ماشاء الله تبارك الله

يعل فيه الف عافية وماشاء الله اختيارات المطاعم مميزة دائما

دانةنجد

إنتي من ميّزتي الموضوع بمرورج المعطّر

مشكورة عالمشاركة و تواصلج الجميل





فوفو

يا هلا فيج أختي الغالية فوفو

سجلي المطعم عندج ،، يمكن تكون زيارتج للكويت قريبه و تجربين المطعم

و ألف شكر على مرورج المنوّر

:106:



Kabayan

إبشر بالخير أخوي كابيان ،، كل ما اكتب عن مكان يديد بحاول أوصفه بوصف أدق !!

و أخوي بو باسل هالمرة ( مثل كل مرة ) ما قصّر بالتوضيح

يعني إنت بتجرب مطعم انا ما جربته عشان تشوفني و انا اصور فيه !!



ما شاء الله رحلاتك للكويت وايد و مع هذا ما شفنا منك تقرير لزيارتك لشي بالكويت عالأقل

و الا ما تتعامل الا مع التقارير الكبيرة ؟!

حياك الله أخوي بأي وقت ،، تزيدها نور و أنوار

و ما قصرت على مشاركتك الأكثر من رائعة





Luwaylu

صح اللازانيا كانت لذيذة ، بس أحس إنها إتعب و إتملل بالأكل !

اللازانيا كان طبقنا الجانبي ،، يعني طبق للكل

عشان جذي حسيتها لذيذه ،، بس أتوقع لو باكلها بروحي بغير رايي عليها !

و ديكور المطعم صح جنه بالبيت و ليش بعد المطعم تقريبا صغير تحسين قعدات المطعم و المطبخ بمكان واحد !!

مع إني مو انا اللي دفعت ،، لكن شفت سعر جم طبق بالمنيو و كانت الأسعار معقولة ! مو غالي يعني

:114:



الباب العالي

لا الإيطاليين ما يعرفون الأتيكيت كلش ،،

بس إحنا شعلينا منهم مدام أكلهم لذيذ و سهل نوصلّه

:

مشرّف الموضوع بمرورك و الله يعطيك العافية



الرحال

يمكن الله يهديني و أرأف بحالكم شوي و أنزل لكم موضوع عن مطعم بسعرات حرارية قليلة

شكرا لمشاركتك أخوي الرحال





بين الحروف

شاكرة لج الإطراء الجميل أختي الغالية

و شاكرة لج تواصلج و متابعتج لمواضيعي





Kohchang

حياك الله أخوي بو فيصل

شكرا على كلماتك الطيبة و الله يعافيك و يوفقك دوم





ناصر كويتي

أمس يابانية و اليوم إيطالية و باجر هندية و بعدها صينية و يمكن أمريكية ،، جذي ترضى علينا كل الأذواق

مشكور على توضيحك لمكان المطعم و على مشاركتك الحلوة بالضبط مثل ما تعودنا من مشاركاتك

و الله يعافيك ..





Garmin

تعودت أشوف مشاركتك يا الأولى أو الثانية ، ما شاء الله عليك

لكن هالمرة شكلها " إستراحة محارب "



منور الموضوع مراقبنا بو عبد العزيز ،، و الله يعافيك

اووووووووكي .. وشكرآ عالتوضيح زعطوطتنا .. صايره أدش المنتدى عشان مواضيعج على وجه الخصووووص..