شبكة ومنتديات زاد المسافر / زاد المسافر للدول العربية / زاد المسافر الى جمهورية مصر العربية

إضافة رد
27 / 08 / 2014, 57 : 04 PM
رقم المشاركة :  1 
مسافر جديد



الملف الشخصي
تاريخ التسجيل : 17 / 04 / 2013
رقم العضوية : 54012
الإقامة : مصر
المشاركات : 46
التقارير : 3
الجنس : ذكر
الحالة : مصطفى-حسن غير متواجد حالياً
مغامرة تحت سطح الماء فى البحر الاحمر...........تقرير كامل بالتفاصيل والصور









السلام عليكم ورحمة الله وبركاتة
الصيف دخل
والحر بدأ
والتفكير فى البحر والمية فى الوقت دة شيى طبيعى خصوصا مع ارتفاع درجات الحرارة عشان كدة قررت انى انظم لاصحابى رحلة لبحر العين السخنة

بس مش رحلة بالمعنى التقليدى اننا نروح ننزل فى شاطى عام او قرية او شالية
لا طبعا
الرحلات اللى انا بعملها بتكون رحلات سنوركل وغطس حر بتصوير تحت المية فانا بكون مرتبط بالحيود والشعاب المرجانية اللى تحت المية
وبكون مستكشفها سابقا

وغالبا الشواطى اللى بنزل فيها بتكون مهجورة او نائية
يعنى مش شاطى بالمعنى المتعارف علية فية خدمات وشماسى وكراسى.......الخ


فى المقابل بيكون معايا تجهيزات كاملة للبحر يعنى خيمة + كراسى +ترابيزة+ حمام + دش + شواية
ببساطة بيكون عندى اكتفاء ذاتى انى اعمل المعسكر الصغير بتاعى فى اى مكان على شاطى البحر

وبالفعل دة اللى بيحصل

وصلنا المكان المحدد الساعة 9 صباحا
وبدئنا فى نصب المعسكر الصغير
ودة شكلة




وبعد كدة بدات اول مرحلة من الرحلة وهيا تدريب اصحابى لمدة ساعة كاملة على عدة السنوركل والغطس الحر
وازاى يتعامل مع النظارة والتشبير
وازاى يتنفس من فمة طول اليوم ويطرد المية من الشيك بلف
وازاى يتعامل مع الزعانف سباحة ووقوف فى المية وعلى الشعب المرجانية
واية الشعب المرجانية اللى ينفع يقف عليها واية اللى مينفعش
وازاى يقدر يكتم نفسة لاطول فترة بطريقة علمية
وازا يقدر يغطس تحت المية من الوضع الافقى
وازاى يقدر يعادل الضغط تحت المية فى ودانة










بالنسبة للى بيعرف يعوم بيتدرب على كل حاجة
وبالنسبة للى مبيعرفش يعوم بيتدرب بردو على كل حاجة باستثناء تدريبات الغطس الحر
و بيلبس لايف جاكت بيرفعة فوق المية طول اليوم



وبيستمتع بالسنوركل و بالشعاب المرجانية والحياة البحرية النشيطة تحت منة فى المية وبيتصور من تحت المية

بعد اتمام التدريب دخلنا كلنا فى البحر باتجاة الشعاب المرجانية














وبعد ما اخدنا وقتنا فى المشاهدة والاستمتاع بجميل صنع الله من الحياة البحرية لمدة ساعة تقريبا
طلعنا نريح لمدة نصف ساعة ونشرب بعض المشروبات




وبدأت اعلم اللى بيعرف يعوم اساسيات الغطس الحر من طريقة النزول واستغلال وزن الجسم مع الجاذبية الارضية ومعادل الضغط وقطع مسافات تحت المية
ودخلنا تانى


واخترت مكان فى وسط الشعب المرجانية يصلح للتدريب على الغطس الحر
وبدأت انزل قدامهم
وبعدين انزل معاهم















