شبكة ومنتديات زاد المسافر / زاد المسافر الاوروبية / زاد المسافر إلى التشيك

إضافة رد
21 / 06 / 2014, 50 : 02 AM
رقم المشاركة :  21 
مسافر جديد



الملف الشخصي
تاريخ التسجيل : 29 / 03 / 2013
رقم العضوية : 52941
الإقامة : السعودية الرياض
المشاركات : 29
الجنس : ذكر
الحالة : جنيف غير متواجد حالياً
رد: يومياتي في منتجعات كارلوفاري / الشيك

حمدا لله على سلامتك لااعتقد بإن اسبوعين كافية لأخذ التخسيس المطلوب
كان بإمكانك إن كان يسمح وقتك بإن تجعلي البرنامج لمدة شهر على الأقل بحيث تلغي السكن عندهم وتأخذي سكن يبعد دقائق عن المنتجع ومنها سيكون السعر اقل بالتأكيد وبالتالي تعوضي قيمة زيادة اسبوعين ولو بشي بسيط مع ملاحظة انك ستذهبين وتعودين مشيا على الاقدام وهو ماسيكون مساعدابصورة اكبر للريجيم
21 / 06 / 2014, 36 : 04 PM
رقم المشاركة :  22 
درجة الأفق



الملف الشخصي
تاريخ التسجيل : 03 / 06 / 2014
رقم العضوية : 76261
الإقامة : الــــكــــــويــــت
المشاركات : 496
الجنس : ذكر
الحالة : أبــوعبدالله غير متواجد حالياً
رد: يومياتي في منتجعات كارلوفاري / الشيك

السلام عليكم ورحمة الله وبركاته





ياهلا وغلا فيج ام عيسى لازم كل سفراتج فيها اكشن مفاجات غريبه وعجييبه

بنتظار القادم

متابع معاج الي النهايه



أعتذرعن عدم الرد على الرسائل الخاصه

22 / 06 / 2014, 27 : 03 AM
رقم المشاركة :  23 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي

رد: يومياتي في منتجعات كارلوفاري / الشيك

اقتباس: المشاركة الأصلية كتبت بواسطة جنيف
حمدا لله على سلامتك لااعتقد بإن اسبوعين كافية لأخذ التخسيس المطلوب
كان بإمكانك إن كان يسمح وقتك بإن تجعلي البرنامج لمدة شهر على الأقل بحيث تلغي السكن عندهم وتأخذي سكن يبعد دقائق عن المنتجع ومنها سيكون السعر اقل بالتأكيد وبالتالي تعوضي قيمة زيادة اسبوعين ولو بشي بسيط مع ملاحظة انك ستذهبين وتعودين مشيا على الاقدام وهو ماسيكون مساعدابصورة اكبر للريجيم
الله يسلمك أخويه
فعلا اسبوعين غير كافيه بس ظروفي ماتسمح للاسف اغيب أكثر من جذي عن عيالي
بالنسبه للسعر ماعندي مشكله لو يستاهل
عموما المره اليايه بيكون لي ترتيب ثاني ، خليك متابعني



اقتباس: المشاركة الأصلية كتبت بواسطة أبــوعبدالله
السلام عليكم ورحمة الله وبركاته






ياهلا وغلا فيج ام عيسى لازم كل سفراتج فيها اكشن مفاجات غريبه وعجييبه

بنتظار القادم

متابع معاج الي النهايه


وعليكم السلام ورحمة الله وبركاته
ههههههههههههه
أكشناتي هاي المره خفيفه
أترياك في الجزء الياي تخبرني رآيك
22 / 06 / 2014, 28 : 03 AM
رقم المشاركة :  24 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي

رد: يومياتي في منتجعات كارلوفاري / الشيك

اليوم الثالث يوم الجمعه 23/5/2014


برنامجي في هاليوم حافل ومزدحم

ووايد تعبت وانهكت فيه

اول شي سرنا عند الممرضه الساعه 7 الصبح وسحبت منا دم ونحن صايمين

وعقب بدينا جلساتنا

الجلسه الاولى اسمها

Lymphodr.Apar

أنا سميتها الصروال الضاغط

موعدي كان الساعه 7.40 دقيقه ، في الطابق 2 غرفه رقم 207

هي عباره عن صروال مثل الربل

تطيحكم ع السرير وتدخلون ريولكم فيه وتسكره ، وتقريبا يوصل لين الخصر

وهو موصول بوايرات وتشغله مدة نص ساعه أو أقل

واللي يصير انه هالصروال يضغط عليكم وعقب يفج يعني يرخي ، وجذي لين تخلص المده

أعتقد انه هذا يحرك الدوره الدمويه ويفتح العروق
لأني سبق سويته في بنجلور






وعقب ماخلصت هاي الجلسه سرت تريقت






هنيه صارلي موقف

لما خلصت الكورن فليكس فتحت العلبه وكلت الفراوله كلها
وعقب ماخلصت تذكرت انه في الاستقبال مخبرتني انه كل يوم بيحطولي فاكهه في علبه

