السلام عليكم ورحمة الله وبركاته

عندي استفسار بخصوص خطة الرحلة او المسار اللي ابمشي عليه في النرويج وانا محتار منه المسار بسبب ان عندي اكثر من خطة ورحلتي بتكون من الرياض الى باريس (ترازيت) ومن باريس الى اوسلو والرجعة نفس الشي في شهر اغسطس ومدة الرحلة 17 يوم, فآخر ثلاثة ايام ابأخذ طيارة وابروح الى باريس عن طريق خطوط اوروبا. الخطط او المسارات هي :

1- الوصول الى اوسلو والراحة يوم واحد ونتجول في اوسلو او نفس يوم الوصول لأن وصولنا بيكون 12: 30 الظهر (ارهاق) ثم اخذ طيارة داخلية الى بيرقن واستئجار سيارة والتنقل بها بداية المناطق القريبة من بيرقن و فلام ثم المناطق اللي في الشمال الغربي جيرانجير الى المدينة (مولدي) اللي عندها الجسر الغريب لأني ودي اروحله ثم العودة الى بيرقن طبعا مو مرة وحدة ابسكن في المناطق اللي في طريق العودة لأن الطريق مشوار ثم اخذ طيارة الى باريس.

2- الوصول الى اوسلو واستئجار سيارة في المطار ونرتاح يوم واحد ثم نتوجه الى فلام ثم نفس المسار اللي في الخطة الاولى المناطق الشمال الغربي...

3- الخطة هذه وانا متحمس عليها لأنها خط مسار واحد وهي نفس الشي الوصول الى اوسلو واستئجار سيارة وراحة يوم واحد ثم التوجه الى قرية او مدينة اسمها Lom وهذه تبعد عن اوسلو خمس ساعات ونص ونرتاح فيها يومين ثم نتوجه الى جيرانجير وتبعد عنها 4 ساعات ونص ثم الى الجسر الغريب ونسكن يوم واحد ثم نرجع الى بيرقن ونسكن في المناطق اللي على الطريق العودة الى ان نصل الى بيرقن ثم ناخذ طيارة الى باريس.

4- هذه الخطة احس ان بيروح علي المناطق اللي في الشمال الغربي وهي نرتاح يوم واحد في اوسلو ونستأجر سيارة ثم نتوجه الى ستانفجر ونسكن يوم واحد في Kristiansad لأنه مشوار الطريق ثم نتوجه الى ستانفجر ونرتاح يومين وزيارة المناطق اللي حوليه ثم الى بيرقن والتنقل في المناطق القريبه منها او اللي تبعد عنها 4 ساعات كأقصى شي ثم العودة الى بيرقن واخذ طيلرة الى باريس.

انا عارف اني طولت في السالفة واحس اللي بيقرأ بينحاش من الموضوع بس محتار من المسارات وعارف انكم منتم مقصرين معي واذا فيه خطة او مسار احسن من الخطط اللي عندي فياليت وجزاكم الله خير...

انا انصحك تسوز جولة داخل الدول الاسكندنافيهالسويد - الدنمارك - النرويج