السلام عليكم

مبارك عليكم الشهر



حجزنا في كابرون الحمدلله ولو ان سعر الشقه مبالغ فيه لكن ماكان فيه حل ثاني


حجزنا 8 ليالي من تاريخ 5-اغسطس الى 13 اغسطس
ومن تاريخ 13 اغسطس الى 15 في ميونيخ في فندق هولدي ان


سؤالي
ابي مخطط لرحلتنا حابه ازور اماكن ريفيه وتستحق الزياره ومابي اضيع ايام على اماكن مو حلوه
و حابين نزور انترلاكن فكرنا نقضي ليلتين في انترلاكن هل تكفي؟ وشنو الاماكن اللي تستحق الزياره في انترلاكن


في بالنا نزور زلمسي وسالزبورغ وهالشتات وقارمش انسبورك
وبعد بشنو تنصحوني في مدن تستاهل ازورها

يعطيك العافيه اخوي خالد

تاريخ الوصول 5 اغسطس كما ذكرت و بيكون وصولنا في مطار فرانكفورت
والعوده فرانكفورت في تاريخ 16 اغسطس


الاقامه بتكون في كابرون من تاريخ 5 -8 الى 13 -8 وبعدها ننتقل لميونخ ليلتين من 13-8 الى 15 -8 المغادره والمبيت ليله في فرانكفورت استعدادا للعوده

مافي رد؟

عندك مادمتي بكابرون :
بحيرة زيلامسي ركوب القوارب فيها او السفينه
سنتر زيلامسي
قمة شميتين بزيلامسي
عندك قمة كابرون الثلجيه
ومعها زحليقة ميسكول الي بكابرون
عندك شلال سيجموند قريب من كابرون

عندك يوم اطلعي لشلال كرايملر
وبعده اطلعي لقمه بعد الشلال على طول نسيت اسمها
عندك يوم لبادغاستين والقرى الي حولها
يوم لسالزبورغ فيها حديقة الميرابيل
والجوله بالنهر والقلعه القديمه
او تكون لقرى سالزبورغ فوشل سي وموندسي وولف قانق وهالشتات
وهالقرى ماتمل ابداً
عندك زحليقة سالفدين روعه بس احرصي يكون الجو مشمس
ممكن جوله بطائره شراعيه مطارها قريب من زيلامسي
يوم لزياره انسبروك ومصنع شوارفسكي
بميونيخ
زيارة الحديقة الاولمبيه وفيها برج للمشاهده رائع
المارين بلاتز اذا كنت من عشاق التسوق
مطاعم كافيهات يعتبر سنتر المدينه
الحديقة الانجليزيه حديقة جميله جدا
ملاهي ليقو لاند
زيارة قرية قارمش
قصر نايفمبرغ مثل قصر فرساي بباريس فيه حديقه ونوافير


وسفره سعيده


لااله الا الله

اخوي بوفهد بالنسبه لانسبروك مافيها شي يستاهل اني ازوره وخاصة مصنع الشوارفسكي اشوف انه عادي جدا وفيه تقارير تحدثوا عنه وماتشجع


طيب وانترلاكن
هل نستطيع زيارة قرية هايدي في رحلة اليوم الواحد


احنا فضلنا يكون مكان اقامتنا كابرون والتنقل منها الى المناطق الاخرى
مع اني لاحظت ان الكثير يحجز يومين او ثلاثه في مناطق قريبه من كابرون
وهالشي متعب بصراحه


وسؤال اخير احنا بنأجر سيارتنا من فرانكفورت هل نستطيع تسليمها في ميونيخ؟
والذهاب في تاكسي لفرانكفورت يوم المغادره؟

راجع لكم فيه من يرى زيارته جميله لكن ممكن تستبدلونه بمكان اخر
كابرون خيااار جيد للسكن وتعتبر نقطه رائعه للانطلاق للي حوله بس
اذا كان السعر مبالغ فيه ليش مابحث عن بديل وخصوصا القرى الاخرى لاتتجاوز ١٠ كيلو
قريه هايدي قرابة ساعتين وشوي ممكن لو طلع الواحد بدري يزورها ويرجع لانترلاكن
بالنسبه لتسليم السياره تستطيعون تسليمها باي فرع بميونيخ لكن مادمتم بترجعون لفرانكفورت خلو تسليمها هناك وبدل التكسي ترجعوا بسيارتكم افضل


لااله الا الله

اضطرينا لاني بحثت ماحصلت سكن وطلبت مساعدة اختي دموع الوجد وكنا متاخرين بالحجز بصراحه فعلشان جذي كان حجزنا عن طريق مكتب السفريات اللي حجزنا تذاكرنا منه
وطلعت علينا الشقه ب900 دينار 8 ليالي




بالنسبه للسياره انا فكرت نسلمها في ميونخ لاني سمعت وقريت من تقارير الاعضاء انه يفضل التنقل فيها عن طريق التاكسي او الباصات علشان جذي فكرنا نسلمها في ميونيخ بما انه بنقعد يومين فيها للتسوق
بس راح ناخذ برايك


انترلاكن فكرنا نقضي فيها يومين هل يكفيها يومين وشنو ممكن نزور فيها غير قرية هايدي
سمعت انه طبيعتها نفس طبيعة كابرون ومحتاره اللي معانا مصرين يروحون لها واحنا ايامنا قليله حبيت نستغلها في اماكن ثانيه


جزاك الله خير اخوي بوفهد

والله انا مانصحكم تروحون لانترلكن لتشابه الطبيعه بينها وبين كابرون ولبعدها
ويومين ماتكفي اقل شي اربع ايام
واذا اصروا على يومين الغي قرية هايدي
واستبدليها باماكن بانترلاكن
شلالات ان اردتم
قمم
جولات بحيرة
الخيارات كثيره بس شوفوا كم بتحددون
يوم ؟


لااله الا الله