وهاي الفاكهه هي سناك بين الوجبات ، يعني اشلها ويايي وعقب ساعه او أكثر أكلها

ونحن كلنا الخضر واليابس


الجلسه الثانيه واسمها

Exercises in swim.pool

رياضه في الماي

موعدها الساعه 10 وهي في الطابق -2

وهي عباره عن رياضه في حوض السباحه الداخلي

وهنيه بتحتاجون مايوه ومب شرط يكون مايوه اسلامي + كاب للراس + وفوطه + نعال مناسب

والافضل بعد ماتخلصون تتنشفون وتلبسون ملابسكم

وسيروا غرفتكم اتسبحوا هناك ، لأنه قسم الشور مافيه خصوصيه

صور المسبح الداخلي

قبل لاتدخلون من الباب اللي يوديكم المسبح بتشوفون غرفة الجيم

للاجهزه الرياضيه ، وايد صغيره وتسد النفس






عقب ماتدخلون من الباب اللي يودي المسبح ، ينقفل هالباب ومحد يقدر يدخل

واذا حد منكم اتأخر خلاص انقفل الباب وراحت عليه الجلسه











وهنيه غرف تبديل الملابس






وهاي خزائن لأغراضكم






تشوفون الستاره اللي هناك

وراها الشور وهو يضم 4 شورات ورا ستاره وحده يعني ابدا ماشي خصوصيه

ومافي داعي اخبركم عن العيايز الاجانب وفضايحهم






هذا الممر اللي يوديكم للمسبح




































هاي من الجلسات او البرامج اللي حبيتها

وممسموح لنا نسبح في الحوض

انما ندخل ونصف بطريقه معينه والمدربه وهي خارج الحوض
تسوي حركات رياضيه ونحن نتبعها ونسويها في الماي

ونتم تقريبا نص ساعه أو أكثر شوي ، وعقب مانخلص التمارين

تعطينا 10 دقايق زياده نستخدم مساجات الماي أو الجاكوزي
وأقصد بمساجات الماي

هو ماي متدفق من الحوض وموزع في الحوض بطريقه معينه

وكل واحد خاص بجزء ، شي حق الاكتاف وشي حق البطن وشي حق الريول وجيه يعني

ونحن العضوات نتبادل الاماكن

وعقب ينتهي هذا البرنامج وتختم ع جدولكم وباي باي


أنا طلعت غرفتي وتسبحت وريحت وعقب سرت تغديت




للمره الثانيه أطلب سمج

وأعتقد من عقبها كرهت سمجهم وماطلبته ابدا

أكلهم ملغ

لابهارات ولاملح ولاشي ، ونحن نعدل الطعم بالملح والفلفل والليمون وساعات بالتباسكو






عقب استعديت للجلسه الثالثه واسمها

Hydrotherapy
وهاي سميتها جلسة التعذيب بالماي

كانت اتعس جلسه في برنامجي

موعدها كانت الساعه 2،20 دقيقه في الدور -2 غرفه رقم 1

الله يسلمكم هاي الجلسه تحتاجون فيها مايوه بوقطعتين
وعقب تدخلون غرفه مثل غرف أفلام الرعب

