السلام عليكم
اخواني الافاضل كنت جالس افكر اسوي احتفال لزوجتي العزيزه الغاليه بمناسبه مرور سنتين على زواجي

ولله الحمد كانت احلى سنتين عشتها معها وكانت معي ونعم الزوجه في كل شي وفي مختلف ظروف الحياه

فكرت اسوي الاحتفال في احد فنادق الخبر لكن قلت ماينفع فكرت في البحرين من باب تغيير للروتين

اتخذت بعض القرارت واريد منكم باقي الافكار والطريقه

اولا /
حجز فندق في البحرين ( احتمال كبير يكون the westin الي هو كمبنسكي سابقا )
ثانيا /
شراء طقم ذهب

الخيارات الاول والثاني سهله ولاتصعب علي

باقي التجهيزات احتاج مساعدتكم
ابي كيكه ابي بلونات ابي اشياء كثير تساعدني اسوي شي يسعد شريكه حياتي

الله يوفقكم ويستر عليكم

ليش ما تتصل بالفندق وتخليه يقوم بالواجب لان معضم الفنادق لهم تجربه مستمره في الاحتفالات هذي

الله يعطيك العافيه

تواصلت مع الفندق في الامس ماكان عنده استقبال بالشكل المتوقع كل الموضوع فاكهه وعصير وشمعتين على ورده وانتهينا
ماكان مثل الي في بالي

السلام عليكم ورحمة الله وبركاته ،،

طبعاً اول شي الله يدوم بينك وبين المدام وحلو تجدد الذكريات وتغير الروتين وام العيال تستاهل

ثاني شي عندنا احسن مكانين يسون كيك في البحرين طبعاً في غيره كثير بس الغالب مايطلع خارج نطاق هالمكانين
1- كافية ليلو :

- فرع العدلية : 0097317714440


- فرع مجمع العالي (قرب مجمع السيف) : 0097317583939
- المخبز (العدلية ) : 0097317715370
وانصحك تجرب كيك الفروت - الرد فلفت - جوكلت بستاشو

2- مطعم لا شوكلا

- فرع المقابل لمجمع السيف 0097317582259
وانصحك بتجربة كيك : مونتانا (جوكلت) - الرد فلفت

الأسعار في متناول الجميع طبعاً لا تنسى انك تحدد الحجم (1 كيلو) اتوقع كافيه وزياده لشخصين راح تطلع لك تقريبا 20 إلى 25 دينار يعني 200 ريال .

*ملاحظة : ارجو الأتصال وعمل اوردر للكيك مع طلب الكتابة عليها تقول لها مثلاُ اي شي حاب تكتب عليها لابد يكون بالأنجليزي . قبل بيوم او يومين كفاية . وشكراً
اي استفسار احنا بالشوفه

اشكرك ويعطيك العافيه

احتاج منك توضح لي اي فرع الافضل الارتب
وراح اتواصل معاهم بعد ماعرف اي فرع الافضل

اخي الكريم طبعاً البحرين صغيره واغلب الفروع قريبه من بعض ,, وكلها نفس السعر ونفس الطعم والجودة .

لكن بما أنك ساكن في الفندق الي في مجمع الستي سنتر ذا وستن
اقرب فرع راح يكون لك

طبعاً لا شوكلاه الرقم الموضح لك اهو اقرب لك يكون
واذا حبيت تجرب ليلو راح يكون ايضاً اقرب لك (فرع مجمع العالي )

وشكراً اخي

يعطيكم العافيه

لله الحمد نجحت المناسبه السعيده

وتم تغيير الفندق الى فندق The K Hotel

جناح جونيور مع وجبه الافطار

والباقي تم تجهيزه من قبلي ملف مرفق 7341



يعطيكم العافيه



تم كتابة الرسالة عبر تطبيق زاد المسافر

اختي ما انصحج في فندق k ...
عندك فندق رامي غراند الي مقابل مجمع السيف جدا جميل

اهلين

اولا ياااسسر
ثانيا ولله الحمد تم عمل المناسبه السعيده بنجاح في نفس الفندق
والفندق تعاون معي كثير من مدير الفندق ومدير الحجوزات والمطعم والجميع


تم كتابة الرسالة عبر تطبيق زاد المسافر