الشنغن تاخذ من البلد الاطول مدة في الاقامة هالمعلومة اخذتها امس من مكتب التاشيرات
الموحد
مالها علاقة في دخولك وخروجك اساسا مايشوف حجوزات الطيران ولاياخذوها فكيف يكون لبلد الدخول علاقة باستخراج الشنغن
الحالة الوحيدة ان المدد متساوية بين دول الاقامة هنا تاخذ الشنغن من بلد الدخول
متطلبات الشنغن
تحديد الوجهة والافضل خلها عالفرنسية لو مابتروح لفرنسا اذا تبي شنغن 4 سنوات
موعد والافضل تاخذه من النت لمكتب التاشيرات الموحد لو طلبت الان اعطوك موعد بكرة
انا 5 جوازات ب580 ريال اي نقص يكملونه لك اي خطا ابلكيشن يعدلونه لك اي نواقص
من صور او تامين موجود عندهم يعني لاجيتهم بيخلصونك لو كلك نواقص واخطاء
تعبية الابلكيشن وهذي سهلة واذا ماتعرف تعبي فيه المكاتب امام مكتب التاشيرات الموحد يعبيلك كل ابلكيشن ب30 ريال باقل من دقيقتين والله انا معبيها بخط اليد بس خليته يعبيلي طباعة بخمس دقايق كل الجوازات
صور شخصية ومهم جدا تكون واضحة وجديدة انتبه تكون قديمة
الجوازات وصورة من الصفحة الاولى فقط واذا فيه شنغن قديمة ارفقها
تعريف راتب بالانقليزي ومطلوب نسخة وحدة فقط لرب الاسرة باقي العيلة مايحتاج نسخ
سكن واضح فيه رقم الاتصال والمدة ولابد يكون طلب الشنغن من البلد الاطول اقامة في الشنغن تكفي نسخة وحدة لجميع الاسرة يعني لو خمس جوازات عيلتك بياخذو نسخة وحدة فقط واذا مامعك المكاتب الي قدام مكتب التاشيرات يسويلك بدقيقة وبسعر بسيط
واذا بتروح النمسا وبتاخذ الشنغن من فرنسا مثل اغلب الناس فقط يلزمك حجز لفندق
في باريس طول المدة من بوكنق وبعد ماتاخذ الشنغن تلغيه وبكذا مبروك اربع سنوات شنغن مقدما
تامين طبي بطول فترة الاقامة يشمل طالبي الشنغن نسخة وحدة فقط مع رب الاسرة واذا ماسويت بنفس المكتب التاشيرات عندهم مكتب تامين بخمس دقايق يسويلك
فيه خيار بعد الانتهاء استلام الجوازات والشنغن من اي مكان بالمملكة بدفع 40 ريال للجواز
طيران لا ماياخذو ولايناظرو فيها
مواصلات لا
بطاقة العيلة لا
فيزا او ماستر كارد لا
كشف حساب لا الا في حالة ماعندك تعريف راتب وكنت تاجر مثلا ياخذو كشف الحساب
نصيحة
لاتربك نفسك وتربك غيرك بكثرة الحجوزات هذا يومين هذا ثلاثة هذا بالنمسا هذا بالمانيا هذا بسويسرا مطلوب منك اثبات سكن خذه فندق واحد طول الفترة من البلد الي بتاخذ منها الشنغن وبعد ماتاخذ الشنغن الغي الحجز