السلام عليكم ورحمة الله وبركاته



الله يعافيكم عندي كم سؤال حاولت أبحث عن اجابتها مالقيت
1- أول شيء بسألكم كم يستغرق الوقت بالضبط من لما نوقف السيارة بباركنج فينيسيا لما نوصل سان ماركو ( بالباص البحري الجماعي ) ؟


2- وكم تكلفة الباص الجماعي ( البحري ) للبالغ ؟ وكم تكلفته للطفل أقل من 12 ؟


3- بخصوص المواقف القريبة اللي ب 24 يورو كيف أدفع فلوس الباركنق قبل ولا بعد ما أوقف ( أول الدفع يكون لما أغادر فينيسيا ؟) أول مره أروح لدولة ونسوق سيارة ما أعرف وين أروح عشان أدفع فلوسها ؟


أنا اللي ببالي مجرد أوقفها وأروح للباص الجماعي ( البحري ) واذا جيت باخذ السيارة واغادر فينيسيا يكونون حاسبين لي الوقت ؟ مدري اذا كلامي صح


4-ومتى يحسبون الـ 24 ساعة للمواقف من ساعة ما أوقف ولا ما تفرق يحسبون نفس اليوم حتى لو جيت آخر ساعة من اليوم لأني بوصل 12 ونص ان شاء الله الظهر وبطلع من بكرا 9 ونص الصباح يعني بدفع يوم أو يومين ؟


5- واذا وقفنا بالمواقف بنلقى الباص الجمعي قريب ولا لازم نركب باص ؟
والله مره ضايعه وخايفة من المواقف

أنا كتبت بقوقل الاتجاهات من مواقف فينيسيا إلى ساحة سان ماركو طلع لي 3 خيارات طبعا الثالث مشي على الأقدام لمدة 43 دقيقة وهو خيار غير متاح والباقي خيارين ما عرفت وش الفرق بينهم ووين الباص البحري بينهم ؟ وهل فعلا مكان الباص مضبوط
الأول كان



والثاني

1 - بالباص الجماعي من مواقف السييارات الى سان ماركو حوالي نصف ساعه
2- وتكلفة الباص 7 يورو للبالغ ام الصغار ما عندي علم
3- الفلوس تدفعها عند المغادرة ,, وعند الوصول تاخذ كرت لايقاف السيارة وتعطيهم الكرت عند المغادرة وتدفع الفلوس وتروح تاخذ سيارتك ويحاسبونك على الوقت عند المغادرة
4- واالباركنج يحسبونه من ساعة ما توقف
5 - والباصات تلقونها قريبة من المواقف ولكن المواقف اللي وضعتوا خارطتها بعيد والافضل توقفون في المواقف القريبة ,, وبتلقون معلومات عنها في ردي على هذا الاستفسار
http://www.travelzad.com/vb/t101309.html

واذا كنتوا عائلة وعندكم شنط الافضل تروحون للساحة او فندقكم بالتاكسي البحري وسعره تقريبا 60 يورو وهو اسرع واريح

وبالتوفيق

الله يجزاك الفردوس يارب والله العظيم حليت لي أشياء كثير بس عندي طلب
1- الله يعافيك أبي احداثيات أقرب مواقف اللي تتكلم عنها ؟
2- وفيه شيء ما فهمته بعد ما أوقف بالمواقف ما أقدر أمشي للباص البحري أو التاكسي البحري ولا لازم أركب باص ؟
3- واذا لازم نركب باص كيف أركبه مو لازم يكون معي كرت ولا شيء ولا عادي الدفع يكون كاش ؟
4- وفيه سؤال بعد حنا عددنا ماشاء الله كبير 8 أشخاص اذا انا ركبت الباص البحري راح يكلفنا تقريبا نفس التاكسي بس أخاف التاكسي يحسب على العدد هل بيركبنا كلنا ب 60 يورو ؟


ادري ثقلت عليك بس الواحد ما يتطمن الا لما يكون فاهم الوضع

١- الاحداثيات موجودة في الرابط اللي وضعته لكم

٢- المواقف قريبة جدا من مكان ركوب الباصات البحرية والتاكسي البحري تقريبا دقيتين مشي على الاقدام

٣- ما يحتاج تركب باص واذا تقصد الباص البحري ففيه كبينه مقابل موقف الباصات تشتري منها التذاكر للباص

٤- التاكسي البحري افضل لكم واريح واسرع .. وما اعتقد انه ياخذ سعر اعلى اذا زاد العدد ..
مواقف التاكسي البحري والباص البحري متقاربات من بعض وممكن اذا ما عجبكم سعر التاكسي البحري تروحون بالباص البحري .. وحتى لو طلب سعر اضافي مثلا ٨٠ الى ١٠٠ يورو فبيكون التاكسي اريح لكم وافضل ،، وللعلم ممكن تتفاوضون معاهم على السعر خصوصا اذا طلبوا سعر اعلى من المعتاد




تم كتابة الرسالة عبر تطبيق زاد المسافر

الله يجعل الفردوس الاعلى نصيبك وكل من تحب يارب
اخوي مقدام مررره مشكور انت سهلت علي أشياء كثيرة والله يجعل هالشيء بميزان حسناتك


بالنهاية اللي فهمته أفضل مواقف لفينيسيا وأقربها للباص البحري أو التاكسي البحري ( مشيا على الأقدام )
هي
إما الموقف الأول أو الثاني

افضل المواقف لفينيسيا هي المواقف وهي بعد عبور الجسر بتلقاها مباشرة على ايدك اليمين
الموقف الاول - ASM
AVM Venezia
الاحداثيات والعنوان
N 45° 26.338 E 012° 19.032
Santa Croce, 496
30135 Venezia, Italia


الموقف الثاني خلف الموقف الاول وبعد ما تتعداه تاخذ يمين وبتلقاه على ايدكم اليمين
Garage San Marco |
واحداثياته n 45° 26.266 e 012° 19.048
والعنوان Piazzale Roma 467/F - 30135 VENEZIA

نعم هذي اقرب المواقف وافضلها
والمواقف هذي تتكون من عدة ادوار
وأول ما تدخلونها بتاخذون كرت ولازم تحتفظون فيه وما تضيعونه
وقبل استلام السيارة تعطونهم الكرت وتدفعون فلوس

والله يوفقكم ان شاء الله في رحلتكم


تم كتابة الرسالة عبر تطبيق زاد المسافر

يارب يسهل عليك كل أمورك ويجزاك الجنة