وتوقفون في مكان محدد وحواليكم حدايد عشان تمسكون فيها

شوفوها في الصوره






وهي تكون واقف جدام آله تبخ ماي مجابلتني

بهاي الطريقه








وهاي الاله فيها هوزين ماي ، واحد حار والثاني باااارد ودفع الماي قوي وااايد





توقفون جدامها ، وايدكم ماسكه الحدايد

وهي تصوب عليكم الماي الحار ع جزء جزء من جسمكم ، مثلا الريل كلها من جدام

وهي طالع ونازل بالماي الحار وتكون قوته عاليه ، وعقب ترشكم

مره وحده ع كل الريل اللي مشت عليها بالماي الحار ، فجأه

ترشها بماي بارد





تعالوا شوفوا انا شو سويت

الصراحه هسترت تميت أصرخ واشتمها واتحرطم

وهي تبتسم
وشويه أصرخ وشويه أضحك بصوت عالي

خبلتبي الله يغربلها

ومادريت انه العالم اللي برع ممكن تسمع صوتي

مايندرى منو سمع صراريخي وشتايمي

وفي العاده أنا مؤدبه وممن النوع اللي أشتم

بس غصبن عني ماحسيت بنفسي الا وانا أشتمها ساعات أقولها

ياالكلبه ، يالخايسه وما أدري بعد شو قلت

وتخيلوا تقريبا سوت جسمي كله

زين ماوقف قلبي

وقلت توبه ما اباها هاي الجلسه

لايمكن آخذها مره ثانيه ، أصلا ما أدري شو فايدتها

وعقب ماخلصت تنشفت ولبست وطلعت داير راسي ، وانا أقول

الحمدالله طلعت بالسلامه

تحتاجون حق هاي الجلسه

مايوه بوقطعتين + فوطه + نعال مناسب + كااب نايلون للشعر الخاص بالشور

هذا بتحصلونه موجود في حمامكم كل يوم يحطون منه

بعد خلصت هاي الجلسه ع طول

سرت الجلسه الرابعه واسمها

Anticellulite massage

مساج السايلولايت للريل كلها والبطن بس

وموعدها 2،50 دقيقه في الطابق -1 غرفه رقم 116

وهاي من أفضل الجلسات عندي لأنها مفيده جدا للتخسيس

وتقريبا تاخذ ويايي 40 دقيقه

وعقب ماخلصت كل هاي الجلسات تخيلوا كيف كانت حالتي من التعب و الارهاق

وعلى طول رجعت الغرفه ورقدت رقدت الاموات وماطلعت من الغرفه الا بس حق العشا









ونفس كل الاطباق لاملح ولافلفل ولا اي طعم حلو

وصدر الدياي نااااشف ويابس





وقبل ما أختم بخبركم عن

موقف محرج صارلي في هاليوم

أحيانا لما كنت أسير جلساتي أنزل واصعد من الدري ( السلم )

وما استخدم اللفت ( المصعد )

ومره وانا نازله شفت وحده تركض وهي نازله

ولما خلصت جلستي وانا صاعده الدري قلت في خاطري أنا بعد بركض جيه هي أحسن عني

وركضت شرات الغزاله وشوي

الا اندبغ هاذيج الدبغه العوده


عاد انا هاذيج الساعه مايهمني شو اللي يعورني كان أهم شي عندي انه محد شافني

قمت أتصدد في كل صوب ويوم شفت عمري بروحي أرتحت

ومن يومها تبت أركض ، وامشي خطوه خطوه وساعات اتيود
كله ولاسلامتي



الحين تصبحون ع الف خير واشوفكم في الردود







تابعوني في يومياتي الكارلوفاريه
22 / 06 / 2014, 06 : 04 PM
رقم المشاركة :  25 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: يومياتي في منتجعات كارلوفاري / الشيك





سلامتج من الطيحة يامعودة ديري بالج
والجلسات الله يعينج صج تعب اربع جلسات
والا ام الماي اللي صرختي فيها ههههه سمعنا صوتج واحنا بمكانا ههههه
الله يعينج
متابعين معاج يا ام عيسى للأخير

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


24 / 06 / 2014, 17 : 11 AM
رقم المشاركة :  26 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي

رد: يومياتي في منتجعات كارلوفاري / الشيك

كل سنه وانتوا وطيبين
شو السالفه وين الجمهور
بعدنا مادخلنا ارمضان
نبا تفاعل ياعالم

اقتباس: المشاركة الأصلية كتبت بواسطة fab u lus
سلامتج من الطيحة يامعودة ديري بالج

الله يسلمج حبيبتي


والجلسات الله يعينج صج تعب اربع جلسات


والا ام الماي اللي صرختي فيها ههههه سمعنا صوتج واحنا بمكانا ههههه

هههههههههههههههههههههههه

ههههههههههههههههههههه




الله يعينج


متابعين معاج يا ام عيسى للأخير

فديتج محد متابعني بانتظام غيرج
24 / 06 / 2014, 57 : 01 PM
رقم المشاركة :  27 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي

رد: يومياتي في منتجعات كارلوفاري / الشيك


اليوم الرابع يوم السبت
يوم المارثون


خريطة كارلوفاري




في هذا اليوم كارلوفاري كان عندهم مارثون كبير والبلده كلها متجهزه
وكثير يايين من مناطق ودول ثانيه




بخبركم سالفه

في فندقنا شفت مجموعة شباب من كينيا وااايد ضعاف
وكل يوم لما اشوفهم في المطعم اقول في خاطري هاذيل شو يسوون في هالمنتجع
يتعالجون من شي او يسوون رجيم مثلا
والصبح بدري يسيرون يمشون ويسون رياضه
ونسيت انه فندقنا من الفنادق العاديه وممكن الناس تسكن فيه بدون مايكون لهم اي هدف في العلاجات
المهم عقب عرفت انه هالكينيين يايين يشاركون في المارثون وما ادري اذا حد منهم فاز
الله يهداهم ماخبروني عشان اشجعهم

أحداث هذ اليوم

لأنه اليوم السبت فتكون عندنا بس جلسه وحده
وكل أحد عندهم اجازه يعني ماشي جلسات
وكنا مخططين انه يوم الأحد بنسير براغ


اليوم نشيت بدري اصلا من ييت وانا انش بدري مول ما اشبع رقاد
سرت جلستي الوحيده

وشو تتوقعون

أي جلسه خذيت في هاليوم

؟

؟

أتعس جلسه


Hydrotherapy
جلسة التعذيب بالماي


مالغيتها
وطلعت انها في جدولي ثاني يوم الصبح الساعه 7.15
يعني من صباح الله خير انا سايره أنضرب بالهوز
بس هاي المره سكرت بوزي لاصرخت ولاشتمت
بس يوم ترش ماي بارد اتيبس مكاني
والصراحه هاي المره يتني وحده وايد أموره واحسن من اللي سوتلي أمس
هاذيج كانت قاسيه وايد عليه

عقب ماخلصنا جلساتنا سرنا نتريق




ياااابسه الخبزه



بعد التعديل




وفاكهه بين الوجبات




وعقب طلعنا في القريه نتمشى ونتفرج
وعشان المارثون الحياه زحمه ويوله والمكان ممتع
















طلعنا في اتجاه اليمين صوب مركز التسوق








هذا السوبرماركت اللي كنا ندوره أول يوم وهو جدامنا وماكنا نشوفه
ع فكره في هالمبنى سوبرماركتين واحد تحت والثاني في الدور الأول




شارع حيوي وكله محلات وفيه مطاعم




نحن طالعين في هالاتجاه وعندنا هدف قبل لانتمشى
نحن سايرين لمحل متعنين له عسب نشتري تذاكر الباص اللي بيودينا براغ باجر
هذا هو المكتب اسمه

STUDENT AGENCY




للاسف لقيناه سكر الساعه 12 ونحن كنا واصلين الساعه 1
فقررنا نسير محطة الباصات ونسأل ونشوف اذا نقدر نحجز تذاكر حق باجر

مشينا فتره لين وصلنا محطة الباص ، طبعا كنا نسأل الناس




ومن حظنا الحلو انه لقينا فرع المكتب موجود في المحطه ومفتوح




حجزنا تذكرتين ذهاب وعوده ب 320 كرونا للشخصين
وكان موعد رحلتنا باجر الصباح الساعه 8
وصارلنا موقف ماتوقعناه بخبركم عنه في الجزء الياي








ونحن نتمشى اكتشفت مطعم هندي
عقب بخبركم عنه بس مافوته وجربته

عقب ماتمشينا وحجزنا التذاكر رجعنا غرفتنا نصلي ونريح
وهاي لقطات من شباكنا الخلفي








عقب نزلنا نتغدى








عقب ماتغدينا رجعنا وطلعنا نتمشى بس من صوب اليسار
وكان الجو يخبل غيم ومطر واول مره يعتدل الجو من يينا
وطبعا هالجو مخرب ع المتسابقين
وعقب انقلب الجو فجأه وطلعت الشمس وحرت الدنيا علينا