احد الاصدقاء كان متدرب من السنة اللى فاتت فبدأت اعلمة حاجة جديدة وهيا المحافظة على الطفوية فى المية
يعنى ازاى يثبت جسمة تحت المية
نزلت الاول قدام منة ووقفت على قاع البحر فى عمق حوالى 16 قدم



وبعد كدة نزل هوة فى مكان تانى اقل فى العمق شوية
وبعد محاولات نجح فى انة يثتب جسمة فى وضع الجلوس






ونزل احمد ورا منة وحاول يحافظ على الطفوية



ونزلت انا بعد كدة وبدات اعلمهم ازى يحس بجسمة وابعادة اثناء المرور ما بين الشعب المرجانية
بحيث ميحصلش اى احتكاك بين جسمة وبين الشعب المرجانية لو حب يعدى من حتة ضيقة او مزنوفة

نزلت اعدى ما بين بعض الشعب المرجانية لقيت بعض الاسماك عاوزة تعدى قبل منى
وطبعا اولوية المرور لسكان المنطقة ههههههههه
وقفت استنيتهم لحد ما عدوا وبعدين عديت انا زى ما واضح فى الصورة


وطلعنا من المية كلنا
ورجعنا للشاطى تانى عشان الغداء




ولما وصلنا للشاطى بقى كل واحد فينا بيعمل حاجة
اللى بيشوى
واللى بيجهزالاكل
واللى بيعمل شاى









وبعدين نزلنا للمرة التالتة والمرة دى وصلنا لحافة الحاجز المرجانى باتجاة البحر المفتوح
عشان ناخد بعض اللقطات التذكارية
وبالصدفة البحتة لقيت فى وشى دولفين


مفيش خمس ثوانى ولقيت باقى المجموعة اللى معاة ورا منة


حاولنا نلتقط معاهم بعض الصور التذكارية بس لاسف كانوا بيتحركوا فى كل اتجاة وبنشاط
وفى الصورة دى عماد وهو لسة بينزل لتحت عشان يتصور معاهم


كان العمق تحتنا حوالى 15 قدم
اديت الكاميرا لاحمد ونزلت تحت منهم عشان احاول اتصور معاهم
فكانت اللقطة دى وانا تحت منهم


وبعد كدة طلعت لفوق وخدت الكاميرا من احمد وقولتلة انزل انت
وكانت اللقطة دى



فضلوا يلعبوا معانا حوالى 4 دقايق وبعد كدة دخلوا فى المبحر المفتوح وغابوا عن عينينا



رجعنا تانى لحافة الحاجز لمرجانى واخدنا بعض اللقطات





















وطلعنا من المية للمرة الاخيرة حوالى الساعة 5 عصرا
ولا مانع من بعض المزاح فى نهاية اليوم












ولمينا المعسكر بتاعنا وروحنا بعض ما قضينا يوم جميل ومثير
بعيد عن الشواطى والفنادق والقرى السياحية وبدون اى زحام لان زى ما قلت فى بداية التقرير كنا فى مكان نائى ومهجور

ـــــــــــــــــــــــــ
بالنسبة لبعض الناس اللى ممكن تسال عن نظام الرحلات دى فهيا نظامها كالتالى ودة طبعا بعد استئذان الاستاذ كريم منير :

1 - الرحلة بتطلع كل يوم جمعة
2 - تكلفة الرحلة للفرد الواحد 150 جنية وتشمل الاتى
- التدريب على معدات السنوركل والغطس الحر ( متوفرة معايا) للى بيعرف يعوم
- الى مبعرفش يعوم بيلبس لايف جاكت (متوفر معايا) وبيتدرب على السنوركل
- التصوير تحت المية لكل الافراد صور عامة وفردية
3 - الرحلة تصلح لكل الافراد من عمر 10 سنوات حتى خمسينيات العمر
4 - هذة الرحلات لا تصلح لمرضى الجهاز التنفسى ومرضى القلب
5 - الاكل والشرب والمواصلات خارج الاتفاق


