السلام عليكم
حبايبي بعد البحث والقراءه حول الفيزا واستئجار السياره تبين أنه من الافضل والاريح للبال
استخراج فيزا مؤجله الدفع ( فضيه , بلاتينيه , ذهبيه ...الخ
( مع العلم انه لدي الان فيزا شحن تسوق )


طلبت من البنك فيزا فضيه بس قالوا الحد الائتماني للفيزا راح يكون هو صافي راتبك بعد خصم الالتزامات
المشكله ان تأمين السياره غير ثابت البعض يقول حجزوا مبلغ نفس تكلفة الايجار
والبعض يقول 3 اضعاف التكلفه
فـ بهذي الحاله حتى الفيزا الفضيه ماراح تقدر تغطي تأمين السياره
اخاف اخذ الفضيه واذا حجزوا المبلغ مايكفي التامين
ويرفضون تسوق


وش الراي ووش السواة

اللي اعرفه انك تقدر تضيف عليها اي مبلغ

انا عندي ماستركارد بمبلغ 5000 ريال قبل لا امشي احول عليها 5 او 10 الاف اضافيه حتى لا اقع في مشاكل

ابد توكل على الله انا روحتي الاولى حاجز من يورب كار بفيزا تسوق وماقالوا شي والمرة هذي بعد حجزت فيها ورحلتي في جولاي

فيزا التسوق نظاما لا تسمح لكن مواصفاتها زي الفيزا المؤجلة اشحنها بزايد وتوكل على الله واذا تبغى تطمن اكثر وتكون في السيف سايد طلع المؤجلة ولا تستخدمها الا لو رفضوا المسبقة وخليها معك احتياط وماراح ياذخذو الا رسوم سنوية 200-250

بارك الله فيكم حجزت من سكست وافادني الموظف انه فيزا تسوق مقبوله وانه دام سحب منها من الموقع وقبلها ان مافيه مشكله لكن عند الحجز بين لي نقطه الكل ينتبه لهافي حال استاجرت السياره من القسم الفرنسي في جنيف سيكون ايجار السياره اليومي ارخص من القسم السويسري ولكن سيتم حجز مبلغ وقدره 2000 يورو وهو الضعف لقيمة ايجار السياره انا استاجرت من القسم الفرنسي وكانت قيمة الايجار 1000 يورو فمكتوب بالعقد يتم حجز مبلغ 2000 يورو مسترده اما في حال استاجرت السياره من القسم السويسري في جنيف سيكون ايجار السياره اليومي اغلى من القسم الفرنسي ولكن سيتم حجز مبلغ 500 يورووبعد الحسبه النهائيه لاحظنا ان القسم الفرنسي كان اوفر في قرابة 2000 ريال

غموض دايم في الشركات في امر الفيزا