كيف حالكم اخواني ..؟ ان شاء الله كلكم طيبين وبـ أتم الصحة والعافيه

هذي اول مشاركة لي معكم والحمدلله استفدت الكثير والكثير من خلال زياراتي والآن صار وقت مشاركة الخبرات .. وصراحه اشكر كل القائمين على هذا الصرح الرائع

وانا جاي اطلب مشورتكم وان شاء الله ماتردوني خايب بإذن الواحد الأحد

انا طوّل الله أعماركم ان شاء الله بطلع رحلة لأوروبا وهذي أول مره اطلع فيها برا الخليج ^^

كان ودي اطلع اوروبا شهر عسل .. بس كان وقت زواجي شتا .. علشان كذا أجلتها وقلت السنة الجاية ان شاء الله نطلع ونستمتع بالطبيعة

ان شاء الله الرحلة راح تكون من تاريخ 11/5/2014 ..
والوصول صباح يوم 12/5

والعودة ان شاء الله راح تكون بـ تاريخ 24/5/2014 الظهر بإذن الله ..
يعني عدد ايام الرحلة 12 يوم ..
الطيران ان شاء الله راح يكون من الدمام إلى باريس .. والعودة .. من جنيف إلى الدمام ..

الحمدلله ضبطت معه جدول لـ 6 ايام في باريس .. والطيران والفندق .. يالله لك الحمد والشكر

الآن نجي لسويسرا والريف الفرنسي ..

مثل ماذكرت فوق انا ناوي أغادر باريس من الصباح الباكر في اليوم السابع من الرحلة .. وهو يوم 18/5

والتّوجّه بإذن الله بالقطار إلى سويسرا ..

والخطة هي .. أنّي أتوجه إلى جنيف بالقطار دايركت ..

وإكمال باقي المدة في انترلاكن يوم 20 و 21 و 22 و 23 ..

استفساراتي هي :

أي مدن الريف تستاهل الزيارة خلال اليومين ..؟

أي المدن يفضل المبيت فيها في الريف الفرنسي ..؟ أو أبيت اليومين في جنيف و منها ازور الريف وارجع ..؟

أنا أبي في جنيف بس رحلة (تور) لإستكشاف جنيف تكفيني عشان كذا اقولكم اسكن في جنيف ولا الريف ..؟

الـ 4 ايام التي ستكون في انترلاكن .. ماهي الاماكن التي تنصحوني بالذهاب إليها في هذه المدة ..؟ وارجوا منكم ترتيبها كـ جدول حسب الايام .. وسأكون لكم من الممتنين 3>

وأخيراً وليس آخراً .. ماهي الفنادق التي تنصحوني بها في انترلاكن والريف الفرنسي أو جنيف ..؟ مع العلم ان الميزانيه ستكون من 500 إلى 600 ريال لليلة الواحدة

و آسف على الإطالة .. ولكن حبيت اذكر كل شيء علشان ألقى الجواب الشافي و الوافي منكم لأن ماعرفناكم إلا أهل كرم و جود 3>

بإنتظاركم أخواني والاجابة على كل استفساراتي بإذن الله

دمتم بـ ود 3>

هلا أخوي

لست خبيراً لكن قد أتشرف بإفادتك


انت تبي تجي ع القطار ليش ماتخليها ع الطيران الاقتصادي وخاصة ان الاسعار مثل القطار او مقارب لها


بالنسبة للسكن أرشح تسكن في ديفون ٢٠ كيلو عن جنيف تقريبا
أو انسي


ولاتنس تستأجر السيارة من مطار جنيف القسم الفرنسي أوفر بكثير


وان شاء الله الخبراء يفيدونك أكثر

بالنسبه لريف الفرنسي

انا افضل السكن ب ديفون لانها اقرب لجنيف

والمدن الي تزورها عندك انسى وايفيان ومنترو وشامونيه
ﻻتفوت انسى زورها ...

انترﻻكن
اهم شي روح ل البلوسي و لوزرين
وبعد عندك شﻻلات الراين وبيت هايدي ومصنع الشوكوﻻته والاوشن سي



تم كتابة المشاركة عبر تطبيق زاد المسافر

Park & Suite Prestige Genève Divonne Les Bains

هذا الفندق بديفون انا جربته حلو وسعر ليلتين اقل من الف ريال

وهذا الفندق قريب من انترﻻكن

Brienzersee

احجزه بدون اي تفكيررررررر ﻻن شي خرافي

واتمنى اكون ساعدتك:o
تم كتابة المشاركة عبر تطبيق زاد المسافر

ياهلا بك اخوي الغالي نازف
انا كان ودي بالسيارة .. لأن ابي استمتع بالمناظر والطبيعة .. بس عارف نفسي .. أتعب من الطريق الطويل
فـ علشان كذا اخترت قطار .. ودي استمتع بالمناظر على الأقل من القطار .. ومنها توفير الوقت
وهذا السبب اللي خلاني ما اختار طيارة .. فـ القرار ان شاء الله راح يكون قطار ولا مفرّ من ذلك ^^


ورأي طيّب بخصوص ديفون .. انا بعد ودي اسكن في الريف ..
لأن هذا هو الجزء المخصص للطبيعة من الرحلة .. و ودي أقضيه كله في بين أحضان الطبيعة
وان شاء الله ألقى الفندق المناسب في ديفون ..


