شبكة ومنتديات زاد المسافر / زاد المسافر الاوروبية / زاد المسافر إلى التشيك
تقرير سياحي: يومياتي في منتجعات كارلوفاري / الشيك

إضافة رد
  صفحة 8 من 10    الأولى  5  6  7   8   9  10 
الذهاب إلى الصفحة...
22 / 07 / 2014, 29 : 08 PM
رقم المشاركة :  71 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي
رد: يومياتي في منتجعات كارلوفاري / الشيك
اليوم الاثنين 13



صورة محل المساج التايلندي
اليوم شفتها فقلت بنزلها لكم



جلساتي في هذا اليوم

الجلسه الاولى
رياضه في حوض السباحه

الجلسه الثانيه
مساج في البانيو

الجلسه الثالثه
الصروال الضاغط

الجلسه الرابعه
مساج للجسم كامل


اليوم يوم منهك وشاق جدا وتعبت نفسي وايد
اول شي حضرت حصة الرياضه في حمام السباحه
وعقب سرت أمشي ويالقروب تقريبا 7 كيلو لين خلاص انهار جسمي


اليوم مشينا في اتجاه ثاني
الحلو مع هالمدرب انه كل مره يمشينا من صوب وبالنسبه لنا هاي فرجه حلوه نشوف أماكن أكثر






























































ولما رجعت ماقدرت أسير الجلسه الثالثه وتغديت وريحت
والعصر سرت آخذ جلسة مساج للجسم كله
عاد هنيه خلاص ارتخى جسمي وماعاد فيي حيل
ولاقدرت أطلع أتسوق ولا أصرف ولاسويت شي يالسه ومهدود حيلي ووقت العشا بالقوه نشيت عشان اتعشى لأنه اليوع قرصني ولامابسير

باجر بيكون اليوم الأخير في منتجعنا في كارلوفاري


تابعوني في يومياتي الكارلوفاريه
حياكم الله في تقريري اليديد
23 / 07 / 2014, 59 : 02 PM
رقم المشاركة :  72 
درجة سياحية



الملف الشخصي
تاريخ التسجيل : 28 / 05 / 2013
رقم العضوية : 56927
الإقامة : الرياض
المشاركات : 150
الجنس : أنثى
الحالة : Canada غير متواجد حالياً
رد: يومياتي في منتجعات كارلوفاري / الشيك
متاااابعينك يااحلى هداوه
اكثرو من الاستغفار فإنه مفتاح المعجزات❤❤
استغفر الله واتوب اليه
اللهم صـل على نبينا محمد وعلى آله وصحبه اجمعين
23 / 07 / 2014, 32 : 06 PM
رقم المشاركة :  73 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي
رد: يومياتي في منتجعات كارلوفاري / الشيك
اقتباس: المشاركة الأصلية كتبت بواسطة Canada
متاااابعينك يااحلى هداوه

فديت اللي يتابعني
حياكم الله في تقريري اليديد
23 / 07 / 2014, 38 : 08 PM
رقم المشاركة :  74 
درجة الأفق



الملف الشخصي
تاريخ التسجيل : 03 / 06 / 2014
رقم العضوية : 76261
الإقامة : الــــكــــــويــــت
المشاركات : 500
الجنس : ذكر
الحالة : أبــوعبدالله غير متواجد حالياً
رد: يومياتي في منتجعات كارلوفاري / الشيك
السلام عليكم ورحمة الله وبركاته





متابع الي النهايه يا خبيييرتنا الغاليه ام عيسى


أعتذرعن عدم الرد على الرسائل الخاصه
24 / 07 / 2014, 10 : 01 AM
رقم المشاركة :  75 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي
رد: يومياتي في منتجعات كارلوفاري / الشيك
اقتباس: المشاركة الأصلية كتبت بواسطة أبــوعبدالله
السلام عليكم ورحمة الله وبركاته





متابع الي النهايه يا خبيييرتنا الغاليه ام عيسى

وين هاي الغيبه
غطيت غطه عنا
شو أخبارك عساك طيب
حياك الله يابوعبدالله
حياكم الله في تقريري اليديد
24 / 07 / 2014, 11 : 01 AM
رقم المشاركة :  76 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي
رد: يومياتي في منتجعات كارلوفاري / الشيك
اليوم 14 يوم الثلاثاء





