شبكة ومنتديات زاد المسافر / زاد المسافر للدول العربية / زاد المسافر الى جمهورية مصر العربية

إضافة رد
10 / 02 / 2015, 41 : 03 PM
رقم المشاركة :  1 
مسافر جديد



الملف الشخصي
تاريخ التسجيل : 17 / 04 / 2013
رقم العضوية : 54012
الإقامة : مصر
المشاركات : 47
التقارير : 3
الجنس : ذكر
الحالة : مصطفى-حسن غير متواجد حالياً
رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول



رحلة الى الاقصر واسوان

السلام عليكم ورحمة الله وبركاتة
الموضوع دة والمواضيع اللتى تلية بنفس الاسم لكن على اجزاء ربما تكون اربعة او خمسة هى تفاصيل رحلة قمت بها عائليا الى الاقصر واسوان فى الفترة
من الجمعة 3-10-2014 الى الجمعة 10-10-2014وكانت فى العيد الكبير

و انا هحاول اشرح الموضوع بكل الجوانب باختصار ووضوح عشان تكون مرجع لاى حد يحب يروح يتفسح فى الاقصر واسوان

يعنى مثلا اية افضل الاماكن للزيارة
ومواعيد الزيارة
والاسعار
والفنادق وتكلفتها
والطريق ووصفة
وتحذيرات ونصائح عامة

فى البداية دى كانت رحلة عائلية بسيارتى دايو لانوس .......كنت انا وزوجتى وابنى عمر 9 شهور وبنتى ملك سنتين

والرحلة لم تكن تابعة لشركة سياحية او برنامج محدد سلفا
لكن نقدر نقول انها رحلة حرة

طلعت من البيت يوم 3-10-2014 الساعة 10 صباحا من العاشر من رمضان واخدت الطريق الدائرى الاقليمى



ونزلت منة على طريق الكريمات بتاع الصعيد
او طريق الجيش زى ما بيقولو
ووصلت بنى سويف ودخلت فولت بنزين وعملت رست لمدة ساعة وبعدين رجعت تانى طريق الجيش وفضلت علية لحد ما وصلت اسيوط وهناك بردو عملت رست لمدة ساعة








الطريق ممتاز فردتين رايح جاى كل فردة منهم 3 حارات والسرعة القصوى الرسمية 120 كم
بس تقريبا مفيش علية خدمات
بنزينة عند الكارتة وبنزينة تانية عند الكارتة اللى فى اسيوط
وشبكة المحمول موجودة فى اماكن واماكن لا

بعد اسيوط الطريق بيبقى فردة واحدة رايح جاى بس واسعة ومعقولة جدا وكثافة السيارات عليها قليلة

من بعد اسيوط الطريق متعرج لمسافة 40 كيلو فحاول تسوق بسرعة متوسطة فى المنطقة دى






وهتلاقى بعض الكافتريات على اليمين واليسار
3 كافتريات من بعد ما تطلع من الكارتة بتاعة اسيوط لسوهاج
وبعد 80 كيلو تقريبا فى 2 كافتريا وبنزينة اسمها النيل
بس غالبا مش هتلاقى فيها بنزين

فانت اعمل حسابك انك تفول التنك للزور فى البنزينة اللى بعد كارتة اسيوط لان التفويلة دى هيا اللى هتوصلك الاقصر

هتعدى من برة على سوهاج وتاخد الصينية شمال وبعد حوالى 90 كيلو تانيين هتلاقى صينية كبيرة بردو هتاخدها يمين وبعدها بحوالى 100 كيلو هتلاقى
نفسك داخل يمين اجبارى الى قنا

هتاخد اليوترن بعد 500 متر وهترجع تانى وتدخل يمين من جنب الكمين ومن بعد الكمين بيبقى تقريبا فاضل 60 او 70 كيلو على الاقصر

بصفة عامة انت مش محتاج تسأل اى حد لو التزمت وركزت مع اليفط الارشادية اللى على الطريق من بدايتة لنهايتة هترشدك من القاهرة للاقصر بدون اى مشاكل

ودى صورة خط السير اللى انا مشيت علية والخط الازرق الرفيع هو دة الطريق اللى انا مشيت علية ومحدد على الصور مكان الانطلاق ومكان الوصول





بعد ما تدخل الاقصر طبعا محتاج فندق او شقة مفروشة

بالنسبة ليا الاختيار كان فندق وكتير منهم موجود فى وسط البلد وفى شارع التليفزيون

وبعد بحث ومشاهدة اكتر من فندق طلعت بالنتيجة دى:
الفنادق فى الاقصر متقسمة لاربع مستويات

1 - المستوى الشعبى ودى سعر الغرفة 2 سرير بيترواح من 35 الى 70ج وبتكون حاجة بسيطة خالص عبارة عن غرفة بها 2 سرير + 2كرسى + دولاب + مروحة سقف

