تقرير سياحي: قرية كوخيم الالمانيه وماحواليها

18 / 11 / 2014, 23 : 06 PM

رقم المشاركة : 1

خبيرة سفر وسياحة

الملف الشخصي

تاريخ التسجيل : 11 / 02 / 2008

رقم العضوية : 1140

الإقامة : الامارات

المشاركات : 2,023

التقارير : 14

الجنس : أنثى

الحالة :

قرية كوخيم الالمانيه وماحواليها

قرية كوخيم COCHEM

مقدمه

اليوم بكلمكم عن قرية كوخيم الالمانيه واللي قضينا فيها اجازتنا العائليه
وكانت مدة 18 يوم
من 1/ 8 الى 18 / 8
وقبل ما أخبركم عن القريه وشوفيها وشو حواليها ، حبيت أخبركم عن السكن أو المنتجع اللي يلسنا فيه هاي المده
وهو موجود ع هالرابط ...

http://www.travelzad.com/vb/t119068.html#post962305

ويبعد المنتجع عن سنتر المدينه تقريبا ربع ساعه بالسياره وانتوا نازلين للقريه بتطوفون ع مسطحات خضراء
وممكن تشوفون كراسي أو أماكن خاصه توقفون فيها وتشوفون مناظر جميله ولها اطلاله رائعه

أتمنى انكم تستفيدون وتستمتعون

الفهرس

حياكم الله في تقريري اليديد

مغامراتي البحريه ع كروز MSC للبلاد النرويجيه 2015

اقتباس

18 / 11 / 2014, 42 : 06 PM

رقم المشاركة : 2

خبيرة سفر وسياحة

الملف الشخصي

تاريخ التسجيل : 11 / 02 / 2008

رقم العضوية : 1140

الإقامة : الامارات

المشاركات : 2,023

التقارير : 14

الجنس : أنثى

الحالة :

رد: قرية كوخيم الالمانيه وماحواليها

قرية كوخيم COCHEM

تقع كوخيم في الغرب الالماني
قرية جميله ونوعا ما هاديه ولكن ليس الهدوء الممل
وهي تعتبر سياحيه من وجهة نظري
حيث تتميز بطرازها المعماري الذي يرجع للعصور الوسطي بالاضافة لوجود المرتفعات الخضراء ومرور نهر الموزل فيها
وعلى امتداد هذا النهر بتشوفون المطاعم والمقاهي المطله ع النهر واللي اليلسه فيها ترد الروح
بالاضافه انه في جزء مخصص لألعاب الاطفال ، وسوبرماكت وأسواق
ومقابل النهر يوجد سنتر المدينه اللي عباره عن سكيك قديمه وفيها الكثير من المحلات والمطاعم ومنها مطاعم تركيه والتمشي في هالجانب جدا ممتع وحلو
وع الجهه الثانيه من هالنهر بتشوفون مزارع العنب الموجود ه ع منحدرات الجبال واللي منظرها يريح النفس والعين
وممكن تسيرون للجهه المقابله مشي مجرد تعبرون الجسور اللي تربط بينهم
وهالجسر هو بنفسه مكان جميل تشوفون النهر من زاويه جميله وخلابه تستحق انك تتصور وتكون خلفيه لصورك
وأذكر بعد في هاذيج الجهه فيه سوبرماركت كبير مره سرنا واتشرينا منه بس للاسف ماصورته

قرية كوخيم فيها كثير من الانشطه وبخبركم عن بعضها ...

1- وجود تلفريك يصعدلك لين فوق وهناك عندك عدة اشياء ممكن تسويها:-

* الجلوس في الكوفي والمطل ع قرية كوخيم الجميله
* المشي في الغابه
* المشي لمسافه طويله لمدينة العاب
وهاي ما انصحكم فيها لأنه المسافه بعيده والافضل تسيرون بالسياره لها
((هنيه استوالنا موقفين بخبركم عنه عقب ويالصور ))

عنوان التلفريك
Endertstraße 44
56812 Cochem

2- قصر رايشسبورج
هذا مازرته تعرفون أنا مب راعيت متاحف وقصور بس شكله جميل من قرية كوخيم