اليوم آخر يوم لنا في كارلوفاري
اليوم يوم حر
أنا قررت أكنسل كل جلساتي
قررت اليوم أعيشه بحريه وبدون قيود ولاجلسات
ابا اتمشي في المدينه
أبا أتفرج ع أشياء ماشفتها ، ابا أرتاح من اي التزام


كيف قضيت برنامجي في هاليوم
طلعت تسوقت من عند الصينيين ومريت ع محل يبيع عزكم الله أحذيه تشبه أحذية أم بي تي بس الفرق بينهم انه هالنوع أخف من ام بي تي هذاك شويه ثقيل
هالنوع اسمه KyBoot وهي صناعه سويسريه

موقعهم ع النت

Startseite - kybun AG (kyBoot, kyBounder, kyTrainer, kySsen) | kybun.ch

أشتريت واحد وجربته وحسيته مريح بس مامشيت فيه وايد يمكن مره وحده لبسته
وهالنوعيه تكون غاليه ، اللي اشتريته تقريبا بـ 1000 درهم
واللي تبيع تقوللي هم كلهم نفس شركه ام بي تي ولكن هذا المطور
فاتني أصور المحل من برع








عقب ماأشتريت دخلت المطعم التركي اللي كان قريب منه نفس السييد، وكان وقت الغداء وقررت أتغدى ساندويش دونر مشتهيتنه من يوم ماشفته
ومابخليه في خاطري









ع فكره ماكان لحم ولادياي كان تركي بس لذيذ
















مطعمه صغير وكان فيه جلسه ، قلت في خاطري بيلس آكل أحسن ما آكل وانا أمشي وخصوصا كان فاضي





شوفوا بعطيكم صورة الساندويش
بس تذكرت أصوره عقب ماكلت ثلاثة ارباعه




الصراحه ترددت أنزل صورته أحس كأنه قارضنه فار


وعقب رديت الفندق رتبت شويه أغراضي وريحت




عقب طلعت مع شريكتي في جوله في الحنطور ونسيت كم السعربالضبط
يمكن بـ 300 او 200 درهم لمدة نص ساعه
بس كان غالي وايد وابدا مايسوى ، لو مشينا ع ريولنا كان أحسن




اخترت الورديه








كانت سواقته بطيئه وتلوع بالجبد
وياريته ودانا في طريج مانعرفه ، نفس الطريج اللي نمشي فيه يوميا




































بعدها رجعنا الفندق وشريكتي سارت تمشي ويالقروب وانا مابغيت أسير وياهم
اليوم مخصصتنه للترفيه فقط






حياكم الله في تقريري اليديد
24 / 07 / 2014, 18 : 01 AM
رقم المشاركة :  77 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي
رد: يومياتي في منتجعات كارلوفاري / الشيك
وعقب طلعت مع صديقتي القطريه وسرنا نتمشى وصعدنا جبل ديانا











في هاي السكه تدخلون صوب الصعده لجبل ديانا



















صعدنا فوق والصراحه المكان مب واااو























وفي زاويه من الجبل قدرنا نشوف هالمطل















وماطولنا فيه ، شفناه ممل ونزلنا
وكان عداله فندق بوب جراند

يلسنا في كوفي فندق بوب جراند
يامحلات اليلسه والجو



واضرب هاك الايس كريم الغاوي
قلتلكم يوم حر



عقب دخلنا فندق بوب جراند نتفرج عليه وناخذ فكره عنه
هالفندق مشهور في كارلوفاري
في هالفندق سوت الممثله كوين لطيفه الامريكيه فيلم
الفيلم حلو شايفتنه مرتين واسمه الفيلم

LAST HOLIDAY

وهاي صورلبعض غرفه



















ماعندي فكره عن برامجهم العلاجيه ولكن من خلال موقع الفندق ممكن تعرفون
وحصلت هالموقع بعد ممكن يفيدكم عن المصحات اللي هناك

