إضافة رد
22 / 10 / 2008, 56 : 09 AM
رقم المشاركة :  1 
][::.. مسافر جديد ..::][



الملف الشخصي
تاريخ التسجيل : 29 / 06 / 2008
رقم العضوية : 1952
الإقامة : الرياض
المشاركات : 27
التقارير : 1
الحالة : cenuor غير متواجد حالياً
ايطاليا ... شهر العسل









سلام واحلى سلام بعد





مدري وين ابدا معه ( ياهي صعبه كل ابو دايم هالمقدمه )




هاذي تفاصيل رحلتي حقت شهر العسل (ابتكلم فيها عن جزء مو كلها : ) )




ابد قدر الله علي خطبتك واول ما وافقوا بدت الحيره ...




فأول شي جا في بالي شهر العسل خخخخخخخخخخخخخخخخ




وين اروح لشهر العسل ؟!!




كروز ؟؟!




ايطاليا واسبانيا ؟




او اروح لايطاليا وجنيف وباريس زي ما سويت قبل ثلاث سنين ؟؟!!




وجلست احسبها




قلت كرووز حلوه وبطله بس تضمن لي ما يجي البنت دوار البحر !!؟




حلم سيء للغايه استعبده لين تجرب البنت وش هي من لحيه حتى لو سوت نفسها قويه




ايطاليا واسبانيا؟؟!




حل حلووو مره بس فيه مشكله بناتنا ما يتفاهمون في الشناط حقت شهر العسل ما تسوي علي من جد ادفع زي تذكره السفره على كل تنقلاتي عشان عفش ههههه




بقى اخر حل لي زي ما سويت قبل ثلاث سنين




هو الحل وكل تنقلاتنا بالقطار بتصير وعارف الديار وهي ما شافتها ومنها بتكون مستحيه بعد يعني ما تتقضى اذا رحنا روما وميلان وباريس وتصير اذا جابت الطاري اقول خلاص لا نكرر ترا مهوب زين





رحت وحجزت على السعوديه قبل السفره باربع شهور ( حتى قبل ما اضبط شي امور الزواج اول شي سويته هالشي )




قصيت التذكره الرياض - روما باريس الرياض بـ 3250 ريال




طيب وش باقي الحين الفنادق ..




وين اسكن لازم شي زين شهر عسل ويصير اول مره واخر مره بعد




وحجزت فنادق معتبره ..




باقي تاشيره المدام ..انا عندي تاشيره من العام خخخخخخخخخخخخخخ




وطلعتها من الايطاليه لها وابتدى المشوار
22 / 10 / 2008, 56 : 09 AM
رقم المشاركة :  2 
][::.. مسافر جديد ..::][



الملف الشخصي
تاريخ التسجيل : 29 / 06 / 2008
رقم العضوية : 1952
الإقامة : الرياض
المشاركات : 27
التقارير : 1
الحالة : cenuor غير متواجد حالياً
ايطاليا ... شهر العسل

الرحله كانت فجريه يوم 13 - 7 - 2008 الساعه 3 الفجر تقريبا

المفروض نقلع 3 بس لازم تاخير ساعه عشان نعتز بخدمتكم

وصلنا مطار روما الساعه سبع ونص الصباح تقريبا ..!

اخذنا تاكسي الى الفندق بـ75 يورو (جعله ما يربح )

الفندق هو ( The Westin Excelsior )


بـ330 يورو في الليله بس معليش شهر عسل


طبعا اول ما حجزت ارسلت لهم ايميل قلت لهم ابجي بدري ترا وتراه شهر عسل وكانت روما من تاريخ 13 -07-2008 الى 17-07-2008





