السلام عليكم و رحمة الله و بركاتة
سوف اقوم برحلة الي سنقافورا يوم الجمعة القادم باذن الله , واريد منكم كرماً لا امراً بمن يفيدني عن المطاعم العربية التي تقدم الاكل الحلال والطيب والشهي ......الخ

حياك الله اخوي وان شاء الله الاخوان بيفيدونك

مطاعم عربيه في سنغافوره ماعندي خبره فيها لكن اغلب الاكل في سنغافوره حلال وكلهم يعرفون الاكل الحلال ولا تخاف من النقطه هذي بالذات

اتمنى لكم سفره سعيده ولا تنسى تروح جزيره سانتوزا وتسوي رحله بحريه وكل هذي الرحلات نشوفها في كاونتر الفندق واسعارهم تقريبا متساويه

وعليكم السلام ورحمة الله وبركاته

حياكم الله في زاد المسافر ،، وأتمنى لكم سفرا سعيدا موفقا

بالنسبة للمطاعم العربية والاكل العربي ،، والاكل بشكل عام ،، فلن تعدمه في سنغافورة

حيث أن المطاعم الهندية في كل مكان ،، وأنت تعرف أن الاكل الهندي هو الاقرب لأكلاتنا .

في شارع في سنغافورة اسمه شارع العرب ،،، في العديد من المطاعم

مطعم سامر ،،، معروف جدا روقم هاتفه

63980530

AMIRAH'S GRILL RESTAURANT & CAFE


مطعم مصري

ALTAZZAG EGYPTIAN RESTAURANT

طبعا هذا كله في شارع العرب

أتمنى نكون أفدناكم ،، وحاضرين لأي استفسار ،،، ويوجد موضوع للعضوة همسة أمل عن رحلتها لسنغافورة ،، ستجده في نفس البوابة ،، قد يساعدكم في ترتيب تحركاتكم

كما نتمنى أن تتحفنا طال عمرك بتقرير مرتب عن البلد بعد العودة ،، ليكون معينا لمن أراد السفر مستقبلا

وحياكم الله مرة ثانية

حياك الله

ان شاء الله رحال الامارات بيفيدك توه جاى من هناك

يا حياك الله اخوي

تروح وترجع بالسلامه ....

بخصوص الاكل اعتقد ان اخوي بواليازية عطاك فكره

لان سنغفورها فيها المسلمين كثار ... تلقى اكل حلال كثير .... واغلب مطاعم الفاست فود حلال مثل كنتاكي .... برجر كينغ .... ماكدونالد وغيرهم

الاكل الحلال تلقاه في المطاعم الهنديه منتشر بس لازم تتاكد او تلقى عندهم اشارة الحلال



حتى يوم تشتري الايسكريم والحلوايات من السوبرماركت ... انتبه للاشاره لان في حلوايات واسكريم مش حلال ولو كانت موجود مثلها في بلادنا ... لكن الانتاج يختلف مثل ايسكريم hagen daz





فهو ليس بحلال وان كان في بلادنا حلال

اما المطاعم العربية .... فتلقاها اما في شارع العرب .... او الحي الهندي (لتل انديا)

ونصيحه لا تفوت حديقة الطيور عندهم ....

وترى ممكن تاخذ تذكره وحده ب 40 دولار سنغفوري (=2.7 ريال سعودي تقريبا) وتدخل حديقة الحيوانات والنايت سفاري ....

ولاتنسى ستنوسا فيها حديقة الاحياء البحريه .... وحديقة الفراشات ... وبعض الالعاب المسليه ..وسينما الابعاد الثلاثية

اما الشراء فلازم تمر على شارع اورشاد .... الحي الهندي .... الحي العربي ..... الحي الصيني ... والمارين

عندهم عين سنغفورا (singapore flyer) جميله جدا .... ويقال في النهار تشوف جزء اندونيسا وفي احسن الاحوال تشوف جزء من ماليزا .... لكن ماليزا تكون ابعد وصعبة الرؤية



اتمنى اكون قدرت افيدك بردي هذا

اتمنى لك اخوي سفرة سعيدة في بلاد اعجبتني حييييييل

المطاعم العربية ما عندي عنها فكرة كنا ناكل اكثر شي في مطاعم البيتزا وعند محل يسويها لذيذه في المجمع الي بجانب فندق الهلتون بشارع اورشاد

بس احذر حتى من الحلويات والكيك في الغالب يستخدمون دهون الخنزير

الله ييسر اموركم