إضافة رد
05 / 03 / 2015, 05 : 09 AM
رقم المشاركة :  1 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
سميحه المليحه في ديرة المعاريس









السلام عليكم ورحمة الله وبركاته







ماليزيا هي دولة تقع في جنوب شرق آسيا مكونة من 13 ولاية وثلاثة أقاليم اتحادية، بمساحة كلية تبلغ 329,845 كم2.
العاصمة هي كوالالمبور، في حين أن بوتراجايا هي مقر الحكومة الاتحادية. يصل تعداد السكان إلى أكثر من 28 مليون نسمة. ينقسم البلد إلى قسمين يفصل بينهما بحر الصين الجنوبي، هما شبه الجزيرة الماليزية وبورنيو الماليزية (المعروفة أيضاً باسم ماليزيا الشرقية). يحد ماليزيا كل من تايلند واندونيسيا وسنغافورة وسلطنة بروناي. تقع ماليزيا بالقرب من خط الاستواء ومناخها مداري.
رأس الهرم الماليزي هو يانغ دي بيرتوان اغونغ وهو ملك منتخب، بينما يترأس الحكومة رئيس الوزراء. تبنى الحكومة بشكل قريب جداً من نظام وستمنستر البرلماني.

لم يكن لماليزيا كدولة موحدة وجود حتى عام 1963. في السابق، بسطت المملكة المتحدة نفوذها في مستعمرات في تلك المناطق أواخر القرن الثامن عشر. تكون النصف الغربي من ماليزيا الحديثة من عدة ممالك مستقلة. عرفت هذه المجموعة من المستعمرات باسم مالايا البريطانية حتى حلها عام 1946، عندما تم إعادة تنظيمها ضمن اتحاد الملايو. نظراً للمعارضة الواسعة، أعيد تنظيمها مرة أخرى ضمن اتحاد مالايا الفدرالي في عام 1948، ثم حصلت على الاستقلال في وقت لاحق في 31 أغسطس 1957. دمجت كل من سنغافورة، ساراواك، وبورنيو الشمالية البريطانية واتحاد مالايا جميعها لتشكل ماليزيا يوم 16 سبتمبر 1963. حصلت في السنوات التالية توترات ضمن الاتحاد الجديد أدت إلى نزاع مسلح مع اندونيسيا وطرد سنغافورة في 9 أغسطس 1965.

خلال أواخر القرن العشرين، شهدت ماليزيا طفرة اقتصادية وخضعت لتطور سريع. حيث يحدها مضيق ملقا، وهو طريق بحري مهم في الملاحة الدولية، كما أن التجارة الدولية جزء أساسي من اقتصادها. تشكل الصناعة أحد القطاعات الرئيسية في اقتصاد البلاد. كما انضمت ماليزيا إلى مجموعة الدول الثماني الإسلامية النامية. تمتلكماليزيا تنوعاً حيوياً من النباتات والحيوانات، حيث تعتبر من بين الدول 17 الأكثر تنوعاً.

المصدر : Wikipedia
05 / 03 / 2015, 25 : 09 AM
رقم المشاركة :  2 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
رد: سميحه المليحه في ديرة المعاريس - Sep 2012

وعلى بركة الله نبدأ





طبعا التقرير لعام 2012م لكن حبيت أنزله عشان يستفيد منه مسافرين هالسنة والسنوات القادمة باذن الله



في البداية راح أعرض مختصر الموضوع كله " للعجلين

" وبعدها باذن الله ندخل في التفاصيل والصور والحركات


فكرة السفرة كانت تحديداً لماليزيا لأسباب كثيرة أهمها ان كل من هب ودب راح لها الا حنا وبحكم اننا طولنا وحنا نحرس السعودية ودول الخليج قلنا مابدهاش لزوم الواحد ينفّس عن رويحته شوي

