اقتباس:
المشاركة الأصلية كتبت بواسطة firas9858
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
يا اخواني واخواتي انا حبيت اسافر اليابان على نهاية شهر ابريل السنة الجاية ومخطط ع الرحلة تتوزع كذا:
3 ايام توكيو
2 يومين كيوتو
3 ايام اوساكا
ف شو رايكم بهالجدول؟
واذا ممكن تعطوني الاماكن السياحية في كل مدينة, لاني مريت ع اكثر من موضوع بس ما عرفت احدد الاماكن مادري شو يصيريلي
اللي متأكد منه اني اريد ازور اكيهابارا - مدينة الالكترونيات - واستديو غيبلي.
واخيراً بالنسبة للأكل، شو الاكلات اللي ممكن تحتوي ع لحم خنزير او كحول؟؟ او ان جميع انواع الاكل معهم لازم يكون فيه هالشيئين؟؟
والشكر مقدماً للجميع
اقتباس:
المشاركة الأصلية كتبت بواسطة firas9858
السلام عليكم ورحمة الله وبركاته
خلاص حددت اروح الاماكن التالية في طوكيو:
1- Ginza
2- Tokyo Skytree او Tokyo Metropolitan Gvt. Building او باثنيهم
3- Shibuya
4- Tokyo Imperial Palace
5- Edo-Tokyo Museum
6- Takeshit street
7- Akihabara
بس اذا ممكن تساعدوني ب محطات المترو القريبة من كل معلم عشان اخطط للرحلة.
واذا ممكن نصائح للاكل و العملة، هل لازم اخلي معي كاش طول الوقت او ان الفيزا بتمشي هناك عادي نفس الدول الاوروبية؟
وعليكم السلام ورحمة الله وبركاته الأخ فيراس
أنا اقترح إنك تزيد أيام طوكيو، خصوصا لانك تبا تسير وايد أماكن، و بالنسبة لكيوتو و اوساكا فهم يبعدون عن بعض 40 دقيقة بالقطار العادي و 15 دقيقة بقطار الطلقة.
انصحك تاخذ بطاقة JR pass لإنها بتوفر عليك تنقلاتك في القطار و خصوصا انك بتستعمل قطار الطلقة من طوكيو لاوساكا و قطار المطار مثلا. مدة البطاقة 7 ايام تشمل كل قطارات شركة JR. سعر البطاقة تقريا الف درهم، جربها بوشرف و اتكلم عنها في تقرير بوشرف وحيد في اليابان. لازم تطلب البطاقة من قبل بالنت لانهم ما يبيعونها في اليابان.
أنا اقترح إنك تختار منطقة وحدة منهم للسكن و اتزور الثانية و اترد في نفس اليوم، احس لو استقريت في مكان واحد بتوفر وقت. و هذا رايي الشخصي و جوف الي يناسبك.
شكلك ما مريت على تقرير الي متخصص في طوكيو، و أنا زرت كل الاماكن الي ذكرتها ما عدا طوكيو سكاي تري و متحف ايدو طوكيو. في التقرير بتحصل كل المعلومات الي تحتاجها عن طوكيو.
و بالنسبة لاستدويو غيبلي التذاكر بصعوبة تحصلها في نفس الوقت لانها اتكون محجوزة من قبل. فلو عندك حد اتوصيه يشتريلك تذاكر او تتعامل مع موقع ذكرته في التقرير انهم يشترون التذاكر بدالك و يطرشونها الفندق، بس اكيد يكون أغلي عن سعر التذكرة العادية.
بالنسبة للأكل هم يستخدمون الخمر و الخنزير و مشتقاته بكثرة في الاكل الياباني التقليدي، فلازم تسأل. نحن ما كلنا وايد اكل ياباني بس مثلا حصلنا ربيان التمبورا مقلي بزيت نباتي. فأهم شي تسأل او تكون طابع ورقة بالياباني تسأل عن الاكل.
و بالنسبة لمحطات القطار اتكلمت عنها في التقرير بس عادة تكون المحطة الرئيسية يعني مثلا تبا اتسير جينزا تنزل في محطة جينزا، بس مرات اماكن معينة تكون اقرب حق محطة ثانية فلازم تدخل الموقع السياحي حق المكان و اتجوف شو اقرب محطة حقه.
رأيكم يهمني - جدول سياحي لليابان 
