وانتي طيبة يالغلا

اللي لابس اصفر يسوفي فديت قلبه

سبحان الله مع تكراري للكلام واقول لهم هذا اجر والله بيدخلنا الجنة

مدري حسيت بعد كم يوم اكلمهم في نفس الموضوع

صار عندهم عادي

خذوا مناعه خلاص :


وعليكم السلام اختي الغالية

وانتي ايضا بالف خير يالغلا

صدقيني القصاب سلخ الراس في دقايق وبسرعه وبسهوله

الطريقة بالسكين

عادي مدري هذا المفروض الذباح اللي جا عندكم هو يسوي لكم الراس

والله طريقتكم صج صعبه

يشوط الراس : وسالفتكم سالفة

بالنسبة اذا ناكله او نرميه انا طبعا ما اكله ولا اعرف شلون يطبخونه

بو عبدالله يعطيه حق ناس

تسلمين على مرورك العذب

أختي ام العبادلة

تقبل الله طاعتكم وعيدكم مبارك ، وكل عام وانتم بخير

الصور تصلح لفيلم رعب ( جريمة في العيد )

الله يعطيكم العافية على هذه التغطية الرائعة لاضحية العيد ...

كنت أشاهد موضوعكم وابني عبدالرحمن في حضني ، ويقولي يبة صكر الموضوع ما أبغى اشوفه ، فما بال عيالكم الله يعيينهم على ما شافوه ، سائلا الله عز وجل أن يطرح فيهم البركة

ماشاء الله تبارك الرحمن...

موضوع مرره حلو .. بس القهر انا ماكنت عند زوجي وهو يضحى :105: كنت مسافره

بس والله ارحمهم هالخرفان ....

اقول لامي مساكين الخرفان وووو قالت احمدي ربك هذي رحمه ربي والا كان المفروض انتو

بدال الخرفان ....تقصد قصه سيدنا ابراهيم عليه السلام ....

ههههههههههههههههههههههههه

العيال مساكين شكلهم متنحين .... وكثير ترا اذا شافو الخروف يذبح ماياكلونه اذا طبخوه اهلهم ...

انتي كذا صار مع عيالك والا عادي ؟؟؟

هلا وغلا اختي المتأملة

تسلمين حبيبتي على مرورك العذب وكلامك الطيب

والعيال ما شاء الله عليهم كلوا من اللحم واضربوا بالخمس عليهم بالعافية :

الا يوسف هو طبيعته كذا عيش العزايم والعيد ما ياكل مب عشان اللي شافه

هلا والله يالغلا

تسلمين حبيبتي على مرورك العطر

ايه والله الحمد لله انو المرجيحه موجودة جان توهقنا :

اشكر حضورك الطيب وتعليقك الجميل

وحياك الله

أم العبادلة

شو هالموضوع الجميل ،، بس الصدمات واضحة على العبادلة الله يخليهم لكم ،،،، ونشكر لكم هالنقل الرائع لهذه الشعيرة


========

يسلام عليكم يام العبادله وعلى ضحيتكم
وربي يخليلك عيالك يارب ويحرسهم من كل سؤ
بس ليتني عارفه انك بتحطين هالموضوع
كان صورت الأضاحي الي عندنا
حنا ماشالله عليهم خوالي من وصلو من مسجد العيد
حتى قهوه مشربوها بس بدلو ملابسهم وعلى طول راحو للأضاحي
وهات يذبح بس خلصو بدري لأنهم ماشالله قسموها بينهم وبين عيالهم
كل يذبح بجهته الصغار كلهم راحو يتفرجون بس حنا لا والله اولاًبرد موت
ثانياً كله الا شوفة هالمناظر بس جد لو ادري انك بتسوين هالموضوع كنت وصيت واحد
من الشباب يصور وانا بدوري انقله لكم بس ان شاءالله ان الله احيانا السنه الجايه اوعدكم ...

ما شاء الله أم العبادلة
هل عادتكم تذبحون كل عيد في بيتكم ؟
كل عام وأنتم بخير
عندما كنت صغيرة كنت أشوف الذبيحة وخالي ووالدي جزارين العائلة وعادي جداً اشوفها لو خروف أو جمل وأشوف رجال كثير يجتمعون عليه واسمع صوته الحزين ..
لكن الآن لا أحتمل أن أراها !!!
إن شاء يكبر العبادلة ويصيرون رجال يساعدون والدهم وتفرحون بهم إن شاء الله


وأحب أجيب أيضا على نور

اقتباس:المشاركة الأصلية كتبت بواسطة nour0726

ما فهمت الراس كيف حتى صار هيك؟ يعني كيف نزعتولو الجلد احسها طريقة سهلة و سريعة ، و هذا ترموه و لا تطبخوه؟؟؟:114:

لانو احنا نحطوه فوق النار حتى يتشوط و يطير منو كل الشعر، و هادي طريقة صعبة جدا و تاخد الوقت .
إحنا أيضا عندنا مثل هذه العادة وأحيانا نسلخ الرأس مثل أم العبادلة ( حسب الطبخة ).
ولو تحبي تتعلمي على طريقة طبخ الرأس ... إسأليني .. فنانة رؤوس ..خخخخخخ
أسويه مندي على أصوله الكل يتجمع عندي يوم الراس ......خخخخخ
وبالهنا والعافية عليكم

ما شاء اختي ام العبادله ، نزلتي الموضوع من بدري ، وللتو جاي من النعيرية وجايب لك صور للمرحوم الهرفي اللي راح فيها .. مش طبيعيه .

وللاسف الضحايا لم نصورهم ، ولو خبرتينا من قبل كان جاهزنا الكاميره ،، وخاصة يوم الثوب امتلا كله دم ..!!

ان شاء الله احاول انزل صور المرحوم تبع النعيرية ..!! ذبح وصلخ .