الحمد لله تم وبفضل من الله الحصول على التأشيرة والتي قدمناها الثلاثاء وتم استلامها الأحد ولله الحمد

وإليكم تفاصيل استخراج الشنغن :

1- يتم الدخول إلى الموقع التالي

https://www.visainfoservices.com/Pages/dest_org.aspx

2-يتم اختيار بلد الشنغن ومن ثم بلد الاقامة ومن ثم Go

3- بيظهر لكم رابط ( لنك ) فيه كلام وايد بأول فقرة فيه لنك بالاخضر How do I Apply ،تضغطون عليه بتطلع لكم صفحة في خطوات .

4- تروحون للخطوة رقم 2 بتطلع لكم فقرة فيها هذا اللنك https://videx.diplo.de/

5- تضغطون عليها بتطلع لكم استمارة طلب الشنغن بالعربي طبعا مش مقبولة تختارون اللغة الانجليزية وهي بالرابط هذا

https://videx.diplo.de/videx/?1

6- لسهولة تعبئة النموذج روحوا فوق واضغطوا على print Application بتظهر لكم الخانات الاجبارية لتعبئة النموذج يعني المعلومات المطلوبة

7- تعبون الطلب كامل وبعدها تطبعونه وتوقعونه وتخلونه جاهز ( ثلاث اماكن للتوقيع والتاريخ )

8- بعدين نرجع للرابط هذا مرة ثانية https://www.visainfoservices.com/Pag...pply_PAGEونروح للخطوة 4 اللي فيها تحديد موعد

9- تضغطون على continue

10- تعبون الاستمارة المطلوبة ، طبعا نوع الفيزا تختارون Vist Visa C ونوع الموعد عادي الخيار الثاني وعقب تحطون بياناتكم رقم الجواز والاسم وتاريخ الميلاد .. الخ وعقب continue

11- بتطلع المواعيد المتاحة تحددون التاريخ والوفقت اللي يناسبكم واوكي وبعدها تطبعون الموعد وترفقونه مع طلب التأشيرة اللي عبيتوه فوق

هذي الخطوات بالتفصيل الممل ، نجي الحين للمطلوب للفيزا بالضبط :

1- الطلب موقع وجاهز
2- ورقة الموعد
3- صورتين شخصيتين خلفية بيضا بس الويه يكون واضح يعني فوكس عالويه
4- تأمين صحي
5- حجز الفندق
6- حجز الطيران
7- صورة الجواز
8- الجواز الاصلي
9- تم التشييك على حجز الفنادق من تاريخ السفر إلى المغادرة وتم حساب اطول مدة اقامة في بلاد الشنغن والحمد لله طلعت ميونخ زيادة عنهم بيوم ولذلك قبلوا اوراقنا ، فأتوقع لو كانت مدة ميونخ اقل ما كانت بتوافق تطلعها لنا تقول جايتهم تعليمات من السفارة الالمانية ( هذا كلامها مب كلامي )

والمبلغ اللي خذوه عالتأشيرة هو 475 ريال مبلغ الخدمة اللي للمكتب مع مبلغ التأشيرة اللي هو اساسا 255

وفيه اشياء مهمة انبهكم عليها

1-القاصرين اللي أقل من 18 سنة الاب يوقع عنهم والفورمة مالت القاصرين ماتطلع مع متصفح الاكسلبورور تطلع مع الفايروكس والكوروم وتتعبى عادي ولازم صورة جواز ولي الامر اللي هو الاب فقط وتوقيعه اللي موجود في الجواز هو نفسه هالفورمة
2- الاطفال اقل من 7 سنوات فيزا مجانية لهم لكن فيه رسوم الخدمة 140 حسب ما اتذكر
3- حنا سوينا التأمين عندهم للكبير 155 ريال وللاطفال 55 ريال
4- عندهم تصوير بعد اذا كانت الصور غير صالحة
5- للقصر لانه ماطلعت عندي الفورمات عبيتهم عندهم ووقع ابو العيال عليها

والحمد لله ماخذ الموضوع اكثر من ساعة لأربع فيز وعطونا فيزا لمدد مختلفة انا سنتين بنتي الكبيرة ثلاث وزوجي بعد ثلاث والصغيرة سنة ، واللي لاحظته مدة الفيزا تعتمد على تاريخ صلاحية الجواز لانه بنتي الصغيرة ينتهي جوازها في 2015 فعطوها لين 7/2015 وانا ينتهي في 2017 عطوني لين 2016 وزوجي وبنتي الكبيرة كذلك ،

موقع المكتب الجيدة سكوير العمارة السودا قبل مركز العاصمة الدور الثالث

واي تفاصيل اخرى واي استفسارات انا في الشوفة اعين واعاون ان شاء الله بما قدرني

جزاك الله خير على هذا الشرح الوافى

تشكري اختيطبعا هذه الفورمات التي استعملت ليست للسعوديه

هذه الاجراءات خاصة بدولة قطر للقطريين

السلام عليكم ورحمه الله وبركاته

الله يعطيك الف عافيه على الشرح المفصل


رحت سويت كل الخطوات وبقت اني اخذ الموعد والي هي خطوه

9- تضغطون على continue

ماحصلت هالخطوة..


ياريت احد يفيدني ويساعدني بالاجابه


لكم كل الشكر والتقدير

هلا اختي الفاضلة

تدخلين على اللنك الموجود في الخطوة 8 ، تختارين البلد المانيا go

بتطلع لج صفحة فيها كلام وايد عاليسار فيه خيارات اضغطي عالخيار التالي Make/Reschedule an appointment at the Visa Application Centre
بتفتح معاج صفحة اضغطي دايركت على continue
وكملي باقي الاجراءات تراها سهلة جدا
حطي بيانتج ورقم الجواز بتطلع لج التورايخ اللي فيها امكانية اختاري اللي يناسبج

الله يعطيك الف عافيه على الاجابه


وكل الشكر والتقدير

5- تضغطون عليها بتطلع لكم استمارة طلب الشنغن بالعربي طبعا مش مقبولة تختارون اللغة الانجليزية وهي بالرابط هذا

https://videx.diplo.de/videx/?1

الحين هالرابط مايعبونه السعوديين ؟ احد عنده فكره !

الف شكر

الله يعطيك العافية

الف شكر