نداء للاخت فراشة بوظبي

ماعليج امر انا رايحة اليابان في ابريل من تاريخ 2 الى 14 رحلة سياحية فممكن بليز تفيديني بخبرتج
مبدئيا حطيت السكن في اوساكا و طوكيو
حابه ازور فوجي و نارا و الحديقة الامبراطوريه و غينزا و طبعا شيبويا و ديزني او يونيفيرسال استوديو واحد من هالاثنين
ممكن بس تساعديني كل مكان من اي منطقه اروحله؟
و كم يستغرق الوقت؟
و تذكريلي اماكن ثانية تستحق الزياره و هل احتاج اتنقل اكثر فالسكن و الا هالمنطقتين كفايه


و مشكوره

ويينج يالفراشه

هلا إختي ريجاوي، اسمحيلي بس أنا ما جفت الموضوع و إن شاء الله ارد عليج بأسرع وقت

أول شي، أتمنى لج اختي العزيزة رحلة موفقة و ممتعة في اليابان.

تقسيم السفرة على اوساكا و طوكيو اختيار موفق، لانج بتكتشفين و بتزورين الجانب التراثي و الجانب الحديث من اليابان. أنا احس انه كفاية لو سكنتي في أوساكا و طوكيو، بس لو انتو خفاف و عادي عندكم تتنقلون بين الفنادق فعندكم هالخيارات.

بالنسبة للتنقل في السكن في طوكيو، البعض يفضل يسكن ليلة في المناطق المحيطة بجبل فوجي


مثل هاكوني





او بحيرة كواجوتشيكو







الي زرتها في التقرير


بس أنا ما احبذ فكرة السكن لإنج بتكونين متقيدة في التاريخ، فمثلا لو حجزتي في فوجي و هاليوم طلع مغيم او مطر، ما بتقدرين إتجوفين جبل فوجي، لان مهم اتخصصين يوم مشمس و مب مغيم حق فوجي، بس لو كنتي حاجزة فندق بتكونين متقيدة باليوم. بس الي يحجزون ليلة في فوجي يقدرون يجوفون مناطق اكثر و هاي ابرز مميزات السكن في فوجي.


تقدرين تحجزين ليلة في فنادق ديزني او الفنادق القريبة من ديزني لو بغيتي اتسيرين ديزني يومين و تخصصين كل يوم حق حديقة.




بس بعد الجو يعتبر مشكلة و يفضل انج تختارين يوم ما فيه مطر. لإن يمكن يلغون عروض أو يصكرون ألعاب.









بالنسبة للتخطيط و ترتيب جدول سياحي يومي للسفرة، أنصحج بموقع جابان جايد لانه يكتب بالتفصيل عن كل المعلومات الي تحتاجينها عن الاماكن السياحية في اليابان


رابط أوساكا


Osaka Travel Guide







يونيفرسال ستوديوز في اوساكا
و نارا تبعد 40 دقيقة عن اوساكا


رابط طوكيو


Tokyo - City Guide






الاماكن الثانية الي كتبتيها موجودة في طوكيو و ضواحيها





و الحلو في الموقع إنه يخبرج بالمناطق القرية الي تقدرين اتزورينها من طوكيو او اوساكا. يعني رحلات يوم واحد و ترجعين.


بالنسبة للوقت المستغرق للمناطق الي ذكرتيها، تقردين تستعملين موقع هايبرديا الي تكلمت عنه في تقرير " فراشة أبوظبي تزيح الغموض عن استخدام القطارات في اليابان"


http://www.travelzad.com/vb/t120930-3.html

2. استخدام موقع هيبرديا للتنقل بالقطارات

شرح كامل للموقع، دليلكم الشامل في التنقل في اليابان

أنا أحب اكتب تقارير عشان الناس يستفيدون و يستعملون الوسائل الي أحطها حقهم ، صح إن أنا استقبل اجوبتكم برحب صدر و ممكن اجاوب على كل أسئلتكم بالتفصيل، بس أنا أفضل انكم انتو بنفسكم تستخدمون الوسائل الي احطها عشان تفيدكم في سفركم و تقدرون اتدورون أماكن يديدة و ما تعتمدون على الاماكن الي أنا سرتها بس.


و أنا جاهزة لأي استفسارات ثانية

مشكووره الغاليه ما قصرتي