منتجــع البنانـــا


عباره عن جزيره كبيره الذهاب اليها عن طريق اليخت مدة الرحله نصف ساعه بالضبط

مقرها الكورنيش ( البندر سابقا )


التوجه الى ميناء الشيوخ





تعطيهم مفتاح سيارتك وهم يصفونها لك ويعطونك كرت تستلم سيارتك بعد الانتهاء من الرحلة

للتسجيل : مطلوب عقد الزواج

والبطاقات الشخصية للزوج والزوجه للتاكد


هذا الرسبشن وطبعا مكان نظيف وراقي





اليخت يتحرك كل ساعه مثال ( 12.. 1..2.. وهكذا ... يعني مايطلع 12 ونص الــخ ...




الجزيره بعيده جدا عن الكورنيش وهذي صور للرحله البحريه


المقاعد مريحه جدا والمكان مكيف وفيه ارشادات امن وسلامه


شوف السمك



الابراج







بدت تظهر ملامح الجزيره



الحمدلله على سلامتنا وصلنا للجزيره











وصلنا الاستقبال

على طول سلمونا مفتاح الغرفه وجات معانا هالاخت عشان تودينا الغرفه








نظام السكن كالتالي

الاكواخ وسعرها جدا غالي ومابتحصل حجز الليله ب9000 ريال

فلل (غرفتين او ثلاث غرف ) بمسبح خاص تقريبا سعر الفله 5000 ريال لليله

فلل (غرفتين او ثلاث غرف ) بدون مسبح 3800 ريال لليله

سويتات نظام غرفتين بينهم باب الغرفه ب 1500 ريال

غرف بريمر كبيره مثل اللي حجزتها انا سعرها 1200 ريال بس انا حاجزها من موقعهم الرسمي قبل الافتتاح بشهر



وصلنا غرفتنا وكانت كبيره جدا وجميله وفيها كنب امريكي مررريح جدا الصور تتكلم







الانظمه الكترونيه باللمس الاضاءة والستائر


الغرف مطله على البحر اطلالة جميلة جدا





الجو جميل مب بارد ولا حار حلو مع اني توقعتها باااااارده لانها في نص البحر



ركــــــــــز هنـــــا من فضلك على الاسعار






وين الكحوووول ؟؟؟!

الحمدلله لايوجد كحول ولا ملهى ليلي




مسموح دخول الاكل والعصاير والشبسات من الخارج بس عاد خشوهم فالشناط


الله يخلي لنا الدكان وصديقنا راجوا



حطينا اغراضنا وطلعنا نستكشف الجزيره وكانت الساعه 1:45 ظهرا

ركبنا سيارة الجولف مع هالمرشد الطيب البشوش يوناني الجنسيه




المرشد ماقصر عرفنا بالجزيره كااااامله والاماكن اللي فيها والنشاطات اليكم الصور
















حديقه داخليه طبيعيه لاستنشاااق الهواااء الطلق رااائعه لاتفوتكم الصبح بعد بوفيه الافطار










اقدم ساعه


توجد نشاطات كثيره وجميله في الجزيره للكبار وللاطفال


للاطفال من عمر 3 سنوات وحتى 19 سنه ( جميعها مجاااااني ) طبعا للي يحجز غرفه فالمنتجع


حضانة اطفال فيها العاب وفلبينيات يهتمون بالطفل



العاب



بلاي ستيشن



بيبي فوت



بليارد



لعبة الـ وي

سينما برايفت جيب معاك السي دي ويعرضونه لك في سنما خاصه

العاب مائية





للكبار


صالة الرياضة




الجولف ومعاك مدرب ساعه كامله ( بـ 150 ريال ) بس لازم تتصل وتحجز قبلها بساعه



بيبي فوت ( مجانا )

سنيما افلام اجنبيه جديده غير مترجمه ( مجانا ) الكراااسي جدا مريحه والسنما ليست كبيره






بولينغ ( غير مجاني الــ GAME ب 50 ريال )




انشطه بحريه سكوترات والغوص وغيرها الكثير ( غير مجاني )






السبا والمساج بفلوس وغالي مايسوى ...


المطاعم :




النهام مطعم جميل جدا قعداته تطل على البحر بوفيه الغداء غالي الشخص ب250 ريال





اما العشاء بالطلب اسعاره معقوله


توجد مطاعم ايطاليه و كافيهات جميله

الاسعار معقوله الى غاليه ولكن ليس مبالغ فيها كثيرا


مطعم عجيب وغريب وزن السندويش فيه 1 كيلوووو يلا يابطل اطلب منه هههههههههههههه






صور ليلية للجزيره







تقييم الجزيره / ممتاز من وجهة نظري

الخدمه ممتازه من ناحية النظافه والترتيب ... كل موظف يمر عليك يبي يخدمك ويسلم ويبتسم

تتواجد سيارات الجولف بكثره وفي جميع الاوقات لاخذ الزوار في جوله وللتوصيل من مبنى الى مبنى

الاجواء كانت جدا ممتازه ولله الحمد واتمنى للجميع رحله ممتعه