موقع القصر من النت

Reichsburg Cochem/Mosel - Home

3- فيها مدينة العاب وفي نفس مدينة الالعاب حديقة حيوان صغيره
بعد هاي مازرتها

موقعهم ع النت

Wild- & Freizeitpark Klotten

4- جوله ع السفينه في النهر وأحلى وقت قبل الغروب عشان لما تظلم تصير كوخيم جميله بالاضاءه المنعكسه ع النهر

5- قطار سياحي يأخذك في جوله حوالين القريه ويعبر الجسر وياخذك في جوله للجهه الثانيه

6- جوله في القرى اللي حواليها وهاي فيها الكثير من مزارع العنب وبتشوفون في أشجار لفواكه مختلفه بس أكثر شي عنب ، وهاي القرى أحيانا تكون عندهم فيها احتفالات متنوعه

هاذيل اللي أذكرهم من أنشطة سياحيه في قرية كوخيم
والجزء الثاني بآخذكم لأماكن حوالين كوخيم

بعض المواقع اللي فيها معلومات أكثر عن كوخيم

فيديو لقرية كوخيم ومعالمها

http://www.cochemer-sesselbahn.de/cms/index.php/chair-lift

صور من النت عن كوخيم

كوخيم

موقع كوخيم السياحي

http://www.cochem.de/tourismus/en/index

أخيرا صور من تصويري

هذا النهر اللي يتوسط قرية كوخيم

لوخذيتوا جوله بالسفينه قراب المغرب بتشوفون هاي الاضاءه الجميله المنعكسه ع النهر

لو حبيتوا تتمشون ، موجود ممشى خاص بجانب النهر

أو حبيتوا تسوون رياضه

شلوا وياكم بقايا خبزكم وانتوا سايرين تتمشون عند النهر لأنه هناك يتريونكم البط والوز

هذا الجسر اللي تعبرون منه للجهه الثانيه

اذا تعبتوا من المشي فهناك يلسات مطله ع النهر

واذا ضقتوا بتحصلون شطرنج كبيره ممكن تلعبون مع أحبابكم

وفيه ورود جميله تتصورن عدالها
تذكرت الهنود اللي عندنا يوم كانوا ايلسون عدال الورد ويتصورون في الشارع ونحن نضحك ونعلق عليهم ، ودار الزمن وسوينا شراتهم في بلاد الالمان

اذا عيالكم طفروكم وتعبوا من المشي ، ممكن تريحونهم في منطقة الالعاب

منتجعنا موقعه ع مرتفع عن القريه ، وأغلب طلعاتكم لازم تنزلون لين سنتر القريه ع النهر وتسيرون وجهتكم

أغلب الايام اللي قضيناها في كوخيم كان الجو جميل وحلو

مزارع العنب ع المرتفعات في الجهه الثانيه من النهر

مقابل النهر شارع رئيسي ومن عقبه ايي النهروع امتداد هالنهر تصطف المحلات والمطاعم والفنادق

مره من المرات قررنا نتعشى في مطعم من هالمطاعم
واخترنا واحد يقدم استيكات بس ماعجبنا وايد بس اليلسه والاجواء كانت تجنن

هاي مدينة الالعاب اللي مازرناها

مره من المرات طلعنا كلنا ويالقروب وتجولنا في القرى اللي حوالين كوخيم وشفنا الكثير من مزارع العنب والقرى الجميله وخساره انه ماعطيناهم حقهم وتمشينا أكثر فيهم

في الشارع هاي الفواكه
.

شوفوا العنب اللي ينباع في السوبرماركت

مثل ماتشوفون كلها مزارع ، وشوارع منسقه بالورود ، وأنهار
مناظر تسر الناظرين

الواقع أجمل من صوري

حياكم الله في تقريري اليديد

مغامراتي البحريه ع كروز MSC للبلاد النرويجيه 2015

اقتباس

18 / 11 / 2014, 04 : 07 PM

رقم المشاركة : 3

خبيرة سفر وسياحة

الملف الشخصي

تاريخ التسجيل : 11 / 02 / 2008

رقم العضوية : 1140

الإقامة : الامارات

المشاركات : 2,023

التقارير : 14

الجنس : أنثى

الحالة :