الدليل الشامل لأشهر المصحات العلاجية في جمهورية التشيك - التشيك ... اليوم

لقيت في هالفندق جماعه من الامارات وسولفنا وياهم
الفندق يعتبر راقي وموقعه هادي وقريب من محلات الماركات ومن النهر اللي حواليه محلات ومطاعم وكوفيهات



وعقب هاي الجوله الحلوه رجعنا الفندق


رجعت طلعت مره ثالثه
طلعت مع شريكتي وسرنا تعشينا في المطعم الايطالي
يوم حر
المطعم هو اللي عنوانه بالازرق وهو مقابل فندقنا ورا النهر




يالسته حلوه واكله حلو



















مقبلات من عندهم وايد لذيذه







وانتهى هاليوم اللي استانست فيه وانا عايشه حريتي
وبنلتقي وياكم في الجزء الياي في براغ

اعتراف
اليوم بعترفلكم بشي
لما كنت هناك كنت احس اني وايد ملتزمه واعاني من النظام بس لما كتبت هالتقرير بهالتفصيل
شفت اني وايد خربطت في ايام كثيره
وكان الايس كريم هوالمتصدر الأول في اختلال نظامي الغذائي


تابعوني في يومياتي الكارلوفاريه
حياكم الله في تقريري اليديد
24 / 07 / 2014, 07 : 04 AM
رقم المشاركة :  78 
درجة أولى



الملف الشخصي
تاريخ التسجيل : 04 / 02 / 2010
رقم العضوية : 11989
الإقامة : الكويت
المشاركات : 618
الجنس : ذكر
الحالة : المطيري تو غير متواجد حالياً
رد: يومياتي في منتجعات كارلوفاري / الشيك

الحمد لله على السلامه اختى

شكرا على التقرير واللى يسافر يستفيد من الموضوع شكرا اختى على الجهد
والله يتقبل منا صيام رمضان وقيامه
ابو حمود المطيرى
24 / 07 / 2014, 56 : 06 AM
رقم المشاركة :  79 
خبيرة سفر وسياحة



الملف الشخصي
تاريخ التسجيل : 11 / 02 / 2008
رقم العضوية : 1140
الإقامة : الامارات
المشاركات : 2,023
التقارير : 14
الجنس : أنثى
الحالة : هداوه غير متواجد حالياً
وسام خبير سياحي
رد: يومياتي في منتجعات كارلوفاري / الشيك
ملخص ما استفدت منه
من رحلتي في منتجعات كارلوفاري

في البدايه ما أقدر افيدكم ابدا في موضوع العلاجات والاستشفاء وسبق قلتلكم هالشي
يمكن لأنه ماكان همي أعرف هالشي وماسألت عنه بالاضافه انه اليوم كله نكون مضغوطين ومانلحق نسأل ونستفسر

بالنسبه لبرامج التخسيس للاسف لضيق الوقت ماسرت دورت وسألت عن منتجعات ثانيه
حتى فندق بوب جراند والوحيد اللي دخلته وسألت مادققت شو عندهم بالضبط من علاجات واكتفيت اني أشوف الغرف
وهم عطوني مجلتهم وقلت في خاطري خلاص من المجله بعرف شو عندهم ولكن للاسف لما فتحت المجله أمس كان أكثر شي مكتوب بلغتهم ومافهمت وايد عشان جيه ماقدرت أعطيكم معلومات

من ناحيتي أنا وبعد مامريت فيه من جلسات ونظام غذائي وغيره ، أقدر اقولكم انه مافادني وايد
او ماحصلت اللي كنت أتوقعه لأنه أغلب الجلسات ماكانت تفيدني وايد ومافيها مجهود
وحسيت انهم مب بروفيشنال في هالموضوع والموضوع كله تجاري
ممعنى هذا اني مول ما أستفد
بالعكس انا نزلت كم كيلو بس مب وايد
ولكن مقاسات جسمي تغيرت لدرجة كم مره اضطريت أضوق بناطليني ، والكل لاحظ اني ضعفت واعتقد الطلعات مع القروب هي اللي كانت لها فايده كبيره في تنزيل وزني وترتيب جسمي أكثر
وبعض الاصدقاء قالولي لما شافوني زعلانه ومحبطه عشان مانزلت وايدقالولي :
انه ممكن ماينزل وزنج وايد لأنج تكسبين عضل
وهالشي ريحني شويه

