 استفسارات عن فنادق المغرب وترتيب جدول الرحله | |
السلام عليكم والرحمه وبركاته
ان شاء الله معزمين نروح المغرب في بدايه شهر مارس وعندي وايد استفسارات
التخطيط بيكون كالتالي:
بنوصل كازا الساعه 7.15 صباحا , الطيران المغربي يطير لمراكش المسا وما اريد اخسر هاليوم, ممكن تنصحوني بطيران داخلي ثاني؟ لان احس الرحله 8 إلى 9 ساعات وبعدها اخذ القطار 3 ساعات بيكون ارهاق وما اريد اضيع اليوم في الرقاد ونحن مب راعين سهرات, نحب نستكشف المدينه اللي رايحين لها
3 ليالي في مراكش بنسكن في رياض لم يتم تحديدها بعد, ابس لمجرب ينصحني مع اني حطيت كم خيار في بالي؟
ليله وحده في فندق القصبه للاسترخاء والتمتع بالمنتجع واذا في اي شي قريب منها ياليت تذكرونه لي عشان نروح لها
بنستأجر سياره من مراكش للقصبه فهل الشارع سريع وفيه خدمات؟؟
من بعد القصبه بنروح اغادير وبنقعد فيها ليلتين ومحتارين في الفندق, وقع الاختيار على sofital agadir royal Bay او sofital thalassa لارتفاع التقييم في هالفندقين مع ان الحجز ما يشمل الافطار اي وحد افضل
واذا في فندق او رياض احسن عنه ياليت ترشحونه لي
بنطير من مطار اغادير الدولي الى كازا وبنتم فيها ليله وحده( ثم العوده لارض الوطن ) ووقع الاختيار على منتجع ماغازان مع انه بعيد عن وسط المدينه بس تقريبا هو الوحيد اللي تقيمه عالي,
مفكرين في كازا نروح بس مول المغرب ونرجع لان من التقارير احس مافيها شي, واطلعت على الفنادق القريبه من عين ذياب تقيممها للاسف كله نازل.
واذا في فندق ثاني تنصحوني فيه ياليت
اغادير شو البرامج السياحيه فيها؟؟ وين نروح ( مع العلم بتكون عندنا السياره)
تنصحونا باستئجار سياره من مراكش لاغادير؟؟ ( اول مره نسوق في دوله عربيه )
هل يفضل نستأجر سياره من الشركات العالميه مثل بدجت وسكست..الخ ام من شركات التأجير العاديه؟
شو نوع التأمين اللي اطلبه؟؟
واخيرا شو رايكم بالترتيب اللي ذكرته
شكرا على تعاونكم وما نستغنى عن خبرتكم
| 
