السلام عليكم ورحمة الله وبركاته في البدايه حابه اقولكم اني اول مرررره اسافر اوروبا وحابه الرحله تكون مميزه وكمان الاسعار تكون معقوله انا رحلتي تحددت 22 نوفمبر الى صباح 5 ديسمبر والعدد انا وزوجي واولادي 5 سنوات و3 سنوات رحلتنا من جده الى باريس والعوده من جنيف الى جده حابه برنامج حلو ومرتب ونفسي بين باريس وسويسرا اروح المانيا طبعاً ابغى افضل واحلى الاماكن في كلاً من باريس والمانيا وسويسرا بحيث انه اشوف اشياء كثيره وننبسط انا وعائلتي ابغى اصحاب الخبره. يساعدوني وياريت يطولوا بالهم عليا لان بصراحه حاسه اني مو عارفه شي من حيث السكن والتماشي والمواصلات فياريت تساعدوني
أختي الكريمة أم حسن أعطوا المنتدى من وقتكم قليلا ً وستحصلون كثيرا ً. بوابات أوروبا تزخر بالمعلومات الوافية الكافية . ولن تندموا إن أبحرتم في أرجاءها وستجدون كل ما تريدون وزيادة ... فقط أدخلوا واقرأوا فستجدون أنفسكم في غنىً عن سؤال أي أحد عن أي معلومة .. لك أجمل تحية ساز نور
شكراً اخ ساز نور ع الرد بالنسبه للمواضيع انا ليا م يوم واا اقرأ بس بصراحه حسيت عبوني من القراءاة انحولت وحسيت اني اتلخبطت بزياده انا ع الاقل ابغى استشاره في المدن الي اروحها في المانيا وسويسرا عشان اعرف وين جهتي وبما اني ماعرف شي حبيت استفيد من خبرتكم فاياريت ماتبخلوا علي يعني بس قولوا لي روحي هنا وهنا وهنا. والله يعطيك العافيه
خلاص زي ما قلتي روحي هنا وهنا وهنا طيب رتبي الأولويات علشان الخبراء يقدروا يفيدوك .. مثلا ً : 1 ) الهدف من السفرة ( سياحة ، عمل ، كورس ، علاج ) وش بالضبط .؟؟ 2 ) الأماكن المرغوب زيارتها ( مدن تاريخية ، متاحف ، أسواق شعبية ، مولات ، شي راقي ، شي شعبي ، طبيعة ، أنهار وجبال وشلالات وقرى ...الخ ) وش من هذه تبون ..؟؟ 3 ) الميزانية .. كم فيه فلوس بابا ..؟؟ الميزانية تحدد العلم كله .. 4 ) وسائل النقل وشهي ..؟؟ ( سيارة ، قطار ، تاكسي ) ... حددي .. كل هالمعلومات مطلوبة علشان أحد يقدر يرد عليك ..
أنا أقول هالكلام لأن أقدر أقول لك روحي ( فرانكفورت ) لكن وش فيها فرانكفورت علشان تروحين لها ..؟؟ وهل اللي فيها راح يناسب ذوقك وتطلعاتك في السفرة ..؟؟ ممكن أقول روحي إنتر لاكن ... ولكن .. هل انتر لاكن تناسب ..؟؟ يمكن أنتي تبين مدن وأسواق وحركات إتيكيت ، وانا اقول لك روحي للجبال والطبيعة وانتي ما تبين طبيعة وجبال وشعبان وابقار وغنم .. !! ولك أجمل تحية ساز نور
كلام ساز نور بمحله لازم تذكري وش تحبون الاماكن وكيف التنقلات تحبونها او تحبون الاستقرار
معاكم سياره او قطار
بشكل مبدأي بما انها اول رحله ومعاكم طفلين صغار فالتنقل مزعج معاهم
اذا قطار لازم تنتبهين لموضوع الشنط
المانيا افضل تستبعديها واذا مصره اكتفي بالقريب
عدد ايام السفره اسبوعين
خليها
باريس ٤ ايام ومنها يوم لدزني
اذا مصره على المانيا ممكن تطلعين من باريس لستراسبورغ لمده ٤ ايام
وتخلينها محطه انطلاق تزورين بادن بادن وفرايبورغ وكولمار ورست اذا حابه يورب بارك بس واحد منكم اللي بيلعب والثاني بيمسك الصغار😂
بعدها تطلعون على انترلاكن ٤ايام واشوف لو تسكنون برا انترلاكن افضل ارخص وافضل وتصير نقطه انطلاق للاماكن اللي حولهاو والمدن مثل لوزان ولوسرين
وبعدها جنيف ٣ ايام تشوفون جنيف وانسي وشامونيه ومونترو
تم كتابة الرسالة عبر تطبيق زاد المسافر
اللهم اغفر لوالدي وارحمه واغفر له وتجاوز عنه واعفو عنه ووسع له في قبره واجعله روضه من رياض الجنه ويمن كتابه ويسر حسابه واحشره مع الانبياء والصالحين والشهداء واجمعنا واياه بالفردوس الاعلى من الجنه وصبرنا على فراقه واجرنا على صبرنا وعوضنا خيرا
اشكر الجميع ع الرد بالنسبه للوقت مافي مجال للتغيير فكرنا نجلس ٤ ايام بباريس ومن هناك نطلع ع بادن بادن وتكون الاقامه فيها وطبعاً نبغى نستاجر سياره من هناك ونتجول بالسياره وين تنصحوني اروح ببادن بادن او اي مكان قريب منها يكون حلو وينفع الاطفال معانا طبعاً بالمسبه لليوربارك اذا ماينفع عشان الاطفال ايش رايكم الغيها لاني بباريس بروح دزني لاند السياره ناخذها من بادن بادن ونسلمها لنفس المكان عشان كذا بيكون اوفر بالسعر وبعدين بنطلع ع سويسرا انا ابغى اروح انترلاكن ونفكر نستاجر من مطار جنيف عشان رجعتنا بتكون من جنيف لجده او في حل ثاني اسهل ؟؟ بيكون اقامتنا فيها ٤ ايام وين تنصحوني اسكن ؟؟ بباريس تنقلاتنا بتكون بالباص والمترو ومن باريس لبادن بادن بالقطار وتنقلاتنا في بادن بادن بالسياره وكمان انترلاكن بالسياره ياريت تعطوني رايكم وجزاكم الله الف خيرر
بادن بادن وفرايبورغ وكولمار وبحيرة تيت وستراسبورغ كل أماكن قريبه من بعض وجميله
أنصحك اذا بتروحي لباريس خذي القطار من ستراسبورغ الفرنسية إلى محطة ديزني مباشرة أو إذا أردتي إلى محطة باريس
السلام عليكم حابه استشيركم في فندق رمادا بباريس وفندق هوليدي ان في بادن بادن عجبني من ناحية السعر وكمان اسامي معروفه اذا في ملاحظة عنهم ياريت تخبروني كيف موقعهم وبالنسبه لانترلاكن ابغاكم تنصحوني بفندق حلو وسعره معقول وجزاكم الله خيراً