رد: افضل مكان زرته مدينه،معلم،مكان سياحي،رحله......
وعليكم السلام ورحمة الله وبركاته
حياك الله ابومحمد ويشرفني المشاركه في موضوعك ولو انك بديت بنفسك أفضل
المهم
بكتب لكم عن أفضل رحله سافرت فيها
كنت في السوق مع الاهل نشتري بعض اللوازم وكان صباح يوم الثلاثاء
واثناء وجودي في المعرض اتصل صاحبي وقال بكره انا مستأذن من الدوام واجازة عيد الاضحى بتبدأ
والصراحه ابيك معاي نسافر والليله ومالك عذر
طبعا انا تفاجأت من الموضوع لاننا نتقابل وما جبنا سيرة سفر
قلت اصبر ونتقابل ونشوف الموضوع وكذا
قال ابد ولا تفكر ولا تكثر
طبعا خلصنا من السوق على آذان الظهر وانا متلخبط
وديت الاهل للبيت ورحت مع عمي أشتري الضحايا حقت العيد ونزلناها الملحق على الساعه 2
دق ابوناصر وقال خلصت أمر عليك قلت اصبر توني جاي من سوق الغنم
قال خذ لك دش وانزل لي بجيك بعد ربع ساعه
قلت واللي يرحم والديك اصبر بعد صلاة العصر وتعال
فعلا اخذت شور وكذا
وام متعب جهزت لي الشنطه ومدري وش حطت وش خلت
وبعدين رحت للصراف وسحبت لي مبلغ واعطيتها ومريت على الشيبان الله يرحمهم وسلمت عليهم
والكل متفاجا من السفر بهالطريقه ههههههههههههه
كلمت اخوي قلت خلنا نروح ابي اشتري لي جزمه الله يعزكم ودق خويي وقلت انا بالمحل الفلاني وجاني على طول
المهم ان الساعه الحين صارت 4.30 عصرا
ركبت مع ابوناصر الله يوفقه واتجهنا على الجسر طالعين على مطار البحرين
وجالسين في السياره نتكلم عن اتجاهنا وسفرتنا
الى اي اتجاه
المغرب
تركيا
دبي
لبنان
سوريا
مصر
وكم المده اللي اتفقنا انها اسبوع
والله اننا رحنا للمطار وماعندنا اي حجز
وجلسنا عند موظف طيران الخليج
وقلنا نبي نسافر الحين والعوده بعد اسبوع
وعطيناه الاختيارات
طالع فينا وقال سلامات وشفيكم
عاد مالقينا حجز مؤكد ذهاب وعوده الا سوريا
وللاسف كانت الرحله صباح الاربعاء
طبعا الحين كنا بعد المغرب قرب العشاء
حجزنا وقطعنا التذاكر
رجعنا للمنامه حلقنا وتعشينا ورحنا للفندق اللي دايم نسهر فيه
واستأجرنا غرفه وعلى طول نمنا
وقمنا صباح الاربعاء وفطرنا بالفندق وعلى المطار وطرنا لدمشق واستقبلنا احد الاصحاب وقعدنا بسوريا ليلتين وعلى بيروت
وقضينا فيها 4ليال وكانت من اجمل السفرات لي توفقنا بسواق تاكسي ما خلى بنا مكان
ورجعنا لسوريا و منها على البحرين
وسلامتكم تحيه لبوناصر