ما قصروا والله اول ما وصلت لهم جلسنا ساعه في اللوبي قالوا شوي بس ننظف الغرفه

وبعدين دخلنا الغرفه وكان فيها هالشي بمناسبه الهوني مون


المهم جلسنا شوي يوم طلعنا رايحين لـ Spanish Steps
او بالايطالي
Piazza di Spagna




وطبعا الشارع اللي بينهم فيه كل الماركات Via Condotti


شوفوا بعد هالحركه في محل LV


اول يوم طبعا بس دوران في هالمنطقه والساعه 10 رجعنا للفندق عشان ننام تعبانين كنا مع السفر

22 / 10 / 2008, 56 : 09 AM
رقم المشاركة :  3 
][::.. مسافر جديد ..::][



الملف الشخصي
تاريخ التسجيل : 29 / 06 / 2008
رقم العضوية : 1952
الإقامة : الرياض
المشاركات : 27
التقارير : 1
الحالة : cenuor غير متواجد حالياً
ايطاليا ... شهر العسل


صحينا وطلعنا على 12 الى Spanish Steps




ومنها رحنا لـ ـTrevi Fountain على رجولنا

وهي النافوره اللي يقولون عنها اللي يذب فيها فلوس يرجع لروما ثانيه (مع اني ما اذكر اني ما ذبيت المره الاولى فيها فلوس والحمد لله رجعت لها )










تشوف الناس عندها وما غير يذبون هالفلوس

وفي الليل رحنا لــ Piazza Navona

او ساحه الرسامين




تابعونا وش صار من بكره في سبانش ستيب مع البنقالي
22 / 10 / 2008, 56 : 09 AM
رقم المشاركة :  4 
][::.. مسافر جديد ..::][



الملف الشخصي
تاريخ التسجيل : 29 / 06 / 2008
رقم العضوية : 1952
الإقامة : الرياض
المشاركات : 27
التقارير : 1
الحالة : cenuor غير متواجد حالياً
ايطاليا ... شهر العسل


اليوم الثالث صحينا بدري بس طلعنا كالعادهـ 11

اول شي رحنا اخذنا هالكوفي وستروبيري تورت قبال الفندق

بس من جد احلى ستروبيري يمكن يذوقه الواحد في حياته


وبعدها رحنا لـ Colosseum


او المسرح الروماني




ومنها للاثار اللي جنبها ومنها Forum Romanum






وبعدين رحنا نجلس على Spanish Steps

واحنا جالسين على الدرج يجيننا ذاك البنقالي وهو يبيع بيرهــ!!

البنقالي : سلام عليكم ..!

أنا : وعليكم السلام هلا ..!

البنقالي : معليش انا يبيع بيره والله معليش

أنا : وجالس اقول وش دخلني انا مانيب ربك ابحاسبك

والبنقالي ما غير يعيد معليش والله انا اسف

حرمتي: طيب ليه ما تبيع مويه مدامك تقول معليش ؟؟

البنقالي : انا لو بيع مويه محد يشتري هذا نفر كلوه كافر بس يشرب بيره

أنا : :114:

يوم جاء بيروح البنقالي قال لي : انت سعودي ؟؟

قلت : لا ( مدري ليه جا في بالي انه بيغني انت سعودي طيبك جاوز كل حدودي )

يوم البنقالي عصب وجالس يقول : ليه طيب انا يقول لك اسف ومعليش ليه ما فيه قول من اول انتا ما فيه سعودي وبدا يبعد

أنا :



وبعد ما خلصنا من هالموقف بدت تظلم الدنيا رحنا تعشينا وبعدين رحنا لـ Pantheon


جلسنا شوي وبعدين اخذنا ايس كريم من اشهر محل هناك Giolitti وبعدين رجعنا ننام


كالعاده طلعنا الساعه 11 بس كنت مقرر نركب الباص


بس قبلها تمشينا في الفيا فينتو ورحنا لـ Villa Borghese


هي عباره عن حديقه كبيره وفيها متحف وفيها جلسات



واحلى شي اعجب زوجتي فيها هالسيكل استجرنا واحد زيه اثنين جنب بعض وفيه مكينه يعني ما يتعب بـ 10 يورو الساعه


وبعد ما خلصنا دوران فيها رحنا ركبنا الباص السياحي كان قريب مره من فندقنا

ونزلنا في Vatican


طبعا عشان يدخله الواحد لازم يصير متستر موضوع شورت ما فيه موضوع شي مزلع هم بعد ما فيه


ومنه طلعنا وكمل الباص فينا دوران ..!

