السلام عليكم ورحمة الله وبركاته

متابع للمنتدى من فترة طويلة وهذي اول مشاركة ليا
اتمنى القا اللي ابغاه لاني جداااا محتااااار


بروح الى المانيا من فرنسا بالطيارة وبجلس فيها 4 ايام وبعدها سويسرا

محتار وين اروح ماعندي غير 4 ايام
ميونخ وقراميش
او
[فرانكفورت وبادن بادن

اللي يعرف يفيدنا يا حبيايب مع العلم اني رايح شهر عسل

معقوله 90 مشاهدة ومافي احد يعرف ادلووووو بدولكم يامشاهدين

انا رايح لميونخ وقارمش .. والصيف هذا بأذن الله رايح المانيا وبنزل في فرانكفورت ..

بالنسبة لقارمش وميونخ ... راح اتكلم عن قارمش .. الصراحة جنة الله في ارضه .. بلد ممتع مريح نفسياً واهله طيبين

حياك عزيزي فهد

انت قد رحت يعني لقارمش وايش رايك فيها ؟


اتمنى باقي الاعضاء اللي سبق راح قارميش وبادن بادن يقلنا ايش الاحسن

ايه نعم قد رحت لها مرتين

الصراحة ما عمري رحت لمكان في حياتي وارتحت فيه كثر قارمش


جميلة في مناظرها
ومريحة في سكنها
ويعجبني طيب اهلها


ببساطة اتمنى العيش فيها


وبأذن الله راح ارجع لها في اقرب فرصه




قارمش وهل يعشق القلب غيرها

طيب ياعسل اعطيني برنامج يومين ازور فيه افضل الاماكن السياحية في قارميش

بالنسبة لي
اعتبر قارمش مركز استرخاء بعيد عن صخب المدن

يعني تتمشى في السنتر الرائع

وتطلع لبحيرة ابسي تتمشى فيها

وتطلع للقمة

وتروح للشلالات

والخوانق المائية


>>> مفتون في قارمش


الله يهديك شكلي بغير خط سيري هذي السنة وبحط قارمش في الجدول بالرغم من بعد المسافة

لكن للاسف خلصت حجوزاتي وضبطت اموري ( فرانكفورت -- بروج البلجيكية -- giethoorn الهولندية )

أخوي raig
هذا يعتمد على برنامجك في فرنسا وسويسرا
يعني إذا أنت راح تزور بحيرات وقمة ثلجية في سويسرا مثلا فما فيه داعي تروح قارمش

وميونخ كثير من الناس يروح لها للتسوق وربما تحتاجها أنت كونك رايح شهر عسل..لأن فيه ساحة الماريا بلاتز كلها تسوق.. وممكن يكون تسوقك من باريس أو المولات الكثيرة في سويسرا

ممكن تروح لبادن بادن وتشوف الغابات السوداء لأن الطبيعة فيها مختلفة وبنفس الوقت تروح لملاهي اليورب بارك (يوم أو يومين للملاهي) التي تعتبر أفضل حديقة ألعاب في أوربا

وبالتوفيق لك.. وإذا فيه استفسارات فأنا مستعد باللي أقدر عليه رغم إني عضو جديد