2 - المستوى المتوسط ودى بتكون معقولة جدا وسعرها بيتراوح ما بين 90 الى 150ج وفيها كل اساسيات الخدمة الفندقية يعنى بتكون غرفة 2 سرير + 2 كرسى + دولاب +تكييف
+ مينى بار + 2كومودينو + ترابيزة + تليفون الروم سيرفيس + + تليفزيون بدش مركزى او بوصلة دش متعددة القنوات

بس دايما بيكون فيها ملاحظة بسيطة يعنى مثلا ممكن تلاقى كل حاجة تمام وزى الفل بس الاسانسير مثلا مش شغال
او الاسانسير بيطلع ومينزلش
او البانيو بتاع الحمام صغير شوية

يعنى بتبقى ملاحظات بسيطة لكن غير كدة كل حاجة بتبقى تمام

3 - المستوى فوق المتوسط ودى اسعارها بتتراوح من 180 الى 300ج وبتقدم الخدمة الفندقية على اكمل وجة وبتكون هاف بورد او فول بورد ودى اللى بتتصنف كفنادق 3 او4 نجوم

4 - المستوى الرابع ودى بتبقى الفنادق العالمية ودى طبعا مش محتاجة شرح

وصلت الاقصر الساعة 10 باللليل
يعنى الطريق اخد منى 12 ساعة
المسافة الفعلية المقطوعة 912 كيلو متر من باب البيت لباب الفندق

طبعا اول يوم بيخلص فى السفر والحجز وتبدا من تانى يوم الرحلة بتاعتك

بالنسبة للاقصر الاماكن اللى تستحق الزيارة هيا

1 - معبد الاقصر موجود فى وسط البلد فى البر الشرقى فى ميدان ابو الحجاج ويعمل من 7 صباحا الى 8 او 9 مساء وسعر تذكرة الدخول 3 ج

2 - معبد الكرنك موجود على بعد حوالى 3 كيلو من معبد الاقصر ويعمل فترتين الاولى من 8 صباحا الى 4 عصرا والتانية اللى هيا عروض الصوت والضوء من 7 الى 10 مساء وعرض اللغة العربية
بيكون يوم الخميس تذكرة الصوت والضوء للمصريين ب 20ج والتكرة العادية بتاعة بالنهار 4ج

3 - متحف التحنيط ودى على بعد 500 متر من معبد الاقصر (ميدان ابو الحجاج) على كورنيش النيل ويعمل من 9 صباحا الى 1 ظهرا وسعر التذكرة 4ج

4 - متحف الاقصر ودة على بعد حوالى كيلو من معبد الاقصر (ميدان ابو الحجاج) على كورنيش النيل ويعمل من 9 صباحا الى 1 ظهرا وسعر التذكرة 10ج

كدة يبقى انت تقريبا خلصت الاثار اللى فى البر الشرقى ميفضلش غير طريق الكباش اللى اولة موجود فى معبد الاقصر والمفروض ان نهايتة فى معبد الكرنك بس هما لسة شغالين علية

يتفضل عندك الاثار اللى فى البر الغربى وهيا

وادى الملوك
وادى الملكات
معبد هابو
معبد الرامسيوم
تمثال ممنون
حتسبشوت

بس التفاصيل بتاعتهم هتكون فى الجزء التانى مش فى الموضوع دة


تانى يوم الصبح رحت معبد الكرنك
ودى معلومات كاملة عن المعبد

ظ…ط¹ط¨ط¯ ط§ظ„ظƒط±ظ†ظƒ - ظˆظ?ظƒظ?ط¨ظ?ط¯ظ?ط§طŒ ط§ظ„ظ…ظˆط³ظˆط¹ط© ط§ظ„ط**ط±ط©

اول ما بتوصل المعبد هتلاقى قدام منة باركن كبير للعربيات وبعدين تقطع تذكرة ب3ج وبعدين هتلاقى قاعة ضخمة هتدخل منها هتلاقى فى منتصفها ماكيت صغير لمعبد الكرنك بالكامل
وعلى الاجناب صور للمعبد قديما ولاعمال الترميم اللى اتعملت لة ولبعض الاليات اللى شاركت فى الترميم ودى صورة للماكيت وفيديو للقاعة

ملحوظة : كل الفيديوهات الموجودة فى الموضوع HD لكنها قصيرة فيرجى الانتظار لحظات قبل التشغيل او اختيار HD من قائمة التشغيل الخاصة بالفيديو فى اليوتيوب




https://www.youtube.com/watch?v=alc26437AWA

بتخرج من الناحية التانية هتلاقى مساحة فاضية هتمشى فيها لحد ما توصل معبد الكرنك




الصورتين اللى جايين تحت بعض بالترتيب
الاولى لواجهة المعبد التقطت فى اوائل القرن العشرين
التانية صورة لنفس الواجهة حاليا
بعدها ملف فيديو لنفس الواجهة







https://www.youtube.com/watch?v=gPYLY_5-kQg



بعدها بتدخل على بهو طهرقا واللى منة المدخل بتاع قاعة امون

والصور التالية بالترتيب كالتالى
الصورة الاولى لمدخل قاعة امون التقطت سنة 1878
الصورة التانية لنفس المدخل التقطت فى اوائل القرن العشرين
الصورة التالتة التقطت فى خمسينيات القرن القرن الماضى
الصورة اللى تحتها دى الوقت الحالى
الفيديو اللى تحتها لبهو.طهرقا اللى هو يعتبر ضهر واجهة المعبد وفيه مدخل قاعة امون










https://www.youtube.com/watch?v=lBssFKJdhNk


بعد كدة بتدخل قاعة امون اللى هيا تعتبر اكبر قاعة اعمدة فى العالم

والصور التالية دى مجموعة صور متفرقة لقاعة امون وتحتها ملفين فيديو












https://www.youtube.com/watch?v=-ahy6aXdyJM

https://www.youtube.com/watch?v=mPIzOCGJlyg



بتخرج من قاعة امون الى معبد رمسيس التالت
ودى صور وفيديو ليها




https://www.youtube.com/watch?v=GDEjCfYOJrQ



الصورتين التاليتين
اول صورة لتماثيل فى الصرح السابع التقطت فى اوائل القرن العشرين
والصورة اللى تحتها لنفس التماثيل وتقريبا من نفس الزاوية التقطت ليا









بعد كدة بتخرج على مقصورة المركب المقدسة اللى فيها قدس الاقداس وهتلاقى قبلها المسلات وبعد كدة بتدخل يمين على مسلة حتسبشوت الراقدة وبعد كدة بتدخل شمال على البحيرة المقدسة

















وبكدة يبقى خلصنا معبد الكرنك
يتفضل عندك عرض الصوت والضوء وهو حاجة جميلة جدا وساحرة لكن لازم تاخد بالك ان العرض باللغة العربية بيكون يوم الخميس فقط الساعة 7او 8 على ما اذكر

دة كدة نهاية الجزء الاول لان مينفعش اعمل الرحلة كلها فى موضوع واحد لان عدد الصور اللى صورتها فى الرحلة 2036 صورة وعدد مقاطع الفيديو 84 مقطع فطبيعى انى اقسم الرحلة على اجزاء

اللى اللقاء فى الجزء التانى واللى هيكون اسمة :
رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء التانى)
10 / 02 / 2015, 48 : 03 PM
رقم المشاركة :  2 
نائب رئيـس مجلـس الادارة



الملف الشخصي
تاريخ التسجيل : 24 / 06 / 2007
رقم العضوية : 30
الإقامة : طيبة الطيبة - الرياض
المشاركات : 17,998
التقارير : 53
الجنس : ذكر
الحالة : Abu sultan غير متواجد حالياً
رد: رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول



ما شاء الله .. ربي يحفظها .. عادة نقرأ مثل هذه الرحلات باقلام أجانب غير عرب وفي أحيان نادرة بأقلام عرب يعشقون التاريخ والمتاحف .. لكن من نوادر النوادر أن نقرأ مثل هذه الرحلات بأقلام مصريين من أبناء البلد .. متابعين معاك التقرير يا أخ مصطفى ومتشوقين لما فيه .. مرحبا بك مرة أخرى ..
اجعل قلبك أبيض تعِش أسعد الناس
10 / 02 / 2015, 24 : 05 PM
رقم المشاركة :  3 
{ مــؤســس }



الملف الشخصي
تاريخ التسجيل : 23 / 06 / 2007
رقم العضوية : 13
الإقامة : زاد المسافر
المشاركات : 9,451
التقارير : 8
الجنس : ذكر
الحالة : KABAYAN غير متواجد حالياً
رد: رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول

تسجيل حضور لتقرير ابداعي عن اماكن زرتها من قبل ولكن لم اسمع او اقراء تقريرمن اهل البلد يتحدث الاماكن السياحية في بلد السياحة العربي
10 / 02 / 2015, 29 : 09 PM
رقم المشاركة :  4 
مــراقـب عـام
{مؤسس}



الملف الشخصي
تاريخ التسجيل : 24 / 06 / 2007
رقم العضوية : 44
الإقامة : زاد المسافر
المشاركات : 56,705
التقارير : 6
الجنس : ذكر
الحالة : أبوعبدالعزيز غير متواجد حالياً
رد: رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول

منورين يابرنس والأمورة الله يحفظها
بصراحة شرح رائع ونصائح هامة جداً ماكنت متوقع أن الطريق بيكون واسع وكويس زي كذا توقتعه صحراوي وضيق

متابع ومستمتع بالتقرير الجميل معك
10 / 02 / 2015, 00 : 11 PM
رقم المشاركة :  5 
مسافر جديد



الملف الشخصي
تاريخ التسجيل : 17 / 04 / 2013
رقم العضوية : 54012
الإقامة : مصر
المشاركات : 47
التقارير : 3
الجنس : ذكر
الحالة : مصطفى-حسن غير متواجد حالياً
رد: رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول

اقتباس: المشاركة الأصلية كتبت بواسطة Abu sultan


ما شاء الله .. ربي يحفظها .. عادة نقرأ مثل هذه الرحلات باقلام أجانب غير عرب وفي أحيان نادرة بأقلام عرب يعشقون التاريخ والمتاحف .. لكن من نوادر النوادر أن نقرأ مثل هذه الرحلات بأقلام مصريين من أبناء البلد .. متابعين معاك التقرير يا أخ مصطفى ومتشوقين لما فيه .. مرحبا بك مرة أخرى ..
ربنا يكرمك اخى الفاضل وانا مستغرب فعلا موضوع ان مفيش حد من مصر عمل تقارير عن اماكن فى مصر

على العموم الايام والشهور الجاية هرفع تقارير عن اماكن كتير فى مصر زرتها وتحياتى لحضرتك


اقتباس: المشاركة الأصلية كتبت بواسطة KABAYAN
تسجيل حضور لتقرير ابداعي عن اماكن زرتها من قبل ولكن لم اسمع او اقراء تقريرمن اهل البلد يتحدث الاماكن السياحية في بلد السياحة العربي
تحياتى لحضرتك ومتشكر جدا لمرورك

اقتباس: المشاركة الأصلية كتبت بواسطة أبوعبدالعزيز
منورين يابرنس والأمورة الله يحفظها
بصراحة شرح رائع ونصائح هامة جداً ماكنت متوقع أن الطريق بيكون واسع وكويس زي كذا توقتعه صحراوي وضيق

متابع ومستمتع بالتقرير الجميل معك
وان شاء الله فى الجزء التانى هيكون برضو بنفس التفاصيل مع الدعم بالصور والفيديو ومتشكر لردك
17 / 02 / 2015, 15 : 03 PM
رقم المشاركة :  6 
درجة الأفق



الملف الشخصي
تاريخ التسجيل : 31 / 01 / 2010
رقم العضوية : 11942
الإقامة : ابوظبي -الإمارات
المشاركات : 344
الجنس : ذكر
الحالة : الامــــاراتي غير متواجد حالياً
رد: رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول

تقرير ممتاز اخي مصطفي وجزاك الله خير .
الحمدلله على نعمة الإسلام
18 / 02 / 2015, 57 : 02 PM
رقم المشاركة :  7 
مسافر جديد



الملف الشخصي
تاريخ التسجيل : 17 / 04 / 2013
رقم العضوية : 54012
الإقامة : مصر
المشاركات : 47
التقارير : 3
الجنس : ذكر
الحالة : مصطفى-حسن غير متواجد حالياً
رد: رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول

اقتباس: المشاركة الأصلية كتبت بواسطة الامــــاراتي
تقرير ممتاز اخي مصطفي وجزاك الله خير .
بارك الله فيك
18 / 02 / 2015, 57 : 03 PM
رقم المشاركة :  8 
نائب رئيـس مجلـس الادارة



الملف الشخصي
تاريخ التسجيل : 24 / 06 / 2007
رقم العضوية : 30
الإقامة : طيبة الطيبة - الرياض
المشاركات : 17,998
التقارير : 53
الجنس : ذكر
الحالة : Abu sultan غير متواجد حالياً
رد: رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول

متابعين معاك يا مصطفى .. أكمل بارك الله فيك ..
اجعل قلبك أبيض تعِش أسعد الناس
18 / 02 / 2015, 39 : 10 PM
رقم المشاركة :  9 
مسافر جديد



الملف الشخصي
تاريخ التسجيل : 17 / 04 / 2013
رقم العضوية : 54012
الإقامة : مصر
المشاركات : 47
التقارير : 3
الجنس : ذكر
الحالة : مصطفى-حسن غير متواجد حالياً
رد: رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول

اقتباس: المشاركة الأصلية كتبت بواسطة Abu sultan
متابعين معاك يا مصطفى .. أكمل بارك الله فيك ..
تم رفع الجزء التانى سيدى الفاضل
إضافة رد


المواضيع المتشابهه
الموضوع كاتب الموضوع المنتدى الردود آخر مشاركة
رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء الرابع) مصطفى-حسن زاد المسافر الى جمهورية مصر العربية 0 04 / 05 / 2015 13 : 06 PM
رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت) مصطفى-حسن زاد المسافر الى جمهورية مصر العربية 8 16 / 04 / 2015 14 : 02 PM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .