راح اتكلم عن المطار في رحله الوصول و العوده
مطار الكويت الدولي ( القاعه الداخليه ) -- مطار صغير وسهل الحركه فيه مجموعه من المطاعم
الغريب ان القادمين و المغادرين في نفس المكان ..
لونج اللؤلؤه هو المخصص لمعظم شركات الطيران تلاقيه فجاء تصير الزحمه ماعجبني الاكل فيه و المشروبات كانت معلبه والي ماسك المطعم فندق كروان بلازا
في مصلى ومكان صغير للاطفال .
مطار الكويت صاله القادمين والمكان بالتحديد عن استقبال المسافرين
كنت انبسط لما اشوف الناس تستقبل اهاليها بالورود و الاحضان وصادف بيوم مغادرتي وصول
الممثل ولد الديره كنت رايح اسلم السياره .. كان شي عجيب ماشفت بدول الخليج مثل هذه المواقف الجميله
مغادرتي للكويت كان الساعه 11 باليل الطائره من طراز بوينج 787 دريم لاينر
الطائره فل مافيها مقعد فاضي واغلب المسافرين كويتيين
منهم لشرق اسيا و الماديف و البعض المغرب واميركا
جلس بجانبي شخص باكستاني في الاربعين من العمر كان مرتب وكاشخ .. فاسألني عن مطار حمد اذا يقدر يلحق على طيارته فطمتنه ان جدامه حوالي الساعتين لرحله بيشاور وبعدها فتحت معاه الحديث
الرجل يقول ان راح يرجع وطنه بعد غربه عشر سنين متواصله في الكويت بدون رجعه و بعد هذه المده راح يرجع للاستقرار و التفكير مره اخرى وكان يعمل في البناء .. و الشي المفاجئ ان هو
ترك ابنه وعمره سنه واحده و الان راح يرجع له بعد ما صار عمره 11 سنه .... يالله هذا جهاد من نوع آخر
رحله الكويت - الدوحه تستغرق الساعه
وارح اكمل معاكم في الفندق و مشاويري في الكويت