أنشطه موجوده في كارلوفاري







الاجواء جميله وممتعه




اللي لابسين ورق فضي هم اللي طلعوا من المارثون وماقدروا يكملون









وبعض المتسابقين
























عقب المشي في هالجو الحلو اخترنا كوفي نشرب فيه شاي




الصراحه خدمتهم تعيسه في هالكوفي
ما أدري شو عندهم متيمعين الموظفين ويالسين داخل يسولفون ومحد ايي يسألنا شو نبا
وانا كل شويه أسير داخل أسألهم عن طلبي واذا أبا شي
وماعندهم زبائن غيرنا
وفوق هذا شايهم مب حلو







وعقب ماخلصنا جولتنا رجعنا تعشينا
وسرنا غرفتنا استعدينا حق رحلة باجر لبراغ




بالنسبه للخليجين

خلال الايام اللي طافت اتعرفنا ع بعض منهم وكنا نسلم ع بعض في المطعم وفي الروحه والرده
واحيانا كنا ندردش وياهم
وكان كثير منهم وايد طيبين ومرحبانيين بس انا طبيعتي ما أحب اتعرف وايد ع الناس ولا أكون صداقات
واحب استمتع برحلتي مع الناس اللي مسافره وياهم
ممكن يصير تعارف خفيف بس ما أحب أتعمق أكثر في علاقاتي
يمكن تقولون عني انطوائيه او وغده هههههه ما أدري بس انا أرتاح جذي
وع الرغم من هذا في هاي الرحله غصبن عنا تعمقنا في علاقاتنا مع أغلبهم
ولكن والحق يقال انهم ناس وايد طيبين وحبوبيين ووايد انبسطنا معاهم
منهم من السعوديه ومنهم من قطر ومنهم من الكويت ومنهم مصريين
ولازلنا متواصلين معاهم بعد مارجعنا
بس اللي من أهل قطر هاذيل أكثر ترابعت وياهم
الله يجمعنا دايما ع المحبه والخير ولايشتت شملنا


وان شاءالله نلتقي وياكم في
يومياتي الكارلوفاريه

25 / 06 / 2014, 25 : 03 AM
رقم المشاركة :  28 
][::.. مسافر جديد ..::][



الملف الشخصي
تاريخ التسجيل : 24 / 06 / 2014
رقم العضوية : 77793
الإقامة : المدينة المنوره
المشاركات : 17
الجنس : ذكر
الحالة : tariq__ غير متواجد حالياً
رد: يومياتي في منتجعات كارلوفاري / الشيك

جميل ورئع


تم كتابة الرسالة عبر تطبيق زاد المسافر
25 / 06 / 2014, 46 : 08 AM
رقم المشاركة :  29 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,656
التقارير : 7
الجنس : ذكر
الحالة : ناصر كويتي غير متواجد حالياً
رد: يومياتي في منتجعات كارلوفاري / الشيك

سلامتج من الطيحه هههههههههاي اهم شي محد شافج هذا المهم عند حريمنا

وانا اشوف صور السمج اتذكر الوالده تقول كرهوني بكل السمك

سمك نهري بارد وني ولا بهارات

والمشكله ندفع فلوس علشان يعطونا هالاكل


البرامج مهمه جدا لكن وقتكم ام عيسى قصير ولا راح تستفيدين منه

متابع الاحداث الجميله
المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
28 / 06 / 2014, 44 : 01 AM
رقم المشاركة :  30 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي

رد: يومياتي في منتجعات كارلوفاري / الشيك

اقتباس: المشاركة الأصلية كتبت بواسطة tariq__
جميل ورئع
اقتباس: المشاركة الأصلية كتبت بواسطة tariq__

تم كتابة الرسالة عبر تطبيق زاد المسافر

حياكم الله

اقتباس: المشاركة الأصلية كتبت بواسطة ناصر كويتي
سلامتج من الطيحه هههههههههاي اهم شي محد شافج هذا المهم عند حريمنا
اقتباس: المشاركة الأصلية كتبت بواسطة ناصر كويتي

طبعا كله ولا الفشله
ولو حد شافني جان سويت نفسي مغمي عليه ههههههههههههههه

وانا اشوف صور السمج اتذكر الوالده تقول كرهوني بكل السمك
سمك نهري بارد وني ولا بهارات
صدقها الوالده الله يطول بعمرها

والمشكله ندفع فلوس علشان يعطونا هالاكل
البرامج مهمه جدا لكن وقتكم ام عيسى قصير ولا راح تستفيدين منه
متابع الاحداث الجميله

أستفدت وما استفدت
تابعني وبتعرف التفاصيل

إضافة رد



المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .