الوقت الافضل ١٦ يوم

افضل القرى من رايي زيلامسي وانترلاكن وبادن بادن وبيرتساو وغارمش وغيرها الكثير


عندك اكثر من مخطط لكن الاهم هو محطة الوصول والمغادرة والافضل تكون مطار ميونيخ ذهاب وعودة
معدل الصرف اليومي يختلف من شخص الى شخص اخر وصعب احدده لك ممكن من ٥٠٠ الى ١٢٠٠ ريال وكل ما كبرت العائلة يزيد الصرف
الشنغن اجراءاته بسيطه جدا وموجود في بوابة التأشيرات


مخطط مبدئي ١٦ يوم
زيلامسي ٥ ايام
انترلاكن اسبوع
بادن بادن او رست يومين
ميونيخ يومين

الله يعطيك العافية اخوي مااجد
بتعبك معاي شوي

بالنسبة للحجز جده ميونخ مافيه دايركت ع الخطوط السعوديه

الوقت حادني شوي بالذات العوده

مافيه دايركت الا ع مطار جنيف

ينفع جنيف تكون هي البدايه والنهايه..

والشنغن الافضل الالمانيه والا ماتفرق ...؟

الخطوط السعودية فيها مطار فرانكفورت دايركت واشوفه افضل اذا حبيت تزور النمسا وسويسرا لكن اذا كانت سويسرا والمانيا مطار جنيف مناسب ذهاب وعودة


تقدر تزور سويسرا والنمسا عن طريق جنيف ذهاب وعودة لكن ١٦ يوم ما تكفي
لكن اذا كان الوصول فرانكفورت والعودة من جنيف او العكس تكفي ان شاء الله


الان عندك اكثر من خيار
١- الوصول والعودة من مطار فرانكفورت وتزور سويسرا والمانيا والنمسا لمدة ١٦ يوم


٢- الوصول والعودة مطار جنيف وتزور المانيا وسويسرا فقط في ١٦ يوم
٣- الوصول فرانكفورت والعودة من جنيف او العكس وتزور النمسا وسويسرا في ١٦ يوم



٤- الوصول والعودة من جنيف وتزور النمسا وسويسرا والمانيا لكن يحتاج اكثر من ١٦ يوم

ان شاء الله الامور واضحة عندك الان

باذن الله بتكون اوضح بعد ماافهم شوي
اذا كانت الرحله ذهاب وعوده من جنيف مااقدر ازور النمسا ليش ؟

وبعطيك برنامج مبدئي قالي عليه قريب لي

الوصول لمطار جنيف السكن في ديفون او تواريه

زيارة انسي وديفن وتواريه وجنيف 3 ايام

انترلاكن 4 ايام

بادن بادن 2

ميونخ 2

طبعا هذا كان كلام مبدئي وماتكلمنا عن زيلامسي

وللتوضيح زيارتي للنمسا بتكون للاماكن القريبه من خط السير

رأيك..

والف شكر على التجاوب

ارجع للخيار رقم ٤ وتفهم اكثر

انا قلت تقدر لكن ١٦ يوم صعبة ومرهقة عليك لانها قليلة على انترلاكن وزيلامسي خاصة اذا بترجع لجنيف مرة ثانية وتغادر منها




بالنسبة لمخطط قريبك اتفق معاه في مدن المخطط كمسار ممتاز جدا لكن اختلف معاه في عدد الايام في كل مدينة !


وانت ذكرت تبغى دايركت على الخطوط السعودية فطبيعي جدا اعطيك جنيف وفرانكفورك لانها هي اللي دايركت للخطوط السعودية


اذا تبي مغادرة من ميونيخ ما عندك مشكلة لكن انت حدد محطة وصولك والمغادرة عشان اعطيك المخطط

الله يعطيك العافيه ياماجد ماقصرت

خلينا في الخيار الثاني النمسا وسويسرا


المسافة بينها قصيرة والا فيها مشواااار<<<< اذا ماهي توكلنا على الله


والتذاكر ماني محصل دايركت الا على جنيف


والوقت حادني مثل ماقلتلك


شاكر لك تجاوبك

ما دام تبي جنيف وصول ومغادرة تمام لكن كم يوم مخططك !؟ مخطط مبدئي


انسي الفرنسية يومين
انترلاكن ٤ ايام
زيلامسي ٥ ايام
قارمش يوم واحد
رست او بادن بادن ٣ ايام
جنيف يوم واحد


هذا مخطط لزيارة النمسا وسويسرا في ١٦ يوم واذا تبي تضيف ايام ضيفها الى انترلاكن وتصير اسبوع


التاشيرة فرنسية

اذا تبي شقة في انترلاكن ممكن تواجه مشكلة لان حجزها اسبوع ومن سبت الى سبت والافضل ترتب سفرك الى اوروبا على موعد حجزك في انترلاكن


عندك من ٢٥ يوليو الى ١ اغسطس وعندك من ١ الى ٨ اغسطس ( حجز شقة انترلاكن )