رد: قرية كوخيم الالمانيه وماحواليها

نتابع جولتنا

في سنتر المدينه مطاعم تركيه ومحلات وكوفيهات

وهاي القلعه المشهوره عندهم وتقدرون تشوفونها من شارع كوخيم لأنها موجوده ع مرتفع

التلفريك

قطعنا التذاكر وركبنا التلفريك وصعدنا وكان هاليووم الجو بارد وممطر

نحن صعدنا بالتلفريك وغيرنا يصعد ع ريوله

أول ماوصلنا فوق شفنا واحد يصورنا
وسألونا اذا نحب نشتري الصور ولكن الصور مابيسلمونها ياها في نفس الوقت انما بيرسلونها لنا البلاد
انا ماكنت موافقه ولكن بوعيسى وافق تحت أصرار البنات وبالفعل صدقوا ووصلت صورنا البلاد عقب فتره
نكمل عقب ماوصلنا فوق شفنا جدامنا طريجين

واحد يويدنا صوب الكوفي شوب وهذا عدالنا والثاني صوب الالعاب
قلنا خلينا نشوف الالعاب وعقب نرجع صوب الكوفي
ومشينا مشي الله لايوريكم
المشكله مب في المشي المشكله انه صب علينا المطر صبيب وهواء والجو بارد ، ونحن معتقدين انه المكان بيكون قريب
وكل مامشينا أكثر نقول الحين بنوصل ولكن مانشوف الالعاب
والمشكله الثانيه انه مب قادرين نرجع
وتمينا جذي لين أخيرا وصلنا
وأول ماوصلنا دخلنا في مطعم مدينة الالعاب اللي كان عند المدخل نحتمي من الامطار
وشفنا الوضع مايسمح انه ندخل وقررنا من يتوقف المطر نرجع صوب الكوفي
ولما خف المطر رجعنا بسرعه ، بس الصراحه هذا اليوم كان ممتع وايد
أحس عشنا مغامره جميله

عقب مارجعنا سرنا صوب الكوفي وتفاجأت بالمنظر الجميل ع قرية كوخيم
هنيه وقفت بمظلتي أتأمل الجمال وبنتي تصورني وانا ما أدري

شوفوا هاليلسه والمنظر اللي يخبل

بس نحن يلسنا داخل ماقدرنا من المطرنيلس برع

طلباتنا كانت كلها آيس كريم

وكان طلب بنتي المفاجأه
بعد ماوصل وكلت منه شوي شكينا في الطعم وسألت الموظفه اذا الايس كريم خالي من الكحول وطلع انه هالطلب الوحيد اللي فيه كحول
عصبت عليها وقلتلها انتي تعرفين انه نحن مسلمين ومانآكل أي شي فيه كحول ، أعتذرت وعقب يتنا المسؤوله واعتذرت وبدلونا الايس كريم

وبهالجزء أختم تقريري عن قرية كوخيم اتمنى انها عجبتكم مثل ماعجبتنا

تابعوني في الجزء الثاني
رحلاتنا حول المدن القريبه من كوخيم

حياكم الله في تقريري اليديد

مغامراتي البحريه ع كروز MSC للبلاد النرويجيه 2015

اقتباس

19 / 11 / 2014, 44 : 07 AM

رقم المشاركة : 4

مشرف زاد المسافر الى ماليزيا

الملف الشخصي

تاريخ التسجيل : 11 / 12 / 2012

رقم العضوية : 46307

الإقامة : الرياض

المشاركات : 5,058

الجنس : ذكر

الحالة :

رد: قرية كوخيم الالمانيه وماحواليها

أحسنتي وبارك الله فيك على هالتقرير المصور
والمعلومات المهمة عن قرية كوخيم الساحرة ..
ولاكن ماتشوفين ياأم عيسى أن مدة 18 يوم
بالقرية طويلة رايك يهمني جدا أختي أم عيسى ؟؟

" خلصنا وسمحنا جعلك سعيد في بعادك "
" ترا العشره اللي بالنكد مالنا فيها "

اقتباس

19 / 11 / 2014, 22 : 10 AM

رقم المشاركة : 5

{ مــؤســس }

الملف الشخصي

تاريخ التسجيل : 24 / 06 / 2007

رقم العضوية : 13

الإقامة : زاد المسافر

المشاركات : 9,464

التقارير : 8

الجنس : ذكر

الحالة :

