رد: *•.¸¸.•دعوة الى الإسترخاء مع رحلتي الى الريف الألماني والنمساوي 2015❀`*•.¸¸.• بدون ردود
صباح اليوم الاول لنا في الفندق صحينا صلينا وشربنا قهوتنا ونزلنا نتمشى حول الفندق واخدت لكم هادي الصور قبل مايجو زبائن الفندق اللي اغلبهم من لاعبي القولف
رد: *•.¸¸.•دعوة الى الإسترخاء مع رحلتي الى الريف الألماني والنمساوي 2015❀`*•.¸¸.• بدون ردود
صباح اليوم الأخير لنا في الفندق فطرنا واتعرفت على صديقة جميلة اسمها ليلى ياناسوووو عليها تجنن اشغلتني ماعرفت اكمل فطوري كل شوية اروح لها وهي فرحانة تبغاني اشيلها بس انتو عارفين الحكم الشرعي بالنسبة للكلاب مع انه حصل لي موقف مع الكلاب في احد دول شرق اسيا راح اذكره في تقريري القادم ان شاء الله يخليني احرم اقرب منها لكن ايش اعمل اعشق الحيوانات الأليفة
بعد الفطور طلعنا غرفتنا ونمنا شوية وجهزنا قهوتنا وشنطنا ونزلنا على الرسيبشن عملنا تشيك اوت واعطينهم هدية متواضعة تمر مغلف من تمور المدينة المنورة وكل ماتعرفنا على احد او رحنا فندق اعطيناهم هو لفتة حلوة وماتكلف شي وهما كمان اعطوني هدية بسيطة وودعونا بكل حفاوة وترحيب مثل ماستقبلونا
وقلنا لهم انتظرونا في الشتاء راح نزوركم لمن يسير الجو عندكم زي كدا
وفي هادا اليوم كان عندهم نشاط شكله فيه مبارة قولف ومسابقة صور كان الفندق مليان من الناس كان نفسي اجلس اتفرج بس ماكان فيه وقت لابد من الرحيل