السلام عليكم ورحمة الله وبركاتة

الصراحة لي شهرين وانا حايس في شهر العسل وين اقضيه ( عقبال كل العزابيه ان شاء الله ) ,


وبعد التعب والجهد والعناء


استقريت على اسبانيا , والبرتغال


والصراحة ماعمري طبيتها اسبانيا ولا البرتغال ,, واحس اني بجيب العيد بشهر العسل


وما ادري وش الحل ..


انا قسمت الايام على اكثر من مدينة .. اجمالي الايام 16 يوم


وحجزت حجز مبدئي على الفنادق , وما ادري الفنادق حلوه والا لا مع انها خمس نجوم


حبيت اخذ رايكم في المخطط وطريقة التقسيم ومن ناحية الفنادق ... واذا تعرفون فنادق حلوه افضل من الي حجزتها وفيها خصوصية لشهر العسل تعرفون الواحد بشهر العسل لازم الخصوصية عشان يبدع هههههههه امزح امزح


وموضوع التنقلات هناك ... استئجرت سيارة بي ام 1 الصغيره عشان اخذ راحتي من التكاسي


طبعاً السياره بتكون معي لاخر يوم .. باخذها من مطار ملقا وبعدها دايركت على ماربيا


وراح اخذها معي البرتغال ... ( السؤال / هل بتريحني السيارة هناك والا بتخليني احوس بشوارعهم


طبعاً باخذ من هنا قارمن جبي اس .. هل الطرق سهله )


5 ايام ماربيا


Accommodation at hotel GRAN HOTEL GUADALPIN BANUS Marbella from 22/03 till 27/03 0
HOTEL PUERTO BANUS MARBELLA - Gran Hotel Guadalpin Banus OFFICIAL WEBSITE special booking offers

يومين اشبيليا

Accommodation at Hotel Hilton Garden INN Sevillefrom 27/03 till 29/03
Sevilla Hotels | Hilton Garden Inn Sevilla | Sevilla,

ثلاث ايام الغارف

Accommodation at Hotel Hilton Villamoura resort and spa Algarvefrom 29/03
till 01/04 0
Algarve Hotels | Hilton Vilamoura As Cascatas Golf Resort & Spa | PT

ثلاث ايام الغارف الربتغال
Accommodation At Conrad Hotel Algarve Portugal From 01/04 till 04/04
Luxury Resorts in Algarve - Conrad Hotel Algarve Image Gallery

ثلاث ايام لشبونة البرتغال
Accommodation At Corinthia Hotel Lisbon from 04/04 till 07/04.
http://www.corinthia.com/hotels/lisbon/



ياليت تفيدوني وهل تقسيمة الايام حلوه متناسبه ...

يعطيكم الف عافيه اخواني وخواتي ...

تحياتي لكم ..

وعليكم السلام ورحمة الله وبركاته


بارك الله لكما وبارك عليكم وجمع بينكم بالخير


والله احس كاخط سير حليوو


بس للتنبيه بعض الفنادق المواقف السيارات بفلوس


ثاني شي كثيرر جدا على ماربيا خمس ايام يكفيها يومين الى ثلاثه


الغارف ٦ ايام هل فيه خطه او مكان تتجول فيه ؟؟ اذا فيه اماكن او قاري ممتااز جدا


والقياده هناك حلوه خصوصا مع قارمن بس اهم شي تكون نظامي في كل شي مثل حزام الامان والوقوف وسرعه وو


اخر شي اشوف اغلب الفنادق موقعها هادي بعيد عن التسوق والمطاعم ووو
بستثناء فندق لشبونه فخمم جدا وفي المدينه وجنب حديقه الحيونات مشي برجلينك وكل شي قريب حسب تعليقات الفندق .

هلا والله اخوي تشتاق

لبى قلبك ...

اخوي تشتاق يعني برأيك اقضيها تكاسي ومترو والا ايجار سياره ...

بالنسبه لماربيا نفس الحكايه أحس كثيره خمس أيام ... بس حسب الي سمعته يقولون ما تمل منها ....

هههههههه الغارف بس ثلاث أيام

اما الي بعدها فيلامورا ... 😰


والحمدلله ريحتني عشان السواقه هناك زينه ... 😌


أي منطقه فندقها بعيد 😓

يعطيك الف عافية اخوي تشتاق على ردك

تم كتابة المشاركة عبر تطبيق زاد المسافر

هلا والله بتركي

فندقك Hotel Hilton Villamoura


وفندقك Conrad Hotel Algarve Portugal


بينهم فقط مسافه بسيطة حول 14 كيلو

فديتك اخوي تشتاق ....

الفنادق تم تغيرها

الفنادق البديلة

تيفولي فيكتوريا ومساكن في فيكتوريا فيلامورا

EME Catedral Hotel اشبيليا

اما بخصوص ماربيا ... والله محتار لو نقصت عدد الايام .. وين راح اروح اي منطقة

ياليت تساعدني فيها اخوي تشتاق ...

ايه صح نسيت اجار السيارات الفخمه غاليه عندهم والا لا وكم اسعارها

لاني اخذت بي ام الصغيره 1 طلعت علي بـ 6400 ريال 16 يوم

مشكور اخوي ويعطيك الف عافيه ...

المره الجاي بنروح انا وانت عشان اخذ فكره زينه

ومتشلش هم اي حاقه هههههههه

قال المره الجايه ههههههههه

مصدق بتقدر تسافر مع شباب بعد الزواج


فندق اشبيلية ممتااااز جد وفيه نوع من الغرف رومنسي بس غااالي موقعه ممتاز


ترى خبرتي في البرتغال ضعيفة انا مدري ليش مختار المدن البرتغاليه هل فيها شي معين لانها منطقتين قريبه مره من بعض وبتجلس مده ست ايام .

هههههههه
ماعليك تصريفت الانتداب موجوده هههه

بالنسبه للبرتغال عشانها قريبه منها وبنفس الوقت دوله ثانيه
ويمكن اروح جزر الكناري

وش رأيك ...

ما قلت لي بالنسبه للسيارات


تم كتابة المشاركة عبر تطبيق زاد المسافر

والله اذا البرتغال عشان بس دولتين مانصحك

حط في الخطه اذا تحب الاثار : قرطبة عاصمه الخلافه الامويه ، غرناطه وفيها قصر الحمراء وغيرهم .


اذا تبي مدن كبيره واحس لازم مدن كبيره عشان الهدايا والتسوق فاعندك مدريد او برشلونة


طبعا مع ماربيا واشبيلية .


اشوف هالمدن افضل من الي ذكرت في البرتغال الا اذا انت قاري شي حلوو هناك بيكون كلام ثاني.


اما بنسبه لجزر الكناري مارحت لها بس موقعها في افريقيا تحديد اقصى الجنوب الغربي لمملكه المغرب العربية . يعني بيكون ادفاء من اسبانيا .

مرحبا اخي الكريم
شفت الموضوع اليوم و يمكن توقيتي متأخر، اذا مازلت تحتاج اي معلومات بخصوص البرتغال انا حاضرة.
البلد جميلة و ممتعه و رخيصه و مختلفه عن دول اوروبا الاخرى لها طابع خاص قريب من اسبانيا.
في حال سكنك في لشبونة حاول تختار منطقه ميدان روسيو حيث انها مركز المدينة.
هناك مناطق جميلة و قريبه من لشبونه تابعه لمنطقه لشبونة و هي كاشكياش على البحر مشابهه لماربيا و منطقه سينترا الجبليه و كلاهما رائع.

مع تحياتي