السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

مدري من وين ابدأ بصراحة لكن احس اني جبت العيد لكن الحمدلله على كل حال

في البداية كنت مخطط تكون رحلتي بس سويسرا لمدة 12 يوم تقريبا بالمخطط التالي :
2 لوسيرن
5 انترلاكن
3 لوقانو
2 زيورخ

عشان هالمخطط حجزت تذاكري الوصول لزيورخ والعودة من زيورخ ودفعت وخلصت
من 5 يونيو حتى 16 يونيو والمغادرة صباح 17 يونيو
بعد كم يوم الأهل غيروا رايهم وقالو مانبغى كل الايام سويسرا
نبغاها مع ايطاليا ( ميلان و فينيسيا ) و فرنسا ( باريس ودزي لاند)

بصراحة انا احترت وموب عارف ايش اسوي فمالي الا انتم من بعدالله وبانتظار فزعتكم

بما انك حجزت الذهاب والعوده لنفس المدينه صعبه زيارة باريس
والايام قليله بعد


وخلها قاعده اساسيه عندك انت وغيرك .. اذا بتسافر لاوربا لاكثر من مدينه
خلي الوصول مدينه والعوده مدينه آخرى .. اريح واسهل لك انت ..



يكون الوصول زيورخ يوم ..
لوسيرن يومين ..
انترلاكن ٥ ايام ..
لوجانو ٣ ايام وتخصيص يوم كامل للذهاب لميلان بالقطار من الصبح والعوده اخر العصر .. للوجانو ..


وبعدين العوده لزيورخ يوم ..

الف شكر لك اخي العزيز ومشكور على النصيحة لكن للاسف انا كنت مخطط الرحلة على دولة وحدة والحين تغيرت الخطة

طيب لو اغير مسار الرحلة واعدل عليها واخلي مطار الوصول ميلان والمغادرة من باريس وفي النص امر على سويسرا
4 ايطاليا ميلان و فينيسا
5 سويسرا زيورخ وانترلاكن
4 فرنسا باريس

الحمدلله رب العالمين

تم تعديل مسار الرحلة وسيكون الوصول باذن الله ميلان والمغادرة من باريس

الخطة المبدئية ستكون على النحو التالي :

2 ميلان
1 فينيسيا
3 انترلاكن
3 زيورخ
3 باريس

بمجموع 12 ليلة

اتمنى منكم مساعدتي والنصح لي بالفنادق الممتازة مثلا ميلان افضل يكون السكن في الدومو وفينيسا فندق على اللاقون وزيورخ فندق كل الخدمات حوله وباريس يكون الفندق قريب من الميترو ليسهل الوصول الى دزني لاند

ولكم خالص الشكر والتقدير مقدما

ميلان تسكن بالقرب من الديمو ..
وخلي انترلاكن ٤ ايام وماراح تندم ..
زيورخ حق تسوق تكفيك يومين فيها ..
ومن زيورخ لباريس بالقطار .. حدود ٤ ساعات ..


اما السياره اذا باتخذها من ميلان وتسلمها في زيورخ
بتطلع عليك غاليه ..


او انك تطلع بالقطار من ميلان الى لوجانو وتاخذ السياره مناك وعلى طول لانترلاكن ..

الف شكر اخوي صالح على النصيحة

طيب باريس وين نسكن ؟

العفوو اخوي ..


على حسب ميزانيتك ..


انا سكنت بالقرب من محطة القطارات وجنبها مترو اتنقل فيه .. والفندق حلوو يعيبه ضيق الغرف
اما النظافه والاستقبال روعه ..