السلام عليكم ال زاد
ان شاء الله بخير
ولاعليكم امر ابي اعرف عن سنغافوره
شفت تقارير وكثير اعجبتني
بس احترت في كم شغله
انا ناويتها لشهر مارس او ابريل ان الله احيانا وعافانا
واستقريت عليها اخيرا
المده عشر ايام من غير يوم الوصول والمغادره
شخصين وطفله 4 سنوات
ماحبيت ادخل معها شي لادوله ولاجزيره لاني ماحب كثره التنقل
ابي اسافر اروق وارتاح
**
هل هي خيار مناسب
**
جوها تقريبا كيف يكون
**
كثير اسمع غاليه غاليه يعني تقريبا المصروف اليومي بكم تقريبا او سعر التكاسي والاماكن السياحيه
كم
السكن والتذاكر اطلعت وشفت
بس المصروف اليومي هل 1000 يكفي
من غير شوبنج
**
السكن احترت فيه ممكن تساعدوني
انا قلت
اسبوع سنتنوسا + 3 ايام في المارينا لانها عاجتني هالمنطقه
ومنها للمطار اقرب للعوده
فاممكن تدلوني علي سكن نظيف وامن وسعر كويس
اسعار السكن كثير حصلتها غاليه
مدري هي كذااو بحثي غلط
**
كيف اللغه هناك كثير شايل همها
والتكاسي في المطار وغيره


شكرا مقدما لكم
الله لايحرمكم من ماتتمنون
يارب
من جد محتاسه

سنغافورا بلد رائع ومنضم ونظيف وبنفس الوقت غاليه

السكن والمعيشه فيهم غاليه

جوها نفس دول شرق اسيا
بلد منظم وشعب متطور ويتكلمون اللغه الانجليزيه بطلاقه

البلد صغير تقريبا سنغافورا كبر بوكيت اللي في تايلند
عشره ايام كثيره عليها لذا انصحكم بان توزعوا التاريخ بين سنغافورا وماليزيا

الله يسعدك ماقصرت انا ذكرت اني حابتها لحالها
ودي اسافر اروق مابي كل شوي اشيل عفش
واللغه ماعندي بس يس ونو


ممكن تجاوب علي استفسارتي الباقيه لا عليك امر
ترا رايك يهمني

الظاهر اختي انتي ناويه ما تغيرين سنغافورا

طيب مافي مشكله اذا الف ريال يومي اعتقد انها كافيه

السكن اختاري اي فندق في اورتشاد رود او شارع اورتشاد

الاماكن السياحيه فيها قريبه من كل شي

يعني المكاتب هناك يودونكم في رحله سياحيه بالقارب الى جزيره الفراشات بواسطه قارب
وبعدين يودونكم الى جزيره سانتوزا بالباص ويكفيها من الصباح للمساء فقط

الشوبينغ هناك شي خيالي خصوصا ان فيها كل الماركات الاصليه والرائعه وبعض الماركات ما تباع الا في اوروبا لكنها تباع في سنغافورا

التكسي واللغه هناك سهله جدا انجليزي وناس محترمين لابعد الحدود ويحبون بلدهم بشكل جنوني فهم يحاولون ان يفعلوا اي شي من اجل الاتقاء في بلدهم

الان يوجد عندهم حديقه يونيفيرسال ستوديو وهي رائعه ويكفيها يوم كامل وفيها كل شي من العاب وصناعه السينما

لا تطوفكم هذي للصغار والكبار

اتمنى اني افدتكم

الله يسعدك ماقصرت الان شارع او تشارد مايميزه الا قربه من المجمعات والاسواق
وانا مارحت ابد للشوبنج
ابي سكن امن وقريب من كل شي ومنطقه جميله


الله يسعدك ماقصرت
طيب المكاتب السياحيه وين احصلها وايش مكتوب عليها ايش اسمها
ماادري ماعرفها ولاقد تعاملت معها
هل ممكن احصلها في الفندق والا
اسعارهم اغلى


**
الشوبنج والماركات الاصليه الغاليه مايهمني ابد في هالسفره مطفره الاخت
الا ابحث عن الاوت لت وارخص الاسواق وبضايع مقلده
ماتخبر وين


**
فالسكن احترت فيه اذا انتم قصدكم اورشاد كويس لقربه من المجمعات
فاهي مو هدفي ابي شي قريب من الاماكن السياحيه
وامن ومطاعم متوفره حوله