على طاري الفيزاامس انا مريت مكتب عشان حجوزات الفنادق وسالت بكم تطلعون الشنغن قالي ب 850
هذا وانا جايه من طريق معرفه
المهم طلعتها انا كلفتني للشخص 365 ريال بس ، والاوراق سهله جدا وعبيتها وجهزتها وماخذ مني الموعد اليوم نص ساعه بس حظي الحلو ان طابعه الموظف خربت واضطر يطبع من مكتب ثاني
بس فيه شغله رفعت ضغطي ، هم حاطين موقع فيديكس تعبي منه معلوماتك الكتروني ، المشكله الموقع ذا مافهمته صراحه ، اعبي المعلومات بعدين اضغط ايقونه حفظ ، وفجاه تختفي نص المعلومات ولا ادري هل الامر ذا عندي والا انا ماشي في الطريق خطا
لاني لاحظته اليوم يعبي من اوراقي في نفس الموقع هذا
https://videx.diplo.de/videx/;jsessi...GN.undefined?0
تخيل حنا ثلاث اشخاص ، وفرنا تقريبا 500 للشخص ، بما معناه 1500 ريال ، والله المكاتب انها تكفر بالعالم ، ويوم سالته ليه الالمانيه ماتعطي مده طويله بالكثير 3 شهور ، قالي هذي من الموظف وغالب المكاتب لهم علاقات فيقدر يضبطك بفيزا سنه او ست شهور على اقل تقدير
الحاصل واللي تعلمته خلص شغلك بنفسك والله الامر بسيط وفلوسك انت اولى فيها
ماقنعني وقلت بما انها فيها حضور اروح بنفسي افضل ودخلت الموقع ونزلت الابليكيشن وعبيته بالكمبيوتر وقدمته الامور جدا سهل وعطوني سنة 
