ونظيف ولكن


مثل ماقلتلكم ماعجبني البوفيه


وسعره جدا غالي


والرسبشن والمطعم بعيدين عن السكن ولازم التنقل يكون بالبجي الا اللي يبا يمشي مسافه طويله




أخيرا
لقطتي البانوراميه :0005:




https://www.travelzad.com/photo/files/219829.jpg







تابعوني في جولتي الثانيه في هاليوم

:img_962:



ناصر كويتي 26 / 03 / 2015 50 : 09 AM

رد: ايامي الحلوه في جزيرة كوسوماي Koh Samui الرائعه
 
ماشاء الله عجبني المطعم الايطالي وجلسته راقيه لابعد الحدود

يعني لازم تروحون للفندق علشان تتحسفون زياده بس بصراحه مبين انه فندق فخم

رحله الشلال رائعه وخطره بنفس الوقت وانا اؤيد ابو عيسى في كل شي

متابعين طال عمرج

مافي سي فود بالجزيره

هداوه 26 / 03 / 2015 46 : 07 PM

رد: ايامي الحلوه في جزيرة كوسوماي Koh Samui الرائعه
 
اقتباس:

المشاركة الأصلية كتبت بواسطة ناصر كويتي (المشاركة 992935)
ماشاء الله عجبني المطعم الايطالي وجلسته راقيه لابعد الحدود

اقتباس:

المشاركة الأصلية كتبت بواسطة ناصر كويتي (المشاركة 992935)


يعني لازم تروحون للفندق علشان تتحسفون زياده بس بصراحه مبين انه فندق فخم


رحله الشلال رائعه وخطره بنفس الوقت وانا اؤيد ابو عيسى في كل شي


متابعين طال عمرج


مافي سي فود بالجزيره




هههههههههههههههههههههه


الصراحه ماتحسفنا يوم شفنا الفندق


ما أدري حسينا انه نحن توفقنا في فندقنا


مابخبر بوعيسى انه مأيدنه في كل شي :16:



أكيد شي سي فود بس ماكنا ندوره لأني عارفه اني بسير بانكوك وبناكل سي فود لين نشبع


هداوه 26 / 03 / 2015 15 : 08 PM

رد: ايامي الحلوه في جزيرة كوسوماي Koh Samui الرائعه
 
نتابع معاكم جولتنا الثانيه في هاليوم
:img_962:


بعد ماتريقنا قلنالهم يطلبونا تكسي وسرنا لجولتنا الثانيه الى..

حلبة سباق السيارات

أسمه ...


https://www.travelzad.com/photo/files/219830.jpg


لما وصلنا شفنا الحلبه مقسمه قسمين ، قسم للصغار وقسم للكبار

والاسعار تختلف حسب البكجات والاعمار


https://www.travelzad.com/photo/files/219831.jpg




https://www.travelzad.com/photo/files/219832.jpg


حاولوا البنات يقنعوني أشارك وياهم بس رفضت

وقتها كان الجو مشمس وحار ومالي بارض

بوعيسى سار وياعبادي

وانا سرت في قسم البنات عشان أصورهم

وهم استمتعوا بس أنا ماكان لي خلق وايد ، صورتهم وعقب يلست أشرب ماي بارد

وارتاح لين يخلصون



كاونتر التذاكر


https://www.travelzad.com/photo/files/219833.jpg



الاستراحه


https://www.travelzad.com/photo/files/219834.jpg







https://www.travelzad.com/photo/files/219835.jpg







https://www.travelzad.com/photo/files/219835.jpg







https://www.travelzad.com/photo/files/219837.jpg







https://www.travelzad.com/photo/files/219838.jpg


عبادي مستعد ويسلم عليكم

ربي يحفظه ويسلمه


https://www.travelzad.com/photo/files/219839.jpg






https://www.travelzad.com/photo/files/219840.jpg






https://www.travelzad.com/photo/files/219841.jpg






https://www.travelzad.com/photo/files/219842.jpg






https://www.travelzad.com/photo/files/219843.jpg







https://www.travelzad.com/photo/files/219844.jpg







https://www.travelzad.com/photo/files/219845.jpg







https://www.travelzad.com/photo/files/219846.jpg


وبعد ماخلصنا كلمناهم يطلبونا تكسي عشان نسير وجهتنا الثالثه



تابعوني ...


أبن السعودية 28 / 03 / 2015 59 : 07 AM

رد: ايامي الحلوه في جزيرة كوسوماي Koh Samui الرائعه
 
الغالية أم عيسى جولة رائعة بحلبة السيارات
والله يسلمك ويسلم ولدك الغالي عبادي ويحفظه من كل شر
يارب ياكريم أحسنتي تحياتي وتقديري وأحترامي لك ..

هداوه 28 / 03 / 2015 41 : 10 PM

رد: ايامي الحلوه في جزيرة كوسوماي Koh Samui الرائعه
 
اقتباس:

المشاركة الأصلية كتبت بواسطة أبن السعودية (المشاركة 993422)
الغالية أم عيسى جولة رائعة بحلبة السيارات والله يسلمك ويسلم ولدك الغالي عبادي ويحفظه من كل شر يارب ياكريم أحسنتي تحياتي وتقديري وأحترامي لك ..




