السلام عليكم .. تحية طيبه لكم جميعا

اخواني اخواتي انا مسافر مصر لوحدي رحلة عمل مطلع الاسبوع الجاي
واول مره اروح مصر وماعندي اي خلفيه عن البلد ..




استفساري هو :




كيف البلد هالايام وهل الاوضاع مستقره ؟
وهل ذهابي لوحدي فيه اي خطوره .. وابي رايكم من ناحية الفنادق وش افضل شي تنصحوني فيه ويكون فندق آمن وهادئ ؟؟ وبالنسبه للمواصلات مادري هل هناك سهوله في التنقل واذا تعرفون سائق تاكسي كويس ياليت تعطوني رقمه ؟




وابي رايكم في فندق فورمنت النيل لان فيه ناس مدحوه لي وقالوا عندهم عروض




ما استغني عن أرائكم ومشورتكم الله يوفقكم .. اتمنى من يكون عنده اي معلومه ولو بسيطه مايبخل علي فيها لاني بصراحه متخوف جداً ومتردد رغم اني قد حجزت وايضا ظروف العمل تحتم علي ذلك والله يوفقني واياكم لما فيه الخير والصلاح

السلام عليكم ورحمة الله وبركاته


ياهلا وغلا فيك اخي الفاضل الامور طيبه هناك حاليا اخوي متواجد بالقاهره يقول زحمه والوضع طبيعي مافي مظاهرات ولا شئ

توكل على الله وسافر وربي يحفظكم
بالنسبة للفندق تراه ممتاز
لكن إن كان سعره غالي
استبدله ب
سميراميس او هيلتون
اسعارهم مناسبة
والحلو فيهم
كل شي يمك

كل الشكر لجميع من مر هنا ..



طيب بغيت رايكم في فندق هوليدي ان من ناحية الموقع والنظافه والخدمات ؟ يعني باختصار تنصحوني فيه خصوصاً ان اسعاره حلوه .. مع العلم اني اطلعت على صور الفندق في بوكنج .


لكني اثق في اعضاء منتدانا الغالي وارائهم ونصائحهم وما استغني عن مشورتهم بهذا الخصوص .. اتمنى اللي عنده خلفيه مايبخل علي .


وكذلك بخصوص الاماكن اللي تنصحوني ازورها خلال فترة اقامتي وهي اسبوع ولكم جزيل الشكر

هوليدي ان الي بشارع جامعة الدول؟!
اذا هو شوف سلمك الله

هو موقعه تقدر زين بس
يا اخي ما بلعته وخاصة
ان الخدمات مقابله من الناحية الثانية
اقصد الكافيهات والمطاعم الزينة

وشارع جامعة الدول صوبه
حيل عريض وعبوره مشي فيه خطورة

بالنسبة للغرفه انا شفتها مرة
جدا جدا عادية

اساسا الغرفة الي شفتها
كحيانة على قولتنا
اثاثها وشكلها ما يساعد

بس الفندق مستهلك جدا
من اهل الخليج وخاصة
بني جلدتي الكويتيين

اذا تبي شي اقتصادي
لكن وضعه عادي نظيف
بس غير فخم

عندك فندق هافانا
وفندق سويس ان

اثنينهم على شارع سوريا
وشارع شهاب قريب حيل

انا جربت الاثنين
هافانا انظف
سويس ان غرفه اكبر (الغرف المجددة)

طبعا كل شي يمهم كل شي
مطاعم كافيهات بقالات .. الخ
وكنت اخذ الليلة ب٤٥ دولار
في كلا الفندقين

احجز عن طريقهم بالاتصال
بالبوكينغ اغلى
طبعا ان حبيت

شي ثاني طال عمرك .. فندق سفير الدقي من ارخص فنادق ال٥ نجوم بالقاهرة .. عائلي ونظيف .. والغرفة تتراوح من ٩٠ الى ١٢٠ دولار بالليلة

لا اعتقد مو هو اللي انت تقصد
اللي انا ابيه

فندق هوليداي إن سيتي ستارز على شارع علي راشد من طريق النصر . وانا مو شرط عندي السعر بالعكس انا ابي فندق فخم ونظيم وخدماته متميزه

عيل خلك منه .. لانه بعيد عن وسط البلد والاماكن الحيوية لنا كخليجيين .. ميزته قربه فقط من الستي ستارز .. وقربه من المطار كذلك

خل خياراتك بهذا الترتيب

فيرمونت النيل
فورسيزن
كونراد النيل
سميراميس
سوفتيل الجزيرة
هيلتون رمسيس

والله يوفقك اخوي

الله يعطيك العافيه اخوي الدرباس ..


طيب اي من الفنادق اللي ذكرت يعتبر فندق شبابي وفيه اماكن ترفيه الخ ....
وكذلك يسمح بالزيارات ؟؟
لان محتمل يجيني ضيوف بحكم العمل ؟