بعد بحث طووويل وحوسه ودوسه مع هالخطوط والأسعار اللي تفتح النفس وفقنا الله بحجز عن طريق الخطوط القطرية .. والسعر حليو مهب شين .. بس فيه أزين منه عيبه بس ان الرحلة ترانزيت
وبالنسبه لأنها أفضل خطوط في العالم ومدري وش وازعاج .. ماشفت شي يميزها عن غيرها .. أصلاً من أولها تأخرت الرحلة فوق الـ3ساعات
خلونا ع مقرودنا لايجي اللي أقرد منه
يالله الحمد لله خيره ان شاء الله
حجز الفنادق كنت ناويه من بوكنق .. وماعندي نيه أحجز من شركات أبد
بس طحت بشركة بماليزيا وش زينها

وسمعتها كبيره .. قارنت أسعارهم مع بوكنق لقيتهم أرخص نوعاً ما ،، وخذت لفه على راي الناس فيها وكلهم يثنون وماواجهوا أي مشكله ..
توكلت ع الله وحجزت من عندهم

قبل لاندخل بالعميق أحب أشكر الله قبل كل شي انه يسر لنا السفره ومن ثم أشكر كل من ساعدني وكل من استفدت من موضوعه وردوده ..


تاريخ الذهاب : 5/9/2012
تاريخ العودة : 19/9/2012
14 يوم / 13 ليلة


يعني 18 شوال .. في عز الصيد < كف
الطيران الدولي :
سعر التذكره للشخصين 5600 ريال
الطيران الداخلي :
كوالا - لنكاوي 325 رنجت - لشخصين
لنكاوي - بينانج 255 رنجت - لشخصين


الفنادق :


سيلانجور - ليلة - فندق امباير ، غرفة بريمر ( 390رنجت )
لنكاوي - 4 ليالي - فندق ويستن لنكاوي ، غرفة مواجهه للبحر ( 2950 رنجت )
بينانج - ليلتين - فندق شانجريلا جولدن ساندس ، غرفة ديلوكس مواجهة للبحر ( 1280 رنجت )
كاميرون هايلاند - ليلتين - فندق كاميرون هايلاند ، غرفه ديلوكس ( 980 رنجت )
كوالامبور - 4 ليالي - فندق رويال شولان ، غرفه سوبيريور ( 1840 رنجت )


المجموع = 7440 رنجت = 9300 ريال الله لايفسقنا
الصدق حاولت أنقي فنادق اقتصادية وأخلي السفرة اقتصادية وأصير زي الناس اللي تسكن بميتين وثلاثميه بس يوم حسبتها طلع الفرق ألفين أو ثلاثه مايسوا .. قلت يابنت الحلال العمر واحد والقرش يجي بداله قرش والفلوس وصخ دنيا والسفر مهب كل شهر << نظامي في الترقيع لنفسي المهم ماعلينا .. الفلوس وطارت والله يعوضنا


* كنا حاجزين اخر ليلة في شاليه ببورت " قراند لكزس " الليلة بحدود 700ريال بس كنسلناها وزودنا يوم بكوالا لأن الطريق لها مشواار ورحلتنا بكره بدري يعني بيروح اليوم مااستفدنا منه + بنخسر حول 300-400 رنجت ع التاكسي لها ومنها للمطار ، والمهم انها راحت علينا  وطارت قروشنا لأن الفندق رفض يرجع الفلوس ( سياسه خايسه  ) مع اننا قبل بكم يوم متصلين نبي نكنسله وخسرنا فوق هذا كله قيمة الليلة بكوالا عاد والله كثيرين قالو لاتحجزين في بورت وانا ماسكه الا أبيها
استاهل خخخخخ
* لنكاوي كان عرض من الشركة اذا حجزت 3 ليال يعطوني الرابعه مجاناً .. والصدق ملينااا على ان الفندق يفتح النفس والأجواء حلوه بس ماش ملل 5 أيام
والأسباب ان شاء الله أذكرها بموضوعي ..