رد: قرية كوخيم الالمانيه وماحواليها

ماشاء الله تبارك الرحمن

اول مرة اسمع عن هالقرية لكن اهنيك على معلوماتك

وليت تعطيني سبب اختيارك قضاء 18 يوم في هالقرية

رحلة كبيان و دليله السياحي في صنعاء

.. يومياتي في العيد مع الأيتام بين الطائف ومكة و القصيم

6660 كلم في أحضان جنوب أفريقيا للرحالة المغامر kabayan مكلبش

هرر معقل البن الهرري و الضباع

تجربة كبيان الفريدة في أكتشاف قرغيزستان - kyrgyzstan

امبراطورية الأنكا في جبال الأنديز و غابات الأمازون الأكوادورية

تابعني على تويتر
kabayanzad@
صفحتي
http://www.facebook.com/kabayanryan

اقتباس

19 / 11 / 2014, 04 : 06 PM

رقم المشاركة : 6

خبيرة سفر وسياحة

الملف الشخصي

تاريخ التسجيل : 11 / 02 / 2008

رقم العضوية : 1140

الإقامة : الامارات

المشاركات : 2,023

التقارير : 14

الجنس : أنثى

الحالة :

رد: قرية كوخيم الالمانيه وماحواليها

اقتباس: المشاركة الأصلية كتبت بواسطة أبن السعودية

ياهلا فيك أخويه

وشكرا ع متابعتك الدايمه

الصراحه أنا ما أشوفها وايد وانا سبق قبل كم سنه سكنت في

منتجع في المانيا مدة 3 أسابيع

بشوف اذا عندي صور عنه يمكن أنزله في تقرير منفصل

نحن نحب جيه بس في ناس غير مايعجبهم

ونصيحتي لكم كونكم أول مره بتزورون هالمنطقه فأفضل لكم يكون اسبوع أو أقل

خصوصا انه المدن الكبيره واللي حواليها تبعد ساعه أو أكثر

اقتباس: المشاركة الأصلية كتبت بواسطة KABAYAN

ماشاء الله تبارك الرحمن

اقتباس: المشاركة الأصلية كتبت بواسطة KABAYAN

اول مرة اسمع عن هالقرية لكن اهنيك على معلوماتك

وليت تعطيني سبب اختيارك قضاء 18 يوم في هالقرية

ياهلا وسهلا فيك أخويه منورني

بالاضافه للرد اللي قلته لأخويه ابن السعوديه بعد بضيف ليش نحن حجزنا بالذات هاي المده

نحن كنا قروب كبير ماشاءالله من 4 عوائل

وفي البدايه كنا حابين نسكن المده الأطول تكون في سويسرا

ولكن ماحصلنا في السكن اللي نباه غير اسبوع ، وحصلنا في هالمنتجع

فقررنا نقضي الوقت الأكبر من الاجازه فيه ونكتشف المناطق اللي حواليه

اجازتنا كانت مقسمه

18 يوم في كوخيم

اسبوع في سويسرا

3 أيام في ميونخ والعوده منها

حياكم الله في تقريري اليديد

مغامراتي البحريه ع كروز MSC للبلاد النرويجيه 2015

اقتباس

19 / 11 / 2014, 30 : 07 PM

رقم المشاركة : 7

مشرفة زاد المسافر الى تركيا

الملف الشخصي

تاريخ التسجيل : 22 / 06 / 2013

رقم العضوية : 58849

الإقامة : الامارات

المشاركات : 1,452

التقارير : 6

الجنس : أنثى

الحالة :

رد: قرية كوخيم الالمانيه وماحواليها

الله الله الله عليك يا أم عيسى

تسلم ايديك على المعلومات والصور الحلوة

يمكنكم الاشتراك فى قناتي على YouTube

سافر مع خالة أم معن

لمتابعتي على سناب شات khala.ommaen

تابعوني فى رحلة مميزة

إسطنبول - قلوبنا اليك ترحل كل يوم - سبتمبر 2015

أوزنغول وآيدر على بعدكم ما أقدر - أغسطس 2015

أوردو وسامسون كحل العيون - سبتمبر 2015

سبقني الى الجنة - قصة لا أعرف متى ستنتهي أحداثها

اللهم اني أسألك قلبا خاشعا وعلما نافعا ورزقا واسعا وشفاء من كل داء

اقتباس

20 / 11 / 2014, 58 : 11 PM

رقم المشاركة : 8

خبير المانيا

الملف الشخصي

تاريخ التسجيل : 27 / 06 / 2009

رقم العضوية : 8319

الإقامة : germany

المشاركات : 1,364

الجنس : ذكر

الحالة :