ومن ناحية السيارة .. لاتوصي .. قرأت واخذت فكرة من بعض المواضيع .. والله يعطيهم العافيه اخواننا الأعضاء ماقصروا
فـ ان شاء الله راح آخذ السيارة من القسم الفرنسي .. وأرجع اسلمها لهم .. علشان التوفير يكون صح هههههه
يعطيك العافيه اخوي وماقصرت .. الله لا يحرمك جنات النعيم 3>


اكيد آنسي لابد من زيارتها .. ولا ماكأننا رحنا الريف الفرنسي ^^
ومن ناحية ايفيان ومنترو وشامونيه سيتم النظر في أمرهم اثناء ترتيب الجدول .. بس الحين أول شي ابي اخلص من الفنادق علشان اقدم على الفيزا


وانترلاكن بعد سيتم النظر في جدولها بعد الإنتهاء من الفنادق بإذن الله ^^
وان شاء الله انكم ماتقصرون معي في ترتيب الجدول 3>
شكراً جزيلاً .. وماقصرت والله .. لا حرمك الله جنات عرضها السماوات والأرض 3>




بخصوص اول فندق بـ ديفون .. ماشاء الله تبارك الله جميل 3>
وسعر الليلة مع الإلغاء المجاني = 612 ريال من غير الإفطار ومن غير ضريبة المدينة
سعر جميل بعد لابأس به 3>
ننتظر باقي آراء الاخوان .. واذا هذا كان الافضل .. بإذن الله سيتم إختياره .. ماقصرت حبيب قلبي


واما فندق انترلاكن .. جلست أبكي عنده ههههههههههه .. يوم شفت الحجز لاتتوفر حجوزات بالوقت المحدد :"(
الحجز فيه فل بالأيام اللي ابيها :""( .. فندق يرد الروح يا رجل .. بس حرام فاتنا
ان شاء الله العوض بالأحسن يارب


اشكرك بعنف وماقصرت والله .. ربي يجمعنا معك بـ جنات الخلد يارب 3>


الحمدلله تم اختيار ديفون كـ وجهة سكنية بإذن الله خلال اليومين اللي بتكون للريف

وجنيف صحيح كلامك .. ان شاء الله تور فيها مع احد الشركات ماياخذ نص يوم


وآنسي مثل ماذكرت فوق لابد من زيارتها ^^


ان شاء الله سيتم الرجوع للرابط المذكور بعد الإنتهاء من الفنادق .. لترتيب الجدول بإذن الله 3>


والفندق يبـكّي يارجل :") .. بس الحجز فل بالوقت اللي ابيه 3/>


يعطيك العافيه يالغالي وماقصرت والله .. الله يوفقك ويرزقك الفردوس الأعلى من جنات النعيم يارب 3>


اشكركم جميعاً على تجاوبكم السريع وهذا ما توقعته منكم وبيض الله وجيهكم
وياعساها في ميزان حسناتكم يارب
وفقكم الله لما يحبه ويرضا 3>

عطني تواريخ تواجدك ب انترﻻكن عشان ابحثلك بنفس المستوى

وﻻ شكر على واجب يااخوي



Sent from my GT-I9505 using زاد المسافر mobile app

فندق Gloria

هذا نفس المستوى جرب ان شاءالله تلقى


تم كتابة المشاركة عبر تطبيق زاد المسافر

هذي بعض الفنادق وشوفوا اذا ناسبكم شي منها
Neuhaus Golf- & Strandhotel, ط¥ظ†ط?ط±ظ„ط§ظƒظ†, ط³ظˆظ?ط³ط±ط§. ط§ط**ط¬ط² ظپظ†ط¯ظ‚ظƒ ط§ظ„ط¢ظ†! - Booking.com

Hotel Seeburg, ط±ظ?ظ†ط؛ظ†ط¨ط±ط؛, ط³ظˆظ?ط³ط±ط§ - 90 ط¢ط±ط§ط، ط§ظ„ظ†ط²ظ„ط§ط،. ط§ط**ط¬ط² ظپظ†ط¯ظ‚ظƒ ط§ظ„ط¢ظ†! - Booking.com

Hotel Berghof Amaranth, ظˆظ?ظ„ط¯ط±ط³ظˆظ?ظ„, ط³ظˆظ?ط³ط±ط§ - 408 ط¢ط±ط§ط، ط§ظ„ظ†ط²ظ„ط§ط،. ط§ط**ط¬ط² ظپظ†ط¯ظ‚ظƒ ط§ظ„ط¢ظ†! - Booking.com