طريقة التنقلات :
المطار - سلانجور : تاكسي / 35 دقيقة
سيلانجور - لنكاوي : طيران / 50 دقيقة
لنكاوي - بينانج : طيران / 35 دقيقة
بينانغ - الكاميرون : تاكسي / 3 ساعات ونص
الكاميرون - كوالا : تاكسي / 3 ساعات ونص
كوالا - المطار : تاكسي / 45 دقيقة

* ماحرصنا نهائياً على الباص في تنقلاتنا رغم انه بيوفر علينا كثير من التكاليف خصوصا للكاميرون لأنها كلت علينا ألف رنجت بس معليش أدفع هالقيمة ولا أركب في باص يعمت بي حول السبع ساعات وراسي يتدودل




05 / 03 / 2015, 38 : 09 AM
رقم المشاركة :  3 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
رد: سميحه المليحه في ديرة المعاريس - Sep 2012





كم نصيحه للي بيروح ماليزيا
* حاولوا تاخذون معكم كتيبات وأشرطة عن الاسلام للمسلمين وغير المسلمين باللغة الماليزية و الانجليزية و الصينية و الهندية .. كتاب العشر الأخير جمييييل ومايكلف الا ريال ونص بس

قال صلى الله عليه وسلم: " لَئَنْ يَهْدِي بَكَ اللهُ رجلاً واحداً خيرٌ لكَ مِنْ حُمْرِ النعم " متفق عليه.




* ترتيب السفرة يبدا من الاستخارة ثم توليم القروش ثم حجز الطيران الدولي .. ثم تنسيق واختيار المناطق والفنادق ، وبعدها الطيران الداخلي .. وهذا كله يصير قبل السفر بأكثر من شهر عشان يمديكم تبحثون وترتبون برواقه .. وتطيحون بسعر طيران حلو اما مسأله أخلص كل أموري بكم أسبوع أو قبل شهر ماتنفع أبد :/


خصوصا الطيران الداخلي بيطلع عليكم برخص التراب ..


وبعد الحجز .. نبدا نروق ع التمشيات وغيرها


وبالنسبة للناس اللي تمشي ع جداول جاهزه ما أنصح فيها ابد :/ لأن كل شخص يختلف عن الثاني من ناحية الاهتمامات والميزانية وفيه مبزره ولا مافيه و.... الخ
انا جدولي استقعدنا لأبوه لين رتبناه ع مزاجنا
يعني مثلا ملاهي الصن واي لاقون مالنا فيها .. فخليت سيلانجور ليله وحده حقت راحه عقب السفر
ونفس الشي ما حجزت في فندق البيراميد .. لانه اغلى ب100 تقريبا
بس خذت واحد بنفس مستواه وأرخص .. والبيراميد مايسكنه الا اللي بيتمشى أو بينزل للصن واي ..

* الكاميرون احترت فيها كثييير .. ناس تسب وناس تمدح !
لكن شفت صورها وحسيت ماعليها حسوفه .. واللي ماجازت لهم مايبون الا تمشيات واسواق وخنبقه والحمد لله ماتحسفت عليها ابد أشوف انها جنّة ماليزيا وحرام الواحد يروح ماليزيا ولا يمرها

( جنتنغ ماتغني عنها ع فكرة )
* جو ماليزيا عموماً معتدل طول السنة .. يعني لاتقشون ملابس شتاء وصيف وقلق أنا بس خذت قطعتين ثقيله للكاميرون لأني انسانه ما أنطح البرد

* خذوا شنطه أكبر من حاجتكم وأغراضكم لأن الأغراض تكبر في الرجعه بقدرة قادر
* القهوه لاتنسونها
* العلاجات أهم شي جعلكم ماتحتاجون لها ، كمون وبنادول و...الخ
* النت موجود بكل مكان هناك وبكل الفنادق اللي سكناها كان مجاني بالغرف ماعدا الكاميرون قراوا بس في الرسبشن
* تفعيل النت والبلاك بيري رخيص برخص التراب .. البي بي يكلف ريال في اليوم والنت نسيت والله بس أذكره كان رخيص

* التعامل مع الماليزيين هناك أفضل من الهنود والصينين بكثييييييير
وش حليلهم وتعاملهم يشرح الصدر .. اما ذوليك ياساتر


* التكاسي والسواقين .. حاولوا تجمعون أكثر من رقم وتسجلونها قبل تروحون .. خصوصا لنكاوي وبينانغ
الفندق نفسه يوفر لكم تكاسي عاديه غير حقتهم الطخه بس أحيانا ودك بواحد يحكي عربي وعنده سالفه ..