تقريبا اغلب الاشياء مرينا عليها من قبل واحنا نمشي

بعدين تعشينا ورجعنا نرتب شناطنا عشان نروح لـ فينسيا

صحينا من بكره ورحنا لـ محطه القطار اللي اسمها Termini


احلى وأهم ما في روما :

1- Via Veneto وهو زي الشانز كلها قهاوي وجلسات وفيه Hard Rock

2- ملاهي luna park

3- Spanish Steps/Piazza di Spagna وهو الدرج الاسباني وانت جالس فيه تشوف Via Condotti اللي عباره عن محلات ماركات ومنه تمشي وتوصل لـ Via Frattina و Via Borgognona نفس وضع Via Condotti

4-Villa Borghese وهي حديقه كبيره ومتحف وجلسات بعد فيها

5- Colosseum وهو المسرح الروماني وجنبه اثار كثيره بعد

6- Lido Di Ostia وهو شاطىء وجلسات فيه بس تراه بعيد شي

7- Trevi Fountain/Fontana di Trevi هي اشهر نافوره فيها وهي اللي يقولون اللي يذب فيها فلوس يرجع لروما

8- Castel Romano Outlet هذا هو الاوت ليت اللي في روما

9-Piazza Navona وهي ساحه الرسامين

10-Vatican الله يهديهم بس هذا اللي اقوله

11- Pantheon وهو ساحه وجنبه اشهر محل ايس كريم جيلاتيني

12- Castel Saint Angelo عباره عن البيت الدائري ومتحف فيه

احلى ما في روما ان المحلات السياحيه جنب بعض وكل شي تقريبا توصله برجليك والعربان ما تشوفهم واجد

اكثر شي في روما ساحاتها و في كل ساحه فيها نافوره النافوره مويتها بارده يعني ما تحتاج تشتري مويه الا مره وحده بس بعدين اجلس عب علبتك والديره الواحد يشتاق ان زارها ويحبها بعد

ايطاليا بشكل عام بتاكل فيها البيتزا حلوه مره ويمكن احلى بيتزا بتقوها بس المكرونه لك عليها لانها بارده لازم تقول لهم خلوها حاره

تاكسيهم عرابجه بشكل فوق الخيالي ولا تتوقع ناس تتكلم معك بالانقليزي كثيرين ابد ابد ابد

اخر شي يمكن يقدر يقوله الواحد عن روما صدق


كل الطرق تؤدي الى روووما
23 / 10 / 2008, 36 : 09 AM
رقم المشاركة :  5 
{ مــؤسس }



الملف الشخصي
تاريخ التسجيل : 24 / 06 / 2007
رقم العضوية : 49
الإقامة : ------
المشاركات : 3,749
التقارير : 1
الجنس : ذكر
الحالة : سفير الشرق غير متواجد حالياً
رد: ايطاليا ... شهر العسل

وعليكم السلام

بداية مبروك الزواج والله يسعدكم ويهنيكم ويرزقكم الذريه الصالحه ان شاء الله


جزء رائع عن العاصمة روما ما شاء الله عليك ماكو شي فيها ماذكرته لنا مع الصور

وبانتظار تكملة التقرير وان شاء الله راح اتابع معك التقرير اذي كان فيه تكمله لمدن ثانيه زرتها

كل الشكر لك والله يعطيك العافية
23 / 10 / 2008, 46 : 09 AM
رقم المشاركة :  6 
كـبـار شـخـصـيـات الـمـوقـع