وبغض النظر عن الرحلة والحجز وكدة انا عامل الموضوع دة عشان الناس تعرف ان فية اماكن ساحرة فى بلدنا
وممكن تقضى فيها يوم ممتع
ومش لازم تروح شرم او الغردقة عشان تغطس او تعمل سنوركل او تتصور تحت المية
الاحداث دى كلها حصلت فى احدى شواطى العين السخنة
يعنى على بعد 120 كم من القاهرة
لان ممكن تكون ناس راحت العين السخنة اكتر من مرة ومشافتش حاجة زى كدة
يبقى منها تكسر الروتين اليومى برحلة مثيرة وجديدة
وفى نفس الوقت فى يوم واحد للناس اللى ظروفها متسمحش باجازة اكتر من يوم


والسلام عليكم ورحمة الله وبركاتة






29 / 08 / 2014, 29 : 02 PM
رقم المشاركة :  2 
مـــوقـــوف



الملف الشخصي
تاريخ التسجيل : 26 / 08 / 2014
رقم العضوية : 83068
الإقامة : riyadh - jeddah
المشاركات : 20
الجنس : ذكر
الحالة : lllletkm3y غير متواجد حالياً
رد: مغامرة تحت سطح الماء فى البحر الاحمر...........تقرير كامل بالتفاصيل والصور

ماشاء الله روعه
30 / 08 / 2014, 13 : 01 AM
رقم المشاركة :  3 
كـبـار شـخـصـيـات الـمـوقـع



الملف الشخصي
تاريخ التسجيل : 24 / 06 / 2007
رقم العضوية : 18
الإقامة : السعودية
المشاركات : 1,777
التقارير : 1
الجنس : ذكر
الحالة : ساز نور غير متواجد حالياً
رد: مغامرة تحت سطح الماء فى البحر الاحمر...........تقرير كامل بالتفاصيل والصور

ما شاء الله
سعدت كثيرا ً بمشاهدة هذا التقرير الجميل
تقرير مميز وخفيف ولطيف ، يختلف كثيرا ً
عن التقارير الروتينية المتعارف عليها ..
ياليت بلاش حطيت الموبايل والعنوان لأنه
مخالف لقوانين المنتدى .. ولو اكتفيت بالقول
من أراد تجربة مثل هذه الرحلة فيمكنه مراسلتي
على الخاص لكان أفضل ..
عموما ً استمتعت كثيرا ً بالتقرير الحلو
ولك مني أجمل تحية
ساز نور
30 / 08 / 2014, 51 : 12 PM
رقم المشاركة :  4 
][::.. مسافر جديد ..::][



الملف الشخصي
تاريخ التسجيل : 26 / 08 / 2014
رقم العضوية : 83070
الإقامة : cairo
المشاركات : 11
الجنس : ذكر
الحالة : ahmedmohamed غير متواجد حالياً
رد: مغامرة تحت سطح الماء فى البحر الاحمر...........تقرير كامل بالتفاصيل والصور

مصر بها أجمل الحيود البحرية و أماكن الغطس فى العالم من البلو هول لمحمية راس محمد و طابا
30 / 08 / 2014, 56 : 01 PM
رقم المشاركة :  5 
مسافر جديد



الملف الشخصي
تاريخ التسجيل : 17 / 04 / 2013
رقم العضوية : 54012
الإقامة : مصر
المشاركات : 46
التقارير : 3
الجنس : ذكر
الحالة : مصطفى-حسن غير متواجد حالياً
رد: مغامرة تحت سطح الماء فى البحر الاحمر...........تقرير كامل بالتفاصيل والصور

اقتباس: المشاركة الأصلية كتبت بواسطة lllletkm3y
ماشاء الله روعه
شكرا ليك

اقتباس: المشاركة الأصلية كتبت بواسطة ساز نور
ما شاء الله
سعدت كثيرا ً بمشاهدة هذا التقرير الجميل
تقرير مميز وخفيف ولطيف ، يختلف كثيرا ً
عن التقارير الروتينية المتعارف عليها ..
ياليت بلاش حطيت الموبايل والعنوان لأنه
مخالف لقوانين المنتدى .. ولو اكتفيت بالقول
من أراد تجربة مثل هذه الرحلة فيمكنه مراسلتي
على الخاص لكان أفضل ..
عموما ً استمتعت كثيرا ً بالتقرير الحلو
ولك مني أجمل تحية
ساز نور
عفوا اخى الفاضل فى موضوع التليفون لانى مكنتش اعرف موضوع مراسلتى على الخاص
وشكرا جزبلا على تقييمك لمجهودى وللتقرير
10 / 09 / 2014, 37 : 08 AM
رقم المشاركة :  6 
مشرف بوابة مصر