بلنكاوي تعاملنا كم يوم مع واحد مسلم ومحترم ويتكلم عربي
في بينانغ نفس الشي ..
الكاميرون تعاملنا مع ماليزي مشى معنا من بينانغ للكاميرون لكوالا يصير اخو اللي كان يمشينا ببينانغ مشكلته بس مايتكلم عربي :/ لكن ادمي وخلووق وفي حاله ومهب بثر وسيارته مريحه أهم شي خبركم طريق الكاميرون

أما كوالا عاد حكايه ثانيه طحنا بواحد رهييييب .. مختوم ع جبهته سعودي
بحكم انه ولد وعاش سنين بالسعودية .. حتى طبايعه طبايع سعوديين ودي احط أرقامهم بس الظاهر ممنوع اللي يبيهم يراسلني ..

* بالنسبة للفلوس هي أهم شي بالسفره كلها .. اذا مارتبت أمورك فيها احتاس عليك كل شي
حنا جربنا الكاش والفيزا والسحب العادي ..

في البداية .. سحبنا 15 ألف ريال من السعوديه وخذناها معنا .. بدون مانحولها لرنجت
الشركة اتصلوا علينا عشان باقي فلوسهم ( لأنهم في البدايه اذا حجزت ياخذون 20٪ من قيمة الفنادق ) والباقي اذا وصلنا يجون للفندق وياخذونه
مشكلتنا اننا وصلنا سيلانجور ع العصر بس منهدين ومالنا خلق نطلع نصرف ..
الشركه عطيناهم فلوسهم بالريال واشوا ماعندهم مشكله ..

قمنا الصبح ع اساس نصرف الفلوس قبل نروح لنكاوي لان الرحلة ع 11ونص ولازم نصير بدري في المطار
واثر كل المحلات مقفله وماتفتح الا بعد 10 قعدنا بهااا

المهم اخر شي صرفنا من المطار وياكثر ماسمعنا الناس تحذر من الصرف منه بس عاد الشكوى لله مضطرين :/
وخذوا فايده حول 400 ريال
المبلغ كفانا الحمد لله لين رجعنا كوالا .. وفي كوالا صرفنا من الصرافه 3000ريال وخذوا فايده 35ريال بس
وأحسن صرافه HSBC لأنك تقدر تسحب منها إلى 3000 ريال .. اما الباقيات مايسمحون الا بألف ونص تقريبا بس مدري وش مضيق صدورهم مايبونا نسحب اكثر فلوسنا كيفنا

* الفيزا استخدمناها بكم محل .. لكن ماش ما أنصح فيها الا للضرورة

* تكاليف السفرة كاملة : 25.000 ريال تقريبا
شامل التذاكر الدولية والداخلية والفنادق والمطاعم و التمشيه وكل حاقه .





05 / 03 / 2015, 47 : 09 AM
رقم المشاركة :  4 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
رد: سميحه المليحه في ديرة المعاريس - Sep 2012







نوع الكاميرا :
Canon 1000D

العدسات المستخدمة :
Tokina 11-16mm
Canon 15-85mm
Canon 50mm






أقلعنا والله يالطريق طوووويل


ماشاء الله ع اللي من ركبنا وهو في سابع نومه لين وصلنا ماقام الا مره ياكل ورجع ينام مره ثانيه







قربنا قربنا




وهبطنا بفضل الله وقوته

خذنا تاكسي من المطار لسيلانجور .. تقريبا كلفنا 80 رنجت




مدري وش هالخشه بس انها كانت تستقبلنا في الفندق


اطلالة الغرفة


زحمة الناس اللي رايحين لدواماتهم


عجبني المسار الخاص بالدبابات

،

الغرفة كانت جميلة ومرتبه







بوفية الفطور بسيط وحلوو بس مشكلته أغلبه أكل صيني












صالة الرياضة .. وجعلكم ماتشوفون وين مكانها قالعينها في أسفل سافلين !!











