صباح الخير امس كان موعدي في السفارة النمساوية اولا التقديم على السفارة كان تقريبا قبل شهر
الاوراق المطلوبة 1-نموذج السفارة<<<< اكثر البيانات كانت فاضية لاني ماعرفتها وهم كملوها
2-الحجوزات طيران فنادق 3- تعريف باالراتب4- كشف حساب اخر ثلاث شهور5- صورة البطاقة الائتمانية 6 -صور شخصية 7- تامين صحي << التعاونيه الاهلية رخيص مع ورقة التعهد لتامين 8- تصوير اول ثلاث صفحات للجواز مع التوقيع ع الصفحة الثالثة
الموعد كان لشخصين ورضيع رسوم السفاره 624 ريال للكل
صراحة الموضوع جدأ سهل وماكنت متوقع بهذة السهولة وخاصة اني اصريت اني احلص اوراقي بنفسي المكاتب ياخذون مبالغ خيالية كلمت مكتب للاستفسار وقال لي الشخص الواحد 850 ريال
لاحظو الفرق وانا خلصتها بنفسي 624 السفارة+135 تامين
انتبهوا من المكاتب راح توفرون مبلغ تستفيدون منة في السفر


ملاحظة؛ استلام الجواز بعد 10ايام عمل

ما شاء الله والله يجزيك بالجنه ويرزقك من حيث لا تحتسب .. هذا انا الحين جالس اضبط امور السفاره ومتخوف كثير خصوصا اني برا البلد وطالب في امريكا ..


وما ادري عن الوضع عند اهلي ومشغول بالي وكذا ..
لا هنت تشوف موضوعي تحتك اذا تقدر تساعدني فيه لا هنت
حنا ٥ بنروح والوالد موب جاي معنا لكن هو الي بيتكفل بالمصاريف وانا محتار اجيب كشف حساب بإسمي انا المسافر او بأسم الوالد وانا معي بطاقة إئتمان وتعريف الراتب هل هو مهم بحكم اني طاالب وما معي .. وغير كذا انا اخواتي الصغار مع الوالده في نفس الجواز ؟ هل فيه مشاكل او لا ؟ وهل اكتب ابلكيشن لك وحده منهن خاص او كيف ؟
واذا ما عليك امر ممكن اتواصل معك بطريقة اسرع ؟

ارسلت لك رقمي ع الخاص

الله يعافيك على هالمعلومات

تم استلام الجواز بعد خمسة ايام عمل

السلام عليكم ورحمة الله وبركاته
فضلاً هل أحضر معي أبنائي عند تسليم الأوراق للتبصيم ؟
وعن الرسوم المالية . هل يأخذونها نقداً أو بالبطاقة ؟

عند تسليم الأوراق لازم أي واحد عمره اكبر من 12 يكون موجود
بس عند الاستلام لا يلزم ذلك
والرسوم عباره عن 312 ريال تسلم كاش للشخص الواحد البالغ

جزاك الله الجنة