الملف الشخصي
تاريخ التسجيل : 25 / 06 / 2007
رقم العضوية : 52
الإقامة : الكويت - العاصمة
المشاركات : 1,067
التقارير : 6
الجنس : ذكر
الحالة : مهند الفارس غير متواجد حالياً
رد: مغامرة تحت سطح الماء فى البحر الاحمر...........تقرير كامل بالتفاصيل والصور

رائع جدا كابتن مصطفى رحلة جميلة

ان شاء الله نلتقي معك في مصر لرحلة مشابهه

الله يحفظكم ويرعاكم
نصيحة من ذهب لكل من ذهب
( إحفظ الله يحفظك )

قال شيخ الإسلام ابن تيمية رحمه الله تعالى : (( النظر إلى الأشجار والخيل والبهائم إذا كان على وجه استحسان الدنيا والرياسة والمال فهو مذموم ، لقوله تعالى : (( ولاتمدن عينيك إلى ما متعنا به أزواجا منهم زهرة الحياة الدنيا لنفتنهم فيه ورزق ربك خير وأبقى )) ( طه : 131 ) .

أخوكم / بوعبدالرحمن
05 / 01 / 2015, 10 : 08 PM
رقم المشاركة :  7 
مسافر جديد



الملف الشخصي
تاريخ التسجيل : 17 / 04 / 2013
رقم العضوية : 54012
الإقامة : مصر
المشاركات : 46
التقارير : 3
الجنس : ذكر
الحالة : مصطفى-حسن غير متواجد حالياً
رد: مغامرة تحت سطح الماء فى البحر الاحمر...........تقرير كامل بالتفاصيل والصور

اقتباس: المشاركة الأصلية كتبت بواسطة مهند الفارس
رائع جدا كابتن مصطفى رحلة جميلة

ان شاء الله نلتقي معك في مصر لرحلة مشابهه

الله يحفظكم ويرعاكم
اللة يحفظك بكل خير
وتشرف مصر فى اى وقت
06 / 01 / 2015, 51 : 04 PM
رقم المشاركة :  8 
مسافر جديد



الملف الشخصي
تاريخ التسجيل : 02 / 12 / 2014
رقم العضوية : 87327
الإقامة : المملكة العربية السعودية مدينة الرياض
المشاركات : 33
الجنس : ذكر
الحالة : احمد حساني غير متواجد حالياً
رد: مغامرة تحت سطح الماء فى البحر الاحمر...........تقرير كامل بالتفاصيل والصور

رحلة جميلة والله يرزقك من واسع فضله
12 / 01 / 2015, 54 : 12 AM
رقم المشاركة :  9 
مسافر جديد



الملف الشخصي
تاريخ التسجيل : 02 / 12 / 2014
رقم العضوية : 87327
الإقامة : المملكة العربية السعودية مدينة الرياض
المشاركات : 33
الجنس : ذكر
الحالة : احمد حساني غير متواجد حالياً
رد: مغامرة تحت سطح الماء فى البحر الاحمر...........تقرير كامل بالتفاصيل والصور

بالتوفيق يا عسل تقرير جميلوعليكم السلام ورحمة الله وبركاته
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
العين السخنة والمصيف .. تقرير كامل بالتفاصيل والصور مصطفى-حسن زاد المسافر الى جمهورية مصر العربية 24 30 / 04 / 2014 39 : 09 PM
رحلة الى صحراء جبلية ( محمية وادى دجلة ) ...تقرير كامل بالتفاصيل والصور مصطفى-حسن زاد المسافر الى جمهورية مصر العربية 11 23 / 03 / 2014 54 : 04 PM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .