السلام عليكم ورحمة الله وبركاته وبعد هل من الضروري استخدام القارمن في التنقل بين المواقع السياحية في أوربا مع حفظ الاحداثيات..


مع انه من السهل جدااااااا استخدام قوقل ماب الموجود في جميع الهواتف الذكية مع العلم ان خرائط قوقل ماب تحدث بشكل مستمر ومن تجربة شخصية في تركيا و إندونيسيا وفي عز زحمة جاكرتا خدمتني بشكل رائع الشرط الوحيد هو أن يكون لديك اتصال بالنت والمتوفر بشرائح البيانات.


بصراحة ليست لدي خبرة في استخدام القارمن ولكن البديل موجود وأحدث وأيضًا يظهر الحركة المرورية.
وموبايلي توفر شريحة مفتوحة أوروبية 250 ريال لمدة شهر حسب ما قراءة عن طريق النت .


أرجو المشاركة في الموضوع.

اخوي بالنسبه لقوقل ماب اعتقد صحيح كلامك ولكن اعتقد انك لازم تدخل اسماء الاماكن الي تبي تزورها باللغه الالمانية او النمساويه وليس الانقليزيه حسب مافهمت من احد الاخوه .. اتمنى اذا كلامي خاطء احد يصحح لي .. بالنسبه للقارمن اشوف انه افضل عمالقة منتدانا ماقصرو ولابخلو علينا بشيء وصار السفر سهل وبسيط والفضل يعود لله سبحانه وتعالى ثم لهم .. امثال خالد الشمري ورجل شرقي واخص اخوي رجل شرقيه واحداثياته لاوروبا 2015 ممكن انك تحملها بالقارمن وتكتب الي تبي بالعربي وهو يوجهك القارمن ... وبعد برنامج سايجيك حمله بالجوال ونزل احداثيات السايجيك واكنب الي تبيه بالعربي وهو يوجهك له ... والامر عائد لك اخي الكريم

قوقل ماب او اي برنامج ملاحة في جوالك مثل سايجك

كافي 100% وافضل حتى من القارمن

لكن خلاص واحد اشترى قارمن ونزل عنه موضوع الناس كلها اشترت مثله

مثل واحد راح زيلامسي ونزل تقرير صارت الناس كلها زيلامسي

ــــــــ

انا سافرت كثير من دول اوروبا ورحت كل مكان اماكن سياحية فنادق مطارات وكلها استخدم تطبيق سايجك وبالعكس فيه ميزات كبيرة جداً مثل البحث عن كل الاماكن بجانبك ساواءاً فنادق او مطاعم او اماكن سياحية .

وقوقل ماب اعرف واحد اول مرة يسافر اوروبا واستخمه اغناه عن كل شيء

يعني بإختصار شراء القارمن مجرد زيادة تكاليف وزيادة حموله

طيب ياغالي بالنسبه للسايجيك انا اشوف ممتاز بس مايدعم اللغه العربيه وفيه ناس ممكن ما تعرف انقليزي وبعد يعيب السايجيك صرف البطاريه

يدعم اللغة العربية

ادخل اعدادات وبعدها اختيار اللغة واختار اللغة العربية

وبالنسبة للبطارية كلنا معنا شاحن سيارة ومادام معك شاحن سيارة مافي مشكلة

معك باللغه لكن لمن تخش مثلا على الاماكن السايحيه تلاقيها بالانقليزيه

ممكن اذا دخلت الاحداثيات ووضعت الموقع بالمقضلة ممكن تسميه باللغة العربية ويبقى عندك بالعربي .

يعني مثلا انا احداثي شلالات كريمل دخلتها وجاني الموقع وعند وضعه بالمفضله كتبته بالعربي هو وكثير من المواقع السياحية حتى الفنادق كاتبها بالعربي مع اني اعرف انقليزي لكن اسهل لي في البحث .

لاتعتمد عن خرائط قوقل لأنك ممكن تروح مكان مافي تغطية انترنت وتتعطل

نزل برنامج مجانا ويغنيك انا عني في جميع سفراتي اعتمد على i go


وبتشوف له موضوع انا منزله

من وجهة نظري اخذ لك قارمن وحط معه احداثيات رجل شرقي و ريح بالك مهما كان ومهما حصل لن تجد افضل من القارمن


وجهة نظري انك تخلي القوقل ماب مساعد ثاني لك بالرحلة بحيث انك تستخدمه لمعرفة مكان الفنادق فقط


والله اعلم