رد: قرية كوخيم الالمانيه وماحواليها

ههههههههه أبشرك اختي ما احد زار القريه الا وحصل معه الموقفين الي ذكرتيهم قريه جميله وتقرير رائع بالصور. انا من عشاق هذه القريه بس فقط أزور ها وارجع في نفس اليوم من دوسلدورف او مبيت ليله. انتم ما شاء الله أخد تم رقم قياسي في البقاء هناك.
في نهايه الاسبوع بيكون هناك كثير من السياح كبار السن من الألمان والهولنديين.
في شهر ٧ بقيام احتفال جميل في القلعة فوق ممتاز
للصعود للقلعة يجب اخذ الباص لان الطريق صاعد كثير متعب. النزول بيكون سهل بدون باص

بارك الله عليك في التقرير الجميل

موضوعي عن دوسلدورف

حجز قطارات ومعرفة مواعيد الرحلات

رحلات سياحية من دوسلدورف-ميونخ و بادن بادن

معرفة الطقس في دوسلدورف

من اجمل فنادق دوسلدورف

رحلا ت سياحيه من بادن بادن http://www.annatour.de/12.html

اقتباس

21 / 11 / 2014, 45 : 10 PM

رقم المشاركة : 9

خبيرة سفر وسياحة

الملف الشخصي

تاريخ التسجيل : 11 / 02 / 2008

رقم العضوية : 1140

الإقامة : الامارات

المشاركات : 2,023

التقارير : 14

الجنس : أنثى

الحالة :

رد: قرية كوخيم الالمانيه وماحواليها

اقتباس: المشاركة الأصلية كتبت بواسطة خالة أم معن

الله الله الله عليك يا أم عيسى

اقتباس: المشاركة الأصلية كتبت بواسطة خالة أم معن

تسلم ايديك على المعلومات والصور الحلوة

الله يسلمج أختي أم معن

ومستانسه انه عيبكم

اقتباس: المشاركة الأصلية كتبت بواسطة دوسلدورف

ههههههههه أبشرك اختي ما احد زار القريه الا وحصل معه الموقفين الي ذكرتيهم قريه جميله وتقرير رائع بالصور. انا من عشاق هذه القريه بس فقط أزور ها وارجع في نفس اليوم من دوسلدورف او مبيت ليله. انتم ما شاء الله أخد تم رقم قياسي في البقاء هناك.
في نهايه الاسبوع بيكون هناك كثير من السياح كبار السن من الألمان والهولنديين.
في شهر 7 بقيام احتفال جميل في القلعة فوق ممتاز
للصعود للقلعة يجب اخذ الباص لان الطريق صاعد كثير متعب. النزول بيكون سهل بدون باص

بارك الله عليك في التقرير الجميل

ياهلا وسهلا بخبيرنا دوسلدورف

وأنا سعيده أنك متابعني عشان نستفيد من خبرتك

والظاهر انك من عشاق كوخيم مسولها دعايه عدله

والحين أنا ييت أكمل المسيره

حياكم الله في تقريري اليديد

مغامراتي البحريه ع كروز MSC للبلاد النرويجيه 2015

اقتباس

25 / 11 / 2014, 23 : 03 PM

رقم المشاركة : 10

درجة الأفق

الملف الشخصي

تاريخ التسجيل : 27 / 05 / 2012

رقم العضوية : 39135

الإقامة : السعوديه مكه

المشاركات : 485

التقارير : 2

الجنس : ذكر

الحالة :

رد: قرية كوخيم الالمانيه وماحواليها

ماشاء الله تبارك الله تقرير جميل وصور أروع ... القرى الألمانية حلوة وجميلة للذين يحبون استكشافها ....للأسف اغلبهم حاط المانياللتسوق فقط من ميونخ او فرانكفورت مع ان أريافها جميلة .دمت بود ... أختي الكريمة 🌹

تم كتابة الرسالة عبر تطبيق زاد المسافر

عدول الجهني (عاشق جريندوالد )

اقتباس