شبكة ومنتديات زاد المسافر - رتبولي جدولي لرحلة لأول مرة للنمسا وما جاورها

اقتباس:

المشاركة الأصلية كتبت بواسطة Abo Fares 84 (المشاركة 1087830)

حياك الله اخت مسك,,,
أولاً اختيار موفق.. النمسا وألمانيا,,, ونفس المخطط اللي ذكره اخي عاشق أوروبا.. مخطط خفيف وتوزيع الايام فيه حلو .. كذا يكون فعلا راحه واستجمام..

وأوافق أخي عاشق أوروبا من ناحية عدم دمج بعض الاماكن اللي تتشارك بنفس الطابع السياحي.. مثلا الريف النمساوي.. زيلامسي وماجاورها,,, والريف السويسري ..انترلاكن وما جاورها..

مو بس مشكلة المساافه بين زيلامسي وانترلاكن.. أيضاً تشابه بينهم..

أنا زرت الثنتين.. بس كل وحده برحله مستقله...

وحقيقه.. بالنسبه لي عجبني الريف النمساوي أكثر .. ومادياً أرخص بكثير..

رحلتي للنمسا وألمانيا كانت بـ 2012 ,, بنفس المخطط اللي ذكره اخي عاشق اوروبا ..مع تغيير بسيط.. وكانت رحله جدا مريحه..

كتبت عنها تقرير مفصل لكن للاسف رااح بعد إغلاق منتدى العرب المسافرون.. وجدته بأحد المنتديات لكنه بدون صور :(

بالنسبه لوقت السفر..من 1 أكتوير إلى 16 .. أهنيكم على هذا التاريخ.. هو نفس تاريخ رحلتي.. الجو حلوو بالمدن.. بارد معقول بالارياف..جو خريفي مع تلون الاشجار..

بالنسبه للمواصلات.. لا تقارنوون استئجارالسياره بالسائق اللي بسيرلانكا بدول اوروبا..هذا الشي اللي خلى زوجك يغض النظر هههه

اولا سيرلانكا القياده عندهم جهة اليسار.. وطرقهم تعبانه .. واكيد زحمه وفوضه عندهم.. (رحلتي لسيرلانكا بعد اسبوع.. بس حسب ما قرأت عنها)

ولاني زرت اندونيسيا ولاحظت نفس ما قرأته عن سيرلانكا,, اكيييد مستحيل نسوق فيها..

لكن اوروبا شي ثااااني.. قيادتهم مثلنا..نفس الاتجاه.. ما فيه زحمه تذكر.. سعر ايجار مناااسب جدا جدا تشيل عنكم تكاليف المواصلات.. وغير كذا متعه ما بعدها متعه القياده براحتكم بين الارياف..

اللي عملت لهم مخططات سياحيه.. أغلبهم اقنعتهم بالقياده.. رجع يشكرني.. عاد شوفي زوجك وش رأيه .. خصوصا ان القياده بتكون في اماكن معينه فقط..مو كل الرحله..

بذكر لك مخطط مناسب للي عنده سياره..

المخطط كالتالي:

فيننا 3 ليال (سألتي عن فيينا.. نعم جميله وتستحق هالفتره .. وعجبني التسوق فيها)
ثم الانتقال بالقطار برحله مباشره إلى سالزبورغ التذكره رخيصه جدا .. للشخص حول 19 يورو

سالزبورغ 3 ليال (لو كان المخطط باستئجار سياره..منها تطلعون يوم لزيارة البحيرات المجاوره..3 بحيرات روعه.. وتخصصون يوم تطلعون لقرية هيشتات جدا جمييله ويوم لسنتر سالزبورغ..المدينه القديمه ما ينمل منها)

كابرون 4 إلى 5 ليال (فيها مناشط كثييره .. القمه الثلجية.. شلالات كراميل..طبعا زيلامسي ملاصقه لها والزحليقات الصيفيه .. )

قارمش 3 ليال (قارمش بجنوب المانيا..حول ساعتين من كابرون..وعلى الطريق بتمرون على انسبروك..تستحق الوقوف فيها نص يوم, ووانتوا في قارمش..تخصصون يوم تطلعون لقرية برتساو على الحدود مع النمسا ..مسافة 70 كيلو تقريبا.. ويبقى ليلتين في قارمش.. يوم تخلونه كامل لقارمش.. ويوم تطلعون لقرى قريبه من قارمش.. فوسن مثلا..مره جميله)

ميونخ ليلتين (من قارمش لميونخ حول ساعه.. ليله بميونخ للتسوق.. واليوم الثاني العوده للوطن)

السياره استخدامها فقط في الارياف..
يعني من لما توصلون لسالزبورغ.. يتم استئجار السياره من قريه المانيه قريبه منها جدا..مسافة 10 دقايق بالتاكسي.. وتستخدمونها بسالزبورغ.. زيلامسي.. قارمش..ثم تسلم بميونخ..
ما اظن تكلفكم اكثر من 1500- إلى 2000 ريال كامل المده... أما سياره مع سواق.. اليوم بـ 1000 مشكله والله..

واخيراً,,

ان شا الله تلقون رحله طيران مناسبه وتتوكلون على الله..

تحياتي لكم,,

ماقصرت اخوي الله يجزاك خير .. لا مع الأسف الشديد لا مجال لفكرة انه زوجي يسوق برا ديرته هو رافض الفكرة تماما رغم محاولاتي .. لكن ليس السبب سائق سريلانكا وانه السواقة بجهة اليمين لأنا جربنا البوسنة وكانت مع سايق ايضا والسواقة عندهم مثلنا لكن هو كذا يرتاح لسواق يودينا ويجيبنا او مترو يقلق كذا بدون سبب ..
برنامجك جميل .. فقط يمكن اعدل على برنامج الأخ عاشق اوروبا واقلل الأيام بانسبروك قريت عنها كلام غير مريح وبعد مهي ريفية انا بحاجة للريف الأوروبي اكثر.. بس يمكن ليلة لرؤية البيت المقلوب وممكن مصنع الشوارفسكي واحتمال استبدلها بريتساو .. وافكر ازور قرية هايدي السويسرية لو سمحت الفرصة لأنها قريبة منهم والعودة بنفس اتليوم او مبات بفندق هايدي .. هذي أمور بادرسها بعدين

اميين اخوي الله يسهلها وتطلع رحلة جميلة .. انا اكثر شي احاتيه المواصلات العامة واني مالاقي تكاسي لو اخترنا فنادق او اكواخ بالريف .. فمشكلة المواصلات هي الشاغل بالنسبة لي بس يمكن لأني مارحت فمادري اش بيصير وياليت مايكون عندهم عجز بالتكاسي .. مو مهم لو غالي بس يودينا للمكان الي نبيه وطلعاتنا مرح تكون كثيرة اغلبها نبيها استجمام وحول الفندق فقط