الملف الشخصي
تاريخ التسجيل : 12 / 05 / 2008
رقم العضوية : 1498
الإقامة : مدينة الكويت
المشاركات : 1,906
التقارير : 6
الجنس : أنثى
الحالة : زعطوطه غير متواجد حالياً
إبتسامة ألف مبروك




ما شاء الله تقرير جميل و معلوماته شاملة

إذا كان لك أي جديد ، إن شاء الله تلقاني من المتابعين

و ألف مبروك الزواج أخوي

cenuor




23 / 10 / 2008, 24 : 10 AM
رقم المشاركة :  7 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,656
التقارير : 7
الجنس : ذكر
الحالة : ناصر كويتي غير متواجد حالياً
رد: ايطاليا ... شهر العسل

حلم سيء للغايه استعبده لين تجرب البنت وش هي من لحيه حتى لو سوت نفسها قويه

مت من الظحك على وش هي من لحيه


اولا الف مبروك وان شاء الله تشوف ذريتك

رحله جميله وصور روعه

يعني البنغاليين وصلوا روما ؟؟؟؟؟ مافيهم طب ابد
المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
23 / 10 / 2008, 34 : 12 PM
رقم المشاركة :  8 
مــراقـب عـام
{مؤسس}



الملف الشخصي
تاريخ التسجيل : 24 / 06 / 2007
رقم العضوية : 44
الإقامة : زاد المسافر
المشاركات : 56,705
التقارير : 7
الجنس : ذكر
الحالة : أبوعبدالعزيز غير متواجد حالياً
رد: ايطاليا ... شهر العسل

ما شاء الله تبارك الله

مبروك الزواج الله يوفقك ويجمع بينكم بخير

تقرير رائع وفقك الله لكل خير .

بانتظارك
23 / 10 / 2008, 42 : 12 PM
رقم المشاركة :  9 
مــراقـب عـام
{مؤسس}



الملف الشخصي
تاريخ التسجيل : 15 / 01 / 2008
رقم العضوية : 1001
الإقامة : نادي الهلال
المشاركات : 20,285
الجنس : ذكر
الحالة : أبوفيصل غير متواجد حالياً
رد: ايطاليا ... شهر العسل

بارك الله لكم وعليكم وجمع بينكم بخير
ماشاء الله
الحمد لله على السلامه اخي الكريم
تقرير رائع متابعين معاك
ربي يوفقك
أستغفر الله العظيم من جميع الذنوب
http://www.binbaz.org.sa/mat/11422



23 / 10 / 2008, 01 : 04 PM
رقم المشاركة :  10 
][::.. مسافر جديد ..::][



الملف الشخصي
تاريخ التسجيل : 06 / 10 / 2008
رقم العضوية : 4206
الإقامة : كتنزارو كلابريا
المشاركات : 14
الحالة : calabria mia غير متواجد حالياً
رد: ايطاليا ... شهر العسل

تقريرك خفيف على القلب وممتع وأسلوبك في الكتابة يعكس بأنك أستمتعت فعلاً بالرحلة..... يعطيك العافية وشكراً
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
[ استفسار ] عن شهر العسل في ايطاليا بالصيف b6a7ko بــوابـة الاسـتفـسـارات عـن ايـطالـيـا 3 13 / 04 / 2015 52 : 04 PM
[ استفسار ] مساعدة تخطيط شهر العسل في ايطاليا وفرنسا آفاق التميز بــوابـة الاسـتفـسـارات الـخـاصـة بالطـيران 2 21 / 01 / 2015 24 : 08 PM
[ استفسار ] النمسا ايطاليا واسبانيا وشهر العسل Saad-99 بـــوابـــة خــدمــات الــمســافــر 3 27 / 10 / 2013 03 : 08 AM
[ بـرنـامـج سياحي ] طلب برنامج لشهر العسل في ايطاليا tigerrr1990 بــوابـة الاسـتفـسـارات عـن ايـطالـيـا 4 20 / 06 / 2013 50 : 10 PM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .