السلام عليكم
يا رواد واعضاء البوابة الفرنسية
بوابة الجمال والدلال

ببدي معاكم تقرير رحلتنا العائلية الى باريس

رحلتنا كانت من تركيا

وهذا تقرير تركيا بالبوابة التركية

وهذا الرابط له

http://www.travelzad.com/vb/t116554.html

وكان الطيران هو الطيران الفرنسي

رحلة باتجاه واحد .....بس روحة










وهذه صور من مطار تركيا والبوابة






ووصلت طيارتنا







وصعدنا الطيارة








وهذا المظيف يشرح تعليمات السلامه



وهذه التعليمات




وغادرنا تركيا








وقدمو لنا هالوجبة الظريفة








وما ننسى الكولا




خلصنا وسكرنا الطاولة





الشاي




ونصور بره شوي الغيوم







ووصلنا لباريس والاجواء الباريسية




قربنا من الارض في حالة الهبوط










نزلنا من الطيارة ورحنا ورا الناس
المطار الفرنسي......فاضي
دخلنا تكرمون دورات المياه....وطلعنا الا الناس مافي احد المطار فاضي









نتبع الاسهم وورا ما راحو المسافرين اللي كانو معانا في كاونتر
قال لنا انتو كلكم مع بعض قلنا ايه قال تعالو كلكم
واخذ جوازاتنا هو وصديقه وختموها لنا وطلعنا جهة سير الجناط



المطار فاضي ويوم وصلنا لسير الجنط متنا من الضحك خخخخخ بس جناطنا على السير ههههه
ما شاءالله عليهم ما يعطلون نفسهم الكل ساحب شنطته وسيدا لبرا المطار
طبعا احنا بعد جذيه
ومرينا على مكتب او محل للاتصالات يمكن وكان في طابور عنده تقريبا 10 اشخاص بس

ومافي غيرهم شفنا تتبعنا اشارة التاكسي وطلعنا

وهني مكان التاكسي....لقينا السيكيورتي شخص مغربي
قلنا له احنا نحتاج تاكسي كبير يشيلنا مع جناطنا
كلم باللاسلكي وقال ربع ساعه راح يوصل......واحنا قاعدين بس يطلعون مسافرين يركبون التكاسي ويمشون
كان مرتب ومافي زحمة ابدااا اغلب الوقت احنا بروحنا مع السكيورتي المغربي

التكاسي اللي تجي يوقفون هنا بالدور
وكلها هالحجم




وهني قاعدين ننتظر تاكسينا



وجناطنا




اسعار التكاسي وكل نوع



اخذنا التاكسي بعد ما وصل واتفق معاه بوحسين
يوصلنا لديزني ب90 يورو
فندقنا في..الطريق ظلمه ويخرع مافي ليتات
ولا بيوت وكله اشجار وظلام مافي الا اضاءة انوار السيارات القليلة
....magny-le-hongre

ولما وصلنا المنطقة طلع السايق مايعرف الفنادق
يدخل ويطلع من الشارع
عطيناه العنوان مو عارف
بعدين وقف عند فندق وسالهم
وقالو له العنوان...وبعد ضيع قامت بنتي حطت الخريطة وقالت له لف مني ومني ووصلنا
طبعا عطيناه المتفق عليه
الظاهر هو يسوي نفسه مو عارف علشان ياخذ وقت اكثر ويزيد الأجرة
بس قلنا له على الاتفاق

فندقنا اسمه ماجيك سيركس

ووصلنا الفندق....تقريبا الساعه 10,30 مساءاا او اكثر

وكان حجزنا غرفتين عائلتين من سرير مزدوج
وسريرين مفردين فوق بعض
الغرفتين مفتوحين على بعض


بوابة الفندق من داخل






مكتوب غرفة وحدة في الحجز بس السعر لغرفتين
عدلو الحجز بنفس السعر

صور من لوبي الفندق

كان صوت هالبنتين واللعبة هو المسيطر عل الجو




اللوبي كبير ومليان بجوانبه العاب اطفال




شركة سيكست لتأجير السيارات
لهم مكتب



هنا مكتب سيكست











رقم الغرف




الممر





غرفتنا




والغرفتين مع بعض



خلاص النوووم كان واصل حده والتعب
خليتهم انا ونمت ....وهم شرى لهم يوسف بسكوت وعصاير وماي
من المكاين واكلوو ونامو

بطل الماء من ثلاجات الفندق ب3 يورو غالي جدا
بس نبي ماي شنو نسوي
وسامحوني على قلة التصوير في اول يوم
بسبب التعب

المهم بالجزء الجديد نكمل معاكم
اجزاء الفندق

خليكم متابعين

اهلا وسهلا فيك اخي الكريم
ومروركم الاروع
شكراا لك وان شاءالله البقية بتحوز على رضاكم

اهلا فيك اخوي محمد
شكراا لكلماتك الروعه
ليش ما تحب المدن حلووة المدن والطبيعه حلووة بعد
بس لازم الأثنين يكونون بالسفرة
باريس غيييير انا احبها
بس تابعنا وان شاءالله بتغير رايك

الجزء الثاني

لرحلتنا باريس واليوم الاول تقريبا في باريس

بس حبيت اشكر المدير الغالي فيصل

على كل استفسار سألته ما قصر معانا

وهم يبيلي تكفخ ما سمعت بعض النصايح ههههه

بس الصراحة شكراا شكراا يابو خالد

واسفين على الأزعاج



بعد ما قعدت من النوم الصبح بعد النومة المريحة

وبعدها تذكرت اني ما صورت الغرفة لكم بس مستحيل اصورها بهالوضع ههه

المهم الغرفة صج لاربع اشخاص بس شوي ضيقة

يعني لأثنين عادية









تقريبا هذه الغرفة...صورة من النت

في غرف اكبر وفي أذرب بعد أكشخ يعني





وصورت لكم شوي من الحمام تكرمون




















وهني بعد ما تجهزنا نزلنا نتريق

وهذا الأصنصير







وهذا ريوقنا

انا والبنات







ريوقي







الريوق او الفطور نفسه كل يوم نفس البوفيه

والصاله للأكل كبيرة حييل

وتشوف فيها الخليجين وااايد



هذه بعض الصور ماتقدرون تصورون من العالم

كل العمال لابسين لبس موظفين السيرك القدامى



















ونلاقي بره المطعم بار بقدم الوجبات الخفيفة



وطول صالة اللي بعد المطعم كله العاب الكترونية

هذه لعبة باك مان







والجدران كلها صور سيرك

































































محل دزني في الفندق

وهني شرينا التذاكر لدزني الحديقتين

لثلاثة ايام ب50 يورو للواحدة

اخذنا 5 تذاكر لان بوحسين قال انا مالي في الالعاب

























هذا جزء من الأستقبال







وهني على اليسار الاستقبال والزحمة









وهني وصل الباص وام حسين ودانه معاي نصور

والباجي سابقينا للباص









يوسف واقف ينادينا وما صعد مع خواته







ورااااااح عنا هههههههه







قعدنا ننطر الباص الثاني



مواقف للسيلرات





















وصعدنا اول ما وصل الباص

وكان يمر على الفنادق

بطريجه

احنا ثلاث فنادق يمر عليهم وباصنا رقمه 54

لازم حتى بالرجعه نصعد فيه



























وان شاءالله

الجزء القادم بيكون مع الوناسة ودزني

انتظروني

الفندق اربع نجوم بس حلوو وكبير
وله صور بعد ان شاءالله بالاجزاء اليايه بحطها
متابعتكم تسعدني