شكرا لك أخويي


والله يحفظلك كل من تحب


هداوه 28 / 03 / 2015 21 : 11 PM

رد: ايامي الحلوه في جزيرة كوسوماي Koh Samui الرائعه
 
نتابع جولاتنا لهاليوم
:img_958:


الجوله الثالثه


بعد ماخلصنا من حلبة سباق السيارات ركبنا التكسي وسرنا مول


هذا المول شفناه أول يوم ونحن طالعين من المطار لين المنتجع وفكرنا نزوره


أسم المول


https://www.travelzad.com/photo/files/219847.jpg






https://www.travelzad.com/photo/files/219848.jpg




عنوانه


https://www.travelzad.com/photo/files/219849.jpg


أول ماوصلنا ودخلنا حسينا انه المول شرح وكبير بس نحن متفقين انه مابنتسوق


لأنه تنتظرنا اسواق بانكوك ، انما الهدف من الزياره انه


نتمشى ونتفرج ع المول ونشوف اذا فيه أنشطه


https://www.travelzad.com/photo/files/219850.jpg






https://www.travelzad.com/photo/files/219851.jpg






https://www.travelzad.com/photo/files/219852.jpg





https://www.travelzad.com/photo/files/219853.jpg





https://www.travelzad.com/photo/files/219854.jpg





https://www.travelzad.com/photo/files/219855.jpg





https://www.travelzad.com/photo/files/219856.jpg






https://www.travelzad.com/photo/files/219857.jpg






https://www.travelzad.com/photo/files/219858.jpg






https://www.travelzad.com/photo/files/219859.jpg







https://www.travelzad.com/photo/files/219860.jpg








https://www.travelzad.com/photo/files/219861.jpg


الصراحه ماطولنا في التمشي ع طول دخلنا ستاربكس


https://www.travelzad.com/photo/files/219862.jpg




يلسنا وريحنا لأنه كنا تعبانين من الحر ومن يلستنا في جولتنا اللي قبل مال السيارات

بعد العيال قالوا بيتمشون وقروا انه فيه بيت الرعب

قلتلهم انتوا سيروا واخذوا أخوكم وياكم وانا وابوكم بنسير نتمشى بروحنا

العيال حصلوا بيت الرعب ودخلوه


https://www.travelzad.com/photo/files/219863.jpg



وحصلوا سينما 6D
https://www.travelzad.com/photo/files/219864.jpg



https://www.travelzad.com/photo/files/219865.jpg



أما أنا وبوعيسى طلعنا من المخرج الخلفي وشفنا شجرة الكريسماس



https://www.travelzad.com/photo/files/219866.jpg







https://www.travelzad.com/photo/files/219867.jpg


وهاي لقطه ليليه


https://www.travelzad.com/photo/files/219868.jpg






https://www.travelzad.com/photo/files/219869.jpg



اكتشفنا انا وبوعيسى انه المخرج الخلفي يطلعنا ع شارع طويل

كله مطاعم ومحلات بس أنا شفت شي ثاني

شفت هالمحل


https://www.travelzad.com/photo/files/219870.jpg


فيدا اسبا

قلت لبوعيسى تعال بنسوي أنا وانته فوت مساج

وسوينا مدة ساعه


ياسلاااام عدلت المزاج


https://www.travelzad.com/photo/files/219871.jpg


عقب ماخلصنا سرنا عند العيال ومشينا شوي في المول وعقب

وقفنا تكسي وسرنا وجهتنا الرابعه


انطباعي عن المول

المول جميل ويستحق الزياره


والمنطقه الخلفيه حلو التمشي فيها وممكن تتغدون أو تتعشون فيها

وفيه بعد مول ثاني وايد عجبني شكله



بس للاسف مامدانا نزوره ولكن شفته في البروشور


https://www.travelzad.com/photo/files/219872.jpg







https://www.travelzad.com/photo/files/219873.jpg







https://www.travelzad.com/photo/files/219874.jpg







https://www.travelzad.com/photo/files/219875.jpg







https://www.travelzad.com/photo/files/219876.jpg






https://www.travelzad.com/photo/files/219877.jpg




تابعوني في جولتنا الرابعه
:img_958:




ناصر كويتي 29 / 03 / 2015 48 : 09 AM

رد: ايامي الحلوه في جزيرة كوسوماي Koh Samui الرائعه
 
يا سلام على الفوت مساج

المول هذا نفس اللي في بتايا السنترال كبير وموقعه ممتاز

متابعين

أبن السعودية 29 / 03 / 2015 42 : 09 PM

رد: ايامي الحلوه في جزيرة كوسوماي Koh Samui الرائعه
 
جولة رائعة ياأختي الغالية أم عيسى
ويازين المجمع وياحلووو المساج
تحياتي وتقديري وأحترامي لك ..

الشاهين2004 29 / 03 / 2015 43 : 09 PM

رد: ايامي الحلوه في جزيرة كوسوماي Koh Samui الرائعه
 
يعطيك العافيه اختي هداوه تقرير حلو


الساعة الآن 43 : 10 AM.