السلام عليكم ورحمة الله
اشكركم علا هذا الموقع الرائع وجعله الله في ميزان حسناتكم
سفرنا ماباقي له شي اذا الله ييسر لنا الامور والفيزا
استفساري بالنسبة للشنط احنا حاجزين ٢١ يوم مدة الرحلة ١٦يوم في انترلاكن السكن موزع ف السنتر والقرى وامورنا تمام و ٥ ايام لوزيرن ليش مطولة المدة ف انترلاكن لانه هذي ثاني مرة اجي انترلاكن وهالمرة معاي اطفالي وماابي اتبهدل بكثرة التنقل بس فكرت بفكرة لاني ودي اتنقل :( اني الغي حجز اخر ٤ ليالي ف انترلاكن واحط الحقائب ف محطة القطار ف صندوق الامانات مدة خمس ايام واخذ شنطة وحدة بس ويانا حتى نقدر نسيطر عالاطفال انا وزوجي وبيكون فيه دراجة للبيبي ويكون تنقلنا سهل ومريح مع شنطة وحدة لنا كلنا ونروح لوزان ليلتين وجنيف ليلتين ونزور ديفون وانسي وزرمات ومونترو !!! شرايكم ينفع اخلي الشنط ولا ممنوع مدة ٥ ايام لاني برجع انترلاكن واخذهم واروح لوزيرن ونقعد فيها ٤ ليالي ومنها دايركت بالقطار علا مطار زيورخ ونرجع ديرتنا
مشكلتي الشنط ٣ شنط وطفلين ودراجة بيبي مانقدر عليهم وانا ودي اتنقل واشوف جنيف ولوزان ماشفناهم زيارتنا الاولى وبالنسبة للسيارة رافض زوجي مو حاب يسوق ولا يركز بالسواقة وعياله معاه
رايكم اخواني وخواتي شالحل ؟؟ هل ممكن اخليهم بمحطة القطار ولا احجز اي غرفة مفردة باي فندق واخلي الشنط فيه علا مانرجع وناخذهم؟؟؟

ويعطيكم العافية


تم كتابة الرسالة عبر تطبيق زاد المسافر

استأجروا سيارة


والأطفال لهم مقاعد كلبشوهم عليها


بكذا راح تستمتعوا أكثر وعفشكم معاكم ودراجه البي بي


والسواقه في سويسرا ممتعه بس لاتروحوا أماكن بعيد أكثر من. 300 كيلوا دقه وحدة مثلا 150 كيلوا وريحوا وكملوا

ابونا رافض السيارة واخر فندق بيكون في قرية جريندلولد وعبارة عن شقة ف ماادري هل بيرضون نخلي اغراضنا ؟؟؟
ومحطة القطار ف انترلاكن مافيها مكان نخلي شنطنا فيه؟؟؟
والله مدري السفر قرب وبقت هالنقطة ودي نكون خفاف عشان نتنقل واحنا مرتاحين


تم كتابة الرسالة عبر تطبيق زاد المسافر

السلام عليكم
بغيت رايكم في مخطط رحلتي وابي اي تعديلات منكم
وابي اماكن الالعاب حق الاطفال ٤ سنوات وسنتين في المناطق اللي حولنا
السفر تاريخ ٥ يونيو ذهاب زيورخ والرجعة ٢٥ يونيو زيورخ

من مطار زيورخ لانترلاكن بالقطار صعبة لانه ٣ شنط ودراجة بيبي وسيارة صعبة لانه زوجي بديرتنا مايحب السواقة وبسرعة ينزعج من عياله ف قلت مالنا الا التاكسي وحاطة له ٣٠٠ فرنك تتوقعون اكثر؟
الاقامة بتكون
شقة في انترلاكن جولدي ٧ ليالي
جريندلولد شقة ٤ ليالي
بعدين حجزت ليلة في فندق تيل ف انترلاكن بس عشان اخلي الشنط عندهم وهالليلة بتكون بعد مونترو وزيرمات وقلت بكلمهم اخلي الشنط عندهم ٤ ليالي علا مانرجع لهم ونبات ليله فيه شرايكم بالحركة تنفع ولا ومنها عشان نتنقل بالقطاو واحنا خفاف بس شنطة بتكون ويانا
ليلتين مونترو . ومنها نزور جنيف ولوزان وايفيان وودي انسي وشامونيه بس اخونا بوعزيز يقول ماينصح للي ماعنده سيارة يزورهم
ليلتين زيرمات
نرجع ليلة في فندق تيل ف انترلاكن وناخذ شنطنا ونبات ليلة عندهم
بالقطار دايركت مع شنطنا حق لوزيرن ونقعد فيها٤ ليالي
ليلة منهم نخلي شناطنا بالفندق ونروح لوقانو ونبات فيها ليلة ونرجع ثاني يوم
ومن لوزيرن لمطار زيورخ بالتاكسي حاطة له ٣٠٠ فرنك
هذي خطتي
شرايكم
فيه مناطق حلوة ونسيتها؟؟؟
ابي اماكن يتونسون فيها عيالي وترا ٢٠١٢ رحت انترلاكن بس مارحت للي حولها قعدت فيها اسبوعين مامليت طبعا زرنا كل القرى اللي حولها
انطر رايكم وشكرا


تم كتابة الرسالة عبر تطبيق زاد المسافر

إلى فهمت جدولك

زيورخ - انترلاكن- مونتيرو- انترلاكن - زيورخ


صح ولا فهمي غلط


لا تكثر التنقل في مونتيرو عشان لاتتعبي
ممكن تزوري جنيف وترجعي بنفس اليوم
وممكن انسى


وكنسلي شامونيه وايفيان وزيرمات و لوزان
لأن ما عندكم سيارة وراح تتعبكم كثرة التنقلات بالقطار


إذا مصرة ع الزيارة زوري ايفيان جميله