05 / 03 / 2015, 55 : 09 AM
رقم المشاركة :  5 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
رد: سميحه المليحه في ديرة المعاريس - Sep 2012








اليوم اللي وصلنا فيه سيلانجور تغدينا و نمنا إلييين قال المذن الله اكبر لصلاة الفجر " مذن السعودية خخخخ " هذا دوا اللي مايصك امها نومه في الطياره


طلعنا من الفندق لمطار ايراسيا للنكاوي


























وصلنا لفندق ويستن لنكاوي
الفندق جميل جميييل الغرفة شرحه وتفتح النفس .. النظافة ممتازة .. الاطلالة ولا أروع خصوصا مع المطر
والجو أصلاً بلنكاوي يرد الروووح
أبي مرايه أدخل فيها وتحطني هناك أغير جو وأرجع



























يالله الجنّة







يقولون قضت السراير ابو نفرين وجو يشبكون لنا اثنين
صار مسبح من كبره













بلكونه يابلكونه
























05 / 03 / 2015, 00 : 10 AM
رقم المشاركة :  6 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
رد: سميحه المليحه في ديرة المعاريس - Sep 2012





ناخذ جوله ع الفندق من برا






































النوافير حقتهم جازت لي










حبيت ألوانها












عندهم زي النادي فيه ألعاب وسياكل وفله وفيه محل يدودي خخخخخخخخ) ( يدودي بمعنى يهش ذبان بمعنى محد قد دخله الا شفاحه)
حاطينه بمبنى منلفز باخر الدنيا مدري شلون الناس بيدرون عنهم
* مريناه بالصدفة وحنا نتمشى






هذي الفلل المخيسه








تاكسي الفندق














هالسيارة تسدحت عندها
من زمان نفسي أركب سيارة كشف بس فقر يفقر العدو الساعة ب200ريال وعاد ليته أنا اللي بسوقها بعد << تكفيخ يمشي مليون







05 / 03 / 2015, 14 : 10 AM
رقم المشاركة :  7 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
رد: سميحه المليحه في ديرة المعاريس - Sep 2012




جينا الحين لنقطه ضعفي
هنا خطر ما أحجز الفندق كله عشان أطافش بالمسبح
<< ارحمينا يابنت طلاله













ويتقطع قلبي ألماً









هالكرسي أليييييم زينته يغطس فيه الواحد ومحد بيدرى عنه يكفيك بس منظر البحر قدامك







هالصورة لعيون عدستي



ندحدر للبحر







بحر لنكاوي هادي هااااادي لأبعد درجة .. وموجه خفييف عكس بينانج






























05 / 03 / 2015, 33 : 10 AM
رقم المشاركة :  8 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
رد: سميحه المليحه في ديرة المعاريس - Sep 2012




فطور الفندق لذييييذ ومتنوع واطلالة تذبح جيبوا بزارينكم الهلكا اللي يتنعفقون عند الأكل وهذا وجهي ان ماكلوا الأخضر واليابس













الفتنة
حطوني عنده وانسوني











مكانا












05 / 03 / 2015, 20 : 12 PM
رقم المشاركة :  9 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
رد: سميحه المليحه في ديرة المعاريس - Sep 2012




الأماكن اللي زرناها في لنكاوي :
* التلفريك والقرية الشرقية
* الابار السبعة ( الله لايعيدها )

* ميدان النسر
* حديقة الفواكة
* رحلة المانغروف
* فندق فورسيزون

* عالم البحار
* محل الشوكلاته




تجربة التلفريك ممتعة .. خسارة الواحد يروح لنكاوي ومايركبه .. وحتى اللي يخاف يحاول يقوي قلبه شوي








الظاهر هالشلال نازل من الابار السبعة




صورة للقرية الشرقية .. مكانها تحت التلفريك
التمشيه فيها سعة صدر




بعد ماقضينا من التلفريك قلنا بنمر الابار السبعة بحكم انها حولها
والله لايعيدها من روحه


طبعا الابار في أعلى الجبل .. وطريقها كله درج

أو زفلت بس دحديره
نزلنا السواق وسألناه كم يبيلنا وقت ونوصل لها ؟ قال خمس إلى عشر دقايق
قلنا هينه ذي يالله مشينا
طبعا اختكم في الله رايحه وهي حامل
ولكم أن تتصورو الموقف


والله ونرقى في هالدرج ونرقى ونرقى
نبي نوصل نبي نشوف قطرة مويه تمشي
بس ماش شكل ماحولنا لا ابار ولا انهار
كل من نزل سألناه كم بقي ؟ اللي يقول ربع واللي يقول عشر واللي يضحك
عاد حنا من التعب مره نصمل بنكمل ومره بنهون ونرجع .. والصدق كل ماذكرت المسافة اللي قطعناها أتحسف إني أرجع
وبعد أكثر من نصف ساعة وصلنا لهالطريق



أنا شفته ولا ماشفته حسيت وقتها كننا بكهف وماصدقنا ع الله نشوف فتحته
وأنا هنا أمشي .. أقول لو تطلع هالابار عقب هالتعب ماتسوا وش بزين ؟ انتحار ع طول

أخليكم مع صورها



















وأشوا الحمد لله طلع يستاهل لولا قلة الحيا اوالتفصخ للي فيه

المويه طعمها لذيييذ لذييييييييييييذ
ماينشبع منها أبد
صح اذا شفت هاللي يتسبحون تحوم تسبدي بس هماها تمشي المويه بقريح

اللي يروح لها يودي معه جركل ويعبيه لي

،

يوم نزنا ونجلس نستقوي ع الناس اللي قاعدة ترقى وفيها الصيحة

في نص الطريق نشوف عمال جالسين ويقولون لنا روحوا مع هالطريق فيه ابار حلوه .. بغينا نسطرهم ، الحين ماصدقنا ع الله نخلص وبنرجع
عاد يوم نزلنا ونكرش السواق نقوله وين خمس دقايق معه ؟ تكسرت رجولنا من كثر المشي لا ودرج بعد ياسلااام
بغى يصيح

قال انتم رقيتوا لاعلى الجبل والابار أصلا تنزل بمكان قريب ماياخذ الا خطوتين
ياللهول بغيت انجلط أنا وصار هو نفسه المكان اللي قالو عنه العمال !

الغريب ان أغلب الناس تمشي بنفس طريقنا !
لكن شكل كل هالعالم ماتدري مع وين هي هابه

والحمد لله تجربه متعبه بس حلوه << الحين حلوه هاه
ولا بوقتها تمشين ودمعتك على خدك





05 / 03 / 2015, 24 : 12 PM
رقم المشاركة :  10 
درجة سياحية



الملف الشخصي
تاريخ التسجيل : 16 / 06 / 2010
رقم العضوية : 14550
الإقامة : المجمعة
المشاركات : 185
التقارير : 1
الجنس : أنثى
الحالة : سميحه المليحه غير متواجد حالياً
رد: سميحه المليحه في ديرة المعاريس - Sep 2012



ميدان النسر
علامة الجودة للنكاوي

















































حديقة الفواكة
احترنا بينها وبين اللي بينانغ بس حسب ماقريت ان لنكاوي أفضل
أنا كنت متخيله اننا بنمشي فيها ع رجولنا ونشوف الفواكة قدامنا وكذا
بس صار نظامهم نركب سيارة وتدور فينا ع الحديقة وبعدها نوقف وندخل ع بوفيه فواكه
ترى مهب البوفيه اللي ببالكم خخخخخ شي خربوطي بس طعم الفاكهة عندهم في المخخخ



























ياحلاة من بسط هنا مع اميمتي وأبيي وأهلي








اللي راح للحديقة ولا شاف ذي وصور معها يعطيني حسابة أودع فيه مبلغ وقدره


ماشاء الله عليهم مايملون من كثر مايورونها الناس
لا والغريب موظفينهم نفسيتهم وش زينها يحسسونا اننا أول ناس نجيهم
شكلهم يفرحون باللي يجيهم








الجح الأصفر
والأناناس


إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
[تقرير مصور ] سميحه المليحه تزور الكويت الجزء الثاني سليمان الذويخ زاد المسافر الى دولــــــــة الــكــويـــت 11 15 / 02 / 2009 35 : 08 AM
[تقرير مصور ] سميحه المليحه تزور الكويت وتزودنا بالصور .. سليمان الذويخ زاد المسافر الى دولــــــــة الــكــويـــت 18 06 / 02 / 2009 07 : 12 AM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .