محتاج مساعدتكم ,,,
محتار ارتب برنامجي للسفر اله لندن بكون الوصول ان شاء الله بتاريخ 27 جولاي
والرجعه من مانشستير بتاريخ 8 اوقيست كيف ارتبها :
حاب اروح البحيرات وبلاك بول واللتون تاور ومانشستير بجلس فيها كم يوم؟؟
وين افضل واسهل لندن- بلاك بول - البحيرات -مانشستير
وله لندن-البحيرات-مانشستير-وروح بلاك بول من مانشستير ورد

ابشر اخوي

اول شي لندن بعدها مانشستر بعدها بلاك بول بعدها التون تاور بعدها البحيرات بعدها ارجع للندن

مشكوره اختي انثى رحاله ,,,
بس انا رجعتي بنتكون من مانشستيركيف ارتبها

قصدك العوده للوطن من مانشستر حلو خلاص نفس الي قلتلك بس خلي بدل ماترجع اخر شي لندن خلها مانشسترانت كم يوم من شان ارتبهم لك !!
ولندن طول الايام فيها من شان ماترجع فيها
ومانشستر بينها وبين بلاك بول بس 60 كيلو يعني تقدر تروح وترجع لها بنفس اليوم او تسكن في بلاك بول ولك الخيار
وبين التون تاور ومانشستر ساعه ونصف
اما المسافه بين مانشستر والبحيرات تقريبا ثلاث ساعات
يعني الوصول لندن بعدها مانشستر حق يوم بس اذا بتريح او مو لازم لان بين لندن ومانشستر بس ساعتين
و تقدر تروح على طول لبلاك بول وتسكن فيها اذا فبالك انك بتجلس فيها
وبعدها التون تاور وبعدها البحيرات وبعدها ارجع لمانشستر واجلس فيها المده التي تشوفها المناسبه ..
واذا بتعطيني عدد الايام ارتبهم افضل!!
وتخبرني بتسكن فبلاك بول او مجرد مرور والتون تاور بعد !!

وعلى حسب مواصلاتك ايش!!قطار او سيارة

كلك دووق انثى رحاله على اهتمامك ومساعدتي
صح كلامك الرجع للوطن ان شاء الله من مطار مانشستير بتاريخ 8 اوقست والدهاب 27 جولاي
كنت حاط في بالي 5 ايام لندن ويوم بلاك بول للتغير الجو ويومين منطقة البحيرات واللتون ممكن اروحها من مانشستير زياره ورجع وباقي الايام الاخيره مانشستير
شراااايك اختي ؟؟؟
بستخدم القطار؟؟ كنت مشيك من لندن اله البحيرات سعر القطار كان بحدود 99 باوند مرتفع ؟؟
وين الافضل محتاج مساعدتك بالترتيب

حلو ترتيبك يعني بتروح من لندن الى البحيرات بالقطار وبعدها الى بلاك بول يوم ومانشستر بقية الايام ومنها تزور التون تاور


شيك على الرابط هذا للحجوز القطارات
National Rail Enquiries - Official source for UK train times and timetables

اقترح التالي :

لندن - البحيرات - بلاك بول - مانشستر


أتمنى لكم رحلة سعيدة ,,,

مشكورين على مساعتدكم ويعطيكم العافيه ,,
ابو عبدالله بالنسبه اله بلاك بول حسب علمي انه شارع الكورنيش فيه كل شي البرج والسرك والاكواريم ومدينة الالعاب؟
ممكن كلهم بيوم واحد ؟؟ اله ادا تدكرة مدينة اللالعاب اله يومين ممكن نجلس يومين ؟؟
كيف طبيعة المدينه بالليل وين نروح ؟؟ وممكن يومين برنامج ؟؟