بس أهم شي لما رجعت البلاد استمريت في الرياضه والرجيم ونزلت أكثر ولكن ماطولت ودخل ارمضان علينا
وتغيرت كل الامور
مب راضيه أوزن أخاف أنقهر بس حاسه اني رديت شويه
ان شاءالله من بعد ارمضان برجع أضبط عمري وأحاول لين أوصل للوزن اللي أباه

لو قدر لي وزرت الشيك مره ثانيه والنيه موجوده ان شاءالله
هاي المره بيكون الوضع مختلف تماما

أولا : بغير الفندق ماحبيت زحمة الخليجين وايد ماحسيت بالخصوصيه ، بالرغم اني تعرفت ع بعض من الناس وكانوا جدا طيبين وحبوبين ، بس بصوره عامه ماعجبني الوضع

ثانيا: مابلتزم بنظامهم الغذائي وبكون حره في وجباتي وبآكل من المطاعم المختلفه
وانا عارفه شو اللي لازم آكله بصوره عامه

ثالثا : بسوي اشتراك بس في السايلولايت مساج بصوره يوميه وحق معظم اجزاء جسمي
لأنه هذا وايد مفيد للجسم وبحاول يكون قبل خروجي للمشي مع القروب

رابعا : وهذا أهم شي انه امشي مع القروب بصوره يوميه ع حسابي الخاص يعني ما احتاج اشتراك فيه
الا اذا كلمته يسويلنا خصم لو مشينا معاه كل يوم
وقفه
في واحد من الاخوان من قطر الله يذكره بالخير ، قاللي :
أنا من سنوات آيي هنيه وجربت كل هاي الجلسات وكلها مافيها فايده واذا تبين تضعفين أمشي كل يوم ويا القروب
وقاللي انا أسوي جيه من كم سنه ، وسألته
والنظام الغذائي
قال : آكل من المطاعم وانا اعرف الأكل اللي يناسبني
وبعد ماعشت التجربه فعلا طلع كلامه هو الصح

أعتقد اني وضحت رأيي في هالموضوع واذا أي حد عنده سؤال أنا حاضر

وان شاءالله بكمل وياكم باقي الايام وهو باقي ويومين وبنخلص التقرير
وسامحوني كان ودي أعطيكم معلومات أكثر بس هذا اللي عرفته
والصراحه عندي بروشورات بس للاسف وقتي ضيق وماأقدر أطلعلكم معلومات سياحيه منهم بس
اذا الله كتب وسرت مره ثانيه بعطيكم تقرير ثاني ان شاءالله بس انتوا ادعولي
والمره اليايه ان شاءالله بوعيسى يكون ويايي
حياكم الله في تقريري اليديد
24 / 07 / 2014, 51 : 11 AM
رقم المشاركة :  80 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,655
التقارير : 7
الجنس : ذكر
الحالة : ناصر كويتي غير متواجد حالياً
رد: يومياتي في منتجعات كارلوفاري / الشيك
بصراحه ام عيسى خلينا نسميها سياحه مو ريجيم لاني ما شفت ريجيم خربتي البرنامج كله يوم لحم غزال واللي بعده المزرعه ومشويات

اهم شي ابتعدي عن السوق انتي بخير

طبعا البرامج هذي توضع للي يبون يضعفون بسرعه وبوقت قياسي قصير جدا والبرامج اختياريه والناس اللي تدفع فلوس وتسافر من اجل الريجيم يلتزمون خصوصا اذا كان البرنامج لمده شهر او اكثر

لكن كعاده ام عيسى خلت البرنامج سياحي درجه اولى وحطت لنا كل شي تقريبا في البلد ودايما نشوف النصيحه والسعر وكل شي

بارك الله فيج اختي ام عيسى
المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
إضافة رد
  صفحة 8 من 10    الأولى  5  6  7   8   9  10 
الذهاب إلى الصفحة...

بحث بالكلمة الدليلية
مصحات التشيك،كارلوفاري،العلاج في التشيك, السكن في كارلوفاري, براغ, كارلوفاري

« الموضوع السابق | الموضوع التالي »

المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .